بلوچ ریپبلکن گارڈز ءِ جارکش دوستین بلوچ ءَ شنگ کتگیں درشان ءِ تہ ءَ گْوشتگ کہ ڈرون یونٹ ءِ سرمچاراں گوستگیں روچ ءَ بیگاہ وھد ءَ کچھی ءِ دمگ سنی ءَ زورگریں پاکستانی پوج ءِ بُنجاھی بُنجل سر ءَ ڈرون اُرش ءَ زورگریں پوج ءِ کارندہ نشانگ کتگ ءُ جانی ءُ مالی تاوان ءِ دیمپان کتگ اَنت- اے کاروائی بی آر جی ءِ ڈرون یونٹ’ عامر ایئرو گارڈینز Aamir Aero Guardians ءِ سرمچاراں کتگ-
جارکش ءَ گْوشتگ کہ گل وتی اے یونٹ ءَ شھید سرمچاراں عامر جتوئی پنّام ءِ عرفان ءِ نام ءَ کنت کہ آ وتی سنگت عظمت اللہ جتوئی ءِ ھمراھی ءَ کچھی ءَ دُژمن ءِ ڈرون اُرش ءَ شھید بیتگ اَنت- Aamir Aero Guardians نوکیں جنگی لوٹانی بُنیاد ءَ جوڑ کتگ کہ دُژمن ءِ چاروگی کنگ، آئی ءِ مُھر سرپد بیؤکیں بُنجلاں ھوار آیاں بے ھیالیں وھداں نشانگ کنگ ءِ بودناکی دار اِیت-
جارکش ءَ گْوشتگ کہ بلوچ ریپبلکن گارڈز ءِ دلیریں سرمچاراں سنگت عامر جتوئی پنّام ءِ عرفان ءِ سیادی چہ کچھی ءَ بیتگ- وتی دلیری ءُ جنگی بودناکیاں چہ زانگ بیؤکیں سنگت عامر کچھی ءُ سنی ءِ جنگی پڑاں پرکار بیتگ ءُ گل ءِ کاراں دراجکش دیگ ءُ مھکم کنگ ءَ جوانیں کرد پیلو کتگ – شھید سنگت عامر جتوئی 2025 ءَ بی آر جی ءِ بھر بیتگ ءُ راجی آجوئی ءِ مول ءُ مرادانی ھاتر ءَ وتی شپ ءُ روچ داتگ، وتی گُڈی ساہ ءَ تاں تو راجی آجوئی ءِ اے جاہ سر ءَ اوشتاتگ ئے ءُ پہ مدامی واستا نمیران بیتگ ئے-
جارکش ءَ گوشتگ عامر جتوئی ء علی شیر آئی ءِ ھمراہ سنگت عظمت اللہ جتوئی پنّام ءِ سگر ء شراف دین، ھم نمیران بیتگ – شھید سنگت عظمت اللہ جتوئی ءِ سیادی کچھی سنی ءَ بیتگ، شھید عظمت اللہ یک دلپھک ءُ دلیریں سرمچاراں ھوار بیتگ، کچھی، سبی ءُ بلوچستان ءِ جتاجتائیں دمگاں دُژمن ھرچ وڑیں پروش ءِ دیمپانی کتگ-
جارکش ءَ گوشتگ گوشتگیں شپ ءَ بلوچ ریپبلکن گارڈز ءِ سرمچاراں بلوچستان ءِ سبی ءِ دمگ بختیار آباد ءِ نزیک ء ریل ٹریک تراکناکیں شورو پٹ کتگ تراکینتگ – تراک ءِ آسر ءَ ریل ٹریک ءَ سک تاوان رس اِتگ-
جارکش گوشتگ اے اُرشانی زمہ واری ءَ مئے گل بی آر جی منّ اِیت ءُ اے اِھد کنت کہ ‘ عامر ایئرو گارڈینز Aamir Aero Guardians وتی کاروائیاں گیش دراج کنت ءُ ناں تھنا جانی بلکیں سسّائی بُنیاد ءَ ھم تاواناں چہ دیمپان کنت – مئے کاروائی آجو بلوچستان ءِ وتواجھی ءَ تاں برجاہ بنت-