TBP Balochi

بلوچستان ءِ واپاری شھر ھب، ھاران ءُ تربت ءَ پاکستانی پوج ءِ زورانسری بیگواھیانی ھلاپ ءَ زھرشانی برجاہ انت، ھمے وڑ ھب ءَ بھوانی ءِ ھند ءَ کراچی، شال ءُ مکران ءِ بنجاھی شھدگ بند انتاے

اھوالانی رد ءَ مروچی ھب لسبیلہ پریس کلب ءِ دیم ءَ بیگواھیں جنید ھمید ءُ یاسر ھمید ءِ کھول ءِ ھمراھی ءَ چاکر بگٹی ءِ کھولانی نیمگ ءَ آیانی سلامتی ءَ یل کنگ ءِ ھاتر ءَ سَے روچی شدھرتالے بنجلے برجم کنگ بیتگ – ھمے وھد ءَ انتزامیہ ءَ کھول اے زھرشانی ءِ دارگ ءِ جھد کتگ بلے بے سوب بیتگ-

زورانسری بیگواھیں جنید ء عبدالحمید ءِ گوھار ءِ گوش انت کہ ھشت اکتوبر دوھزار ءُ بیست ءُ چار ءِ شپ ءِ ساھت دَہ بج ءِ نزیک ءَ ھب بھوانی شاہ پمپ ءِ نزیک ءَ منی مستریں برات جنید ھمید ءُ عبدالحمید سَے گاڑیاں ھواریں یک درزنے ءِ کچ ءَ سلاہ بندیں مردماں توپک ءِ زور ءَ آوار جتگ ءُ گون وت برتگ اَنت-

آئی ءَ گوشتگ بیست ءُ ھشت سالی ئیں منی برات جنید ء عبدالحمید ھمے شھر ھب ءَ یک کمپنی OTsula پاکستانی لمیٹڈ ءِ ملازمے ءُ سرجمیں مردم زان انت-

زانگ بہ بیت جنید ھمید ءِ برات یاسر ھمید یازدہ اکتوبر دوھزار ءُ بیست ءُ چار ءِ شپ ءَ کلات ءَ ھما وھد ءَ آوار جنگ بیتگ آ وتی سیادے یک گسے ءَ جھمنند بیتگ – یاسر ھمید ایشی ءَ پیش زورانسری بیگواھی ءِ آماچ بیتگ کہ آئی ءِ کھول ءَ یل کنگ ءِ لوٹ کتگ بیتگ-

ھمے وڑ ھب ءِ شھر ءَ بھوانی ءِ ھند ءَ یک سالے ءَ پیش پاکستانی پوج ءِ دست ءَ زورانسری بیگواھی ءِ آماچیں اسرار بلوچ ءِ کھول ءَ کراچی، شال ءُ مکران ءِ شھدگ ءِ سر ءَ ٹائر مانداشتگ ءُ ٹریفک ءِ واستا بند کنگ بیتگ ءُ اسرار بلوچ ءِ یل کنگ ءِ لوٹ اش کتگ – زھرشانی ءِ سبب ءَ ٹریفک ءِ روانی مھتل انت ءُ انتزامیہ کھول ءِ گون ءَ گپ ءُ تران ءَ بے سوب بیتگ-

دومی نیمگ ءَ چہ ھاران ءَ زورانسری بیگواھیں بلاول بلوچ ءُ عاصم بلوچ ءِ کھول ءَ ھاران ریڈ زون ءَ زھرشانی برجاہ انت-

بلاول ءِ مات ءَ دزبندی کتگ کہ اگاں منی زھگ ءَ جرمے کتگ گڑا ریاستی ادارہ آئی ءَ آمیدگس ءَ پیش کنگ بہ بیت اِنت-

ھمے وڑ کیچ ءِ بنجاھی شھر تربت آپسر کولوائی ءِ بازار ءِ جھمنندیں فدا ولی داد ءِ یل کنگ ءَ شھید فدا چوک ءَ مروچی دومی روچ ءَ ھم برجاہ انت-

زھرشانی ءَ دگہ ھشت بیگواھیں مردمانی کھول زھرشانی ءَ ھوار بیتگ انت ءُ وتی مردمانی یل کنگ ءِ لوٹ ءَ کنگ ءَ انت-

بلوچستان ءِ دمگ کچی ءِ ھند کولپور ءِ بُنجاھی شھدگ ءِ سر ءَ سلاہ بندیں مردماں بازیں کلاکاں چہ راہ بستگ، لیویز فورس ءِ سلاہ دستیگ کتگ ءُ سمینٹ شرکت ءِ مشینری مانداشتگ اَنت-

