TBP Balochi

گوستگیں شپ ءَ پاکستانی فوج ءَ مند ءِ میتگ گوبرد ءَ بیڑ برتگ بازیں گس پٹ ءُ لوٹ کتگ اَنت چار مردم ورناہ زورانسری آوار جتگ ءُ گوں وت برتگ انت۔

دمگی اھوالانی رد ءَ دوشی شپ ءِ دو بج ءَ فوجی کارمنداں مزنیں کچے ءَ گوبرد ءَ بیڑ برتگ اول سر ءَ شکاری پیر مھمد ءِ گس ءَ بیڑ برتگ ءُ زھگ ءُ زالبولاں گوں کم شرپ کرتگ انت ءُ لوگانی پٹ ءُ لوٹ کنگ ءَ پد سمیر ءِ ناسر نامیں ورنایے آوارجتگ ءُ برتگ۔

ھمے رنگ ءَ ماسٹر ریپک ءِ گِس ءَ بیڑ ئِے برتگ لوگانی زر ءُ سھر ءُ ساماناں ھوار وسیم ءِ ستار آوار جتگ ءُ برتگ ۔

اھوالانی رد ءَ پدشتگ سوال مھمد ء سدیک ءِ گِس ءَ بیڑ ئِے برتگ چُک زالبول بیھار داتگ اَنت سوال مھمد ءِ دو چک آوار جتگ ءُ برتگ انت کہ آ سگیر ءِ سوال مھمد ءُ زھیر ءِ سوال مھمد ءِ نام ءَ زانگ بیتگ انت۔

دمگی مردمانی رد ءَ چد ءُ پیش گوستگیں سے شمبے ءَ مند بلوچ آباد ءَ سرکاری کمک ءَ ھستیں ٹولی ءَ بیڑ برتگ ءُ اود ءَ دو ورنا آوار جتگ ءُ برتگ انت کہ انگت بیگواہ انت۔

کیچ ءِ دمگ دشت چیری کنچتی ءَ دھکانکارانی سر ءَ ڈرون ءِ اُرش ءَ چہ یک دھکانکارے بیران ءُ شش ٹپیگ بوتگ اَنت۔

دمگی اھوالانی رد ءَ وئیل ءِ وھد ءَ کارمند زمینانی سر ءِ کار کنگ ءَ بوتگ اَنت کہ ڈرون ءِ اُرش ءَ چہ آھاں نشانگ جوڑ کنگ بوتگ انت۔ بیران ءُ ٹپیگ پشتون گشگ بیتگ انت۔

ھالانی رد ءَ وئیل ءَ چہ پد بیران بوتگیں مزدور ءُ ٹپیگ ٹیچنگ ہسپتال تربت ءَ سر کنگ بوتگ انت پہ المی ئیں کانونی کاروائی ءُ درمانی بوگ ءَ انت ۔

بلوچستان لبریشن فرنٹ ءِ جارکش میجر گوھرام بلوچ ءَ شنگ کتگیں درشان ءَ گوشتگ درزنانی پوجی ءُ انٹیلی جنس کارندہ کشتگ انت، لٹ ءُ پلی منسوبگانی بنجل، پوج ءُ فرنٹئر کور ءِ چوکی تباہ کتگ انت ، آپریشن الماس وتی گچین کتگیں جاہ ءَ سوبمند بوگ ءَ پد آسر کتگ۔

جارکش ءَ گوشتگ بلوچستان لبریشن فرنٹ ءَ 22 اکتوبر ءَ گوادر ءُ کر ءُ کشاں بندات بوتگیں گوستانکی آپریشن الماس دراجکش ءُ ترندیں میڑاں پد وتی درسیں گچین کتگیں اسٹریجک، پوجی ءُ مالی نشانگانی سوبین بوگ ءَ پد سرجم ءَ ھلاس کتگ۔

