بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں 31 مارچ ءَ بگر داں 13 جولائی 2026 ءَ زیردستیں بلوچستان ءِ جتا جتائیں دمگاں انٹیلی جنس ءِ بنیاد ءَ آپریشن ءِ وھد ءَ زورگیریں پاکستانی فوج ، ملٹری انٹیلی جنس (ایم آئی) ءُ دمگی ڈیتھ اسکواڈ ءِ 12 چاریگ ءُُ ایجنٹ کَشتگ انت۔ بلوچ راجی آمیدگس ءَ پیش کنگ ءُ آمیدگس ءَ کوش ءِ پرمان داتگ ءُ راجدروھی ءِ بنیاد ءَ بلوچ نسل کشی ءِ جرمانی سابت بوگ ءَ پد آ مَرگ ءِ سزا داتگ ءُ سرمچاراں گچین کتگیں جاھاں سرجم کتگ انت-
پنچ جولائی ءَ بلوچ لبریشن آرمی ءِ سرمچاراں بلیدہ ءِ دمگ الندور ءَ سلاہ بندیں اُرشے ءَ سھیل ء ابراھیم تیرگواری کتگ ءُ کشتگ کہ آ یک پرکاریں ملٹری انٹیلی جنسے ءِ کارندہ بوتگ۔ اے مرد زورگیریں فوج ءِ کمکاری، نوکیں بھرتی کنگ ءُ فوج ءِ جوڑ کتگیں سلاہ بندیں ڈیتھ اسکواڈانی بھر بوھگ ءِ وسیلگ ءَ بلوچستان ءَ ناشریانی تہ ءَ تچک ءَ ھوار بوتگ۔ اے کمکار بی ایل اے ءِ سرمچار، سنگت جابر نسیر پنام ءِ سمیر ءُ سنگت فقیر جان پنام ءِ میر جان ءِ شھیدی ءَ تچک ءَ ھوار بوتگ۔
جارکش ءَ گوشتگ ایشی ءَ ابید سرمچاراں 12 جولائی ءَ ماشکیل ءَ پاکستانی لشکر ءِ فوجی انٹیلی جنس ءِ کارندھانی پناہ گاہ ءِ سر ءَ سلاہ بندیں اُرش کتگ ءُ اود ءَ ھستیں پنچ کارندہ کشتگ اَنت۔ اے کارندہ دمگ ءَ زورگیریں فوج ءِ ھاتر ءَ ھالرسانی نیٹ ورک ءِ کارمرز کنگ ءَ بیتگ انت ءُ یک دکانے ءَ را آسراتی ءِ بنجل ءُ پناہ گاہ ءِ بستار ءَ کارمرز کنگ ءَ بیتگ انت۔
جارکش ءَ گوشتگ سرمچاراں چہ نوشکی ءِ دمگ مَل دوشئی ءَ زورگیریں پاکستانی لشکر ءِ مُک حاجی منان ماککی ءُ آئی ءِ راستیں دست آصف جوگزئی دزگیر کتگ۔ جست ءُ پرس ءِ وھد ءَ حاجی منان ءَ من اِتگ کہ آ گوستگیں یک سالے ءَ چہ مَل ءَ نندوک اِنت ءُ نوشکی ءِ فوجی بنجل ءَ بندوکیں پاکستانی لشکر ءِ اسسٹنٹ ڈائریکٹر اصفندیار ترین (پشین ءِ نندوک) انت ءُ آئی ءَ تچک ءَ ھوار بیتگ۔ آئی ءَ من اتگ کہ آئی ءَ مَل ءُ آئی ءِ کش ءُ گوراں آجوئی لوٹوکیں مردمانی راھچاری بوھگ ءُ راہ ءُ درانی پجارینگ ءِ کار دیگ بوتگ ءُ ھمے وھد ءَ آئی ءَ حافظ ممتاز ءِ ’’ڈیتھ اسکواڈ‘‘ ءِ بنجل ھم تچک ءَ تر ءُ تاب کتگ۔ چہ ایشی ءَ ابید آئی ءَ زورگیریں لشکر ءِ گوشگ ءِ رد ءَ دمگ ءَ نام وتگڑیں سرکاری جرگھانی جوڑ کنگ ءُ فوجی پوسٹانی جوڑ کنگ ءَ آسراتی داتگ۔ منان ءَ اے گپ ھم من اِتگ کہ آ چہ بلوچ راج ءِ لاچاریں کھولاں زر گپتگ ءُ داوت ءِ وڑیں دھندایاں ھوار بیتگ- آصف ء خان محمد جوگزئی ءَ یکشل ءَ اے جرماں ھوار بوتگ۔ جست ءُ پرس ءِ وھد ءَ آصف جوگزئی ءَ ھم حاجی منان ءِ ھمراھی ءَ وتی سرجمیں ردی من اِتگ اَنت۔ بلوچ راجی آمیدگس ءَ آ دوئیناں گداری ءُ بلوچ نسل کشی ءِ تہ ءَ ھوار بوھگ ءِ سبب ءَ مرگ ءِ سزا داتگ کہ سرمچاراں جورکین ءِ ھند ءَ سرجم کتگ انت۔
سیزدہ جولائی ءَ بلوچ لبریشن آرمی ءِ سرمچاراں نوشکی بازار ءَ سلاھبندیں اُرشے ءَ زورگیریں پاکستانی لشکر ءِ یک دگہ ھاسیں کارندہ طارق بادینی کُشتگ۔ اے چاریگ زورگیریں فوج ءِ ریاستی ’سرینڈر ڈرامہ‘ ءِ آسراتی ءِ سبب بوتگ ءُ نوشکی شھر ءُ کش ءُ گوراں زورگیریں فوج ءِ واستا چاریگری سرجمیں نیٹ ورک ءِ سروک گم بوتگ۔ اے کارندہ چادر ءُ چار دیوالانی لگتمالی ءِ وئیل، لوگانی سر ءَ فوجی اُرش ءُ زالبول ءُ پیرینانی بے شرپی ءُ آزار ءُ ازیت ءِ وئیلانی تہ ءَ گوں زورگیریں لشکر ءَ ھمکوپگ بوتگ۔ طارق بادینی وتی برات صلال بادینی ءُ ناکوزتک فرید بادینی ءِ زورگیریں لشکر ءِ زورانسری بیگواہ کنگ ءِ زمہ وار ھم بوتگ کہ رند ءَ اکتوبر 2022 ءَ زورگیریں لشکر ءِ دست ءَ آ زندان ءَ شھید کنگ بوتگ اَنت ءُ آھانی ٹپ ءُ ٹوریں لاش زرین جنگل نوشکی ءَ چگل دیگ بوتگ اَنت۔ دیمترا اے چاریگ نوشکی ءَ زورگیریں لشکر ءِ گشگ ءِ سر ءَ بوتگیں ٹارگٹڈ آپریشن ءِ بازیں وئیلانی تہ ءَ ھم ھوار بوتگ۔
جارکش ءَ گوشتگ بی ایل اے ءِ سرمچاراں عزیز احمد (قادر آباد، نوشکی ءِ نندوک) چہ آئی ءِ لوگ ءَ دزگیر کتگ۔ جست ءُ پرس ءِ وھد ءَ گْوشگ بیتگیں مردم ءَ من اِتگ کہ آ زورگیریں پاکستانی لشکر ءِ ایجنٹ ءِ بستار ءَ کار کنگ ءَ بیتگ۔ چاریگ عزیز ءَ من اتگ کہ آ زورگیریں فوج ءِ بنجلانی رسانی ءِ آسراتی دیگ ءَ بیتگ ایشی ءِ تہ ءَ نوشکی ءَ شال ءَ فوجی کارندھانی وتی زاتی گاڑیانی تہ ءَ سر کنگ ھوار بوتگ۔ عزیز احمد ءَ زالبول پہ سلکاریاں اسٹیشن پوسٹ، گالنگور پوسٹ ءُ زورگیریں لشکر ءِ 102 ونگ ءَ برتگ انت، ھما جاہ ءَ کہ آ زالبولاں بلیک میل کنت ءُ زورگیریں لشکر ءُ انٹیلی جنس ایجنسیانی ھاتر ءَ ھالرسانی بستار ءَ کار کنگ ءَ لاچار کتگ۔ پہ اے سنگینیں راجی گداری ءِ کار ءَ چاریگ عزیز احمد ءَ مَرگ ءِ سزا دیگ بوتگ۔ جست ءُ پرس ءِ وھد ءَ چاریگ ءَ وتی نیٹ ورک ءِ دگہ ھمکارانی نام ھم پدر کتگ اَنت کہ آھانی تہ ءَ بازیں ھاسیں راز ھم ھوار اَنت کہ آھانی ھلاپ ءَ زوتیں وھد ءَ سکیں کارروائی کنگ بیت۔
