بلوچ لبریشن آرمی ءِ جارکش جیئند بلوچ ءَ 26 اکتوبر ءَ بگر داں 3 نومبر 2026 ءَ بلوچستان ءِ جتا جتائیں دمگاں فیلڈ کاروائی ءُ انٹیلی جنا بیسڈ آپریشانئ تک ءَ زورگیریں پاکستانی لشکر ، آئی ءِ فوجی انٹیلی جنس ءُ ڈیتھ اسکواڈانی سر ءَ 25 ءَ چہ گیش سنگینیں اُرش کتگ انت، کہ ایشی ءِ تہ ءَ فیلڈ آپریشن ءُ انٹیلی جنس ءِ سر ءَ بنیات ءِ سر ءَ کارروائی کتگ ءُ دشمن ءَ را جانی ءُ مالی تاوان داتگ انت۔ اے 9 روچی کارروائیانی تہ ءَ زورگیریں لشکر ءُ ڈیتھ اسکواڈ ءِ 40 ءَ چہ گیش کارندہ مرتگ اَنت ءُ درناں گیش کارندہ ٹپیگ بوتگ اَنت ءُ دژمن ءِ بازیں فوجی ءُ رسد ءِ گاڑی تباہ کتگ اَنت۔
جارکش ءَ گوشتگ 26 اکتوبر ءَ بی ایل اے ءِ انٹیلی جنس ونگ ’’زراب‘‘ ءِ وھد ءِ سر ءَ رس اتگیں ھالانی بنیاد ءَ دالبندین ءِ کوہ ران ءَ انٹیلی جنس ءِ سر ءَ کارروائی کنگ بوتگ۔ سرماچاراں زورگیریں پاکستانی لشکر ءِ گچینی کار کنوکیں کارندہ شاہجہان پنام ءِ شاہو ءِ گاڑی آئی ای ڈی تراک ءَ گوں نشانگ جوڑ کتگ ءُ ایشی ءَ پد ڈیتھ اسکواڈ ءِ کارندھانی سر ءَ سلاہ بندیں اُرش کتگ۔ اے آپریشن ءِ تہ ءَ شاہجہان شاھو ءَ ھوار 3 کارندہ مرتگ ءُ بازیں کارندہ ٹپیگ بوتگ اَنت۔ کشگ بوتگیں شاہجہان شاہو ءَ بازیں وھدے ءَ چہ دالبندین ءُ کش ءُ گور ءِ دمگاں فوجی زوراکی، انٹیلی جنس، دمگی کارندھانی بھرتی ءُ سلاہ بندیں ڈیتھ اسکواڈ گروپ ءِ سرپرستی ءَ گوں گلائش بوتگ۔
ھمے روچ ءَ سرمچاراں خاران شھر ءِ نزیک ءَ باب خاران ءَ جوڑ بوکیں ڈی سی کمپلیکس ءِ سر ءَ گوں تراک کنوکیں ساماناں اُرش کتگ ءُ پد ءَ زورگیریں لشکر نشانگ جوڑ کتگ کہ آ دیم ءَ روگ ءِ جھد ءَ بیتگ اَنت ءُ جانی ءُ مالی تاوان اش بوتگ انت۔
دیمترا خضدار ءِ کرخ ءِ دمگ ءَ سرمچاراں ڈی آئی جی خضدار رینج عمران قریشی، ایس ایس پی خضدار ءُ زورگیریں لشکر، سی ٹی ڈی ءُ اے ٹی ایف ءِ 30 ءَ چہ گیش گاڑیانی سربستگ ءُ سلاہ بندیں اُرش کتگ۔ ترندیں جنگ ءُ چوپ ءِ آسر ءَ زورگیریں لشکر ءِ 9 ءَ چہ گیش کارندہ مرتگ انت ءُ بازیں ٹپی بوتگ اَنت ءُ پروش وارتگیں لشکر ءَ وتی مرتگیں کارندھانی لاش یلہ داتگ ءُ شُتگ اَنت۔ اُرش ءِ تہ ءَ دشمن ءِ 3 گاڑی سرجم ءَ ناکارہ بوتگ انت۔ ایشی ءَ چہ پیسر یک شمبے ءِ بیگاہ ءِ شش ءَ بگر داں سھب ءَ سرمچاراں شال ءُ کراچی تجارتی شاھدگ ءِ سر ءَ سرجمیں بندش ءِ برجاہ داشتگ ءُ اسنیپ چیکنگ ءِ امل برجاہ داشتگ۔
