گوادر نندانک لوٹانی منّگ ءَ تاں برجاہ بیت- ڈاکٹر ماہ رنگ بلوچ

بلوچستان ءِ تیاب دپی شھر گوادر پدی زر ءَ بلوچ یکجھتی کمیٹی ءِ چیردستی ءَ ” سیمنار ءِ سرھال Rements of resist final Echoes برجم دارگ بوت کہ ایشی ءِ تہ ءَ مزنیں کساسے ءَ مردماں بھر زرتگ ۔

اے درگت ءءَ ڈاکٹر ماہ رنگ بلوچ، سمی دین بلوچ، ءُ صبغت اللہ بلوچ ءَ گشتگ کہ راجی مچی ءِ جار چار ماہ پیسر بوتگ، راجی مچی صوبائی حکومت ءَ ھوار دمگی انتزامیہ ءَ ھم ھال داتگ اَنت راجی مچی پُر ایمن جمھوری جُنز ءِ درچ اِنت ، بلے ریاست اڑان ودی کتگ ءُ بلوچ راج آئین ءُ کانود ءِ تہ ءَ نشتگ ءُ ھم توار ءِ چست کنگ ءِ بے سوبیں جُھد کُتگ، بلے گوادر ءُ بلوچ راج ءَ اے گپ تچک کُتگ کہ بلوچ وتی سرڈگار ھاتر ءَ یکجاہ اَنت مئے سرجمیں لوٹ آئین ءُ کانودی اَنت-

آئی ءَ گوشت کہ بلوچ راجی ایردستی ءِ نگیگیں وھدے ءَ گوزگ ءَ انت، زر ءَ برگ بیگ ءَ اِنت، ٹرالنگ ءِ اُرش بیگ ءَ اِنت ، ٹوکن ءِ نام ءَ روزگار ءِ بندش جنگ ءَ ایردستی ءِ اھساس دنت – سرڈگار تنگ کنگ بیگ ءَ اِنت ھپتاد درسد زمین پچ گرگ بیتگ اَنت

آئی ءَ گوشت کہ بی وائی سی یک سیاسی گلے، سیاسی بنیات ءِ سر ءَ جھد ءَ را برجاہ دار ایت۔

آئی ءَ گوشت کہ داں لوٹ منگ ءَ تاں برجاہ بنت – ریاست گپ دیوان ءِ سر ءَ سنجیدگ نہ انتچ یک نیمگے گپ دیوان ءُ دومی روچ ءَ نوشکی ءَ حمدان بادینی تیرانی نشانگ کتگ ، کراچی ءَ بی وائی سی ءِ باسکانی سر ءَ زوراکی کنگ بیتگ ، ایف سی ءَ ریاستی زوراکی کتگ راجی مُچی ءَ ھواریں باسک نشانگ کتگ اَنت 50 ءَ چہ گیش ٹپیگ بوتگ انت ءُُ 4 شھید بوتگ انت۔ -دانکہ ایف آئی آر نکش کنگ نہ بیتگ- سرجمیں بلوچستان ءَ نندانک برجاہ بیت-