TBP Balochi

بے تواری ءِ پروشگ

ٹی بی پی شونگال

زورانسری بیگواھیانی ھلاس کنگ ءِ ھاتر ءَ چہ دَہ روچاں سرجمیں بلوچستان ءِ جتا جتائیں کسان ءُ مزنیں شھراں بلوچ یکجھتی کمیٹی ءِ زھرشانیانی درچ “ بے تواری ءِ پروشگ: زورانسری بیگواھیانی ھلاپ ءَ اوشتگ” ءِ سرھال ءَ مھلوک زھرشانی کنگ ءَ اَنت- اے ماہ ءَ بازیں کچے ءَ بلوچستان ءُ کراچی ءَ گچینی بلوچ نودربر فرنٹیر کور ءُ پولیس ءِ کاونٹرٹیررازم ڈپارٹمنٹ ءَ زورانسری بیگواھی ءِ نشانگ کتگ اَنت-

دو ھزار ءُ بیست ءُ چار ءَ درستاں گیش مردم ھمے ماہ (اکتوبر) ءَ زورانسری بیگواھی ءِ نشانگ کنگ بیتگ اَنت، ایشانی کساس ھشتاد ءُ چار اِنت- کراچی ءِ دمگ بشیر ولیج ءَ کراچی یونیورسٹی ءِ ھشت نودربر ءُ ڈیرہ بگٹی ءُ نوشکی ءِ ھنداں سِی مردم ءَ گیش زورانسری بیگواھی ءِ نشانگ کنگ بیتگ اَنت-

بلوچستان ءَ زورانسری بیگواھی ءُ ریاستی زُلمانی ھلاپ ءَ پرکاریں سیاسی باسکاں جد ءُ جھد ءَ دزکش کنگ ءَ پاکستان ءِ سرکار ءِ ادارہ نیشنل کاؤنٹرٹیررازم اتھارٹی ءِ ناشرکاری ءِ تک ءَ سدانی کچ ءَ بلوچ سیاسی باسکانی نام فورتھ شیڈول ءَ ھوار کنگ بیتگ اَنت-

پاکستان ءِ سیکورٹی ادارھانی نیمگ ءَ زورانسری بیگواھی ءُ ریاستی زلمانی ھلاپ ءَ پرکاریں بلوچ یکجھتی کمیٹی ءِ سروک ماہ رنگ بلوچ ءُ صبغت اللہ شاہ جی ناشرکاری ءِ واچ لسٹ فورتھ شیڈول ءَ ھوار کنگ سرکار ءِ گیر سنجیدگی ءِ لیکہ اِنت-

بلوچستان ءَ پیپلز پاٹی ءِ اڑوکی سرکار ءِ پالیسیاں بلوچستان ءِ جاورانی ناگیگی ءَ مھلوک گیش چِست بوان اَنت – اڑوکی سرکار ءِ گیر سنجیدھیں گامگیج ءَ بلوچستان ءَ زوراکی ءِ ھلاپ ءَ سیاسی زرمبشتانی دارگ ناسرجمی انت ءُ “بے تواری ءِ پروشگ: زورانسری بیگواھیانی ھلاپ ءَ اوشتگ ” اے سرھال ءَ ھزاراں مھلوک ءِ زھرشانی تچک کنت اِنت آیوکیں وھداں اے زوراکی ءِ ھلاپ ءَ زرمبشت ترندی ءَ گوں برجاہ بیت اِنت-

روکپتی بلوچستان ءِ بنجاھی شھر ￴زاھدان ءَ ایرانی لشکر ءِ دست ءَ سَے مردم بیگواہ کنگ بیتگ اَنت-

اھوالانی رد ءَ زاھدان ءِ ھند اھمد چات بازار ءَ ￴ایرانی لشکر ءُ ￶چیریں ادارھانی کارمنداں پژو گاڑیے ءِ ￵اوشتارینگ ءَ ￴پَد آئی ءَ ￴سواریں سَے مردم آوار جتگ ءُ ￶بیگواہ کُرتگ اَنت۔

دمگی مردمانی رد ءَ آوار جنگ بوتگیں مردمانی پجار زانگ نہ بیتگ اَنت ، لھتے اھوالانی رد ءَ ￴سَئیں مردم ایدوزھی ءِ ٹکّ ءَ چہ بوگ ءَ ￴ھوار یکیں کھول ءِ ￵مردم بیتگ اَنت ۔

