فیفا ورلڈ کپ 2026 ءِ فائنل گوازی ءَ اسپین ءَ ارجنٹینا ءِ دیم ءَ ھچ پہ یکے ءَ گوازی کٹ اتگ ءُ دومی رند ءَ ورلڈ چیمپئن جوڈ بوتگ ۔
دوشی شپ ارجنٹینا ءُ اسپین لیبیاں جوانیں گوازی پیش داشتگ ءُ گوازی ءِ نود ایں منٹانی تہ ءَ ھچ نیمگ ءَ گول دیگ نہ بوتگ ھردو ٹیم 0_0 دیمیگ بوتگ انت ءُ پہ گوازی ءَ گیشیں منٹ دئیگ بوتگ ۔
گوازی ءِ نود ایں منٹانی مکابلہ ءَ گیشتر اسپین ءِ لیبیاں بال گون بوتگ بازیں گول دئیگ ءِ جھد ءِ کتگ بلے پدا ھم ارجنٹینا ءِ گولی ایمیلیانو مارٹینیز جوانی ءَ کیپری کتگ ءُ ھچ گول دیگ ءَ نہ اشتگ انت ۔
دومی نیمگ ءَ ارجنٹینا ءَ ھم مھکمی ءَ اسپین ءِ دیم داشتگ ، بلے گوازی ءِ گڈی ساھتاں مڈفیلڈر اینزو فرنانڈیز ءَ سھریں کارڈ دئیگ بوتگ ءُ گوازی ءَ در کنگ بوتگ کہ پدا رند ءَ ارجنٹینا ءِ بس دھ لیبیاں گوں گوازی برجاہ داشتگ ۔
گوازی ءِ گیشیں منٹانی تہ ءَ ھم ھردو ٹیمانی میان ءَ ترندیں گوازی پیش دارگ بوتگ ، بلے اے رند ءَ ارجنٹینا ءِ کیپر ایمیلیانو ءَ اسپین ءِ لیبی تورس ءِ بال داشت نہ کتگ ءُ کہ گوازی ءِ باجبری گول بوتگ ۔ پدا رند ءَ ھچ گول دئیگ نہ بوتگ ءُ اسپین ءَ یکیں گول ءَ باج برتگ ءُ دومی رند فیفا ورلڈ کپ ءِچمپئین جوڈ بوتگ ۔
زانگ بہ بیت اسپین ءِ اے دومی رند ایں کہ ورلڈ چیمپئن بوگ انت چدوساری آئی ءَ سال 2010 ءِ بوتگیں ورلڈ کپ ءَ نیدرلینڈ ءِ دیم ءَ یک گولے ءَ باج برتگ ات ۔ آ رندی ھم آئی ءَ گیشیں منٹانی تہ ءَ یکیں گول اسکور کتگ ات ءُ ورلڈ چمئین جوڈ بوتگ ات ۔
ریفری ءِ گڈی پیک ءِ توار ءَ اسپین ءِ لیبی ءُ چاروکاں سوبمندی ءِ شاتکامی کتگ ۔