ھمے روچ ءَ سرمچاراں نوشکی ءِ دمگ احمد وال ءِ دمگ ءَ زورگیریں پاکستانی لشکر ءِ مستریں کیمپ گوں مزنیں سلاہاں نشانگ جوڑ کتگ ءُ مزنیں تاوانے داتگ۔
جارکش ءَ گوشتگ 27 اکتوبر ءَ سرمچاراں تربت ءِ دمگ گبین ءَ زورگیریں لشکر ءِ کاروان ءِ سربستگ ءُ نشانگ جوڑ کتگ۔ 2 دژمن ءِ گاڑی اُرش ءَ تچک ءَ تچک زد ءَ اتکگ انت کہ ایشی ءِ آسر ءَ 3 کارندہ مرتگ ءُ بازیں ٹپی بوتگ انت۔
دومی نیمگ ءَ سرمچاراں کیچ ءِ دمگ ھیرونک کنرک ءَ ریموٹ کنٹرول ءِ وسیلگ ءَ آئی ای ڈی تراک ءَ گوں زورگیریں لشکر ءِ پیادگیں سپاھیگ نشانگ جوڑ کتگ اَنت۔ ھمے روچ ءَ سرمچاراں نوشکی ءِ زرین جنگل ءِ دمگ ءَ پہ زورگیریں لشکر ءَ دیم داتگیں سپلائی گاڑی یے دست کپتگ۔
جارکش ءَ گوشتگ 28 اکتوبر ءَ سرمچاراں بسیمہ ءِ ساجد ءِ دمگ ءَ زورگیریں لشکر ءِ کاروان ءِ سر ءَ سلاہ بندیں اُرش کتگ کہ ایشی ءِ تہ ءَ دژمن ءِ 4 کارندہ جاہ ءَ مرتگ اَنت ءُ کم چہ کم 7 سک ٹپیگ بوتگ اَنت۔
دومی نیمگ ءَ خاران ءِ دمگ برشونکی ءَ سلاہ بندیں اُرش ءَ زورگیریں لشکر ءِ کاروان نشانگ جوڑ کتگ ءُ جانی ءُ مالی تاوان اش بیتگ۔
دیمترا پنجگور ءِ گوارگو ءِ دمگ ءَ سرمچاراں سلاہ بندیں اُرش ءَ زورگیریں لشکر ءِ کاروان ءِ گاڑی نشانگ جوڑ کتگ کہ ایشی ءِ تہ ءَ 1 کارندھے مرتگ ءُ بازیں ٹپیگ بوتگ اَنت۔
ھمے شپ ءَ سرمچاراں گوادر شھر ءِ گھٹی ڈور ءِ دمگ ءَ سلاہ بندیں اُرش ءَ پنجاب ءِ لاہور ءِ نندوکیں رانا محمد احمد ءُ ملٹری انٹیلی جنس ایم آئی ءِ مزنیں کارندہ کشتگ ۔ اے چاریگ ءِ دروشم ءَ زورگیریں فوج ءِ ھاتر ءَ سرپدی ءِ پجارینگ ءُ ھال دیگ ءِ آسراتی ءِ کار ءَ ھوار بوتگ۔
ھمے روچ ءَ تربت ءِ دمگ نودز ءَ سرمچاراں ریاستی ڈیتھ اسکواڈ ءِ باسکانی گاڑی ءِ سر ءَ سلاہ بندیں اُرش کتگ ءُ گاڑی ءَ را مزنیں تاوان داتگ ءُ آئی ءِ تہ ءَ نشتگیں کارندہ ٹپیگ بوتگ اَنت۔