ھالانی رِد ءَ مروچی شپ ءِ وھد ءَ سلاہ بندیں مردمانی مزنیں کچے ءَ کولپور ءِ دمگ بُنجاھی شھدگ سر بستگ ءُ گاڑیانی پٹ ءُ پول کتگ اَنت-

ھمے میان ءَ سلاہ بندیں مردماں لیویز چوکی دستیگ کتگ ءُ کارمندانی سلاہ ءُ پرپٹ زرتگ ءُ پد ءَ چوکی مانداشتگ وھدے کہ یک سیمنٹ شرکتے ءِ سرجمیں مشینری مانداشتگ اَنت-

دمگی اِھوالکار رِد ءَ سلاہ بندیں مردماں دو کلاکاں چہ گیش راہ بستگ ءُ پد ءَ ناشناسیں نیمگے ءَ شتگ اَنت-

دمگی واکدار ءَ انگت ھچ وڑیں درشان شنگ نہ کتگ-

زانگ بہ بیت چارشمبے ءِ روچ ءَ سلاہ بندیں مردمانی مزنیں کچے ءَ ھُزدار ءِ شھر زھری ءَ دہ کلاکاں چہ گیش وتی دست ءَ کتگ ءُ ھمے میان ءَ سرکاری کارگس ءَ ھوار پولیس تھانہ ءَ دستیگ کنگ ءَ پد مانداشتگ-

بلوچ لبریشن آرمی ءَ زھری شھر دستیگ کنگ زمہ واری منّ اِتگ-

گل ءِ جارکش جیئند بلوچ ءَ وتی درشان ءِ تہ ءَ گْوشتگ کہ زھری ءَ بی ایل اے ءِ سرجمی ءَ دستیگ، آپریشن ھیروف دومی ءِ بھر ءِ پوجی ھیلکاری بیتگ-

جارکش ءَ گْوشتگ کہ اے آپریشن ءَ بلوچ لبریشن آرمی ءِ دو یونٹس، اسپیشل ٹیکٹیکل آپریشنز اسکواڈ ( ایس ٹی او ایس ) ءُ فتح اسکواڈ ءَ بھر زرتگ – اے پیشگامی آیاں بی ایل اے ءِ انٹیلیجنس ونگ “زراب” ءِ سرجمی ءَ کُمک گون بیتگ-

زانگ بہ بیت اشی ءَ ساری بلوچ لبریشن آرمی ءِ مجید برگیڈ ءِ یک اُرشے ءَ پاکستان پوج ءِ کاروان ءَ ھوار کارمندانی بروکیں یک بسے تربت ءَ فدائی اُرش ءِ نشانگ کتگ اَنت-

ودار ءِ ￵گِرانیں ساھت

نبشتہ کار: مھُسن دیدگ

دی بلوچستان پوسٹ

زندگی ابیتکیں میتگے ءِ ￵ھزار واھشتاں گوں سبز ءُ ￶آباد بیت نہ گندئے دھر ءِ مَلپداں اد ءَ ￴دُوبر وپا بکن من ءَ ھمے گُماں بیت کہ یک اَنچیں دورے کیت بنی آدم پہ ترمپ ءِ ￵آپ ءَ ￴ھم تلوساں مئے بد بھتی ھمیش اِنت کہ ما یک نہ باں اے دگُنیا ماریں چنچُو وار ءُ ￶بزگیں سر گار ءُ ￶بیگواہ کنگ بیتگ اَنت بلے کَس ایشینءَ نہ پھم اِیت من ھمے گُشاں بلوچ ءِ ￵درد یک نہ اُشکنیں دردے بلے مارا ￴ھما وھد ءَ ￴گِرانیں ساھت یل کنیں ءُ ￶رو ایں ما یک بہ بیں کہ وتی دھرے مساپران گُوں ھم نید بہ بیں گُڑا ما بلوچ گُشگ باں نام ءُ ￶ توار بہ بَہ اِیں انگت ءَ ￴ما ھچ نہ پھم اِتگ ءُ ￶ھچ نہ دیستگ چم ءِ ￵وت بلے ماتانی ھو زار پداں پیری ءِ ￵اَسا گْوھارانی سالونکیں برات ءُ ￶کسانیں زھگانی پت ءُ ￶نُوک سُوریں بانُور جُنوزام ھمے پیم ءَ ￴ مئے گُوشان کپتگ انت بلے ھچ کُت نہ کُتگ اگاں ما بہ لُوٹیں اے دگُنیا یک ھنچیں نامے ￵پہ بلوچ ءَ ￴ ایر کنیں بلے ما ھجبر ھُور نہ بیں مارا تاوان داتگ ایوکی ءَ ￴بلوچ ءِ ￵نام راج دپتراں اِیر اِنت بلے نُوں آ بلوچ نیست اَنت پہ دگہ ملکی جنک ءِ ￵واستا گُوں سرکار ءَ ￴جنگ ءِ ￵جار جَتگ بلے ھما کُج اَنت؟

