دی بلوچستان پوسٹ ڈیٹا اسٹوڈیو ءِ نیمگ ءَ سال 2024 ءَ سرجمیں بلوچستان ءَ سلاہ بندیں ٹولیانی پرکاریانی تہ ءَ نگاہ چاران ءَ گیشی گندگ ءَ اتکگ ، آجوئی ءِ لوٹوکیں ٹولیاں پاکستانی ریاست ءِ ھلاپ ءَ وتی کاروائی گیش کرتگ انت- بلوچ لبریشن آرمی (بی ایل اے) بلوچستان لبریشن فرنٹ( بی ایل ایف) بلوچ راجی آجوئی سنگر( براس) ءُ دگہ گلاں پوج، آئی ءِ آسراتی ءُ ریاستی شریداراں نشانگ کنگ ءِ سدانی اُرش گندگ ءَ اتکگ اَنت-
کساسی اے گلاں 938 اُرش کتگ انت کہ چریشی ءِ آسر ءَ 1002 ءَ گیش مردم مرتگ انت، 689 زدگ بیتگ انت، ءُ دگہ چیزانی تاوان دیگ ءَ کم چہ کن 546 وئیل رپورٹ بیتگ انت – اے گلانی کاروائی 25 دمگاں بیتگ انت ءُ 327 ھنداں کنگ بیتگ انت – گیش اے کاروائیانی توک ءَ 76 بلوچ جنگولانی بیرانیانی اھوال ھم رپورٹ بیتگ انت – 2023 ءِ دیم ءَ اے اُرشانی سرجمیں کچ ءُ کساس ءَ 53 درسد گیشی اتکگ کہ رپورٹ ءَ اجکہ کنوک ایش انت کہ بیرانیانی توک ءَ 80 درسد گیش بیتگ انت کہ شورش ءِ ترندی ءِ نشانی ءَ دے اَنت-
بلوچ لبریشن آرمی ( بی ایل اے)
بی ایل اے سال 2024 ءَ درستاں پرکاریں گل گندگ ءَ اتکگ کہ آئی ءَ 302 اُرشانی توک ءَ 580 ءَ گیش مرگ آماچ کنگ ءُ 370+ ءَ گیش زدگ کتگ انت ءُ 171 دگہ چیزانی تاوان دیگ رپورٹ بیتگ انت – گل ءَ 21 دمگاں ءُ 240 ھنداں کاروائی کنگ ءِ جار جتگ بیتگ – ایشانی توک ءَ زمین ءَ گوں پراہ ءُ شاھیگانی ءُ آپریشنلانی زور ءِ شوبین داتگ – بلوچ لبریشن آرمی ءِ سال دو ھزار ءُ بیست ءُ چار ءَ 52 جنگول بیران بیتگ انت کہ ایشانی توک ءَ گیشتریں کساس مجید بریگیڈ ءِ بھر بیتگ انت – کہ وتی ھترناکیں اُرشاں وتکشیں کاروائی کنت اِنت- بی ایل اے ءَ گوشتگ ات مجید بریگیڈ ءِ 37 باسکاں سال2024 ءَ شش مزنیں کاروائی کتگ انت- چریشاں پاکستانی پوج ءَ ٹوھیں کچے ءَ تاوان رس اتگ-
بلوچستان لبریشن فرنٹ ( بی ایل ایف)
بلوچستان لبریشن فرنٹ ءَ سال 2024 ءَ284 اُرش کتگ انت کہ دمگ ءَ پرکاریں گلانی نام ءَ زانگ بیت اِنت- اے اُرشاں280 ءَ گیش مَرگ آماچ کنگ ءُ 167 + زدگ کنگ، 90 اُرشاں دگہ چیز تاوان داتگ انت – اے گل ءَ 15 دمگاں 189 ھنداں وتی پرکاریانی پدراھی کتگ – چریشانی توک ءَ شھری ءُ کوچگی ھردوکیں دمگاں نشانگ کتگ انت- اے سلاہ بندیں مزنیں پرکاریاں آئی ءَ وتی تاوانانی کم ورگ ءِ لیکہ درشان کتگ چریشی ءَ ھمے وھد ءَ آئی ءِ 16 جنگول بیران بیتگ انت
