گوستگیں روچ ءَ ایران ءِ اُستان کرمان ءَ زاھدان ءِ جھمنندیں مردمے پاھو دیگ بیتگ-
پاھو دیگ بیتگیں مردم ءِ پجار ھمید آشنا ء اللہ نزر جھمنند زاھدان ءِ نام ءَ زانگ بیتگ-
اھوالانی رد ءَ ھمید پنچ سال پیش نشہ واپاری ءِ بھتام ءَ دزگیر کنگ بیتگ ءُ پد دادگاہ انکلاب ءَ آئی ءِ سر ءَ پاھو ءِ سزا داتگ بیتگ-
ھمید گوستگیں روچ ءِ سھب ءَ ماں کرمان ءِ زندان ءَ پاھو دیگ بیتگ ءُ ایشی ءِ ھواری ءَ دگہ سَے زندانی ھم پاھو ءِ واستا برگ بیتگ انت ءُ گڈی گند آیاں دو شپ پیش وتی کھول ءَ کتگ بیتگ-
میان اُستمانی انسانی ھکانی گل ءِ رد ءَ سال دوھزار ءُ بیست ءُ چار ءَ ایران ءَ نَھ سد مردم پاھو دیگ بیتگ انت-
میان اُستمان ءِ رد ءَ ایران ءَ ھما مردم پاھو داتگ انت کہ آیانی توک ءَ گیشتریں مردم نشہ واپاری ءُ واپار ءِ کاچاکاری ءَ ھوار بیتگ اَنت-