بلوچستان ءِ جتاجتائیں دمگاں پاکستانی پوج ءِ سر ءَ اُرش ءُ بمب تراک بیتگ

بلوچستان ءِ جتاجتائیں دمگ کیچ ءُ ڈیرہ بگٹی ءَ پاکستانی پوج ءِ سر ءَ اُرش سرکاری پلامرزی مردمانی سر ءَ بمب تراک کنگ بیتگ-

گیشیں ھالانی رِد ءَ کیچ ءِ دمگ دشت ءَ 105 ونگ ءِ کیو آر ایف کاروان سلاہ بندیں مردماں اُرش ءِ نشانگ کتگ دو کارمند بیران ءُ یکے ٹپی یے راست کنت بوتگ-

ھالانی رِد ءَ کیچ ءِ دمگ دشت ءِ کنچتی کراس ءَ سلاہ بندیں مردماں پاکستانی پوج ءِ 105 ونگ ءِ کوئیک ری ایکشن فورس “کیو آر ایف ” کاروان اُرش ءِ نشانگ کتگ چریشی ءِ آسر ءَ دو کارندہ بیران ءُ یکے ءِ ٹپی ءِ ھال اِنت-

سرکاری واکدار ءَ اے اُرش راست کتگ گوشتگ کہ اے اُرش ءِ آسر ءَ سپاھی رحمت اللہ جھمنند لکی مروت ءُ سپاھی اجمیئر بیران وھدے سپاھی آصف ٹپی بیتگ –

دومی نیمگ ءَ ڈیرہ بگٹی ءَ کچی کینال ءِ 12 نمبر شاخ نزیک ءَ تراکناکیں شوروانی ترکگ ءِ آسر ءَ یک مردمے بیران بیتگ- دمگی اِھوالکار ءَ رِد ءَ تراک تراکناکیں شوروانی ترکگ ءَ چہ بیتگ، بلے وئیل ءِ گیشیں سرپدی نیتکگ-

ھمے وڑ کیچ ءِ دمگ گیبن ءَ ھم یک تُرندیں تراکے ءِ توار اش کنگ بیتگ- اِھوالکار ءِ رِد ءَ تراک یک سرف گاڑی ءِ سر ءَ بیتگ، چریشیءِ درگت ءَ ٹاہ دیگ بیگ ءَ اِنت کہ آ یک سرکاری پلامرزی سلاہ بندیں ٹولی ءَ گوں ھمگرنچ بیتگ-

بلے کیچ ءِ تراک ءِ آسر ءَ جانی تاوان ءِ ھال دیم ءَ نیتکگ-

تنی وھدے وئیلانی زمہ واری ھچ گل ءَ نہ زرتگ اَنت-