بلوچ پْروش نہ وارت پرچا پْروش نہ وارت آ یک مھکمیں راج ءِ ￵کَدی جَلدی نُیزوری ھجبر نہ پھم اِیت من ءَ بلوچ ءِ ￵نبشتہ کُتگیں ھما یاتگار ایر اَنت تو مھرنگ ءِ ￵شکل ءَ ￴بچار یا سمی ءِ ￵شکل ءَ ￴یا شاجی ءِ ￵شکل ءَ ￴یا گُلزار ءِ ￵شکل ءَ ￴بچار بلے ھما نام ایشان پہ وتی راج ءَ ￴ آؤرتگ اَنت بابا ھیربکش مری نام ءُ ￶ شھید بالاچ مری ءُ ￶نواب اکبر ھان بگُٹی ءِ ￵نام پہ دراں ڈیھ ءِ ￵جنک ءِ ￵واستا گُوں پاکستان ءَ ￴جنگ ءِ ￵جار جَتگ گُڑا ما اَنوں بچاراں مھرنگ بلوچ ءِ ￵یک چراگ ءِ ￵آ دائم ھمے جُھد ءَ ￴انت کہ منی راج ھچ نیزوری مہ پھم اِت بلوچ ءِ ￵ھما جُھد کار وتی دُود ءُ ￶ربیدگ ءَ بلوچستان ءِ ￵ڈُونک ءُ ￶ڈَل گُشاں کہ ما نُوں آجُوئی ءِ ￵جار جَتگ۔بلے آھاں وتی راج ءِ ￵درد مارتگ ءُ ￶پد ءَ پہ وار ءُ ￶بزگی جُھد کنگ ءَ اَنت ھمے گِرانیں ساھت یاتگار اَنت پہ بلوچ راج ءَ ￴من پھر بنداں پہ وتی شیرزالیں سراں دائم ھست ءُ ھیات اَنت پہ وتی مادریں ھنکیں ءَ پہ شھیدیں براتاں ھماھاں من راج دُوست گُشاں ۔ بلوچ کَدی وت ءَ ￴ نزُور نہ پھم اِیت پرچا کہ یک مھکمیں راج ءِ ￵واھُند اِنت آ راجانی لَڑ ھَوار اِنت کہ دگنیا پہ جَنگ ءُ ￶پہ دلیری وتی ھک گپتگ من گُشاں اگاں بلوچ ءِ ￵مھکمیں راج ءِ ￵گُڑا وتی مات ءُ ￶گْوھارانی جُھد ءِ ￵برورد اِنت کہ پہ شاں گُشاں ما بلوچ اَیں ما تئی گُلام نہ اَیں تو مئے دُرست پشت ءَ ￴کَشتگ اَنت بلے یک روچے ￵ اَلم تو دست بندئے ءُ ￶پد ءَ گُش ئے بلوچ ءَ ￴کَس دست جَت کُت نہ کنت۔انوں بلوچ ءَ ￴ھزاراں نام پِر بُوگ ءَ  اِنت گُڑا ھمے کاسگ ءُ ￶پہ دُو کلدار ءَ کہ وتی مات ءُ ￶گْوھاراں دگانی سر ءَ ￴یل کناں ھمود ءَ ￴رواں بلکن واجہ سَد کَلدار زَر دنت اے دیدگیں وتن مار ءَ ￴چُو ساھ دُوست بیت تو گُوں وتی شَگال اَنت بیا پاد مال بکن بُرو ما ھچ مگش اَیں اے وڑ بُوت نہ کنت ما مدام پھر بندیں کہ ما ھر وھد ءَ ￴ھمے وڑ ءَ ￴مھکمیں ءُ ￶اتاں مھکیم بیں اے گِرانیں ساھت پہ ما یک تاریکی سَوگات ءِ ￵کہ بلوچ راج ءَ وتی لَج ءِ ￵ھاترا وتی وتن ھاتر ءَ وتی گار ءُ ￶بیگواھیں براتانی ھاتر ءَ جَنگ ءِ ￵جَار جَتگ گُڑا پہ بلوچ ءَ یک رژنائیں چراگے ￵ رُوک بیت۔

