جارکش جیئند بلوچ ءَ شنگ کتگیں درشان ءَ جیونی ءَ بیتگیں اُرش ءِ زمہ واری من اتگ ءُ گوشتگ بی ایل اے ءِ بھری یونٹ ’’حمل میری ٹائم ڈیفنس فورس‘‘ ءَ گوادر جیونی ءِ دمگ ءَ یکیں وھد ءَ زورگیریں لشکر ءِ کوسٹ گارڈز ءِ دو مزنیں کشتی یک ھمگرنچ ءُ ترندیں اُرشے ءَ نشانگ جوڑ کتگ اَنت کہ ایشی ءِ آسر ءَ زورگیریں لشکر ءِ 13 کارندہ کشگ بوتگ اَنت۔ بلوچ لبریشن آرمی اے سوبمندیں آپریشن ءِ زمہ واری ءَ من ایت ۔
جارکش ءَ گوشتگ بلوچ راجی آجوئی ءِ زرمبشت ءِ پتر ءَ گیش کنان ءَ 13 اپریل 2026 ءَ بلوچ لبریشن آرمی ءَ وتی سرجم ءَ بحری بال ’حمل میری ٹائم ڈیفنس فورس‘ (HMDF) ءِ جوڑ کنگ ءِ جار جتگ کہ آ بلوچ ءِ زر ءِ پھازگ ءُ بلوچ ءِ زر ءِ مڈیانی رکھینگ ءَ بہ کنت۔ اے فورس ءَ وتی جوڑ بوھگ ءَ پد 12 اپریل 2026 ءَ گوادر ءِ جیونی ءِ دمگ ‘مل تیاب’ ءِ جاہ ءَ وتی اولی نیوی آپریشن کتگ ءُ زورگیریں نیوی ءِ گشت ءِ کشتی نشانگ جوڑ کتگ کہ ایشی ءِ تہ ءَ نیوی ءِ سئے کارندہ مرتگ انت۔
جارکش ءَ گوشتگ بی ایل اے ءَ نیول یونٹ ءِ نام شانزدھمی کرن ءِ مزنیں بلوچ نیول گھگیر حمل جیند بلوچ ءِ نام ءَ ایر کتگ۔ حمل جیئند بلوچ راجدپتر ءِ چُک اِنت کہ آئی ءَ آ دور ءِ نوکیں پرتگیزی نوآبادیاتی نزام ءِ ھلاپ ءَ بھری گھگیری ءِ بُن ھشت ایر کُتگ ءُ گوں وتی جنگی زانت ءَ اے گپ سابت کُتگ کہ مڈیانی زرباری نوآبادیاتی ءِ سر ءَ مدام راجی تب ءُ گوریلا پندل ھست اَنت۔ حمل ءِ میری ٹائم ڈیفنس فورس اے گواستانکی ھستی ءِ درچ اِنت کہ ایشی ءِ مول ءُ مراد زیردستیں زر ءِ پھازگ ءُ دژمن ءِ زری فورس ءِ پروش دیگ اِنت۔
جارکش ءَ گوشتگ اے درگت ءَ گیشتریں اھوال زوت رسانکدر ءَ شنگ کنگ بیت۔