فیفا ورلڈ کپ 2026 ءِ دومی سیمی فائنل ءَ ارجنٹینا ءَ انگلینڈ ءِ دیم ءَ 2-1 گولے ءَ گوازی کٹ اتگ ءُ فائنل ءَ سربوتگ ۔
دوشی اٹلانٹا گوازی پٹ ءَ انگلینڈ ءُ ارجنٹینا میان ءَ بوتگیں گوازی ءَ اولی ھاپ ءَ ھر دو ٹیم مکابلہ بوتگ انت ھچ نیمگ ءَ گول دیگ نہ بوتگ بلے دومی ھاپ ءَ گوازی ءِ 55 منٹ ءَ انگلینڈ ءِ لیبی انتھونی ءَ یک گول ءِ داتگ ۔ گوازی ءِ 85 می منٹ ءَ ارجنٹینا ءِ کپٹن لیونل میسی ءِ پاس ءَ اینزو ءَ گول موک اتگ ءُ ھر دو ٹیم یک یک گولے ءَ مکابلہ بوتگ انت ۔ پدا داں گوازی ءِ گڈسر ءَ ھچ گول دیگ نہ بوتگ ۔
گوازی ءِ گیشیں وھد ءَ ارجنٹینا ءِ لیبی لاو تارو ءَ نود ءُ دومی منٹ ءَ ارجنٹینا ءِ نیمگ ءَ دومی گول داتگ کہ ءَ پدا رند ءَ گوازی ءِ گڈسر ءَ داں انگلینڈ ءَ گول موکت نہ کتگ ءُ گوازی ارجنٹینا ءَ کٹ اتگ ءُ فائنل ءَ سربوتگ ۔
اے گوازی ءِ کٹگ ءَ پد ارجنٹینا دومی رند ایں ورلڈ کپ ءِ فائنل ءَ سربوتگ کہ فائنل ءَ اسپین ءِ دیم ءَ لیب کنت ۔ وھدیکہ انگلینڈ سیمی نمبر ءِ آیگ ءِ ھاتر ءَ فرانس ءِ دیم ءَ گوازی کنت ۔