جارکش ءَ گوشتگ 30اکتوبر ءَ بسیمہ ءِ درگ ءِ دمگ ءَ سرمچاراں زورگیریں لشکر ءِ کارمرز کتگیں یک ھالیگیں پوسٹے ءِ تراکناکیں شورواں گون ءَ سرجم ءَ تباہ کتگ۔
دومی نیمگ ءَ سرمچاراں پسنی ءِ زیرو پوائنٹ ءِ جاہ ءَ سیکورٹی مانیٹرنگ ءِ ھاتر ءَ یک ھوٹلے ءَ زورگیریں لشکر ءِ نیمگ ءَ ایر کتگیں چیریں کیمرہ تباہ کتگ اَنت۔
ھمے روچ ءَ سرمچاراں چاگی ءِ دالبندین ءُ یکمچ ءِ میان ءَ مزنیں شاھدگ ءِ سر ءَ زورگیریں لشکر ءِ راشن ءُ المی سامان ءِ برگ ءِ سرکنوکیں گاڑی دستیگ کتگ ۔
ایشی ءَ ابید سرمچاراں کیچ ءِ ھوشاپ گونڈسرین ءِ دمگ ءَ زورگیریں لشکر ءِ گاڑی ءَ را آئی ای ڈی ءِ تراک ءَ نشانگ جوڑ کتگ ءُ تباہ کتگ۔
جارکش ءَ گوشتگ 31اکتوبر ءَ شال ءُ تفتان ءِ تجارتی راہ ءِ سر ءَ سرمچاراں زرکاری بندش ءِ چیر دستی ءَ دو تجارتی گاڑی دستیگ کتگ انت۔
چہ ایشی ءَ ابید خاران ءِ دمگ مسکان کلات ءَ سرمچاراں پولیس تھانہ سرجمی ءَ کنٹرول گپتگ ءُ سرجمیں کارندہ دزگیر کتگ ءُ آیانی سلاہ ءُ پٹ ءُ پولی سامان زُرتگ اَنت۔ پد ءَ تھانہ ءِ ماڑی گوں تراکناکیں شورواں تباہ کتگ۔
جارکش ءَ گوشتگ یکم نومبر ءَ زورگیریں لشکر ءَ خاران ءِ لجے ءِ دمگ ءُ آئی ءِ کش ءُ گور ءَ مزنیں کچے ءَ پیشگامی کتگ ءُ فوجی اُرش کتگ۔ سرمچاراں یک مھکمیں رھبندے ءِ رد ءَ دیم ءَ روکیں دژمن ءِ لشکر جتا جتائیں جاھاں سنگر گپتگ ءُ نشانگ جوڑ کتگ۔ ریموٹ کنٹرول ءِ آئی ای ڈی تراک ءَ زورگیریں اُرد ءِ گاڑی ءِ تباہ کنگ ءَ پد دمگ ءِ 3 جتا جتائیں جاھاں 5 کلاک ءَ گیش ترندیں جنگ ءُ چوپ برجاہ بوتگ۔ اے اُرشانی تہ ءَ زورگیریں لشکر ءِ 8 ءَ چہ گیش کارندہ مرتگ ءُ بازیں ٹپیگ بوتگ اَنت۔ دومی روچ ءَ ھمے دمگ ءَ زورگیریں لشکر ءِ دگہ گاڑی یے تراک ءِ آماچ بوتگ ءُ چہ ایشی ءَ پد زورگیریں لشکر پدکنزت ءَ لاچار بوتگ اَنت۔
