فیفا ورلڈ کپ 2026 ءِ سیمی فائنل ءِ اولی گوازی دوشی فرانس ءُ اسپین ءِ میان ءَ بوتگ کہ اسپین ءَ دو گول ءَ گوازی کٹ اتگ ءُ فائنل ءَ سر بوتگ ۔ اے گوازی امریکہ ءِ شھر آرلنگٹن ٹیکساس ءِ گوازی پٹ ءَ کنگ بوتگ ۔
دوشی شپ اسپین ءُ فرانس ءِ میان ءَ بوتگیں گوازی ءَ اسپین ءَ جوانی ءَ گوازی کنان ءَ بیست ءُ دومی منٹ ءَ یک گول ءِ داتگ کہ لیبی میکل اویارزابال ءَ پیلانٹی شوٹ ءَ اے گول داتگ ۔ اسپین ءِ نیمگ ءَ دومی گول پیڈرو پورو ءَ 58می منٹ ءَ داتگ ءُ گوازی کٹ اتگ ۔
فرانس ءِ لیبیاں گولانی موکگ ءِ جھد کتگ ، بلے پدا ھم اسپین ءِ ٹیم مھکمتر بوتگ ءُ آیاں ھچ وڈ ءَ گول موکگ ءِ موہ نہ داتگ ۔ اے گوازی ءِ کٹگ ءَ گوں سال 2010 ءَ پد اسپین ءِ اولی رند ایں کہ فیفا ورلڈ کپ ءِ فائنل ءَ سربوتگ ۔ اشی ءِ ھمراھی ءَ اسپین یکتائیں ٹیم انت کہ تنی وھدی آئی ءَ اے سرجمیں ورلڈ کپ ءَ بس یک گول ءِ کوارٹر فائنل ءَ بیلجئیم ءِ دیم ءَ وارتگ ۔