بلوچستان ءَ کُشت ءُ کوش وئیل ءِ دْرچ یکشل ءَ برجاہ باپاری شھر ھب چوکی سٹی تھانہ ءِ بُنجاھی دروزگ دپ ءَ ایر کتگیں بمب تُرندی ءَ چہ ترکّ اِتگ، چریشی ءِ توار دیر دیر ءَ تاں اش کنگ بیتگ-

تراک ءَ پد پوج ءُ پولیس ءَ دمگ انگیر ءَ کتگ- بلے تنی وھدے ھچ وڑیں جانی تاوان ھال سر نہ بیتگ-

دومی نیمگ ءَ ھاران جنگل دگ سر ءَ صوبائی وزیر ھزانو ءُ مڈیانی ایم پی اے شعیب نوشیروانی ءِ لوگ سر ءَ ناشناسیں مردماں دستی بم بے چگل داتگ ءُ تتکگ اَنت-

وئیل ءَ ھم ھچ وڑیں جانی تاوان ھال دز نہ کپتگ-

ھمے وڑ بلوچستان ءِ دمگ مستونگ ءَ میجر چوک سر ءَ ناشناسیں سلاہ بندیں پرپٹ سواریں مردمانی تیرگواری ءَ چہ یک مردمے بیران بیتگ-

اُرش سبزی بھاکنوکیں ریڈی والوے ءِ سر ءَ کنگ بیتگ، چریشی ءِ آسر ءَ اختر محمد ء رستم جھمنند قلعہ عبداللہ سک ٹپی بیتگ-

ٹپی ئیں مردم زوت شھید نواب غوث بخش میموریل نادُراھجاہ ءَ مستونگ ءَ برگ بیتگ بلے آئی ءَ ٹپّانی درد نہ سگ اِتگ ءُ بیران بیتگ-

پولیس ءَ وئیل پٹ ءُ پول بندات کتگ ءُ اُرشکارانی دزگیری ءِ واستا آپریشن بندات کتگ-

بلوچستان ءِ دمگ چہ گوادر ، ھُزدار ءُ ھاران ءَ پاکستانی پوج ءَ شش مردم آوار جنگ ءَ پد ناشناسیں جاھے ءَ برتگ اَنت-

گیشیں ھالانی رِد ءَ ھُزدار ءِ دمگ زھری ءَ چہ مروچی پاکستانی پوج ءَ بیڑبرگ میان ءَ سے دکاندار آوار جتگ اَنت آئی ءِ دست ءَ اِنت-

وئیل ھلاپ ءَ انجمن تاجران ءِ نندانک تھانہ دیم ءَ برجاہ ءَ اِنت-

ھمے وڑ زی مگرب وھد ءَ پاکستانی پوج ءَ ھاران کلی سراوان ءَ دو ورنا عاصم قمبرانی ء محمد یعقوب قمبرانی ءُ بلاول قمبرانی ء محمد اقبال آوار جتگ ءُ ناشناسیں جاھے ءَ برتگ – آیانی درگت ءَ گْوشگ بیگ ءَ اِنت کہ دوئین ھاران دمگ سراوان ءِ جھمنند اَنت-

اشی ءَ اَبید ھم اے گوشگ بیگ ءَ اِنت کہ دوئیں ورنا سیزدہ ءُ چاردہ ءِ اُمر ئیگ اَنت- اے وھد ءَ دوئیں ورنا شال ءَ وانگ ءَ اَنت ءُ زانشتی ادارھانی موکلانی درگت ءَ وتی دمگ ءَ اتکگ بیتگ- گوشگ بیگ ءَ اِنت کہ زی بیگاہ ءِ وھد ءَ دوئیں بچک شھر ءَ چہ وتی کلی سراوان ءِ نیمگ ءَ روگ ءَ بیتگ اَنت کہ پاکستانی پوج ءُ چیریں ادارھانی کارندھاں آوار جتگ ءُ بیگواہ کتگ اَنت-

