شال،کیچ :3 مردم زورانسری بیگواہ،یکے یل بیتگ

الم بوانیت

بلوچستان ءِ جتاھیں دمگاں چہ سئے مردم ءِ زورانسری بیگواھی ءِ ھال دیم ءَ اتکگ ءُ یک آوار جنگ بیتگیں مردمے یل کنگ بیتگ۔

سر بیتگیں ھالانی رد ءَ پانزدہ نومبر2026 ءَ شال ءِ دمگ کلی مُستپا آباد ءَ چہ 20 سالی ایں نودربر زین العابدین ء ابدُالستار شپ ءِ یک بج ءَ چہ جند لوگ ءَ دزگیر کنگ ءُ چیریں جاھاں برگ بیتگ۔
کھول ءِ رد ءَ زین العابدین ءِ آوارجنی ءَ کاؤنٹر ٹیررازم ڈیپارمنٹ (CTD) ءِ کارمند ھوار بیتگ انت۔

ھمے روچ ءَ شال ءَ دمگ کلی جیو ءَ چہ پانزدہ سالی ایں نودربر مراد بلوچ ء مھمد اسلم شپ ءِ ساھت دوازدہ ءُ نیم ءَ چہ جند ءِ لوگ ءَ آوار جنگ بیتگ۔ ءُ گشگ بوھگ ءَ انت اے وئیل ءَ ھم سی ٹی ڈی ءِ دست مان انت۔

ھمے وڑ پانزدہ نومبر 2026 ءَ ضلع کیچ ءِ دمگ تربت کیچ ٹاور ءَ 25سالی ایں نودربر تلال ء منزُور نیم روچ ءِ ساھت سئے بج ءَ ڈیتھ اسکواڈ ءِ کارمنداں آوار جتگ ءُ چیریں جاھاں بُرتگ۔

دومی نیمگ ءَضلع سبی ءِ دمگ سنگان ءِ جھمنندیں گل اھمد ء اکتر مھمد 22اکتوبر 2026 ءَ زورانسری آوارجنگ ءُ بیگواہ کنگ بیتگ ات ءُ 12 نومبر 2026 ءَ چہ سبی ءَ یل کنگ بیتگ۔

نوکتریں