وتن اللہ ءِ داتگیں دادے- مولانا ایاز بلوچ

وتن اللہ ءِ داتگیں دادے

نبشتہ کار :مولانا ایاز بلوچ

دی بلوچستان پوسٹ

وتن پاکیں اللہ ءِ داتگیں نیامتاں چہ یکے کہ وتی بندھاں پہ جھمنند بیگ ءِ واستا بکشاتگ ئِے.اولی چیز وھدیکہ اللہ تعالی ءَ بی بی ھوا ءُ آدم علیہم السلام ءَ چہ بھشت ءِ درکنگ ءَ پد بکشات آ وت اَت۔اللہ تعالی ءِ پرمان اِنت۔ وھدے کہ واجہ ءَ مدینہ وتی وتن جوڑ کت-

وقلنااھبطو بعضکم لنعض عدوُُّ ولکم فی الارض مستقر ومتاع الی حین۔رجانک:ما گوشت ایر کپ اِت شما(بی بی ھوا،آدم علیہ السلام ءُ شیتان) شما یکا دگر ءِ دشمن اِت پہ شما زمین ءِ تہ جاگہ (وتن)زندگی ءِ سامان ھست اَنت۔

پد ءَ مئے پیروک آدم علیہ السلام ءَ اللہ ءَ زمین دات وتن ءِ دروشم ءَ ءُ آدم ءِ چک ءُ نماسگ ھم اے زمین ءِ وارس اَنت بزاں ھر کوم پت داں پیروک ھمے زمین ءِ سر ءَ وتن ءِ تہ ءَ نشتگ اَنت آ ھمایانیگ اَنت نو کس ءَ اے ھک دیگ نہ بیت کہ دگرانی زمین ءَ کبزہ بہ کنت۔ بکاری ءُ مسلم ءِ ھدیث اِنت مَنِ اقْتَطَعَ شِبْرًا مِنَ الْأَرْضِ ظُلْمًا طَوَّقَهُ اللَّهُ إِيَّاهُ يَوْمَ الْقِيَامَةِ مِنْ سَبْعِ أَرَضِينَ رجانک : ھرکس دگرے ءِ زمین ءَ پہ زلم یک بالشت بچیلے کبزہ بہ کنت کیامت ءِ روچ ءَ ھپتاد زمین سمبگ ءُ آئی ءِ گٹ ءَ دیگ بیت۔

گڑا مردم مردمانی ملک ءُ زمیناں بر اَنت آیانی چہ ھال بیت متلب ایش اِنت دگرانی زمین ءُ ملکانی کبزہ کنگ شر نہ اِنت۔ وتن ءِ مھبت ءُ دوستی یک کدرتی ءُ پتری چیزے انسان ءِ دل ءَ مدام زندگ اِنت آیانی وتن ڈل ءُ ڈوک بہ بیت یا درچک ءُ کوہ آیانی دل ءَ اے بوستانی پل اَنت۔ انسان وانسانے ھیوان دلوت گوں وتی وتن ءَ مھر کنت بلوچیں برات زانت ھشتر یا پس ھرچ دلوت ءِ کہ ھست اِنت وتی بنکی جاہ ءَ چہ دومی جاہ ءَ برگ بیت اگاں تو مہ بندے ئے وتی بنکی جاہ ءَ روت مرگ ستر پلانی ءُ باگانی تہ ءَ بہ بیت شپ ءَ وتی کدو ءَ کیت بزاں وتی وتن الم یات کیت پتری ءُ مھبت اِنت پرچا کہ آیانی پت ءُ پیروکانی گسانی یات ھمے وتن ءَ گوں بندوک اِنت ۔ ھزاراں سال پت ءُ پیروکانی کسہ کھانی ھمے وتن ءَ گوں ھست اَنت یک چیزے کدرتی پترتی چیزے اسلام آئی ءِ ھلاپ ءَ نہ کنت پرچا کہ اسلام پتری دین اِنت متلب ( وائے وتن ھُشکیں دار کدرتی پتری بلوچاں گوشتگ اسوہ: واجہ رسول اللہ صلی اللہ علیہ وسلم اسوہ ونمونہ واجہ ءِ مھبت ءُ دوستی گوں وتی وتن ءَ چنچک بوتگ وھدیکہ واجہ وتی وتن مکہ یل کت مُشرکاں تکلیپ کت زلم کت واجہ مدینہ ءَ روگ اَت واجہ ءَ چک ترینت مکہ نیمگ ءَ گوں گریوگیں چمے گوشت ئِے مھبت ءِ ازھارکت گوشت ئِے رَسُولُ اللَّهِ صَلَّى اللَّهُ عَلَيْهِ وَسَلَّمَ لِمَكَّةَ: ” مَا أَطْيَبَكِ مِنْ بَلَدٍ وَأَحَبَّكِ إِلَيَّ، وَلَوْلَا أَنَّ قَوْمِي أَخْرَجُونِي مِنْكِ مَا سَكَنْتُ غَيْرَكِ “

