TBP Balochi

بلوچ یکجھتی کمیٹی ءِ جارکش ءَ گوشتگ ما ریاستی چیریں ادارہ ءُ وتگڑین اُستانی پتر ءِ باسکاں اے گپ ءَ تچک ءَ گوش ایں وتی اے کارپداں گستا بہ بیت – ما سرپد بہ ایں اے وھد ءَ ھما رنگ ءَ ریاست بلوچستان ءَ زلم ءُ زوراکیاں کنگ اِنت ءُ باز زوت ءَ اے زلم ءُ زوراکیانی پسو راجی اوپار ءَ گوں دیگ بیت اِنت ءُ اے زُلم ءُ زوراکیانی ھلاپ ءَ لکانی مھلوک دگانی سر ءَ درکپ ایت ءُ زُلم ءُ زوراکیان ولگوج کن انت-

آئی ءَ گوشتگ ما وتگڑیں اُستانی پتر ءِ باسکاں اے گپ ءَ تچک ءَ گوش ایں ھما ڈول ءَ شما یک سیٹے گپتگ ءُ لھتے واھگانی پد ءَ شاھی ءَ گیش شاھدار دوست بوگ ءِ جھد ءَ ئے ءُ وتی راج ءِ سر ءَ بوھوکیں زُلم ءُ زوراکیانی پلامرزی ءَ کنگ ءَ ئے ءُ اے چاگردی جرم ءِ آسر ءَ شمارا ھم اے چاگردی جرم ءِ دیمپان کنگ کپ ایت –

دو روچ ءَ چہ بلوچستان ءَ نودربر وتکشی ءِ دو وئیل نکش کنگ بیتگ اَنت-

پسنی ءِ دمگ سر دشت ءَ چہ کلانچ ءَ میٹرک ءِ نودربر جنید ء صمد ءَ گُٹ ءَ سادے مان کتگ ءُ وتکشی کتگ ، بلے وتکشی ءِ سوب دیم ءَ نیتکگ-

ھالانی رِد ءَ وتکشی ءِ وئیل سے شمبے ءِ روچ ءَ مگرب ءَ پد دیم ءَ اَتکگ- لاش پہ گیشیں پٹ پول ءَ پد کھول ءِ دست ءَ داتگ-

دو روچانی تہ ءَ بلوچستان ءِ نودربر وتکشی ءِ دو وئیل دیم ءَ اَتکگ، گوستگیں روچ ءَ بلوچستان ءِ بُنجاھی شھر شال ءَ تربت ءِ جھمنند چراگ بلوچ ءَ بلوچستان شھدربرجاہ ءِ ھاسٹل کمرہ ءَ گُٹ ءَ ساد مان کتگ وتکشی کتگ-

بلوچستان ءَ وتکشی ءِ وئیل یک تُرسناکیں وڑے ءَ دیم ءَ آیگ ءَ اَنت ھمکروش وتکشی ءِ وئیل نکش بیگ ءَ اَنت اشی ءَ ساری بیست ھپت جولائی ءَ ھم کیچ ءِ دمگ یک کیسے نکش بیتگ کہ اود ءَ ناصر ء حاجی محمد عمر جھمنند دشت شولیگ ءَ ناشناسیں سببے ءَ وتکشی کتگ-

روکپتی بلوچستان ءَ بندوکین مردمانی پاھو دیگ ءِ نہ کُٹوکیں درچ یکشل ءَ برجاہ اَنت کہ اود ءَ ایرانی آمیدگس آیان نشہ واپاری ءُ دگہ دگہ جرمانی بھتاماں پاھو دیگ ءَ انت-

روکپتی بلوچستان ءِ دمگ بندر اباس ءَ ایرانی آمیدگس ءِ پرمان ءَ دو بندیگیں بلوچاں ھوار یک کردے ءِ پاھو دیگ ءِ ھکم شنگ کتگ-