تنی وھدی ھرسئیں مردمانی پجار زانگ نہ بیتگ اَنت- ءُ روکپتی بلوچستان ءِ دگہ جاھاں ھم یکشل ءَ مردمانی بیگواھیانی اھوال رپورٹ بوگ ءَ انت-

بے تواری پروش زورانسری آوار جنی ءِ ھلاپ ءَ اوشتگ ءِ سرھال ءَ چہ بلوچستان ءِ جتاجتائیں دمگاں زھرشانیانی درچ برجاہ ءَ اِنت-

گیشیں ھالانی رِد ءَ بلوچ یکجھتی کمیٹی ءِ نیمگ ءَ چہ بلوچستان ءَ زورانسری آوار جنی ءِ ھلاپ ءَ چاگی، یک مچ ءَ یک روانکے کشگ بیتگ ءُ زھرشانی نکش کنگ بیتگ-

زھرشانی ءَ ھواریں مردم اے میان ءَ روانک کش اِتگ چریشی ءَ پد نندانک ءِ دروشم زرتگ وھدے کہ زھرشانی ءِ وھد ءَ زورانسری آوارجنی ءِ نشانگ کنگ بیتگیں مردمانی اکس دست ءَ چست کتگ بیتگ اَنت ءُ آیانی یل کنائینگ لوٹ کنگ ءَ بیتگ اَنت-

زانگ بہ بیت کہ بلوچ یکجھتی کمیٹی مھم “بے تواری پروش : زورانسری آوار جنی ءِ ھلاپ ءَ اوشتگ” ءِ سرھال ءَ چہ بلوچستان ءِ جتاجتائیں دمگاں زھرشانی کنگ بیگ ءَ اِنت کہ اود ءَ اشی ءَ ساری سندھ ءِ بُنجاھی شھر کراچی ءُ بلوچستان ءِ شھر ھب چوکی، ھُزدار، تربت، پنجگور، ھاران، شال، نوشکی، دالبندین ءَ زھرشانی نکش کنگ بیتگ-

بلوچ یکجھتی کمیٹی ءِ نیمگ ءَ چہ زھرشانی ءِ جار ھمے ماہ ءَ چہ بلوچستان ءَ زورانسری آوار جنینانی وئیل تہ ءَ گیشی آیگ ءِ ھلاپ ءَ کنگ بیگ ءَ اِنت-

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ بلوچ لبریشن آرمی ءِ یونٹ، فتح اسکواڈ ءِ سرمچاراں گوستگیں شپ ءَ پنجگور ءَ بی ایل اے ءِ انٹیلی جنس ونگ زراب ءِ سر کرتگیں اھوالانی پژدر ءَ پروم دزگٹ ءَ پاکستانی پوج ءُ چیریں ادارھانی نیمگ ءَ جوڑ کتگیں جرمکاریں مردمانی ٹولی وتگڑیں ڈیتھ اسکواڈ ءِ یک بنجلے ءِ سر ءَ اُرش کتگ-

آئی ءَ گوشتگ سرمچاراں اُرش ءَ ڈیتھ اسکواڈ ءِ چار کارندہ جاہ پہ جاہ ءَ کشتگ اَنت ءُ آیانی یک ھمراھے ءَ سلاہ دور داتگ ءُ تکگ – کشتگیں کارندھانی سلاہ ءُ دگہ پوجی مڈی سرمچاراں دستیگ کتگ ءُ برتگ اَنت-

جارکش ءَ گوشتگ ھمے وھد ءَ سرمچارانی دگہ یک ٹولی ءَ اُرش ءِ جاہ ءَ پیش گامی کنوکیں ڈیتھ اسکواڈ ءِ سروک بجار شمبے زئی ءِ برات زاھر شمبے زئی اُرش ءِ نشانگ کتگ – ءُ چریشی ءِ آسر ءَ آ ھمے جاہ ءَ مرتگ ءُ آئی ءِ دو ھمراہ سک ٹپیگیں جاوراں تتکگ اَنت –

آئی ءَ گوشتگ سرمچاراں ھمے جاہ ءَ لٹ ءُ پلی پروجیکٹ ءِ دو کریش پلانٹس ءُ دگہ ساز ءُ مشینری گوں ھمراہ ءِ بنجل ءَ مانداشتگ ءُ سرجم ءَ تباہ کرتگ-

