شورش ءَ سانمندیں بلوچستان ءَ ھمک سال ھزاراں مردم دگ ءِ وئیلاں مرگ ءِ ارجان بنت اِنت چریشی ءِ سبب ءَ شال کراچی ءِ مزنیں شھدگ ءَ را ‘ ھون ئیں شھدگ ’ ءِ نام دیگ بیتگ – سال 2024 پہ بلوچستان ءَ جان کُشیں سالے ءِ بیتگ اود ءَ 20300 دگ ءِ وئیلاں 471 ءَ گیش مرگ ءِ ارجان بیتگ انت ھمے وڑ 17 ھزار 5 سد ءَ گیش مردم سانمند بیتگ انت-
دگ ءِ وئیلاں جانانی روگ ءَ مھلوک ءُ چاگردی توار چِست کنگ بیتگ اَنت، اے وئیلانی دارگ ءِ ھاتر ءَ زھرشانی روانک ءَ دگہ دروشم رنگ ءُ درشم کارمرد کنگ بیتگ اَنت بلے اے جیڑہ گیشنگ نہ بیتگ ءُ ھمے وڑ ایشانی کمی ءَ ابید گیشی اتکگ انت-
دی بلوچستان پوسٹ ءِ ویژول اسٹوڈیو ءَ گوستگیں سال ءَ (2024) ءَ دگ ءِ وئیلاں کچ ءُ کساساں یکجاہ کتگ انت- اے کچ ءُ کساسانی رد ءَ سرکاری تکاں 20300 وئیل رپورٹ بیتگ اَنت اے وئیلانی کساس سال 2023 ءَ 969 بیتگ انت-
زانگ بہ بیت اے کچ ءُ کساس یک کمے ھسابے ءِ دروشم ءَ انت کہ پرچاکہ لھتے ھنچیں وئیل بنت اِنت کہ آ رپورٹ نہ بنت اِنت راستیں کساس اے کَچاں گیش اَنت-
سال 2024 ءَ اے وئیلانی آسر ءَ 471 ءَ گیش مردم بیران 30596 ءَ گیش مردم زدگ بیتگ اَنت ھمے اے وئیلاں 17531 کھول سانمند بیتگ اَنت – اے کساس کچ ءُ کساساں پدردی اَنت ، دگ ءِ وئیلاں بلوچستان ءِ یک بازیں کچے سانمند کتگ انت، تُری آ پندی روک بہ بنت ،گاڑی ڈرائیور بہ بنت یا کارگو ٹرک آپریٹرز بہ بنت اِنت-
دی بلوچستان ءِ اے کچ ءُ کساسانی رد ءَ اے دگانی وئیلاں گیشتر وئیل کار سانمند بیتگ انت چریشاں 6690 وئیل رپورٹ بیتگ اَنت، ایشی ءَ پد 4460 پرپٹ، 2230 پک اپ ءُ 117 بس وئیلانی آماچ بیتگ اَنت-
گوستگیں سال ءَ گیشتر وئیل شال کراچی شھدگ ءِ جتا جتائیں بھر شال ءُ ھزدار ءَ ھوار کنوکیں دگ ءَ پیش اتکگ اَنت، شال ءَ 6093 وئیل، ھزدار ءَ 1875 وئیل، کلات ءَ 1339 وئیل ءُ مستونگ ءَ 1071 ءَ وئیل رپورٹ بیتگ انت ھمے وڑ کیچ ءَ 4603، گوادر ءَ 1339 ءُ جعفر آباد 1339 رپورٹ بیتگ اَنت –
سرجمیں بلوچستان ءَ وئیلاں بازیں کچے ءَ وئیل بنت اِنت البت شال، کراچی ءِ بنجاھی شھدگ ءِ وڑیں شھدگ بلوچستان ءِ مھلوک ءِ نیمگ ءَ ‘ ھونی ئیں شھدگ ’ ءِ نام دیگ بیتگ کہ اود ءَ ھمک روچ وئیل پیش بنت اِنت، شال کراچی ءِ بنجاھی شھدگ ءَ پیش آیوکیں وئیلانی بازیں سبب ھست اَنت چریشاں 688 کلو میٹر دراج کشیں دگ ءِ تنگی بوگ ءُ آئی ءِ تنگی ءِ پراھی، شون دیوکیں لینانی نہ بوگ، بازیں سدانی کلو میٹر جانسلامتی بنجل نہ بوگ ءُ ڈرائیورانی بے دلگوشی ھوار اَنت-
