بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ بی ایل اے ءِ بُرزی ءُ ڈرون وارفیئر یونٹ ” قھر (QAHR) ” بلوچستان ءِ جتاجتائیں دمگاں کلات ءُ مستونگ ءَ چار کاروائی کتگ کہ آیانی تہ ءَ زورگریں پاکستانی پوج ءِ بُنجاھی بُنجلاں، پوسٹ ءُ کاروان نشانگ کتگ اَنت- اے اُرشاں زورگریں پوج ءِ میجر رینک ءِ افسر عمر ءَ ھوار شش کارندہ مرتگ وھدے کہ دُژمن ءَ گیش مالی تاوان ءِ دیمپانی کنگ کپتگ-
جارکش ءَ گوشتگ کہ 5 نومبر ءَ کلات ءِ دمگ منگچر ءَ سرمچاراں پاکستانی پوج ءِ بُنجاھی بُنجل ءُ پوسٹ یکیں وھدے ءَ اُرشانی نشانگ کتگ اَنت- بی ایل اے ءِ “قھر” یونٹ ھم آپریشن ءِ بھر بیتگ- قھر یونٹ ءِ سرمچاراں زورگریں پاکستانی پوج ءِ بُنجاھی بُنجل سر ءَ سے ڈرون اُرش کتگ آیانی تہ ءَ دُژمن ءِ کارندھانی، شوربندیانی ءُ گاڑی نشانگ کتگ اَنت- ڈرون اُرشاں دُژمن ءِ یک کارندھے مرتگ ءُ کم چہ کم دگہ سے ٹپی بیتگ اَنت وھدے کہ یک گاڑی یے ھم سک تاوان رس اِتگ-
جارکش ءَ گوشتگ 09 نومبر ءَ مستونگ کھڈکوچہ ءَ زورگریں پاکستانی پوج ءِ بُنجاھی بُنجل ڈرون اُرشاں نشانگ کتگ اَنت- قھر یونٹ سرمچاراں سوبمندی ءَ چہ دُژمن ءِ بُنجل ءَ بکتر بند دگہ گاڑیاں ھوار کارندہ نشانگ کتگ اَنت- اُرشاں دُژمن ءِ یک کارندھے جاہ پہ جاہ پہ جاھی مرتگ-
جارکش ءَ گْوشتگ کہ 11 نومبر ءَ مستونگ ءِ دمگ کھدکوچہ ءَ قھر یونٹ ءِ سرمچاراں زورگریں پوج ءِ بُنجاھی بُنجل ءِ سر ءَ ڈرون اُرش کتگ دُژمن ءِ سنگر ءُ شوربندی اُرشانی نشانگ کتگ اَنت- اُرشاں زورگریں پوج ءِ دو کارندہ مرتگ اَنت وھدے کہ دُژمن ءَ مالی تاوان دیمپانی کنگ کپتگ-
جارکش ءَ دیمتر ءَ گوشتگ کہ 14 نومبر ءَ مستونگ کردگاپ ءَ بلوچ لبریشن آرمی ءِ بُرزی ءُ ڈرون وارفیئر یونٹ” قھر(QAHR) ءَ زورگریں پاکستانی پوج ءِ یک کاروانے ءَ ھوار گاڑی یے ڈرون اُرشاں نشانگ کتگ – اے کاروائی ءَ بی ایل اے ءِ انٹیلی جنس رنگ، “زراب” تچکیں ھالانی بُنیاد ءَ کتگ- اے سوبمندیں آپریشن ءَ زورگریں پاکستانی پوج ءِ 44 ایف ایف ءِ میجر عمر منھاس جھمنند پنجاب ءُ ھوالدار عدنان جھمنند کوٹلی ستیاں جاہ پہ جاھی مرتگ اَنت-
جارکش ءَ گوشتگ کہ بلوچ لبریشن آرمی تچک کنگ لوٹ اِیت کہ مٹ بیتگیں جنگی لوٹانی ءُ نوکیں ٹیکنالوجی بودناکی ءِ ھمراھی ءَ زورگریں پوج ءِ مُھر سرپد بیؤکیں بُنجاہ ھم نو مئے تچکی ءَ نشانگ ءَ اَنت- مئے گل اے کول کنت کہ زورگریں پوج آئی ءِ پوجی شوربندی ءُ پوجی سُر ءُ پُرانی ھلاپ ءَ اے وڑیں تُرندیں کاروائیاں راجی واتوجھی ءَ تاں گوں تُرندی ءَ برجاہ بنت-
















































