بلوچی زبان مئے ماتی زبان اِنت
نبشتہ کار : جھانزیب بلوچ
دی بلوچستان پوسٹ
بلوچی زبان بلوچ راج ءِ ماتی زبان انت۔ اے یک انچیں زبانے کہ مارا گوں وتی دود ءُ ربیدگ، راجدپتر ءُ پجار ءَ ھمگرنچ کنت۔ پہ بازیں بلوچے ءَ بلوچی ءَ گپ کنگ وتی روایتانی زندگ دارگ ءُ آیوکیں پدریچاں سر کنگ ءِ یک راہ ءُ درے ۔ اے چہ ایوک ءَ اھوال ءِ وسیلہ ءَ گیش اِنت؛ اے پھر ءُ میراس ءِ چیدگ اِنت۔
اینچو مردمانی گپ کنگ ءَ ابید ھم بلوچی ءَ باز وھد ءَ اڑ ءُ جنجال دیم ءَ کیت۔ ایشی ءَ را انچو ارزشت دیگ نہ بیت کہ لھتے دگہ زباناں دیگ بیت، ءُ بازیں مردم بلوچی ءَ شریں وڑے ءَ وانگ ءُ زانگ ءِ آسراتی ءَ جھد ءَ نہ رس اَنت۔ اے گپ ءَ چہ زبان ءِ رکینگ ءُ نوکیں نسل ءَ وانینگ گران تر بیت۔
بلوچی زبان ءِ ارزشت ءِ یک بنیاتی سوبے ایش انت کہ اے بلوچ ءِ پجّار ءِ ھژدری بھر انت۔ بلوچی ءِ وسیلہ ءَ ما وتی ھیال، جزبگ، ءُ کسھاں درانگاز کُت کنیں۔ اے مارا وتی جڑاں گوں ھمگرنچ کنگ ءُ وتی راجدپتر ءَ سرپد بوگ ءَ کمک کنت۔ ایشانی ھوار ءَ زبان مئے دود ءُ ربیدگ، زیمر، شیر ءُ لبزانک ءِ زندگ دارگ ءِ یک ھاسیں راہ ءُ درے ۔ وھدے کہ ما بلوچی ءَ گپ جن ایں ما وتی دود ءُ ربیدگ ءِ یک بھرے ءَ زندگ ءُ مھکم دارگ ءَ ایں. سرجمی ءَ بلوچی زبان یک المی ئیں بھرے کہ ما بلوچ راج ءِ بستار ءَ کَے ایں؟ اے مئے ماتی زبان اِنت، ءُ اے مئے پیرینانی زرباری راجدپتر ءُ دود ءُ ربیدگ ءَ گوں وت برگ ءَ اِنت۔ مارا بلوچی زبان ءِ رکّینگ ءُ پلگارگ ءِ واستا کار کنگی اِنت دانکہ اے زبان دیم ءَ آیوکیں پدریچاں برجاہ بہ بیت۔ اے کار ءَ گوں ما اے گپ ءَ دلجم کنیں کہ مئے دود ءُ ربیدگ ءُ پجار مھکم بہ بیت ءُ مئے زبان ھچبر ھلاس مہ بیت۔
بلے مرچیگیں دگنیا ءَ بازیں بلوچ راج ءُ ھاس نوک پدریچ گو وتی زبان ءَ سیادی گار ءُ بیگواہ بوگ ءَ انت۔ انگریزی، اردو، ءُ پارسی ءِ وڑیں جھان ءِ زبانانی دیمروی ءَ بازیں ورنا چہ بلوچی ءَ گیشتر اے زباناں گپ جن اَنت۔ ایشی ءِ آسر ءَ اے ترس گیش بوگ ءَ اِنت کہ بلوچی اگاں رکّینگ ءُ دیم ءَ برگ مہ بیت گڑا یک روچے گار ءُ بیگواہ بوت کنت۔ اے سبب انت کہ نوکیں نسل ءَ بلوچی ءَ گپ جنگ ءُ نبشتہ کنگ ءِ وانینگ ءُ دلبڈی دیگ سک المی انت۔
پہ بلوچی زبان ءِ رکینگ ءَ المی اِنت کہ ما انفرادی ءُ چاگردی دوئیں پڑاں گامگیج بہ زیریں۔ مات ءُ پت باید انت لوگ ءَ بلوچی ءَ گپ بہ کن اَنت ءُ وتی زھگاں ھم دلبڈی بہ دے اَنت کہ آ ھمے کار ءَ بہ کن اَنت۔ اسکول ءُ کالج باید انت بلوچی ءِ کورس بہ بنت دانکہ نودربر زبان ءَ شری ءَ سرپد بہ بنت۔ بلوچی لبزانک، ساز ءُ زیمل، رسانکدر ءِ دیمروی ءَ سرکار ءُ دود ءُ ربیدگی ادارگاں ھم کمک کنگی اِنت۔ ایشی ءَ چہ بلوچی ءَ را راجمان ءِ تہ ءَ گیشتر گندگ ءُ آئی ءَ را ھما اِزت ءُ شرپ دیگ بیت کہ آئی ءِ وازمندگ اِنت۔
