بلوچ لبریشن آرمی ءِ آفیشل چینل ھکل ءِ نیمگ ءَ یک منٹ ءُ بیست ءُ پنچ سیکنڈ ءِ ویڈیو شنگ بیتگ۔
ھکل میڈیا ءِ سر ءَ شنگ بوتگیں اے ویڈیو ءِ تہ ءَ بی ایل اے ءِ ڈرون یونٹ ”کھر“ ءَ 14 نومبر ءَ مستونگ ءِ کردگاپ ءِ دمگ ءَ پاکستانی لشکر ءِ کاروان ءِ تہ ءَ گاڑی ءِ نشانگ جوڑ کنگ ءَ گندگ بیت۔
ویڈیو ءِ تہ ءَ گندگ بیت کہ پاکستانی لشکر ءِ کاروان ءِ یک گاڑی یے کیمپ ءِ دپ ءَ اوشتاتگیں وھد ءَ ڈرون اُرش ءَ نشانگ جوڑ کنگ بوتگ۔ اے اُرش ءَ پاکستانی فوج ءِ میجر عمر منہاس ءِ سر ءَ ھما وھد ءَ تچک ءَ نشانگ جوڑ کنگ بوتگ کہ آ دگہ کارندھانی گون ءَ گاڑی ءِ نزیک ءَ اوشتاتگ بوتگ۔
گل ءِ رد ءَ اے آپریشن بلوچ لبریشن آرمی ءِ انٹیلی جنس ونگ ”(زراب)“ ءَ چہ رس اتگیں ستکداریں ھالانی رد ءَ کنگ بوتگ۔
گل ءِ رد ءَ پنجاب ءِ نندوکیں پاکستانی لشکر ءِ 44 ایف ایف ءِ میجر عمر منہاس ءُ کوٹلی ستیان ءِ نندوکیں ھوالدار عدنان اُرش ءِ وھد ءَ جاہ پہ جاہ ءَ مرتگ اَنت۔
پاکستانی فوج ءِ جارکش ( آئی ایس پی آر) ءَ دوئیں کارندہانی مرگ ءِ ھال راست کتگ ءُ گشتگ ڈرون ارش ءَ فوج ءِ مزنیں افسر ءُ کارندہ نشانگ جوڑ کنگ بوتگ انت۔
















































