چہ پاکستان ءَ اوگانستان ءَ پترگ ءِ جھد – نوریستان ءَ اوگان لشکر ءِ کارروائی، دہ مردم بیران ، شش دزگیر

اوگانستان ءِ واکدارانی رد ءَ شمبے ءِ روچ ءَ اوگانستان ءِ رودراتکی صوبہ چہ نوریستان ءَ ڈیورنڈ لائن ءِ سر ءَ پترگ ءِ کوشست بے کنگ بوتگ۔

اوگانستان ءِ واکدارانی رد ءَ “ ناشریں ٹولی” ’’اوگانستان فریڈم فرنٹ / اے ایف ایف‘‘ داعش ءِ ھمکاری ءَ امن ءُ ایمنی ءِ ھراب کنگ ءِ ھاترا نورستان ءِ تہ ءَ ھوار بوھگ ءِ جھد ءَ بیتگ انت۔

دیمترا گْوشگ بیتگ کہ اوگانستان ءِ سیمسر ءِ لشکر ءَ ’’شِر ءُ ناشریں ‘‘ ءُ داعش ءِ دہ مردم کُشتگ ءُ بازیں مردم ٹپیگ کتگ اَنت ءُ شش مردم ھم دزگیر کنگ بوتگ اَنت۔

دزگیریں مردمانی گپ ویڈیوانی تہ ءَ گوشدارگ بیت کہ آ چہ ایران ءَ پاکستان ءِ دمگ چترال ءَ دیم دیگ بوتگ اَنت کہ اودا۔ َ آیاں پاکستانی لشکر ءِ کیمپاں تربیت زرتگ۔