پہ پاھو ءَ برگ بیتگیں مردمانی پجار امین اللہ ناروی ء موسیٰ جھممند زابل ءُ ایرانشھر، آزاد ابدللاھی جھمنند بندر آباس ءُ کرد ءِ پجار ھمزہ گراوند ء اھمد ءِ نامان زانگ بیتگ اَنت-

ایشانی توک ءَ امین اللہ ءُ ھمزہ نشہ واپاری ءِ جرم ءَ بندر آباس ءَ گرگ بیتگ اَنت ءُ آزاد ابدلاھی کوشے ءِ جرم ءَ نوزدہ سال ساری گرگ بیتگ –

اھوالانی توک ءَ گوشگ بیتگ کہ دوشمبے ءِ روچ ءَ اے مردمانی کھولان گندوک بیتگ ءُ گوستگیں روچ ءِ بامسار ءَ اے مردم جتائیں کوٹیاں پہ پاھو دیگ ءَ برگ بیتگ اَنت-

زانگ بہ بیت سال دوھزار ءُ بیست ءُ سَے ءَ روکپتی بلوچستان ءَ ایرانی آمیدگس ءَ یک سد ءُ ھشتار ءُ چار بلوچ جتا جتائیں جرماں پاھو داتگ بیتگ انت-

لھتے جُست

نبشتہ کار: میار دشتی

دی بلوچستان پوسٹ

اِے نارہ بازی ءُ ￶زوراک ء بگیر ءَ ￴روانک، زھرشانی ءُ ￶نِنداک زیک ءُ ￶مرچگیں نہ اَنت بلکیں یک کرنے ءَ ￴پیش بلوچ ھمے دگانی سرا اوشتوک اِنت ھَیر مں گْوست ءَ ￴باز دیر نہ رواں نواب اکبر بگٹی ءِ ￵شھادت ءَ ￴پد ما ھاں دیست کہ نارہ اِنت ، شٹرڈون ھڑتال اِنت دگ بندی اِنت دژمن ءِ بگیر ءَ ￴روانک ءُ ￶زھرشانی اِنت ،آجوئی، آجوئی، زندگ بات ءُ مردگ بات ایں دژمن ءِ بگیر ءَ ￴کُکّار ءُ ￶جاکیں ھرجاھ ترا آشوب گِندگ ءَ ￴اَتک داں چیزّے وھد ءَ ￴اِے جزبہ ءِ ￵آس جمبلاسک اَت پد ءَ تو دیست اِے پر آشوبیں جزبہ ایرموش بیت پد ءَ دومی نیمگ ءَ ￴دژمن ءَ ￴وتی یک نوکیں اُرشے بندات کُت آوارجنے ءُ لاش دوردیگ ءِ ￵تہ ءَ گیشی آؤرت ھمُک روچ یک ورناھے چست کنگ بیت ءُ ￶دومی نیمگ ءَ ￴یک لاشے دوردیگ بیت ھرّوچ بے وارسیں لاشے جنگل ءُ ￶گیابانے ءَ ￴ترا گِندگ ءَ ￴اَتک روچ مروچی ھاں اِے آوارجنی ءُ ￶لاش دوردیگ برجاھ اِنت ھیر آ 2006 اَت مروچی ، 2024 اِنت اِے مَیان ءَ ￴باریں چُنچو بے وارسیں جون کپتگ ءُ ￶باریں چُنت ورنا پَہ دھشتگردے ءِ ￵نام ءِ سرا آوار جنگ بیتگ ھساب نہ بنت بلے لس مھلوک ءِ ￵دروشم بدلی ءِ ￵وڑا نہ اِنت ھما نارہ، ھما جزبہ، ھما دگ بندی، روانک ، زھرشانی ءُ نِندانک۔

لھتے جُست:

۱-ھستانک ءَ ￴راجی مُچّی داں کُجام گدّ ءَ ￴اَژدری اِنت؟ ۲- ھروچی اِنت ھونریزی ءَ ￴پد انگت ءَ راج ءَ ￵آگاھی دیگ اَلّمی اِنت؟ ۳- اِے نازرکیں ساہتہ اگاں راج ءِ ￵آگاھی ءُ سرپدی دَیگ اَلّمی اِنت ،چون اَلّمی اِنت؟ ۴- آیا اِے راج ءَ ￴اَنگتہ واجہ گلام مھمد وڑیں رھنمایے درکار اِنت؟ ۵-دیم ءِ ￵دژمن بس توپک ءِ ￵زبان ءَ ￴گپ جنت آئی ءِ ￵بگیر ءَ پرامنے ءَ ￴گوں آئی ءِ ￵دیم اوشتگ کُجام ھد ءَ تاں سیتّ اِنت؟ اول ایش کہ دژمن ءِ ￵بگیر ءَ ￴یک پرآشوبیں جھدے سلاھبند کنگ ءَ ￴اَنت ھرّوچ دژمن ءَ ￶جنگ ءُ ￶تاچینگ ءَ ￴اَنت شاری وڑیں سر پہ راج ءُ ￶زمین ندر بیگ ءَ ￴اَنت دومی نیمگ ءَ ￴راج ءِ ￵تہ ءَ انگت ءَ آگاھی ءُ ￶زانت آرگ ءِ ￵جھد برجاھ اِنت ،یک دزبندی یے اِے کسانکیں آرٹیکل ءَ ￴پَہ راج ءَ ￴یک پروپیکنڈھے ءِ ￵دروشم مہ زیر اِت لھتے جُست کہ مَجگ رُستگ آھانی درنگازی مں الّمی زانتگ-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت

بلوچستان ءِ تیابدپی شھر گوادر ءَ مروچی یازدھمی روچ ءَ بلوچ راجی مُچی ءِ زھرشانی نندانک برجاہ انت –

بلوچ یکجھتی کمیٹی ءَ وتی شنگ کتگیں درشان ءَ گوشتگ گوستگیں روچ ءَ مھلوک ءِ میان ءَ دیوان برجم دارگ بیتگ اَنت کہ اود ءَ بلوچ یکجھتی کمیٹی ءِ رھشون ءُ مھلوک ءِ میان ءَ جتا جتائیں سرھالانی سر ءَ گپ ءُ تران بیتگ اَنت-

آئی ءَ گوشتگ راجی مچی ءِ نندوکیں مردمانی میان ءَ اے تپاکی بیتگ کہ بلوچ نسل کُشی ءِ ھلاپ ءَ اے جد ءُ جھد ءَ تیز کنگ المی انت ءُ بلوچستان ءِ لوگ لوگ ءَ اے گپ ءَ سر بہ کن ات-

آئی ءَ گوشتگ بلوچ راجی مُچی ءِ نندوکیں مردم ریاستی زوراکیاں ابید اے راجی مُچی ءِ بھر اَنت ءُ کوھیں اوپار ءَ نیشتگ اَنت-

آئی ءَ گوشتگ ریاست ءَ گوستگیں دَہ روچاں گوادر ءَ ھوار سرجمیں مکران کیامت آورتگ داں انگت ءَ گوادر ءَ ھوار مکران ءِ بازیں جاھاں انٹرنیٹ نیست انت ءُ دگ بند اَنت ءُ چریشی ءِ سبب ءَ وردنی ءُ درمانی نابروبری ءَ رس اتگ انت ءُ ایشی ءَ ابید گوادر ءَ آپ بند اش کتگ-

گوادر ءَ بلوش راجی مُچی ءِ سر ءَ ریاستی زوراکی ءُ زُلمانی ھلاپ ءَ اے وھد ءَ گوادر ءَ ھوار شال ، نوشکی، پنجگور ءُ تربت ءَ زھرشانی نندانک برجاہ اَنت-

بلوچستان ءِ تیاب دپی شھر گوادر مرچی یازدھمی روچ اِنت کہ بلوچ یکجھتی کمیٹی ءِ بلوچ راجی مُچی ءِ سر ءَ زوراکی دگانی بند کنگ ءِ سوب ءَ گوادر ءِ ھزاراں شھری چہ گوادر ءَ درکپگ ءُ گوادر ءَ روگ ءَ بے سوب اِنت-