ھمے وڑ گوستگیں روچ ءَ تیاب دپی شھر چہ گوادر ءَ کُلانچی میتگ ءَ پاکستانی پوج ءُ چیریں ادارھانی کارمنداں یک مردمے آوار جتگ ءُ بیگواہ کتگ-

آوار جنگ ءُ بیگواہ کنگ بیتگیں مردم ءِ پجّار حفیظ ء حاجی روزیگ جھمنند دشت ھسادیگ نام ءَ چہ بیتگ-

زانگ بہ بیت کہ حفیظ ء مستریں برات ستار دو ماہ ءَ پیش پاکستانی پوج ءَ چہ گوادر ءَ آوار جتگ کہ انگت بیگواہ ءَ اِنت-

کیچ ءِ بُنجاھی شھر تربت آپسر کولوائی بازار ءِ جھمنند فدا ولی نُھ جنوری ءِ شپ ءَ پاکستانی پوج ءَ چہ لوگ ءَ بیڑبرتگ آوار جتگ ءُ بیگواہ کتگ آئی ءِ زورانسری آوار جنی ءِ ھلاپ ءَ کھول ءِ نندانک شھید فدا چوک ءَ برجاہ ءَ اِنت-

کھول ءِ گوشگ اِنت کہ فدا ولی داد یک پوریارگرے، آ دبئی ءَ بازیں وھدے ءَ پوریاگرے ءَ پد سے ماہ واستا موکلاں وتی لوگ ءَ اتکگ بیتگ اد ءَ ھم آ درزرورتیں پُرکاری یا سیاست ءَ ھوار نہ بیتگ نانکہ چہ لوگ ءَ درتکگ بے مکسدیں تر ءُ تاب کتگ- آ یک مھنتی ءُ وتی کار ءَ چہ کار داروکیں ورنایے بیتگ-

آئی ءَ گْوشتگ کہ اگاں فدا ولی داد کانود ءِ نگاھاں مجرم اِنت یا پوج ءَ اشی ءِ درگت ءَ چُشیں سرپدی یے ھست کہ کانود ھلاپ ءَ اِنت گُڑا مئے لوٹ اِنت کہ اے وڑیں درکانودی زورانسری آوار جنی ءَ جاہ آئی ءَ آمیدگس ءَ پیش بہ کن اَنت ءُ جرم گوشگ بہ بیت دانکہ کانود ءُ جرمکار پدر بہ بیت کانودی ھساب ءَ سزا دیگ بہ بیت-

آئی ءِ کھول ءَ ھوار مزنیں کچے ءَ زالبول شھید فدا چوک سر ءَ نندانک داتگ ءُ ناراہ جتگ کہ فدا ولی داد ءِ یل کنائینگ لوٹ کتگ-

بلوچ لبریشن آرمی ءِ جارکش جیئند بلوچ ءَ رسانکدراں سرجمیں درشان ءِ شنگ کنان ءَ گوشتگ سرمچاراں چار شمبے ءِ روچ ءَ دَہ اداراں گیش ھزدار ءِ دمگ زھری سرجم ءَ کنٹرول کتگ ءُ زورگریں پوج ءِ رِٹ ھلاس کتگ- دَہ اداراں پد دراھیں سرمچار سلامتی واتر وتی مھکمیں بنجلاں شتگ انت- اے آپریشن ءَ بلوچ لبریشن آرمی ءِ دو یونٹس، اسپیشل ٹیکٹیکل آپریشنز اسکواڈ ( ایس ٹی او ایس) ءُ فتح اسکواڈ ءَ بھر زرتگ – اے پیشگامی ءَ آیاں بی ایل اے ءِ انٹیلیجنس ونگ زراب ءِ کمک گون بیتگ-

آئی ءَ گوشتگ بلوچ لبریشن آرمی ءِ سرمچاراں نیمروچ ءِ ساھت 12:30 ءِ نزیک ءَ زھری ءِ شھر ءَ آپریشن بندات کتگ ءُ لیویز تھانہ، بینک ،نادرا آفس ءُ میونسپل کمیٹی ءِ کنٹرول سمبالیتگ-

آئی ءَ گوشتگ ھزدار ءِ شھر ءَ چِل کلو میٹر دور زھری ءِ شھر ءَ سرمچار جتا جتائیں جاھاں مھکمیں سنگر بندی بیتگ ءُ تر ءُ تاب اش کتگ- ءُ ھمے وھد ءَ سرمچاراں مسیتاں جار ڈاھینتگ ءُ مھلوک ءِ مُچی ءِ گون ءَ تران کتگ-

