بلوچ یکجہتی کمیٹی ءِ رد ءَ 17 سالی نودربر سمیر ء ناسر جھمنند ضلع کیچ مند 24 اکتوبر 2026 شپ ءِ نِسپ کساس دو بج ءَ فرنٹیئر کور (ایف سی) ءَ چہ جند ءِ لوگ ءَ زورانسری آوار جتگ ءُ بیگواہ کتگ بیتگ-15 روچ ءِ بیگواھی ءَ پد آئی تیر سُپتگیں لاش تمپ ءِ دمگ دازن ءَ واٹر سپلائی ءِ گور ءَ دست کپتگ-
بی وائی سی ءِ رد ءَ ھما سند ءَ سمیر وتی وابانی مانا دیگ ءَ علم دربرگی بیتگ ءُ زندگی ءِ واھگ وشیں ساھت گوازینگی بیتگ انت, ھمے سَند ءَ زندگی بنداتی اُگبالاں چہ محروم کنگ بیت-سمیر ءِ کُوش ءَ آئی ھم کدیں ایدگہ نوجوانانی تہ ءَ ھم تُرس ءُ بیم ءِ جاور پیداگ کتگ انت-
بلوچ یکجہتی کمیٹی (بی وائی سی) مُلکی ءُ درملکی انسانی ھکانی پانک جنیں گل آں گوں لوٹ کنت کہ آ بلوچستان ءَ برجاھیں زورانسری بیگواھی ءُ بے میاریں شھریانی کُوش ءِ وئیلانی سر ءَ گامگیج بہ زیر ایت- کمیٹی ءَ بلوچستان ءَ پاکستانی لشکر نیمگ ءَ چہ برجاھیں بلوچ چُکچینی ءِ بابت ءَ گِر ءُ دار ءُ المی جست گرگ ءِ لوٹ کتگ-