میجر گوھرام بلوچ ءَ گوشتگ کہ بلوچستان لبریشن فرنٹ ءِ جند ندریں سرمچاراں پرنٹئر ورکش آرگنائزیشن ءِ مزنیں بنجل نشانگ کتگ ءُ ھاس گوادر ءُ مکران ءِ لٹ ءُ پلی شوربندیانی بنجاہ تباہ کتگ اَنت ءُ جھان ءَ را تچک ءَ کلوہ داتگ کہ بلوچ راج ءِ منشا ءَ ابید بلوچستان ءَ لٹ ءُ پلی شوربندی ھچ وڑ ءَ پھریز نہ بنت۔ ایپ ڈبلیو او ءِ مزنیں بنجل ءِ انٹر سروس انٹلیجنس ( آئی ایس آئی )ءُ ملٹری انٹلیجنس ءِ کارگس مئے جندندریں سرمچاراں نشانگ کتگ اَنت ءُ مزنیں سروگاناں ھوار باز کارمند ھمے ارشاں کشتگ انت۔ آپریشن الماس ءِ میان ءَ زورگریں پوج ءِ درسیں پسھی اُرش، بکتربند گاڑیانی دیم ءَ آھگ ءِ کوشست ءُ کمکی کاروان جند دریں سرمچاراں نہ تھنا بے سوب کتگ اَنت، بلکیں پد کنز کنگ ءَ لاچار کتگ اَنت ءُ بنجل ءِ سر ءَ وتی سرجم ءَ دستیگی داں بیست ادار ءَ برجاہ داشتگ۔

جارکش ءَ گوشتگ کہ سدو آپریشنل بٹالین آپریشن الماس ءِ میان ءَ جند ندریں سرمچارانی نہ ترسی کاروائی ءِ میان ءَ ملٹری انٹلی جنس( ایم آئی ) ءِ سروگان، اسپیشل سروسز گروپ ( ایس ایس جی ) ءِ کارمند ءُ ریگولر پوج ءِ درزنانی کچ ءَ کارمند مرتگ۔ چہ ایشی ءَ ابید دژمن ءِ مزنیں بنجل، چوکی، پترگی بیرکس ءُ انتزامیہ کارگس گوں اُرشانی رد ءَ سرجم ءَ تباہ کتگ، زورگریں پوج ءِ باز بکتربند گاڑی ءُ چاریگی ڈرون ءُ کواڈکاپٹرانی سر ءَ تیرگواری کتگ ءُ اُرشاں تباہ کتگ اَنت۔

آئی ءَ گوشتگ کہ آپریشن الماس ءِ میان ءَ زورگریں دژمن ءَ را مدام گوں دیدگ ءَ پد سدو آپریشنل بٹالین ءِ جند ندیں سرمچاراں داں گڈی تیر ءِ پلسپہ ءَ کار کتگ ءُ وت ءَ پہ آجوئی ءِ راہ ءَ کربان کتگ ءُ بلوچ راجی گوستانک ءَ نہ ترسی ءِ یک نوکیں درسے گیش کتگ۔اے گوستانکی جنگ ءَ جند ندریں سرمچار ھالد پنام ءِ زامر، بلقیس دیدگ پنام ءِ الماس، ھمید اللہ پنام ءِ بادل، شکیل پنام ءِ سھراب، مجیب زیب پنام ءِ آپتاب، ناسر علی پنام ءِ نودان، مجاھد مھر پنام ءِ سگار زامرانی ءَ شھیدی ءِ نام کٹ اتگ ءُ آپریشن ءِ سوبین کنگ ءَ وتی کرد پیلو کتگ۔

میجر گوھرام بلوچ ءَ وتی درشان ءِ گڈی ءَ گوشتگ کہ بلوچستان لبریشن فرنٹ اے سوبمندیں آپریشن ءِ میان ءَ دژمن ءَ بوتگیں جانی ءُ مالی تاوانانی گڈی، سرجمیں کچ ءُ کساساں زورت رسانکدر ءَ شنگ کنگ بنت۔

بلوچستان ءِ دمگ لسبیلہ ءِ شھر اوتھل نزیک ءَ زیرو پوائنٹ ءَ مسافر کوچ ءُ منی وین ءِ ٹکر ءَ چہ 12 مردم بیران ءُ بیست ءَ گیش ٹپیگ بوتگ انت۔

گیشیں ھالانی رد ءَ آدینگ ءِ روچ ءَ اوتھل زیرو پوائنٹ ءِ نزیک ءَ ترند رپتاریں مسافر کوچ ءُ منی وین ءِ ٹکر بوتگ کہ ایشی ءِ آسر ءَ 12 مردم بیران ءُ 20 ءَ چہ گیش ٹپی بوتگ انت۔