اے مکہ جان شھرانی توک ءَ تو بھترین وشوکیں شھر تو من ءَ سک دوست بئے چہ ھر چیز ءَ اگاں منی کوم ءَ من ءَ در مہ کتیں من تئی وتن ءَ دگہ ھچ جاہ نہ شتاں ترا یل ندات۔بزاں واجہ ءَ وتی وتن سک دوست اَت پرچاکہ واجہ زندگی ءِ پت ءُ پیروکی جاگہ اَنت پد ءَ اللہ ءِ لوگ اِنت بزاں واجہ ءَ مھر اِنت گوں وتی وتن ءَ  واجہ ءِ نماز ءُ روچک مئے واستا ایوک ءَ نمونہ نہ اَنت ھر چیز کہ بہ بیت وتن یا دگہ چیزے وتن ءِ بہ بیت دگہ مئاملہ واجہ رسول اللہ صلی اللہ علیہ وسلم ءِ گوں اسھاباں وتی وتن ءَ سک باز دوستی بوتگ بکاری ھدیث اِنت سیدہ آشہ رضی اللہ عنھا بیان کنت وھدے کہ مسلماناں ھجرت کت وتی ماتیں وتن پہ اسلام ءِ ھاتر ءَ یل دات گڑا اد ءَ بیمار بوت اَنت گڑا ھمے بیماری ءِ سبب ءَ منی واجھیں پت ابوبکر بلال سک بیمار بوت اَنت پردہ ءِ ھکم نازل بیگ ءَ چہ پیسر من شتاں وتی ابا جان چار اِت گڑا من گوشت تو چون ئے گوشت ئِے بیماراں موت چمپل ءِ بند ءَ نزیک تر اِنت پد ءَ من واجہ بلال ءِ کر ءَ شتاں کہ چاران ئِے من چار اِت وھدے بلال ءِ تپ سست بیت گڑا بلال الھان کنت شیر جنت ءُ شیر ایش اِنت
هل أبيتن ليلةً … بوادٍ وحولي إذخرٌ وجليلُوهل أردن يوماً مياه مجنةٍ … وهل يبدوَنّ لي شامة وطفيلُ

کاش یک شپے من مکہ کورانی تہ ءَ بگوازیناں منی ارد ءُ گرد ءَ ازدھر نامیں ءُ جلیل نامیں وشبوے درچکک بوتین اَنت کاش من مجنہ ءِ چمگ بہ دیتیں آپ کاش منی دیم ءَ مکہ ءِ شامہ کوہ ءُ تپیل نام ءِ کوہ زاھر بیتین اَنت اے شیر ئِے ونت پد ءَ وتی وتن ئِے یات کت گوشت ئِے اے اللہ تباہ ءُ برباد بہ کن عتبہ شیبہ امیہ بن خلف ءَ كما أخْرَجُونَا مِن أَرْضِنَا إلى أَرْضِ الوَبَاءِ».اشاں مارا چہ مئے وتن ءَ درکتگ گڑا بی بی آشہ گوش اِیت بلال ءِ اے شیر من شتاں واجہ ءَ گوشت بیاکہ بلال مکہ ءِ درچک ءُ داراں یات کنگ ءَ اِنت بزاں بلال وتی وتن ءَ یات کنگ ءَ اِنت تپیگ اِنت گڑا واجہ ءَ پھم اِت منی سھابیاں وتی وتن ءِ واستا وش نہ بیت واجہ ءَ گڑا ھمد ءَ دعا کت«اللّهُمَّ حَبِّبْ إلينا المَدينةَ كَحُبِّنا مَكَّةَ أو أشدَّ»،اے اللہ مدینہ ءَ مارا انچش دوست بہ کن کہ انچش مارا وتی وتن مکہ دوست اِنت بزاں واجہ سھابانی سر ءَ زھر نہ گپت نہ گوشت ئِے کہ شما تئسب کنگ ءَ اِت وتن پرستی کنگ ءَ اِت واجہ ءَ زانت اے پتری مھبتے وھدے واجہ ءَ مدینہ وتی وتن جوڑ کت گڑا مدینہ سک باز دوست بوت اش ھدیس اِنت وتن پاکیں اللہ ءِ داتگیں نیامتاں چہ یکے کہ وتی بندھاں پہ جھمنند بیگ ءِ واستا بکشاتگ ئِے۔