گوادر ءِ یک نندوکے جاوید 26 جولائی ءَ پہ جنک ءِ الاج ءَ کراچی ءَ شتگ اَت بلے نو آ گوادر ءَ آتک نہ کنت ءُ وتی چکانی گوم ءَ ھب چوکی ءَ یک سیادے ءِ لوگ ءَ نشتگ جاوید ءَ دی بلوچستان پوسٹ ءَ گوں تران کنان ءَ گْوشتگ کہ 28 جولائی ءَ پد ما دو رند ءَ لوگ ءَ روگ ءِ جھد کتگ بلے پوج ءَ مارا پد ءَ دیم دات۔ ما وتی لوگ ءَ شُت نہ کن ایں۔ مئے باپار بندیں اد ءَ مئے کلدار کُٹ اِتگ اَنت-

آئی ءَ چہ بُرزتریں واکداراں دزبندی کتگ کہ گوادر ءِ ھزاراں شھری کہ آ دگہ ھند ءُ دمگاں گٹ اَنت آیاں راہ بہ دے اَنت۔

دی بلوچستان پوسٹ ءَ دزکپتگیں ھالانی رد ءَ ھلیجیں ڈیھ اومان، امارات، بھرین ءُ دگہ ڈیھاں کار کنوکیں بازیں شھری ھم گوادر ءَ بند اَنت، آیانی موکل ھلاس بوتگ اَنت بلے پوج ایشاں چہ گوادر ءَ درکپگ ءَ نہ دیگ ءَ اِنت۔ ءُ آیانی کار ءُ روزگار ءِ سر ءَ ھترہ اِنت۔

گوادر ءَ چہ رستگیں ھالانی رد ءَ شھر ءَ وردن ءُ وراک ءِ کمی بوتگ۔ کراچی ءُ ایران ءَ چہ آیوکیں ورگی ٹرک دہ روچ اِنت کہ پسنی زیرو پوائنٹ تلار ءُ کنڈ ملیر ءَ پاکستانی پوج ءَ اوشتارینتگ اَنت۔

شھریاں لوٹ کتگ کہ گوادر ءِ انگر زوت ھلاس کنگ بہ بیت ءُ چو مدامی وڑ ءَ مردماں زندگی گوازینگ ءَ بل اَنت

شہریاں گْوشتگ کہ بلوچ راجی مچی ءَ بھر زورگ ءُ ھمراھداری ءِ پُشدر ءَ گوادر غزہ سیمسر ءَ مَٹ کتگ-

اوتھل ءَ ھال رسگ ءَ اِنت کہ چہ کراچی ءَ گوادر ءَ روگ ءَ اِنت النوید بس ءَ را گوستگیں شپ ءَ چہ پاکستانی پوج ءَ زیرو پوائنٹ ءَ اوشتارینتگ ءُ بس ءَ زالبول ءُ زھگ سوار اَنت کہ آ سکیں گرم ءِ سبب ءَ دلسیاھیانی دیمپان اَنت-

گوادر ءِ اسمبلی ءِ باسک ھدایت الرحمان ءَ گْوشتگ کہ سرکار گوادر ءِ راہ ءِ پچ کنگ ءِ کول ءَ پیلو کنگ ءَ نہ انت ءُ پوج مُدام دروگ بندگ ءَ اِنت۔ آئی ءَ گْوشتگ کہ گوادر ءِ انگر ھلاس کنگ بہ کنے ءُ راہ ءُ دگاں پچ بہ کنت-

بلوچستان ءِ تیاب دپی شھر گوادر ءَ بلوچ یکجھتی کمیٹی ءَ بلوچ راجی مچی ءَ مروچی نُھمی روچ اِنت کہ نندانک برجاہ ءَ اِنت-

اشی ءَ اَبید شال، نوشکی، تربت، پنجگور ءَ ھوار بازیں شھراں بلوچ یکجھتی کمیٹی ءِ برجم دارگ بیتگیں نندانک ءُ زھرشانیانی دْرچ برجاہ ءَ اِنت-