بلوچ لبریشن آرمی ءِ سرمچاراں پنجگور ءِ دمگ پاردان ءَ زورگیریں لشکر ءِ دو ایجنٹ مول جان ء عبدالقدوس ءُ وزیر ء عبدالقادر (سبز آپ، پنجگور ) سِی ءُ یک مارچ ءَ دزگیر کتگ کہ آ چاریگاں من اتگ۔ چہ گوستگیں یک سالے ءَ ستار نامیں مردمے ءِ سروکی ءَ گوں ‘ڈیتھ اسکواڈ’ ءَ چیرکائی ءَ ھوار بوتگ انت۔ اے سال ءِ جنوری ءَ آ گوں ستار ءُ ملا شریف ءَ ھمراھی ءَ زورگیریں لشکر ءِ مزنیں طنجل ءَ شتگ اَنت کہ اود ءَ گوں فوجی واکداراں گند ءُ نند ءَ پد آھاں ’ٹریکنگ چپس‘ دیگ بوتگ کہ آ ایجنٹانی جاسوسی ءَ بہ کن اَنت۔ ایجنٹاں من اتگ کہ چپ ءِ دارگ ءَ پیسر آھاں دمگ ءِ ایجنٹانی سر ءُ پُر ءِ سرا نزیکیں چمشانک داتگ ءُ ڈیتھ اسکواڈ ءِ ھمراھی ءَ زورگیریں فوج ءَ رسد ءِ آسراتی داتگ۔ اے دوئیں کارندھاں من اتگ کہ آھاں ٹریکنگ چپس پنجگور ءِ پاردان ءِ دمگ ءَ سرمچارانی ازاروکی پناہ گاہ ءَ سر کتگ انت ءُُ ایشی ءَ چہ پد زورگیریں لشکر ءَ سرمچاراں چیرین جاہ ءَ ڈرون ءِ اُرش ءَ نشانگ جوڑ کتگ۔ اے ڈرون ءِ اُرش ءَ پد ھمے دومی روچ ءَ ڈیتھ اسکواڈ ءِ کارندھانی سروکی ءَ مزنیں گلے گوں زورگیریں لشکر ءَ اود ءَ سر بوتگ ءُ دمگ ءَ فوجی اُرش بندات کتگ۔ بلوچ راجی آمید گس ءَ اے سنگینیں راجی جرم ءِ ھاتر ءَ اے دوئیں چاریگ مرگ ءِ سزا دیگ ءِ پیسلہ کتگ کہ یک جولائی ءَ پنجگور ءِ گوارگو ءِ دمگ ءَ سرمچاراں ایشی ءِ سر ءَ امل کتگ۔ زانگ بہ بیت اے ڈرون اُرش ءَ بلوچ لبریشن آرمی ءِ ھپت سرمچار، سنگت عبدالغفور پنام ءِ چاکر، سنگت امداد پنام ءِ نود، سنگت حفیظ ممتاز پنام ءِ زیرک، سنگت حافظ زید پنام ءِ سگار، سنگت یاسر پنام ءِ آجز، سنگت علی رضا پنام ءِ شیھک ءُ سنگت شاھجان پنام ءِ ساوڑ ءَ شھید بیتگ انت.
جارکش ءَ گوشتگ بلوچ لبریشن آرمی اے گپ ءَ پدّر کنگ لوٹ ایت کہ زیردستیں بلوچستان ءِ سرڈگار ءِ سر ءَ چد ءُ پد ھچ وڑیں راجی گدار، چاریگ ءُ ڈیتھ اسکواڈ ءِ کارندھانی واستا پناہ گاہ نہ بیت۔ ھما درستیں سلکار کہ چندے لبانی یا زورگیریں لشکر ءِ ازاروکی سرپرستی ءِ بھانگ ءَ وتی راج ءِ ھلاپ ءَ کمربند کتگ انت، آ بہ زان انت کہ وتی واجھانی پھزداری ءَ نوں پہ وتی زندگ بوھگ ءِ ھِچ امیت ءَ مہ بہ انت۔ بلوچ سرڈگار ءِ دَگا کنوکانی ھلاپ ءَ مئے ترند ءُ ھترناکین اُرشانی پتر گیش بیت ھما جاہ ءَ سر بوتگ کہ ھچ وڑیں پھلی ءِ گنجائش نیست۔ اگاں نوں ھم راج دژمنیں رھبند یل نہ کنگ بہ بیت گڑا اے ھال رسانی کنوک ءُ ایجنٹانی ھال راجدپتر ءِ درس ءِ باب جوڑ بیت۔