بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گشتگ سرمچاراں گْوستگیں 6 روچانی تہ ءَ بلوچستان ءِ جتاجتائیں دمگاں زورگیریں پاکستانی لشکر ءِ سر ءَ 16 مھکم ءُ ترندیں اُرش کُتگ انت کہ ایشانی تہ ءَ دژمن ءَ مزنیں جانی ءُ مالی تاوانے رس اتگ۔ سرمچاراں دژمن ءِ کاروان، سامان ءُ آئی ءِ ایجنٹاں نشانگ جوڑ کنگ ءِ ھمراھی ءَ مزنیں شاھدگان سر ءَ وتی کنٹرول سرجمی ءَ برجاہ داشتگ انت ءُ ھمے وھد ءَ بی ایل اے ءِ یک سوھوھیں سرمچارے جتا جتائیں جنگاں شھید بوتگ۔
جارکش ءَ گوشتگ 7 اکتوبر: ءَ کلات ءِ دمگ گراٹی ءَ سرمچاراں زورگیریں لشکر ءِ کاروان نشانگ جوڑ کتگ کہ ایشی ءِ آسر ءَ دژمن ءَ مزنیں کساسے ءَ جانیءُ مالی تاوانے رس اتگ۔
جارکش ءَ گوشتگ 8 اکتوبر ءَ خضدار ءِ پیر عمر (حمزہ گر چوکی) ءِ دمگ ءَ سرمچاراں زورگیریں لشکر سلاہ بندیں اُرشے ءَ نشانگ جوڑ کت گکہ آ پہ زوراکی ءِ مول ءُ مراد ءَ یکجاہ بوھگ ءَ بیتگ انت۔ پد ءَ دژمن ءِ بمب ڈسپوزل اسکواڈ ءِ پیادگیں لشکر آئی ای ڈی ءِ تراک ءَ نشانگ جوڑ کتگ کہ ایشی ءِ تہ ءَ یک کارندھے مرتگ ءُ دو ٹپی بوتگ ءُ دژمن ءِ لشکر پُشت ءَ کشگ ءَ لاچار بوتگ۔ ایشی ءَ پد سرمچاراں تراک کتگ ءُ گْوشگ بوتگیں پوسٹ تباہ کتگ۔ ھمے روچ ءَ سرمچاراں چاگی (شقل ءُ تفتان ءِ تجارتی راہ) ءِ نوکچاہ ءِ دمگ ءَ دو کلاک ءِ واستا بند کتگ ءُ سنیپ چیکنگ برجاہ داشتگ۔
جارکش ءَ گوشتگ 10 اکتوبر ءَ کلات ءِ دمگ دشت بابا ءَ سرمچاراں سلاہ بندیں اُرشے ءَ زورگیریں لشکر ءِ کاروان نشانگ جوڑ کتگ ءُ تاوان داتگ۔ ھمے روچ ءَ سرمچاراں پنجگور ءِ پنچی دمگ ءَ زورگیریں لشکر ءِ کاروان ءِ سر ءَ اُرش کُتگ ءُ اود ءَ دژمن ءِ دو گاڑی دیم پہ دیم اُرش ءِ زد ءَ اتکگ اَنت ءُ دژمن ءِ چار کارندہ مرتگ ءُ بازیں ٹپیگ بوتگ اَنت۔ ھمے وڑ نوشکی ءِ ریکو ءِ دمگ ءَ زورگیریں پاکستانی لشکر ءِ سامان ءِ برگ ءِ گاڑی ھم سامان ءِ ھمراھی ءَ دزگیر کتگ۔
ھمے روچ ءَ قلعہ عبداللہ ءَ بی ایل اے ءِ برزی ڈرون جنگی یونٹ ”QAHT“ ءَ ‘ڈیتھ اسکواڈ’ کیمپ ءِ سر ءَ ڈرون ءِ اُرش ءَ پد دیم ءَ روگ ءَ بوتگیں کارندہانی گاڑی ءِ سربستگ ءُ نشانگ جوڑ کتگ ءُ ایشی ءِ آسر ءَ سئے کارندہ مرتگ ءُ ھپت ءَ چہ گیش ٹپیگ بوتگ اَنت۔