ھمے وھد ءَ سرمچاراں پورسز دستانی چِست کنگ ءَ لاچار کتگ ءُ آیانی گور ءَ چہ 23 کلاشنکوفاں ھوار بازیں کچے ءَ بارود ءُ گولہ، سرکاری ریکارڈ ءُ گاڑی ءُ پرٹ گپتگ انت ءُ گون وت برتگ انت ءُ ماڑی مانداشتگ انت-

جارکش ءَ گوشتگ بی ایل اے ءِ کنٹرول ءِ ھلاس کنگ ءِ واستا شھر ءَ پیشگامی کنوکیں پاکستانی پوج ءِ سِی ءُ پنچ گاڑیانی کاروان ءِ سر ءَ سنگر گپتگیں سرمچاراں زھری کوچو ءِ ھند ءَ ریموٹ کنٹرولڈ آئی ای ڈی اُرش ءِ نشانگ کتگ ءُ پد ءَ وتکاریں سلاھانی گون ءَ نشانگ کتگ کہ چریشی ءِ آسر ءَ یک گاڑی یے تباہ بیتگ ءُ کم چہ کن چار کارندہ مرتگ ءُ ھپت زدگ بیتگ انت-

آئی ءَ گوشتگ بلوچ لبریشن آرمی ءَ بلوچ راج ءِ نیمگ ءَ سرجمیں کمک گون بیتگ ءُ جتا جتائیں جاھاں بلوچ راج ءَ سرمچارانی گچینی وش اتکی کتگ انت – دَہ اداراں اے دستیگی ءِ وھد ءَ مھلوک ءِ جان ءُ ساہ ءُ آیانی ساز ءُ سامانی پھریزگ سدکی کتگ انت ءُ بلوچ راج ءَ ھچ پئیمیں جانی یا مالی تاوان نہ بیتگ انت-

جیئند بلوچ ءَ گوشتگ ھمے وڑ کلات ءِ ھند پندران ءَ سرمچاراں دمگ گپتگ ءُ دامگی کمپنی ءِ دو کارندہ دزگیر کتگ انت ءُ آیانی جست ءُ پرس برجاہ انت-

آئی ءَ گوشتگ بلوچستان ءِ گواچنی ءُ تزویراتی دروشم ءِ گچینی جاہ زھری لھتے ادارانی وھد ءَ سرجمی ءَ کنٹرول کتگ ءُ زورگرین پوج ءِ رٹ ھلاس کنگ بلوچ لبریشن آرمی ءِ تاکت ءُ بنکی زور ءِ امل ءَ تچک کنت انت – اے ھما درچ ءِ تچکیں منانک انت کہ دشمنیں پوج اندر ءَ نیزور انت بس لس شھریانی سر ءَ وتی زور ءَ کارمرد کنت اِنت- وھدیکہ زورگریں پوج ءِ دیم گوں بلوچ لبریشن آرمی ءِ دیم ءَ بیت انت دشمن پروشی ءِ آماچ بیت انت – اے سرجمیں راج ءِ واستا کلوھے کہ اگاں بلوچ راج تاکت ءِ گون ءَ یکجاہ بہ بیت گڑا اے لگوریں دشمن یکیں شپ ءَ مئے سرڈگار ءَ تچ ایت-

گڈسر ءَ گوشگ بیتگ کہ بی ایل اے ءِ اے کنٹرول آپریشن ھیروپ ءِ دومی درچ ءِ چن ءُ لانچانی بھر انت ءُ اے یک ھیلکاری یے بیتگ – بلوچ لبریشن آرمی اے سوبمندیں ھیلکاری ءَ من ایت-

کیتھارینابلوم ءِ گاریں اِزت

گدار(ناول)