جارکش ءَ گوشتگ 2 نومبر ءَ نوشکی ءِ دمگ احمد وال ءَ سرمچاراں زورگیریں لشکر ءِ پیادگیں ءُ گاڑیانی سر باتگ ءُ 3 کارندہ کشتگ ءُ بازیں ٹپیگ بوتگ اَنت۔ سئے روچ پیسر ھمے جاہ ءَ دگہ آپریشنے ءِ تہ ءَ زورگیریں پاکستانی لشکر ءِ ٹرکانی کاروان ءِ سر ءَ ترندیں اُرش ءِ تہ ءَ اُرش کنگ بوتگ ءُ دو کارندہ مرتگ ءُ بازیں ٹپیگ بوتگ ءُ 1 فوجی ٹرکے تباہ بوتگ۔
ھمے روچ ءَ مستونگ ءِ مدینہ ھوٹل ءِ نزیک ءَ مزنیں شاھدگ ءِ سر ءَ زورگیریں پاکستانی لشکر ءِ گاڑیانی کاروان ءِ سر ءَ اُرش کنگ بوتگ کہ ایشی ءِ آسر ءَ دژمن ءِ 4 ءَ چہ گیش سپاھیگ جاہ پہ جاہ ءَ مرتگ ءُ بازیں ٹپیگ بوتگ اَنت۔
ایشی ءَ ابید سرمچاراں شال ءُ تپتان ءِ کاروباری راہ ءِ سر ءَ ناکہ بندی کےگ ءُ یک کاروباری گاڑی یے مانداشتگ ءُ تباہ کتگ۔
جارکش ءَ گوشتگ 3نومبر ءَ سئے شمبے ءِ شپ ءَ سرمچاراں خاران ءِ دمگ نوروز کلات ءَ زورگیریں لشکر ءِ کاروان نشانگ جوڑ کتگ ءُ ھمے روچ ءَ سھب ءَ خاران ءِ دمگ زومی ءَ دژمن ءِ لشکر ءِ کاروان ءِ سر ءَ سلاہ بندیں اُرش ءَ کم چہ کم 3 کارندہ مرتگ اَنت۔
دیمترا سرمچاراں خاران ءِ دمگ روتینکو ءَ زورگیریں لشکر ءِ چیک پوسٹ گوں مزنیں سلاہاں نشانگ جوڑ کتگ ءُ دژمن ءِ لشکر مزنیں کساسے ءَ جانی ءُ مالی تاوان داتگ۔ ڈیھ ءِ پھریزگ ءِ جنگ ءِ وھد ءَ 20 اکتوبر ءَ کلات ءِ دمگ روتینکو ءَ پاکستانی زورگیریں لشکر ءِ گوں ترندیں جنگ ءُ چوپ ءَ بی ایل اے ءِ 4 سرمچار فرید پنام ءِ ابیان ، منیر پنام ءِ نورا ، شاہزیب پنام ءِ احسان ءُ سنگت جلیل ءَ بہادری ءَ گوں جنگ کنان ءَ نمیران بیتگ انت. ایشی ءَ ابید 24 اکتوبر ءَ کلات ءِ دمگ منگچر چوٹنک ءَ گوں زورگیریں پاکستانی لشکر ءَ جنگ ءِ وھد ءَ سنگت اورنگزیب پنام ءِ آصف شھید بوتگ وھدے کہ ھمے روچ ءَ سوراب ءِ گدر ءِ دمگ ءَ گوں زورگیریں لشکر ءَ دراجیں ءُ ھونیگیں جنگ ءِ تہ ءَ بی ایل اے ءِ دو سرمچار نعمان جمالدینی پنام ءِ کامریڈ سمیر ءُ پرویز مھمد ھسنی پنام ءِ کادر داں گڈی ساہ ءَ جنگ کنان ءَ نمیران بیتگ انت۔
بلوچ لبریشن آرمی اے درستیں شہیدانی کربانیاں سھر چکیں دروت ندر کنت ءُ وتی اے جزم ءَ پد ءَ پدر کنت کہ داں آہانی واب بزاں یک آجو ءُ وت واجھیں بلوچستان ءِ جوڑ بوگ ءَ وتی جھد ءَ گوں سرجمیں زور ءَ برجاہ دار ایت۔