من ءَ یات انت ھما روچ کہ مئے دمگ ءَ دو کامریڈانی نام باز مشھور ات اے ھما وھد اَت کہ بلوچ ءِ سیاست زور ءَ ات من ءَ یات بیت 2013 ات اے وھد ءَ مردم ءَ آزادی نزیک کتگ اَت ءُ بلوچ ءِ سیاست سک تینز ات-
بلوچ پارٹیانی لیڈر ءُ ورکر بلوچ ءِ گس گس ءَ روگ ءُ سرپدی دیگ ءَ ات انت اے وھد ءَ مئے علاقہ ءِ توک ءَ بی این ایم (BNM) ءُ بی آر اس او( BRSO) ءُبی اس او آزاد(BSO azad) سک کار ءَ اِت اَنت مئے علاقہ ءِ توک ءَ وڑ وڑین سیاسی پارٹیانی ورکر اِت اَنت سیاست ءَ گس گس ءَ سر کت اش ءُ بلوچ ءَ وتی غلامی ءِ بابت ءَ سرپد اش کت من ھچ سرپد نہ بیگ ءَ اِت اَنت بلوج جھد ءِ بارو ءَ ھمے دوران ءَ یک لاگرین نوجوانے اتک مئے علاقہ ءَ گڑا علاقہ مردم گُشگ ءَ ات انت بی این ایم سنگتے چہ تربت آتک ءَ گڑ ا من وتی سنگتے ھال کت تو بیا من ءُ تو روان بی این ایم ءِ سنگتے گِندگ ءَ ھمے سنگت ءِ نام شھید شعیب جان اَت شھید شعیب جان اتک گڑا ما دوین شت اِت اِنت سنگت ءِ گندگ ءَ سنگت ءِ گون ءَ دعا ءُ سلام بوت سنگت ءَ بچکندت ءُ گُشت بیا ات کوم ءِ باندات انت مارا جست ءُ پرسے کت گُشی شما کجام پارٹی ءَ ات ما گو ھچ پارٹی ءَ نہ انت مارا گشی بی این ایم ءَ ھوار بہ ئے مارا سرپدی ءِ سک باز داتے پد ءَ ما پسو دات ما ترا ھال کن آں پد ءَ ما جست گپت سنگت تی نام کَے انت گشت ئِے منی نام منظور انت شھید منظور ءِ گور ءَ دو زالبول نشتگ اَت ءُ وت ماں وت گپ ءَ ات انت اے دویں زالبول سیاسی پارٹیانی کامریڈز انت۔
یکے کامریڈ ڈاکٹر گوھر ات یکے بانک مھلب ات من ءَ یات اِنت کامریڈ ڈاکٹر گوھر بی آر اس او( BRSO) ءِ چیرپرسن ات ءُ بانک مھلب بی این ایم ءِ (BNM)ءِ علاقہ ءِ اگدودار ات مئے میتگ ءُ علاقہ ءِ توک ءَ ھمیے دویں کامریڈ سک جوان بیتگ انت کار ھم جوان اِش کتگ کجام ھم علاقہ ءُ میتگ بیتگ انت بلوچ ءِ سرکل ءُ پروگرام بیتگ انت اشاان وتی سرپدی داتگ اَنت اے دویں کامریڈ زانت کارے ءُ زانتکار اَنت –
بلے اے کامریڈانی ھاموشی من سک درد بوت ایشانی سر ءَ من ءَ سکیں بلاھیں امیتے ھست اَت بلکیں من ءَ تھنا نا مئے میتگ ءُ پارٹیانی مردماں ھم من ءَ بانک مھلب سک دوست بیتگ اَت من بانک ءِ فکر ءُ سوچ زانت شعور ءَ باز در برتگ اَت من کامریڈ گوھر ءُ بانک مھلب ءَ گشگ لوٹ آں شما پرچہ چوں ھاموش اِت؟ پرچہ وتی مکسد وتی عظیمیں راہ یلا کت؟ من وتی گوھار بانک مہلب ءَ گشگ لوٹ آں تو ھر کجا ءِ اللہ ترا سلامت بکنت منی یک امیتے گون تو بندوگ بیتگ وتی جھد ءَ بکن وتی مکسد ءَ بے ھیال مکن وتی بزگین راج ءَ وتی شھیداں بے ھیال مہ بیت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