ندکار :ھائنرش بول

رجانکار: شاھد اھمد

پنچمی بھر

دی بلوچستان پوسٹ

چہ بلوم ءَ چار روچ ءِ دست گَٹّی ءِ بابت ءَ ھرچی پٹ ءُ پول ئِے کُت، آئی ءَ چُشیں شک ءُ گمان والا گپ در نہ یتکگ اَت، بلے وھدے یکشمبے والا روچ آئی ءِ کارانی جُست اتکگ گڑا چہ اد ءَ لھتے گرانی اتکگ اِت اَنت۔ وھدے کہ چارشمبے ءِ روچ آئی ءِ دست گَٹّی ءِ سیادی اِنت گڑا آ ھمے وڑ اَت! ھمے روچ دو بج ءَ بلورنا ءَ کیتھارینا بلوم ءِ 280 مارک یک ھپتگے ءِ ھساب چہ دو ھپتگانی مُز داتگ اَت ئِے، گوستگیں مُز ءِ دیگ ءِ سبب اِیش اَت کہ آ ھما روچ دو بج ءَ وتی جنین ءِ ھمراھی ءَ اسکینگ ءِ واست ءَ روگ ءَ اَت۔ اے چکر ءَ بلورنا ءُ آئی ءِ جنین ءَ کیتھارینا ءَ چہ کول زُرت اے سوگند گپت کہ آ اے بری لازم موکل بہ گپت ءُ اے ھم کہ کارنول ءِ موہ ءَ آ وتی وھد ءَ سَیل ءُ چکرگ ءَ بہ گوازین اِیت ناں کہ ھر وھد ءَ وڑ ءَ گیشیں کار بہ کنت اَنچوش کہ ھر سال ءَ اَئید ءِ ھمے موہ ءَ بہ کنت۔ بلوم گندگ ءَ دوئیں مرد ءُ جَن ءَ اے ھم گْوشت کہ ھمے بیگاہ ءَ آ یک ناچ ءِ مھپلے ءَ روگ ءَ اَت کہ آئی ءِ مزھبی مات چہ ایلز وولٹرس گند اِیت ھمے واست ءَ آ ایشی ءَ زلور ھوار بہ لوٹ اِیت۔ آئی ءَ را مسزبلورنا ءَ گْوشت” کیٹی۔

تو پگر مہ کن، وھدے ما واتر بیائیں گڑا ما یک پارٹی یے کنیں اود ءَ تم ناچ کُت کن ئے۔“ ھمے پنچ یا شش سالانی میانجی ءَ وھدے آ چہ شھر نیشت، آئی ھمے گِلہ کُت کہ نوں آئی ءَ چُشیں موہ نہ رس اِیت کہ آ دل ءِ مَیل ءَ ناچ بکنت۔ آئی ءَ مسز مسزبلورنا ءَ را گْوشت کہ ناچ ءِ مدام بدنامیں جاگہ اَنت۔ کہ اود ءَ جنسی شُدیک ءِ نودربر بہ اَنت۔ کہ ھمے پگر تہ ءَ اَنت کہ کسے ءَ وتی ھمراھی بہ بَر اَنت، چُشیں بے کاریں جاگہ اَنت کہ آئی ءِ تب ءُ مزاج ءَ نہ لگ اَنت۔ پشت کپت ناچ ءِ جُست، گڑا اود ءَ روگ ءِ ھچ واھگ نست اَت ئِے۔

ھمے سابت کنگ ءَ ھچ مشکل نہ یتک کہ چارشمبے ءِ نیمروچ ءَ کیتھارینا ءَ را دو ساھت مسٹر ءُ مسز ھیپرنز ءِ لوگ ءَ کار ئِے کُت اود ءَ آئی ءَ را مُجتی لوٹگ ءِ کمک ءِ واست ءَ شُتگ اَت۔ پرچا کہ ھما روچ ءَ دوئیں مرد ءُ جن کارنول ءِ موہ ءَ وتی جنک پہ گند ءُ نند ءَ لیمگو روگ ءَ اَت، ھمے واست ءَ کیتھارینا ءَ ھما پیریں جوڑ ءَ را وتی پوکس ویگن ءَ اسٹیشن ءَ رسینت۔