وقلنااھبطو بعضکم لنعض عدوُُّ ولکم فی الارض مستقر ومتاع الی حین۔ واجہ سپر ءَ ھر وھد ءَ واپس بوت مدینہ ءِ لوگ دیست اَنت ئِے وتی سواری تیز ئِے کت چہ وتن دوستی چہ ابن ھجر گوش اِیت ایشی ءَ چہ مردم سرپد بیت وتن دوستگیں چیزے امام زھبی گوش اِیت واجہ ءَ لھتے چیز دوست بوتگ آیانی تہ ءَ یکے وتن بوتگ اسلام ءِ توک ءَ تاریک ءِ اسلام ھجرت یک بلاھیں داستانے کرآن ءَ ھجرت ءِ مھاجرانی یک بلاھیں سوابے بیان کتگ آیانی بدل ءَ جنت گوشتگ

فَالَّذِينَ هَاجَرُوا وَأُخْرِجُوا مِن دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ
ھما مردم کہ درکنگ بوتگ اَنتوتن ءَ منی راہ ءَ تکلیپ دیگ بوتگ اَنت اشانی واستا جنت ھست اِنت اشانی گناھاں من پھل کناں گناھانی پھلی جنت ءِ وادہ ھمے واستا اشاں اسلام ءِ واستا بلاھیں تکلیپی برداشت کتگ وتی دوستگیں وتن یلا داتگاللہ پاک ءَ اشانی وتن ءِ کربانی انچش دوست بوت کہ اشانی نام مھاجر ایر کت دیم ءِ مردم ءَ اشانی مدت کت آیانی نام انسار ایر کت

وتن دوستی بلاھیں چیزے وتن دور ءِ بلاھیں مسیبت ءِ سکیں تکلیپی ءِ گپ کرآن اے گپ ءِ گواہ اِنت پرمان کنت وَلَوْ أَنَّا كَتَبْنَا عَلَيْهِمْ أَنِ اقْتُلُوا أَنْفُسَكُمْ أَوِ اخْرُجُوا مِنْ دِيَارِكُمْ مَا فَعَلُوهُ إِلَّا قَلِيلٌ مِنْهُمْ» ترجمہ
ما اگاں پرز بہ کتیں آیانی سر ءَ وت ماں وت بہ کَش اِیت ءُ در بہ کنت یا در بیا اَنت چہ وتی لوگاں وتن ءَ اشانی واستا گران اِنت کُت کت ئِے  الامہ مپسر شیک مولانا ابدالگپار زامرانی وتی تپسیر ءِ تہ ءَ اے آیت ءَ بارہ ءَ گوش اِیت وھدیکہ ارزانیں سبکیں چیزانی سر ءَ امل کت نہ کن اَنت لازم الم اللہ پاک ءَ زانتگ اے پیم گرانیں ھکم مردماں نداتگ ئِے بزاں وتن دوری ھمے وڑ ءَ گوستگیں کوماں وتی پیگمبرانی گپ نگپتگ اَنت وتی پیگمبر گرانیں دھمکی تکلیپ دات اَنت اگاں شما وتی داوت تبلیگ بند نہ کت ما شمارا وتی وتن ءَ چہ درکنیں آیاں زانت وتن دوری چہ پیگمبراں تکلیپ بیتاللہ تعالی پرمان کنت”وَقَالَ الَّذِينَ كَفَرُوا لِرُسُلِهِمْ لَنُخْرِجَنَّكُم مِّنْ أَرْضِنَآ أَوْ لَتَعُودُنَّ فِى مِلَّتِنَا”.ترجمہ کاپراں گوشت وتی پیگمبراں ما شمارا لازم درکنیں چہ وتی وتن ءَ یا شما واتر بہ بہ اِت چہ مئے دین ءِ توک ءَ