وئیل ءِ بابت ءَ سرپدی ءِ رسگ ءَ پد ایدھی ریسکیو ٹیم جاہ ءَ سر بوتگ انت ءُ بیران بوتگیں مردم ءُ ٹپیگانی لاش ایدھی ایمبولینس سروس ءِ وسیلگ ءَ دمگ ءِ ہیڈ کوارٹر ہسپتال اوتھل ءَ سر کنگ بوتگ انت۔

ریسکیو وسیلگ ءِ رد ءَ ٹپیگ اسپتال ءَ اولی کمک ءِ پد ءَ گیشیں علاج ءِ واستا کراچی ءَ سر کنگ بوھگ ءَ انت ۔

بلوچستان لبریشن فرنٹ ءِ جارکش میجر گوھرام بلوچ ءَ وتی درشان ءَ گوشتگ کہ بی ایل ایف ءِ سدو آپریشنل بٹالین ءِ آپریشن الماس شانزدہ ادار ءِ گوزگ ءَ پد گوں سوبمندی ءَ برجاہ اِنت۔ مئے جند ندریں سرمچاراں دژمن ءِ مزنیں بنجل ءِ سر ءَ وتی دستیگی برجاہ داشتگ، زورگریں پوج ھمک پڑا پدکنز بوگ ءَ اِنت۔

آئی ءَ گوشتگ کہ فرنٹئر ورکس آرگنائزیشن ءِ بنجل دو بر دستیگ کنگ ءَ پاکستانی پوج گوں بکتربند گاڑیانی رد ءَ دیم ءَ آھگ ءِ کوشست ءَ کنگ ءَ اِنت، مئے سرمچاراں پد ماں پد نشانگ کتگ اَنت،چہ ایشی بازیں کچے ءَ پوجی مرتگ ءُ زورگریں پوج تاوان ورگ ءَ پد پہ پدکنزگ ءَ لاچار بوتگ۔

میجر گوھرام بلوچ ءَ گوشتگ کہ زورگریں پوج ءِ نیمگ ءَ کواڈ کاپٹر ڈرون ءِ رد ءَ یکشل ءَ سرمچارانی سنگرانی نشانگ کنگ ءِ کوشش برجاہ اِنت پد ءَ ھم سرمچاراں پہ وھد کاروائی کتگ ءُ ڈرون برز ءَ نشانگ کرتگ ءُ تباہ کتگ اَنت۔

بلوچستان لبریشن فرنٹ ءَ شنگ کتگیں درشان ءِ تہ ءَ گوشتگ کہ آپریشن الماس جتاجتائیں جاھاں گوں تُرندی ءُ سوبمندی ءَ برجاہ ءَ اِنت، اے میان ءَ زورگریں پاکستانی پوج پُشتکنزی ءُ جانی مالی تاوانانی دیمپانی کنگ کپگ ءَ اِنت – آپریشن الماس ءَ تنی وھدے جتاجتائیں ھندانی سر ءَ میڑاں سرمچاراں جوانیں سوبمندی گپتگ-

جارکش ءَ گوشتگ کہ آپریشن الماس ءِ میان ءَ سرمچاراں ملٹری انٹیلی جنس(ایم آئی) ءِ یک کیپٹنے ءُ اسپیشل سروسز گروپ (ایس ایس جی) ءِ بازیں کارندھے کشتگ- گوادر زیرو پوائنٹ ءِ ھند سر ءَ پرنٹیئر ورکس آرگنائزیشن ءِ بُنجاھی بُنجل سر دستیگ کتگ اود ءَ بلوچستان لبریشن فرنٹ ءِ راجی بیرک مک کتگ، کہ سرمچارانی سوبمندی ءُ پیشگامی ءِ منانک اِنت-

جارکش ءَ گوشتگ کہ سرمچاراں مژانی پولیس تھانہ سر ءَ سرجمی ءَ دسیتگ کتگ اود ءَ ساڑی سرجمیں سرکاری سلاہ ءُ پوجی سامان وتی دستیگ کتگ اَنت وھدے کہ میڑ ءَ یک پولیس کارندھے ھم کُشگ بیتگ- اشی ءَ اَبید گبد ھند سر ءَ زورگریں پوج ءِ یک کاروانے اُرش ءِ نشانگ کتگ، چریشی ءِ آسر ءَ زورگریں پوج ءِ یک گاڑی یے سرجمی ءَ تباہ بیتگ ءُ اشی ءَ سوار بازیں کارندھے مرتگ ءُ ٹپی بیتگ اَنت- گبد کراس ءَ برجاہ پولیس چوکی ھم مئے سرمچاراں وتی دستیگ کتگ-

