بلوچستان ءِ دمگ کیچ ءَ تراکے ءِ آسر ءَ پاکستانی لشکر نشانگ جوڑ کنگ بیتگ اَنت کہ ایشی ءِ تہ ءَ جانی تاوانانی ھال ھم دیم ءَ اتکگ انت۔
مرچی سھب ءَ ھیرونک ءَ سی پیک ءِ سر ءَ پیادگیں پاکستانی اُرد آئی ای ڈی تراک ءِ نشانگ جوڑ کنگ بوتگ اَنت۔ اھوالانی تہ ءَ گوشگ بیتگ کہ تراک ءَ پوج ءِ دو کارندہ بیران بیتگ انت۔
اے درگت ءَ انگت ءَ واکداراں ھچ وڑیں ھال ءُ اھوال نہ داتگ۔
دومی نیمگ ءَ نوشکی زرین جنگل ءَ سلاہ بندیں مردماں ناکہ بندی ءِ وھد ءَ سرکاری کارگساں برگ بوھوکیں سامان داتیگ کتگ اَنت۔
ھمے وڑ ھزدار ءِ دمگ کرخ ءَ سلاہ بندیں مردماں ڈی آئی جی ھزدار رینج ءُ ایس ایس پی ھزدار ءِ کاروان ءِ سر ءَ اُرش کتگ کہ ایشی ءِ آسر ءَ سے کاردندہ ٹپی بیتگ انت۔
اھولانی رد ءَ ھزدار ءِ دمگ کرخ ءَ ڈی آئی جی ھزدار عمران قریشی ءُ ایس ایس پی ھزدار ءِ کاروان ءِ سر ءَ اُرش کتگ ۔
زانگ بہ بیت گوستگیں روچ ءَ کرخ تھانہ ھم ناشناسیں سلاہ بندیں مردماں گوں تراک ءَ تباہ کتگ ءُ مروچی ڈی آئی جی ھزدار رینج عمران قریشی ءُ ایس ایس پی ھزدار بازیں کچے ءَ گوں کارندھاں ٹپاسگ ءَ روگ ءَ بیتگ انت۔