دیمترا آواران ءِ گیشکور (مراشم) ءِ دمگ ءَ سرمچاراں سلاہ بندیں اُرشے ءَ زورگیریں لشکر ءُ ڈیتھ اسکواڈ نشانگ جوڑ کتگ؛ اے اُرش ءَ دو کارندہ مرتگ ءُ دو دگہ ٹپیگ بوتگ اَنت ءُ زورگیریں لشکر ءَ ھم جانی تاوان رس اتگ۔
جارکش ءَ گوشتگ 11 اکتوبر: قلات ءِ منگچر (چوٹانک) ءِ دمگ ءَ سرمچاراں زورگیریں لشکر ءِ پیادگیں سپاھیگ کہ سڑک ءِ پلگارگ ءَ بیتگ انت کہ نشانگ جوڑ کتگ انت ءُ پد ءَ تجارتی گاڑی ءُ دژمن ءِ لشکر ءِ کاروان ءِ سر ءَ اُرش کتگ کہ ایشی ءِ آسر ءَ دژمن ءِ دو کارندہ مرتگ ءُ بازینے ٹپی بوتگ اَنت۔ دومی نیمگ ءَ آواران ءِ گورکوپ ءِ دمگ ءَ سرمچاراں زورگیریں لشکر ءِ کارندہ سلاہ بندیں اُرش ءَ نشانگ جوڑ کتگ اَنت وھدے کہ آ کارواناں سیکورٹی ءِ دیگ ءَ بیتگ اَنت۔
جارکش ءَ گوشتگ 12اکتوبر ءَ بسیمہ ءِ دمگ کلگلی ءَ بی ایل اے ءِ اسنائپر ءَ زورگیریں لشکر ءِ پوسٹ اوشتوکیں کارندہ نشانگ جوڑ کتگ ءُ کُشتگ۔ ھمے روچ ءَ سرمچاراں دالبندین (شال ءُ تفتان تجارتی شاھدگ) ءِ لاگ آپ ءِ دمگ ءَ یک کلاکے ءَ گیش ناکہ بندی کتگ ءُ اسنیپ چیکنگ برجاہ داشتگ۔
گوستگیں روچ (11 اکتوبر) ءَ بلوچ لبریشن آرمی ءِ بھری یونٹ ’’حمل میری ٹائم ڈیفنس فورس‘‘ ءَ گوادر ءِ دمگ جیونی ءَ یک ہمگرنچیں ءُ ترندیں اُرشے ءِ وھد ءَ زورگریں پاکستانی فوج ءِ کوسٹ گارڈز ءِ سو بوٹس پشت ماں پشت ءَ نشانگ کتگ انت کہ چریشی ءِ آسر ءَ 13 کارندہ جاہ پہ جاہ ءَ مرتگ انت۔
اے جنگ ءِ وھد ءَ گوں زورگیریں لشکر ءِ نزیکیں پوسٹ ءَ سکیں ترندیں جنگ برجاہ بوتگ کہ ایشی ءِ آسر ءَ ‘حمل میری ٹائم ڈیفنس فورس’ ءِ یونٹ کمانڈر سنگت نواز بلوچ پنام ءِ استاد گاجیان ٹپی بوتگ ءُ پد ءَ شھید بوتگ۔ شھیدیں کمانڈر سنگت نواز بلوچ استاد گاجیان ء رسول بخش ھوت ءِ سیادی تربت ءِ دمگ گوگدان ءَ بوتگ۔ 2010 ءَ بلوچ سلاہ بندیں زرمبشت ءِ بھر جوڑ بوتگ ءُ 2020 ءَ سرجم ءَ بلوچ لبریشن آرمی ءَ ھوار بوتگ۔سنگت نواز ءَ بلوچ راجی آجوئی ءِ ھاتر ءَ تمپ، مند، دشت، تربت، پروم، پنجگور ءُ کوسٹل بیلٹ ءَ بلوچ راجی آجوئی ءِ واستا جوانیں کرد پیلو کتگ انت ءُ اے وھد ءَ حمل میری ڈیفنس فورس ءِ بھری یونٹ کمانڈر بیتگ۔
اے گپ ھم زانگی انت کہ اے کھول ءَ پہ راجی آجوئی ءَ ابدمانیں کُربانی داتگ۔ تئی برات سنگت مبشر ھوت پنام ءِ شاہ دوست اکتوبر 2020 ءَ کلبر ءِ بند ءَ شھید بوتگ ءُ تئی دومی برات سنگت نبیل احمد پنام ءِ علی 29 اپریل 2025 ءَ تربت ءَ گوں دژمن ءَ دیم پہ دیم ءَ جنگ ءَ شھید بوتگ۔ تئی سرجمیں کھول ریاستی زوراکی، لٹ شاپی ء زورانسری بیگواھیاں ابید تو وتی راہ یل نہ داتگ۔
