نبشتانک: دو ھاموشیں کامریڈ
نبشتہ کار: دودا بلوچ
دی بلوچستان پوسٹ
یات گوشگ ئیگ ءَ منی ھوشاماں سرریچ اَنت گوشگ ئیگ ءَ آسے ءِ تہ ءَ چگل دے اَنت گوشگ ئیگ ءَ منی یاتانی منگیرانی بکچہ انگت ءَ کرگین ءِ دامن ءَ پشکپتگ اَنت گوشگ ئیگ ءَ کرگین ھوں مروچاں بے تواری ءَ لُمب لُمبان ءُ کپان اِنت –
من ءَ یات انت ھما روچ کہ مئے دمگ ءَ دو کامریڈانی نام باز مشھور ات اے ھما وھد اَت کہ بلوچ ءِ سیاست زور ءَ ات من ءَ یات بیت 2013 ات اے وھد ءَ مردم ءَ آزادی نزیک کتگ اَت ءُ بلوچ ءِ سیاست سک تینز ات-
بلوچ پارٹیانی لیڈر ءُ ورکر بلوچ ءِ گس گس ءَ روگ ءُ سرپدی دیگ ءَ ات انت اے وھد ءَ مئے علاقہ ءِ توک ءَ بی این ایم (BNM) ءُ بی آر اس او( BRSO) ءُبی اس او آزاد(BSO azad) سک کار ءَ اِت اَنت مئے علاقہ ءِ توک ءَ وڑ وڑین سیاسی پارٹیانی ورکر اِت اَنت سیاست ءَ گس گس ءَ سر کت اش ءُ بلوچ ءَ وتی غلامی ءِ بابت ءَ سرپد اش کت من ھچ سرپد نہ بیگ ءَ اِت اَنت بلوج جھد ءِ بارو ءَ ھمے دوران ءَ یک لاگرین نوجوانے اتک مئے علاقہ ءَ گڑا علاقہ مردم گُشگ ءَ ات انت بی این ایم سنگتے چہ تربت آتک ءَ گڑ ا من وتی سنگتے ھال کت تو بیا من ءُ تو روان بی این ایم ءِ سنگتے گِندگ ءَ ھمے سنگت ءِ نام شھید شعیب جان اَت شھید شعیب جان اتک گڑا ما دوین شت اِت اِنت سنگت ءِ گندگ ءَ سنگت ءِ گون ءَ دعا ءُ سلام بوت سنگت ءَ بچکندت ءُ گُشت بیا ات کوم ءِ باندات انت مارا جست ءُ پرسے کت گُشی شما کجام پارٹی ءَ ات ما گو ھچ پارٹی ءَ نہ انت مارا گشی بی این ایم ءَ ھوار بہ ئے مارا سرپدی ءِ سک باز داتے پد ءَ ما پسو دات ما ترا ھال کن آں پد ءَ ما جست گپت سنگت تی نام کَے انت گشت ئِے منی نام منظور انت شھید منظور ءِ گور ءَ دو زالبول نشتگ اَت ءُ وت ماں وت گپ ءَ ات انت اے دویں زالبول سیاسی پارٹیانی کامریڈز انت۔
یکے کامریڈ ڈاکٹر گوھر ات یکے بانک مھلب ات من ءَ یات اِنت کامریڈ ڈاکٹر گوھر بی آر اس او( BRSO) ءِ چیرپرسن ات ءُ بانک مھلب بی این ایم ءِ (BNM)ءِ علاقہ ءِ اگدودار ات مئے میتگ ءُ علاقہ ءِ توک ءَ ھمیے دویں کامریڈ سک جوان بیتگ انت کار ھم جوان اِش کتگ کجام ھم علاقہ ءُ میتگ بیتگ انت بلوچ ءِ سرکل ءُ پروگرام بیتگ انت اشاان وتی سرپدی داتگ اَنت اے دویں کامریڈ زانت کارے ءُ زانتکار اَنت –
بلے اے کامریڈانی ھاموشی من سک درد بوت ایشانی سر ءَ من ءَ سکیں بلاھیں امیتے ھست اَت بلکیں من ءَ تھنا نا مئے میتگ ءُ پارٹیانی مردماں ھم من ءَ بانک مھلب سک دوست بیتگ اَت من بانک ءِ فکر ءُ سوچ زانت شعور ءَ باز در برتگ اَت من کامریڈ گوھر ءُ بانک مھلب ءَ گشگ لوٹ آں شما پرچہ چوں ھاموش اِت؟ پرچہ وتی مکسد وتی عظیمیں راہ یلا کت؟ من وتی گوھار بانک مہلب ءَ گشگ لوٹ آں تو ھر کجا ءِ اللہ ترا سلامت بکنت منی یک امیتے گون تو بندوگ بیتگ وتی جھد ءَ بکن وتی مکسد ءَ بے ھیال مکن وتی بزگین راج ءَ وتی شھیداں بے ھیال مہ بیت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