–
بلوچ راجی آجوئی سنگر ( براس)
آجوئی لوٹوکیں سلاہ بندانی ھمسنتیں گل ( براس) 41+ اُرش کتگ انت اے اُرشاں 204 مرگ ءِ آماچ کنگ ءُ 30+ زدگ کتگ انت – 190 وئیل دگہ چیزانی تاوان دیگ رپورٹ بیتگ انت – اے گل ءَ 16 دمگاں 189 ھنداں وتی اُرشانی لیکہ ءِ درشان کتگ انت کہ چریشی ءَ سال دوھزار ءُ بیست ءُ چار ءَ آئی ءِ یک باسکے بیران بیتگ-
دگر سلاہ بندیں پرکاری
دگر آجوئی لوٹوکیں سلاہ بندیں گل بلوچ ریپبلکن گارڈز ( بی آر جی) بلوچ ریپبلکن آرمی ( بی آر اے) ءُ یونائیٹڈ بلوچ آرمی( یو بی اے) ءَ سال 2024 ءَ کساسی 148 اُرش کتگ انت – اے کاروائیانی توک ءَ 101 مردمانی کُشگ 122 ءِ زدگ کنگ ءُ دگہ چیزانی تاوان دیگ ءِ 95 وئیل رپورٹ بیتگ انت – اے ٹولی کسان دروشماں کار کنگ ءَ انت 13 دمگاں 103 ھنداں پرکار بیتگ انت- ایشانی گیشتریں دلگوش ریاستی متاھانی نشانگ کنگ بیتگ انت-
2023 ءَ دیم پہ دیم کنگ
سال 2023 ءِ دیم ءَ سال 2024 ءَ بلوچستان ءَ سلاہ بندیں جنگ ءَ گیشی گندگ اتکگ- اے اُرشانی کساس 2023 ءَ 612 ءَ گیش بیتگ 2024 ءَ 938 ءَ بیتگ انت – ایشانی مَرگ آماچیانی 557+ ءَ گیش بیتگ ءُ 1002 ءَ کساس بیتگ انت – زدگ بیتگینانی توک ءَ ھم گیشی اتکگ کہ 423+ ءَ گیش بیتگ 689 بیتگ انت ءُ دگہ چیزانی تاوان دیگ ءَ 340 ءَ گیش بیتگ ءُ 546 بیتگ انت- کاروائیانی پھنات ھم گیش بیتگ انت 26 دمگاں 134 ءَ 327 بیتگ انت ءُ 25 دمگاں بیتگ انت- اے کچ ءُ کساس پاکستانء ریاست ءِ نیمگ ءَ یاگیانی پروش دیگ ءِ جھداں ابید بلوچ آجوئی لوٹوکیں سلاہ بندانی گیش بیتگیں رسد ءُ آپریشنلانی زور ءَ پدر کنت اِنت-
بلوچستان ءَ سلاہ بندانی ھلاسی ءِ 2024 ءَ ھچ وڑیں چھرگ گندگ ءَ نیتکگ – آجوئی ءِ لوٹوکیں ٹولیاں وتی کاروائیانی گیش کنگ ءُ دمگاں وتی نزیکی گیش کتگ انت – اے ٹولیانی نیمگ ءَ ھما ڈولیں لَچک ءُ بنگپ ایر کنگ بیتگ انت آ پاکستانی سیکورٹی پورسز ءِ واستا چیلنجزانی سبب بیتگ انت- چریشی ءَ اے ترندی ءِ لیکہ پدر بنت اِنت کہ آیوکیں سالاں اے آڑوکی ءِ گیش بوگ ءِ گمان انت – کہ بلوچ شورش ءِ آیوکیں باندات ءِ گمان ءَ دیگ ءَ انت-