اے درگت ءَ چہ بلوچ یکجھتی کمیٹی ءَ گْوشتگ کہ گوادر ءَ بلوچ یکجھتی کمیٹی ءِ نُھمی روچ ءَ ھم نندانک برجاہ-

ڈاکٹر ماہ رنگ بلوچ ءَ گْوشتگ کہ کساس یک دھکے ءَ ساری سی پیک ءِ بندات ءَ اَبید، گوادر ءَ ھنی ھم یک شریں نادُراھجاھی نیست- آئی ءِ جھمنند کسانیں نادُراھی ءِ ھاتر ءَ الاج ھاتر ءَ کراچی ءَ رو اَنت- گوادر ھنی ھم لین ھاتر ءَ ایران سر ءَ اِنت- گوادر بلے گیش ھراب بیتگ اَنت- پھازوکی ءِ نام سر ءَ مردماں زر ءَ ماھیگانی واستا دارگ بیتگ ءُ پھازوکی نام سر ءَ ھرچ کلومیٹر ءَ زلیل کنگ بنت- مارا پھازوکی چوکی داتگ اَنت ءُ دگہ ھچ-

ڈاکٹر ماہ رنگ بلوچ ءَ اے ھم گوشگ بیتگ کہ بلوچستان ھکومت اے ٹاہ ءَ دنت کہ اگاں گوادر ءِ جاہ دگہ یک جاھے ءَ درچت ایں گُڑا آ مُچی ءَ آسراتی داتگ اَنت-” من بلوچستان ھکومت ءَ چہ جُست کنگ لوٹ آں کہ تو مارا اے وھد ءَ آسراتی داتگ اَت وھدے ما گوستگیں دسمبر ءَ زھرشانی ءِ واستا اسلام آباد ء شتگ اِت ایں؟ چی ءَ تو مارا ھمے وھد ءَ آسراتی داتگ اَت وھدے ما مئی ءَ شال ءَ گوادر ءَ ٹٹ جنگ ءِ درگت ءَ یک سیمینارے برجم داشتگ اَنت، چریشی ءَ پد پریس کلب لگتمال کتگ اَت ءُ آئی ءِ دروازگ کُبلے جتگ پولیس نیمگ ءَ چہ؟

آئی ءَ گْوشتگ کہ بلوچ راج ءِ ریاستی زوراکی ءِ بگیری ءُ وتی ھکانی ھاتر ءَ نندانک جُھد ءِ ازم پیشدار اِیت – بلوچ راجی مچی بلوچ راج ءِ میان ءَ یکجاھی چیدگ جوڑ بیتگ-

آئی ءَ گْوشتگ کہ وتی سنگتانی کوش ءُ ٹپی، بیھار، دزگیر ءُ لَٹ کُٹاں ھوار تُرندیں زوراکی ءِ دیمپانی ءَ اَبید ما انساپ ءِ وتی لوٹانی سر ءَ اوشتاتگیں-

آئی ءَ گوشت کہ اے زھرشانی بلوچ راج ءِ مچی ءِ توار ءَ چست کن اَنت، وتی مول ءُ مراد ءِ نیمگ ءَ گیشتر دلگوش گور کن اَنت ھمک روچ کہ نندانک سر ءَ روچ ایر بیت، ھما مردمانی دیم پدر بنت کہ آ بے تواری ءَ چہ مکن کن اَنت۔ بلوچ راج ءِ مھکمی ءُ دلیری آئی ءِ پائیداریں جزبگ ءُ انساپ ءِ بے مٹیں رندگیری ءِ یک مھکمیں منانکے ۔ ایشانی مھکم بوھگ چہ ھمایاں کہ انسانی ھک ءُ شرپ ءِ منوک اَنت، اُمیت ءِ چراگ اِنت ءُ یکجاھی ءِ لوٹ اِنت۔

