بلوچ ریپبلکن گارڈز ءِ جارکش دوستین بلوچ ءَ رسانکدر ءَ داتگیں بیانے ءَ گْوشتگ کہ گل ءِ ’عامر ایئر گارڈینز‘ ءَ بھاگ ءَ یکجاھی ءَ فوج ءُ پولیس ءِ بنجل ڈرون اُرش ءَ نشانگ جوڑ کتگ ءُ بولان ءَ فوجی کاروان ءِ سر ءَ اُرش کتگ ءُ 5 کارندہ کشتگ اَنت۔
جارکش ءِ رد ءَ مرچی سھب ءِ 8 بج ءَ بلوچ ریپبلکن گارڈز ءِ ڈرون یونٹ ءِ سرمچاراں بلوچستان ءِ دمگ کچھی ءِ بھاگ شھر ءَ زورگیریں پاکستانی لشکر ءُ پولیس ءِ یکجائی بنجل نشانگ جوڑ کتگ۔ اے اُرش ءِ آسر ءَ زورگیریں دژمن ءِ 1 کارندہ مرتگ ءُ 1 کارمندے سک ٹپیگ بوتگ۔
جارکش ءَ گْوشتگ مرچی سھب ءِ 10بج ءَ بلوچ ریپبلکن گارڈز ءِ سرمچاراں بلوچستان ءِ دمگ کچھی ءِ ھند بولان ءَ پاکستانی زورگیریں لشکر ءِ کاروان ءِ سربستگ ءُ راکٹ ءُ مزنیں نوکیں سلاھاں گوں ترندیں اُرش کتگ۔ اے اُرش ءِ آسر ءَ دژمن ءِ 4 زورگیریں کارندہ مرتگ ءُ بازیں ٹپی بوتگ اَنت ءُ فوجی گاڑی ھم سک باز تاوان بوتگ اَنت۔
بیان ءِ تہ ءَ گْوشگ بیتگ کہ مئے گل بی آر جی اے اُرشانی زمہ واری ءَ من ایت ءُ داں بلوچستان ءِ سرجمیں آجوئی ءَ اے وڑیں اُرش برجاہ مان اَنت۔