آئی ءَ گشتگ کہ زورگریں پوج ءِ گون ءَ جنگ ءُ چوپ ھما وھد ءَ بیتگ کہ جنگ آماچیں دمگ ءَ بی ایل اے ءِ یک گشتی ٹولی ءِ دیم ءَ پیشگامی کنوکیں دشمن کپتگ – سَے اداراں گیش برجاہ بیوکیں ھونریچیں جنگ ءُ چوپ ءَ سرمچاراں بھادری ءِ مسال وتی تہ ءَ وت ابدمان کنان ءَ دشمنیں پوج ءِ بازیں کارندھے کُشتگ ءُ زدگ اش کرتگ اَنت ءُ پیشگامی کنوکیں دشمن اش داشتگ ءُ دیمپانی ءِ وھد ءَ چار سر دیوکیں بلوچ سرمچار سنگت طارق مری پنام ءِ ناصر،سنگت مھمد حسین مری پنام ءِ جبل، سنگت بختیار سمالانی پنام یوسف ءُ سنگت سیف اللہ زھری پنام سھراب ءَ شھیدی پہ وت ءَ گچین کرتگ –
آئی ءَ گشتگ کہ ادب ءَ چہ زبھریں دشمنیں پوج ءَ نزیکیں دمگاں دو دست ءُ گوشیں مالدار جمعہ خان ء علی مراد ءُ مھمود ء شاھو آوار جنگ ءُ شھید کنگ ءَ پد آیانی میت اش دمگ ءَ چگل داتگ ءُ آیاں بی ایل اے ءِ سرمچار پدر کنگ ءِ جھد اش کرتگ –
جارکش ءَ گشتگ شھید بیتگیں سرمچارانی تہ ءَ شھید سنگت طارق مری پنام ءِ ناصر جھمنند کاھان بلوچ لبریشن آرمی بولان ریجن ءِ اسپیچک ٹیکٹیکل آپریشنل اسکواڈ ءِ کمانڈر بیتگ، سنگت طارق مری سال دوھزار ءُ ھبدہ ءَ بی ایل اے ءَ ھوار بیتگ – تو وتی زانت ءَ پرگنج بیتگ – گوستگیں چار سالانی وھد ءخ سنگت ءَ دشمن ءِ ھلاپ ءَ بازیں سوھی کرتگ اَنت گل جوانیں سوبمندیانی واستا جوانیں کرد پیلو کرتگ اَنت – بہ جاہ ءِ “ایس ٹی او ایس ” کمانڈر تو گل بازیں مشنانی رھشونی ءَ کنان ءَ راج ءُ گل ءَ را مزنیں سوبمندیانی مسام کرتگ اَنت –
جارکش ءَ گشتگ کہ شھید سنگت مھمد حسین پنام ءِ جبل ء قائم خان جھمنند لاکی بولان ھم گوستگیں چار سالاں بی ایل اے ءَ ھوار بیتگ ءُ راجی جنز ءَ وتی ھوارینتگ اَنت – راجی زانت ءُ زانش ءَ سنگت مھمد ھسین یک بے مٹ ءُ وش مزاجیں ھمراھے بیتگ –
آئی ءَ گشتگ کہ شھیدی ءَ گچین بیتگیں ھمراھیں سرمچار بختیار خان سمالانی پنام ءِ یوسف ء مٹھا خان جھمنند شاھرگ ءُ ھمراھیں سرمچار سیف اللہ زھری پنام ءِ سھراب ء سالہ مھمد جھمنند یکبوزی زھری گوستگیں یک سالے ءَ بلوچ لبریشن آرمی ءِ پتر ءَ دشمن ءِ ھلاپ ءَ ھوار بیتگ اَنت – ھردوکاں کسانیں وھدے ءَ گل ءِ یک جوانیں جاھے پہ وت ءَ گرگ ءَ سوبین بیتگ اَنت- بی ایل اے شھیدیں ھمراھانی اے بے کچوئیں کربانی ءِ سر ءَ سھر چکیں دروت ندر کنان ءَ مسام کنان ءَ گل ءُ راج وتی شھیداں ھچبر پراموش نہ بیت، ھمراھانی شھیدی ءِ مٹ آجوئی ءِ سبزاوگیں گوات ءَ دیم ءَ بران کن ایں –