ھمے وڑ ءَ شئیب علیہ السلام ءِ کوم ءَ گوشت ھمے وتن ءِ درکنگ ءِ دھمکی دات گوشت اش
۞ قَالَ الْمَلَأُ الَّذِينَ اسْتَكْبَرُوا مِن قَوْمِهِ لَنُخْرِجَنَّكَ يَا شُعَيْبُکوم ءِ جنرل کنرل ءَ گوشت شئیب علیہ السلام تو اگاں وتی داوت ءُ تبلیگ ءَ بند نکن ئے ما ترا چہ وتن ءَ درکنیںھمے وڑ ءَ لوت علیہ السلام ءِ کوم ءَ لوت ءَ دھمکی دات أَخْرِجُوهُمْ مِنْ قَرْيَتِكُمْ ۖ اے لوت مارا چہ وتن ءَ میتگ ءَ درکن ئے گوشگ متلب ھمیش اِنت وتن دوستی پتری چیزے نبیانی دل ءِ تہ ءَ بیتگ کوم وتن ءَ چہ دوری گرانیں پمیشکا اشان ءَ چوشیں سزا داتگھمے وڑ ءَ اسلام ءِ تہ ءَ لھتیں سزا ھست مجرم اگاں جرمے کنت اسلام گوش اِیت جلا وتن ءِ بہ کن اِتبلے اے سزایانی بیان کنگ ءِ گنجائش مضمون نیستھلاسہ کلام ایش اِنت گوں وتن ءَ مھبت پتری چیزے ھرنبی ءُ رسول ءَ سھابا اکراماں گوں وتن ءَ مھبت کتگ-

ھر مسلمان بائد اِنت گوں وتن ءَ مھبت بہ کنت گوں وتن ءِ مبت کنگ ءَ تئسبے نہ اِنت بلکیں وتن ءِ ھپازت کنگ جائز اِنت اسلام ءِ دائرہ توک ءَ بہ بیت اے مضمون ءِ نبشتہ کنگ ءِ مکسد ھمیش اِنت باز مردم گوش اِیت وتن ءِ کوہ ءُ ڈگارانی کوچگ ءُ جنگلانی سر ءَ شیر بندگ تئسبے بلے چش نہ اِنت
دومی سبب ایش اِنت من چہ میوزک ءَ گلام ھسین شوھاز ءِ شیرے در کت اسٹیٹس ءَ جت آئی ءِ تہ ءَ وتن ءِ توسیپ ھست اَت گڑا منی یک آلمیں سنگتے گوش اِیت تو ملایے وتن ءِ سر ءَ شیر اسٹیٹس ءَ جتگ منی نبشتانک ھما برات ءِ واستا اِنت بزانت وتن ءِ سر ءَ شیر ءِ نبشتہ کنگ گناہ نہ اِنت گوں وتن ءَ مھبت کنگ پتری چیزےمن وتی نبشتانک ءَ گوں گلام ھسین شوھاز ءِ اے شیر ءَ ھلاس کنگ لوٹاں

شنکاں بلے کوش ستر بے مٹیں ملیبار ءِ پراہ ءُ زیبدار اَنت زید ملتان ءِ کابل ءِ کوہ ءُ میوہ کشمیر ءِ
ءُ شنکاں بلے مٹ نہ بنت ستانی منی ڈیھ ءِ منی مادریں ھنکین ءِ نہ بنت ڈول ءَ
چو سمین پہ من اے لوار گرمیں
جنت اِنت پمن منی گریشگیں سبی
چو کلات ءَ اِنت پمن منی سرمگیں بولان
روک منی چمانی مکران باگیں