بلوچی ءِ رکّینگ ءِ دگہ راہ ءُ درے ایش اِنت کہ بلوچی ءِ زرباری زبانی دود ءُ ربیدگ چوش کہ کسہ، گانا ءُ شاعری ءِ دستاویز ءُ ریکارڈ کنگ بہ بیت۔ درشان ءِ اے دروشم نسل نسلاں چہ دیم ءَ اتکگ انت بلے آہاں نبشتہ ءُُ آڈیو ءِ تہ ءَ کبزہ کنگ لوٹ اِیت کہ اے گپ ءَ پدر بہ کنت کہ آ گار مہ بنت۔ اے جُھد ءَ بلوچی ءِ بازیں لچّہ کار ءُ ندکاراں پیسر ءَ وتی بھر بکنتگ، بلے دانکہ زبان زندگ ءُ ھمگرنچ بہ بیت گیشتر کار کنگ لوٹ اِیت۔
بلوچی زبان ءِ رکینگ ءَ المی اِنت کہ ما انفرادی ءُ چاگردی دوئیں پڑاں گامگیج بہ زیریں۔ مات ءُ پت باید اَنت لوگ ءَ بلوچی ءَ گپ بہ کن اَنت ءُ وتی زھگاں ھم دلبڈی بہ دے اَنت کہ آ ھمے کار ءَ بہ کن اَنت۔ اسکول ءُ کالج بائد انت بلوچی ءِ کورس بہ بنت دانکہ نودربر زبان ءَ شری ءَ سرپد بہ بنت۔ بلوچی لبزانک، ساز ءُ زیمل، رسانکدر ءِ دیمروی ءَ سرکار ءُ دود ءُ ربیدگی ادارگاں ھم کمک کنگی اِنت۔ ایشی ءَ چہ بلوچی ءَ را راجمان ءِ تہ ءَ گیشتر گندگ ءُُ آئی ءَ را ھما عزت ءُُ شرپ دیگ بیت کہ آئی ءِ مستحق اِنت۔
بلوچی ءِ رکّینگ ءِ دگہ راہ ءُ درے ایش اِنت کہ بلوچی ءِ زرباری زبانی دود ءُ ربیدگ چوش کہ کسہ، گانا ءُ شاعری ءِ دستاویز ءُ ریکارڈ کنگ بہ بیت۔ اظہار ءِ اے دروشم نسل نسلاں چہ دیم ءَ اتکگ انت بلے آہاں نبشتہ ءُُ آڈیو ءِ تہا قبضہ کنگ لوٹیت کہ اے گپ ءَ پدر بہ کنت کہ آ گار مہ بنت۔ اے جُھد ءَ بلوچی ءِ بازیں لچّہ کار ءُ ندکاراں پیسر ءَ وتی بھر بکنتگ، بلے دانکہ زبان زندگ ءُ ھمگرنچ بہ بیت گیشتر کار کنگ لوٹ اِیت۔
گپ ءُ تران: بلوچی ایوک ءَ زبانے نہ اِنت؛ اے مئے دود ءُ ربیدگ ءِ زندگیں ءُ ساہ کشیں بہرے ۔ اے گوں وت ھما قدر ءُ قیمت، عقیدہ ءُ دود ءُ ربیدگاں برگ ءَ اِنت کہ آیاں سداں سالاں بلوچ راج ءِ دروشم داتگ۔ ما گوں بلوچی گپ جنگ ءَ ایوک ءَ یک زبانے ءَ زندگ دارگ ءَ نہ ایں بلکیں ما وتی دود ءُ ربیدگ ، وتی پجار ، ءُ وتی شان ءَ ھم زندگ دارگ ءَ ایں ۔ ھر وھد کہ ما بلوچی ءَ گپ جن ایں ما وتی پیریناں ءُ چہ مارا پیسر آؤکیں پدریچاں شرپ ءُ شان کنگ ءَ ایں.
سرجمی ءَ بلوچی زبان یک المی ئیں بھرے کہ ما بلوچ راج ءِ بستار ءَ کئے ایں؟ اے مارا گوں وتی گوست ءَ ھمگرنچ کنت، مئے ھستیں وھد ءَ جوڑ کنت ءُ مئے آیوکیں باندات ءِ رھشونی ءَ کنت۔ پہ اے گپ ءَ کہ بلوچی مئے مڈی ءِ بہرے مان اِنت مارا درستاں یکجاھی ءَ پہ ایشی ءِ پھازگ ءَ کار کنگی اِنت۔ نوکیں نسل ءِ وانینگ ، بلوچی لبزانک ءِ حمایت کنگ ، ءُ زبان ءَ گوں شان ءُ شانت ءَ گپ جنگ ءَ ما اے گپ ءَ دلجم کنیں کہ بلوچی بازیں سالاں دیم ءَ روان کنت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت-
