پہ مسلم مھر ءُ آپز ابداللہ ءَ
یاسر اشرپ
دی بلوچستان پوسٹ
لے لاڑے لڑے لاڑے لاڑے
مئے ڈیھ ءِ چراگاں شہموکیں
آپز عبداللہ ڈیھ ءِ سالونکیں
جی باتیں منی مسلم مہر ءَ
نازیناں شہیداں گوں شعر ءَ
جند ندر آں وتن پہ ساہ داتہ
پاکیں ارواہ زمین ءَ بکشاتہ
مہر ءِ چیدگ چراگ ءِ رشنائی
پُلّیں شہیداں زمین ءِ زیبائی
مکھیں مات ءِ اوستانی رنگاں
گوں بدواہ ءَ دائم اے جنگاں
مئے مہر ءِ شہیداں گیرانی
دیمپاناں کہ جنگ ءِ تیرانی
نازیناں شہیداں ڈیھ ءِ پُلّ
مرچی نازینک جناناں کہ بُلبُل
وشبوہ شنگیں تلاہیں ہنکیناں
وتی ڈیھ ءَ لگوراں تاچیناں
جی باتیں سباء ءِ استال ءَ
روکیں اشک ءِ زمین ءِ پہ سال ءَ
شعر بنداں ما یاسر اوستانی
پہ نام ءَ شہیدیں دوستانی