جیئند بلوچ ءَ گوشتگ جیونی ءَ دژمن ءِ بھری کارجاہ ءُ کوسٹ گارڈانی ھلاپ ءَ حمل میری ٹائم ڈیفنس فورس ءِ اے پیسلہ کنوکیں کارروائی بلوچ راجی آجوئی ءِ زرمبشت ءِ اسٹریٹجک ردوم ءِ نوکیں ءُ پیسلہ کنوکیں درے۔ اے اُرش اے گپ ءِ گواہ اِنت کہ بی ایل اے ءَ نوں یک سرجمیں ءُ درچاریں جنگی پترے جوڑ کتگ، کہ اود ءَ زمینی میدان ءِ ھمراھی ءَ زر ءِ گورماں ہم زورگیریں ریاست ءِ ھاتر ءَ ہچ وڑیں ایمنیں پناہ گاہ نیست۔ بلوچ ءِ کش ءُ گور ایوک ءَ جغرافیائی سیمسر نہ اِنت بلکیں پہ زورگیریں پاکستان ءُ آئی ءِ سامراجی ھمراھاں اے ھما مالی ءُ سوداگری زند ءِ لیکہ اِنت کہ آیانی نوآبادیاتی زرکاری ءِ لاپکاری ایشی ءِ سر ءَ اِنت۔ دژمن ءِ بھری زور اے سرجمیں نیٹ ورک ءَ چہ زرقنئ ناجائزیں فوجی سپ بندی، درائیں تاکتانی ھمراھی ءَ تجارتی راہداریانی نام ءَ وسیلگ لٹ ءُ پُل کنگ ءُ دمگی ماہی گیر ءِ زرکاری کوش کنگ ءِ وسیلگ ءَ لنگڑ کنگ ءَ اِنت کہ دژمن زرکاری ءُ اسٹریٹجک ھاکمیت ءِ ہاتر ءَ جھد کنگ لوٹ ایت۔ حمل میری ڈیفن فورس ءِ چیر دستی ءَ اے گپ پدر کنگ بوتگ کہ دریا دگہ دژمن ءِ ھاترا ایمنیں راہ یا پھریز ءِ زون نہ بیت بلکیں آئی ءِ دریائی سر ءُ پر، سامان ءُ مڈی دائمی کشگ ءِ جاہ جوڑ کنگ بیت۔ داں دژمن ءِ زورگری ءُ آئی ءِ سامراجی دریائی شراکت داری ءِ ہر نشان چہ اے دمگ ءَ ہلاس کنگ مہ بیت مئے دریائی جنگ گوں سرجمیں زور ءُ رھبند کاری ءَ برجاہ بیت۔
اے بھری جنگ ءِ وھد ءَ ھمل میری ٹائم ڈیفنس فورس ءِ یونٹ کمانڈر سنگت نواز بلوچ پنام استاد گاجیان ءَ کہ وتی سر ندر کتگ، انوگیں بلوچ راجی زرمبش ءِ راجدپتر ءِ تہ ءَ یک انچیں بنھشتے ایر کتگ کہ پہ آیوکیں پدریچاں مدام رژن ءِ چراگ ءِ رنگ ءَ مانیت۔ کمانڈر استاد گاجیان ءِ نام ءِ یک راجدپتری ءُ بے دروریں بستارے ھست انت کہ آ برجاھیں بلوچ راجی زرمبش ءِ اولی زری شھید انت۔ اے دلیریں کمانڈر کہ تربت ءِ دمگ گوگدان ءِ مردم اِنت آئی ءَ چہ 2010 ءَ تمب، مند، دشت، تربت، پروم، پنجگور ءُ گُڈ سر ءَ کوسٹل بیلٹ ءِ ترندتریں میداناں پکری، گلی ءُ بلوچ لشکری گوستانک ءَ یک رژنائیں درے ۔ بی ایل اے شھید کمانڈر استاد گاجیان ءِ اے گوستانکی ءُ آشوبی کرد ءَ سھر چکیں دروت ندر کنت۔