بلوچستان لبریشن فرنٹ ءِ جار میجر گوھرام بلوچ ءَ وتی شنگ کتگیں درشان ءَ گوشتگ سرمچاراں پنچ اگست ءَ دو شمبے ءِ سُھب ءِ نوہ ءُ نیم ءَ مستونگ ءِ ھند کڈ کوچگ ءَ کلی یلی ءِ نزیک ءَ ٹیلی نار موبائل ءُ یوپون شرکت ءِ ٹاور تیر جتگ ءُ مشین مانداشتگ اَنت۔

آئی ءَ گوشتگ زورگریں پاکستان بلوچ آجوئی لوٹوکانی نشانگ کنگ ءَ موبائل ٹاوراں مِک کنگ ءَ اِنت داں کہ آیاں نشانگ بہ کنت بلے سرمچار اے چیز ءَ شری ءَ زان اَنت کہ پاکستان موبائل ٹاورانی پُشت ءَ آجوئی لوٹوکاں زانگ ءُ نشانگ کنگ لوٹ ایت۔

گوھرام بلوچ ءَ گوشتگ بی ایل ایف ءِ ٹیکنیکل ٹیم ءُ انٹیلجنس ٹیم بلوچ سرمچارانی ھواری ءَ ھما دُرسیں ٹیکنالوجی آں نشانگ کنت کہ پہ آجوئی لوٹوکانی نشانگ کنگ ءَ مِک کنگ بیتگ اَنت۔

جارکش ءَ گوشتگ بلوچستان لبریشن فرنٹ موبائل ٹاورانی تاوان دیگ ءِ زمہ واری ءَ منّ ایت ءُ داں بلوچستان ءِ آجوئی ءَ زورگریں لشکر ءُ آئی ءِ ساماناں تاوان دنت۔

چہ روکپتی بلوچستان ءَ گوادر ءَ راجی مُچی ءِ پلامرزی ءَ یکشل ءَ درشان برجاہ انت-

روکپتی بلوچستان ءِ دمگ کھیر ءَ جامع مسیت ءَ واز ءِ وھد ءَ مولانا نواب ھوت ءَ گوشتگ گوادر ءَ نیشتگیں بلوچ مھلوک ءِ سر ءَ پاکستان ءِ سرکار انساپ بہ کنت ءُ آیانی گون ءَ گپ ءُ تران بہ کنت انت-

آئی ءَ گوشتگ چہ بلوچستان ءَ ھزاراں مردم پاکستان ءِ سرکار ءَ گار ءُ بیگواہ کتگ انت آیانی کس ءَ مردم نزان اَنت مئے مردم کجا انت ءُ چتور انت –

آئی ءَ گوشتگ اگاں گرگ بیتگیں مردم جرمکار انت گڑا آ آمیدگساں پیش کنگ ءُ آیانی کھول سرپد کنگ بہ بنت بلے اے داب ءَ گار ءُ بیگواہ کنگ ءُ آیانی مردماں سرپد نہ کنگ ھچ کانون ءُ شریت ءِ راہ نہ اِنت-

آئی ءَ گوادر ءِ راجی مُچی ءِ سر ءَ لیکہ درشان کنان ءَ گوشتگ انی ھزاراں مردم نیشتگ وتی ھکاں لوٹگ ءَ اَنت ابید ھکانی دیگ ءَ پاکستان آیانی سر ءَ زُلم ءِ کوہ ءَ جوکینگ ءَ اِنت-

زانگ بہ بیت روکپتی بلوچستان ءَ بندوکیں نیکراھی رھشون یکشل ءَ بلوچستان ءَ انسانی ھکانی لگتمالیانی سر ءَ وتی ھتبہ ءُ دگہ جاھاں درشان کنگ ءَ اَنت-

ایشی ءَ پیش زاھدان ءِ سنی کمیونٹی ءِ سروک مولانا عبدالحمید ءَ ھم پاکستان ءِ سرکار ءَ بلوچ مھلوک ءِ ھکانی دیگ ءُ آیانی سر ءَ زوراکیانی بند کنگ ءِ دزبندی کتگ-