چہ بلوچستان ءِ جتاجتائیں دمگاں پاکستانی لشکر ءِ دست ءَ زورانسری آوار جنگ بیتگیں شش مردم یل بیتگ ءُ وتی لوگاں سر انت۔
رس اتگیں ھالانی رد ءَ ضلع آواران ءِ دمگ چہ گجر مشکے ءَ سیادی داروکیں سئے مردم مھمد بکش ء مھمد ابراھیم ، نئیم ء مھمد ابراھیم ءُ رپیک بلوچ ء دلمراد کہ 2 فروری 2026 ءَ زورانسری آوار جنگ بیتگ انت ءُ 12 نومبر 2026 ءَ چہ ھب چوکی ءَ یل کنگ بیتگ انت۔
ھمے وڑ شال ءِ دمگ کلی اسمائیل ، پرید کالونی ءِ جھمنند تنویر بلوچ ء ھان مھمد 27 جولائی 2026ءَ زورانسری آوار جنگ بیتگ ءُ 5 نومبر 2026 ءَ چہ جبل نور شال ءَ یل بیتگ۔
ھمے پئیم ھاران ءَ چہ سیادی داروکیں ڈاکٹر ابدالمالک ء ھاجی نور اھمد 2 اکتوبر 2026 ءَ زورانسری آوار جنگ بیتگ ءُ 12 نومبر 2026 ءَ چہ ھاران ءَ یل بیتگ۔
ءُ شال ءِ دمگ کلی کمبرانی دگ ءِ جھمنند مدثر بلوچ ء ابدالستار کہ 31 اکتوبر 2026 ءَ زورانسری آوار جنگ بیتگ ءُ 9 نومبر 2026 ءَ چہ شال ءَ یل کنگ بیتگ۔