ندر پہ سالونکیں سر لال ھان ءَ
شائر دیدگ مُرید
دی بلوچستان پوسٹ
کبراں سالونک وابیناں
درد کپوتی زھیروکاں
لال زرابیں الگاراں
شپ سھباں موتکیناں
توکل باھندیں مرداں
تیر کماتیں بالاداں
شپ توامیں انسرتاں
کلیگ ھشکیں کانیگاں
زگریں روچاں مچیناں
کئوش زمین ءِ دلبنداں
براگ نہ سستیں اوتاگاں
ھکّل آشوب مُچ زرنگاں
گُڈّی ھِکگ جند ندراں
دژمن گرک ءُ سر سنداں
دیم پہ دیمی لال اُرشاں
دژمن یکجاہ کُل مُرتاں
اُوپار کشیں بامرداں
اُپ نہ کشاں بے ورداں