اگر چہ آئی موٹل ءِ اوشتارینگ ءَ پریشان بوت بلے آ زِد کنگ ءَ آئی ءِ سامان چست کُت آئی ءَ پلیٹ پارم داں وش روگی کُت(” زاناں زر ءِ ھاتر ءَ۔“ اوہ انّا، ما آئی ءِ ھما مھربانی ءِ سبب ءَ آئی ءَ را بدل ءَ ھچ چیزے دات نہ کُت۔ ءُ اگاں چُش کنگ ءِ جُھد بہ کُتیں گڑا الم آ دلتپرکہ بوتگ اَت۔“ ھمے گپ دوئیں مرد ءُ جن ءِ یک جُستے ءِ پسّو ءَ داتگ اَت) ھمے سابت بوت کہ ریل پنج ءُ نیم ءَ شُتگ اَت۔ نوں اگاں پنچ ءُ دہ ءَ تک کیتھارینا وتی موٹل ءِ کشگ ءَ چہ مُچانکی ءَ در کنگ ءَ سوبمند بوتگ اَت، ءُ پد ءَ بیست ءُ بیست پنچ منٹ ءَ چہ شھر ءَ ڈن وتی اوتاک ءَ سر بوتگ اَت گڑا ایشی ءِ متلب ایش اِنت کہ آ شش یا شش ءُ پانزدہ وتی لوگ ءَ رس اِتگ اَت۔ چمیشی ءَ یک منٹے ءَ ھم چُش اوں نہ اِنت کہ ھمے ھساب ءَ نہ اِت اَنت۔ آئی ءَ لھتے وھد ھم داتگ اَت کہ وھدے آئی ءَ دپ ءُ دست شُشتگ اِت اَنت، گُد ءُ پُچ مَٹ کُتگ اِت اَنت، اد ءَ آ وتی چہ موٹل ءَ انّا بلکیں ٹرام ءَ شُتگ اَت۔ آئی ءِ گُد اوں ناں کہ بدؤوانی وڑ ءَ اِت اَنت ءُ ناں کہ ھسپانوی۔ آئی ءِ مید سُھریں کارنیشن اِت اَنت، سُھریں اسٹاکنگ ءُ سواس، کتھی رنگ ءِ بلاؤز ءُ ھمے رنگ ءِ ٹویڈ اسکرٹ۔ اگرچہ اے گپ لس نہ اَت کہ کیتھارینا چہ وتی موٹل ءَ شُتگ اَت یا چہ ٹرام ءَ، بلے آئی گُشگ ھمے واست ءَ المی اِنت کہ پٹ ءُ پول ءِ ساھت ءَ ھمے چیز ارزشتے ءِ بنیاد ءَ بوتگ اَت۔

بلوچستان ءِ دمگ کیچ ءَ پاکستانی پوج ءَ دو مردم دزگیر کنگ ءَ پد بیگواہ کرتگ انت-

بیگواہ کنگ بیتگیں مردمانی پجار فیض ءُ کینگی ء بشیر ءِ ناماں زانگ بیتگ انت-

اے مردم گوستگیں روچاں پاکستانی پوج ءَ چہ بلیدہ میناز ءَ بیڑ ءِ وھد ءَ دزگیر کتگ ءُ برتگ انت-

کھول ءِ رد ءَ پورسز ءَ بیڑ ءِ وھد ءَ آ دزگیر کتگ ءُ برتگ انت ءُ پد ءَ مارا سرپدی دیگ نہ بیتگ کہ کجا انت-

کھول ءَ انسانی ھکانی گلاں گوں دزبندی کتگ کہ آیانی یل کنگ ءِ ھاتر ءَ توار چِست بہ کن انت-

ھزدار ءِ شھر زھری ءُ کش ءُ گوری ھنداں ڈرون طیارہ ءُ ھیلی کاپٹرانی بال برجاہ-

دمگی مردمانی رد ءَ شھر ءِ برز ءَ شش ھیلی کاپٹراں ھوار ڈروم طیارہ گندگ بیتگ انت-

زانگ بہ بیت گوستگیں روچ ءَ بلوچ لبریشن آرمی ءَ زھری شھر دَہ کلاکاں گیش دستیگ کتگ پد ءَ اے مردم دراتکگ ءُ شتگ انت-

گوستگیں روچ ءَ شھر ءَ ھیلی کاپٹر گندگ بیتگ انت پد ءَ ابید گامگیج ءَ واتر بیتگ انت ءُ شھر ءَ پیشگامی کنوکیں پورسز ھم بمبانی نشانگ کنگ بیتگ ات-

بلوچ لبریشن آرمی ءِ سرمچاراں گوستگیں روچ ءَ زھری شھر ءَ تھانہ، نادرا آفس، بینک ءُ میونسپل کمیٹی وتی دستیگی ءَ کتگ ات انت ءُ سلاہ بنداں گشت کتگ ءُ مھلوک ءَ گوں تران کتگ-

چاگردی ترامجاھاں شنگ بیتگیں تامر بنداں تامر بلوچ آجوئی لوٹوکاں دستیگ کتگیں گاڑی ءُ پرپٹ گندگ بنت اِنت-

بلوچ لبریشن آرمی ءِ جارکش جیئند بلوچ ءَ کسانوکیں درشانے ءَ اُرش ءِ زمہ واری من اتگ ات ءُ گشتگ ات زوت سرجمیں درشان شنگ کنگ بیت اِنت-