جیئند بلوچ ءَ گشتگ کہ بلوچ لبریشن آرمی اشی ءَ گشین ایت ءُ گوش ایت کہ ماتیں سرڈگار ءِ آجوئی ء وشھالی ءِ واستا جد ءُ جھد ءِ وھد ءَ شھیدی گل ءُ راج ءَ یک پھرمندیں وھدے ءِ نیمگ ءَ بر اَنت – بزدلیں دشمن ءِ رنگ ءَ نہ کرتگ،ھمک یک سرمچارے ءِ شھیدی ءَ گل چیردیگ ءَ ابید گل پھر ءُ شانے ءَ رسانکدراں منّ ایت اِنت – بیست ءُ سَے اکتوبر ءَ شھیدی ءَ گچین بیتگیں چار بی ایل اے ءِ بھادریں ھمراہ بیتگ اَنت آ دگہ دو میت دمگی مالدار بیتگ اَنت کہ آیانی پجار جمعہ خان ء علی مراد ءُ مھمود ء شاھو جھمنند تالب ایریانسک، چہ ھرنائی ءَ بیتگ اَنت – بیگناہ ءَ کشگ بیتگیں اے ھردوکیں بلوچاں بلوچ لبریشن آرمی ءَ گوں ھچ سیادی نہ بیتگ – اے بزگ ءُ دست ءُ گوشیں بلوچ دشمنیں پوج ءَ یک آپریشنے ءِ وھد ءَ آوار جنگ ءَ شھید کنگ ءُ آیانی لاش بی ایل اے ءِ سرمچارانی گور ءَ ایر کرتگ اَنت آ بی ایل اے ءِ سرمچار پدر کنگ ءِ جھد اش کرتگ –
جیئند بلوچ ءَ گشتگ کہ زورگریں پوج ءِ ناشریں ادارہ سی ٹی ڈی ءَ بیست ءُ سَے اکتوبر ءِ روچ ءَ مستونگ ءَ بی ایل اے ءِ نُھ باسکانی شھید کنگ ءِ ٹاہ داتگ گل دیم ءَ گپ ءَ گیشن ایت 9 ءِ بلوچانی تہ ءَ کسے ءَ گوں بلوچ لبریشن آرمی ءَ ھچ سیادی نیست اِنت – کشگ بیتگیں مردم لس مردم بیتگ اَنت کہ آ جتا جتائیں وھداں زورگریں پاکستانی پوج ءُ چیریں ادارھاں آوار جتگ ءُ بیگواہ کرتگ اَنت نِی اے بیگواھیں بلوچاں دورگیں میڑ ءِ نام ءَ شھید کنگ ءُ بی ایل اے ءِ باسک پدر کنگ ءِ جھد ءَ اِنت-
جیئند بلوچ ءَ گشتگ کہ اے اولی وئیل نہ اِنت کہ بلوچاں دروگیں میڑاں شھید کنگ ءُ آیاں بی ایل اے ءِ نام ءَ پدر کنگ اِنت چریشی ءَ پیسر ھم لس بلوچ دروگیں میڑ ءِ نام ءَ پدر کنگ بیتگ اَنت – چریشی ءَ پیسر بی ایل اے ءَ دہ اگست دوھزار ءُ بیست ءُ یک ءَ درشان شنگ کرتگ ءُ گشتگ “زورگریں پاکستان ءِ ناشریں ادارہ سی ٹی ڈی ءَ نیو کاھان ءَ شال ءَ یک دروگیں میڑے ءَ پنچ بلوچ بی ایل اے ءِ سرمچار پدر کرتگ ءُ کشتگ اَنت ما اے گپ ءَ گشینگ لوٹ ایں کہ اے مردم پیسر ءَ اے ادارھانی بندیگی ءَ بیتگ اَنت لس بلوچ شھری بیتگ اَنت اشاں گوں بی ایل اے ءَ ھچ سیادی نیست اِنت –