آپریشن الماس تنی وھدے جتاجتائیں جاھاں گوں تُرندی ءَ برجاہ ءَ اِنت – آپریشن الماس سرجمیں ھالاں ءُ تاوانانی سرپدی درشان ءَ آپریشن ءِ آسری ءَ شنگ کن ایں-

جارکش ءَ گوشتگ بی ایل ایف اے سرجمیں کاروائیانی زمہ واری ءَ منّ اِیت-

ھمے وڑ بی ایل ایف ءَ آپریشن الماس ءِ یک گچینیں ءُ ھاسیں میڑے ءِ میان ءَ سرمچار مجاھد مھر پنّام ءِ سگار زامرانی ءَ دُژمن ءِ سنگر گپتگیں پوجی بُنجل سر ءَ شورواں چہ پُریں گاڑی ءَ چہ جندندری اُرش کتگ دُژمن ءِ پھازی جاہ پروشتگ ءُ بُنجل ءِ تہ ءِ راہ گشینتگ ءُ وتی آ دگہ جندندر سنگتانی واستا پیشگامی راہ ارزان کتگ – بی ایل ایف جندندر مجاھد مھر پنّام سگار زامرانی ءِ اے بے بھائیں ءُ مزنیں دیمونی ءَ جوانیں ءُ شرپ ءِ گوما سھرچکیں دروت ندر کنت-

بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ گوشتگ سرمچاراں 22 اکتوبر 2026 ءَ گوادر ءِ زیروپوائنٹ ءَ زورگریں پاکستانی پوج ءِ ایف ڈبلیو او (FWO) ءِ مزنیں بنجل ءَ یک مزنیں ارشے ءَ دیم ءَ جنز اتگ ءُ آپریشن الماس بندات کتگ۔ اے مزنیں آپریشن ءَ مزنیں پوجی کاروائی ءَ بی ایل ایف ءِ بھرگ سدو بٹالین ءِ ھواری ءَ آدگہ پوجی بھرگ ءِ سرمچاراں بھر زیرگ ءَ انت۔

آئی ءَ گوشتگ کہ گوادر ءَ اے برجاھیں کاروائی ءِ تاوان ءُ گیشتریں ھالاں زوت رسانکدر ءَ شنگ کن ایں ۔ ایشی زمہ واری ءَ بلوچستان لبریشن فرنٹ من ایت۔

بلوچستان ءِ تیابدپی شھر گوادر ءَ مزنیں تراک ءُ تیرگواری ءِ توار اشکنگ بیتگ انت ءُ تراک ءِ ترندی ءِ سبب ءَ لوگانی شیشگ ءُ زمین ءِ جکسینگ ءِ اھوال دیم ءَ اتکگ انت ۔

دمگی مردمانی گشگ ءِ رد ءَ تراک ءِ توار سر ءُ پیشکان بازار ءَ ھم اِش کنگ بوتگ انت۔

بنداتی ھالانی رد ءَ تراکناکیں چیزاں گوں باریں گاڑی یے ءَ لشکری ادارھے نشانگ کتگ چریشی ءَ پد شھر ءَ یکشل ءَ تیرگواری ءِ توار پیداک انت۔

بلوچ ریپبلکن گارڈز ءِ جارکش دوستین بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں سبی ءِ دمگ گوڑی ھند سر ءَ بجلی ءِ بُنجاھی لائن ءِ دو ٹاور تراکناکیں شورو پٹ کتگ ءُ بمب تراک ءَ چہ تباہ کتگ- اے اُرش ءِ آسر ءَ دو ٹاور کپتگ اَنت وھدے کہ دو سک ٹپی بیتگ اَنت-

جارکش ءَ گْوشتگ اے اُرش ءِ زمہ واری ءَ بی آر جی منّ اِیت ءُ اے وڑیں کاروائی بلوچستان ءِ وتواجھی ءَ تاں برجاہ بنت-