بلوچستان:جتاجتائیں ھندانی جھمنندیں چار مردم زورانسری بیگواھی ءَ پد یل کنگ بیتگ انت

بلوچستان ءِ جتاجتائیں ھندانی جھمنندیں چار مردم مزنیں ءُ کسانیں وھداں چہ پاکستانی لشکر ءِ دست ءَ زورانسری آوار جنگ ءَ پد یل کنگ بیتگ انت ءُ وتی لوگاں سر بیتگ انت۔

گیشیں اھوالانی رد ءَ پنجگور ءِ ھند جاھین پروم ءِ جھمنند مھمود ء ھاشم 2 اکتوبر 2026 ءَ زورانسری آوار جنگ بیتگ ءُ 31 اکتوبر 2026 ءَ چہ پنجگور ءَ یل بیتگ۔

ھمے وڑ ءَ سوراب ءِ جھمنندیں شپیک اھمد ء نور مھمد کہ 5نومبر 2025 ءَ بیگواہ کنگ بیتگ ءُ 17 مئی 2026 ءَ چہ شال ءَ یل بیتگ۔

دومی نیمگ ءَ ڈیرہ گازی ھان ءِ جھمنندیں وکاس بلوچ ء اھسان اللہ کہ 30 اکتوبر 2026 ءَ زورانسری آوار جنگ بیتگ ءُ 5 نومبر 2026 ءَ راولپنڈی پنجاپ ءَ یل بیتگ۔

ھمے داب ءَ ضلع کیچ ءِ بنجاھی شھر تربت ءِ میتگ آپسر ءِ جھمنندیں جواد شاد ء دلشاد 20ستمبر 2026 زورانسری آوار جنگ بیتگ ءُ 6نومبر 2026 ءَ چہ بلوچستان بنجاھی شھر شال ءَ یل کنگ بیتگ۔

چاریں مردمانی آجوئی ءِ ھالانی دیم ءَ آیگ ءَ پد آیانی کھولاں دلجمی ءِ درشان کتگ۔