کیچ ءِ دمگ کلاتک ڈبک ءَ چار گاڑیاں سواریں سلاہ بندیں مردماں گوستگیں شپ ءَ لوگے ءِ سر ءَ بیڑ برتگ رزا گلام نامیں مردمے آوار جنگ ءِ کوشست کتگ۔
اھوالانی رد ءَ وھدے رزا ءِ مات ءُ بلوک ءَ گھگیری کتگ گڑا سلاہ بنداں تیرگواری کتگ ءُ رزا ء گلام جاہ پہ جاہ بیران بیتگ ءُ آئی ءِ مات ءُ بلوک ٹپی بیتگ انت۔
دمگی مردمانی گوشگ انت گوستگیں شپ ءَ سرکاری پلامرزی ءَ ھستیں ٹولی کہ آئی ءَ لس “ڈیتھ اسکواڈ” ءِ نام ءَ زانگ کہ آیاں بیڑ برتگ ءُ تیرگواری کتگ۔
زانگ بہ بیت سرجمیں بلوچستان ءَ پاکستانی لشکر ءُ چیریں ادارھانی نیمگ ءَ سلاھبند کتگیں مردم کہ ڈیتھ اسکواڈ ءِ نام ءَ زانگ بنت سرکار ءِ پلہ مرزی ءُ گُشگ ءِ پد ءَ بلوچ ورنایانی زورانسری بیگواھی ءُ نشانگ کنگ ءَ ھوار چاگرد ءِ بازیں سلکاری ءَ ھوار گندگ بنت۔