آئی ءَ گوشتگ پنجگور ءِ دمگ پروم ءَ لھتے راجدروہ وتی زاتی واھشتانی پد ءَ زورگریں پوج ءُ ڈیتھ اسکواڈ جوڑ بیتگ اَنت ءُ بلوچ راجی زرمبشت ءِ ھلاپ ءَ پرکار اَنت ءُ دشمنیں پاکستان ءُ آئی ءِ پوج ءِ واستا چاریگری ءِ کار ءَ اَنت- اے راج دشمنیں پرکاریاں بلوچ ورنایانی چاریگری، دشمنیں لشکر ءِ واستا مڈی سرکنگ، چیریں ادارھانی آفیسرانی برگ ءَ وتی گاڑیانی دیگ، دشمنین پوج ءِ واستا کیمرہ ءُ سولر سسٹم ءُ دگہ ڈول ءُ ھیلاھانی آسراتی دیگ ھوار اَنت اے دراھیں دشمنی کاراں بس پوج ءَ واپاری ءِ نام دیگ ءُ اے کاراں کنگ ءَ اَنت-

جارکش ءَ گوشتگ پنجگور ءَ لھتے مردم‘ لائن’ ءِ نام ءَ سادگیں مردماں دشمنیں پوج ءِ واستا چاریگری ءِ واستا لاچار کنگ ءَ اَنت – اے مردماں پوج ءِ واستا آسراتی کاری ءِ سوگات ءَ لائن ءِ انچارج دارگ بیتگ – ھمے ڈول ءَ گولڈ سمڈ لائن ءَ تیل ءِ واپار ءِ واستا دشمنیں پوج آیاں اسٹیکرز دیگ ءَ اِنت – اے مردم لس بلوچانی زرکاری ءِ لاچاری ءَ نپ چست کن اَنت ءُ آیاں چاریگری ءِ اسٹیکر ءِ لالچ ءَ دیگ ءَ اَنت- ھمے ڈول ءَ لھتے گیر سلاہ بندیں چاریگ شکار، تر ءُ تاب ءُ پس ءُ گوکانی بھانگ ءَ کوھانی نیمگ ءَ کاینت اِنت ءُ سرمچارانی راہ ءُ جاگھانی درگیجگ ءِ جھد ءَ اَنت-

آئی ءَ گوشتگ بلوچ لبریشن آرمی اے گپ ءَ تچک کنت اِنت مئے انٹیلی جنس ونگ ءَ اے دراھیں مردمانی سر ءَ نگاہ ایر کتگ اَنت ءُ اگاں اے مردم وتی سلکاری دشمنی ءَ در نہ کپت اَنت گڑا ایش ترندیں نشانگ کنگ بنت اِنت-

جارکش ءَ گوشتگ بلوچ لبریشن آرمی ءِ سرمچاراں کیچ ءِ ھند ھوشاپ تل ءَ سَے روچ پیش یک کاروائی کنان ءَ مقصود ء گواران جھمنند ھوشاپ تل سر دزگیر کتگ-

آئی ءَ گوشتگ اے چاریگر ءُ دلار ءَ جست ءُ پرسانی وھد ءَ من اتگ کہ آئی ءَ پاکستانی پوج ءِ کرنل میران ءَ ھوشاپ بنجل ءَ گند ءُ نند کتگ ءُ آئی ءِ گوشگ ءَ پد ءَ وتگڑیں ڈیتھ اسکواڈ ءِ کارندہ شھداد ء بھروز ءِ سروکی ءَ دلاری ءَ بیتگ-

جیئند بلوچ ءَ گوشتگ چاریگ مقصود ءَ اے من اتگ کہ آئی ءَ ھمدردی ءِ بنیاد ءَ سرمچارانی راشناں ٹریکنگ چِپ ٹپینتگ ےُ سرمچارانی بنجل ءَ سر کرتگ – اود ءَ دشمنیں پوج ءَ جنوری دوھزار ءُ بیست ءُ سَے ءَ اُرش کتگ ءُ دشمن ءِ جنگ ءُ چوپانی وھد ءَ ھمراھیں گل ءِ سَے سرمچار عامر خان پنام ءِ عابد جان، یحیٰی جان پنام ءِ کمبر جان، رضا پنام ءِ گزین ءُ بی ایل اے ءِ سنگت ممتاز ء کازی پنام ءِ ملا یاسر شھید بیتگ اَنت-

آئی ءَ گوشتگ چاریگ ءُ دلاریں مقصود ءَ وتی کرتگیں جرم من اتگ ءُ وتی دراھیں ھمراھانی نام پدر کرتگ اَنت- راجدروھی ءِ بیگ ءَ بلوچ راجی آمیدگس ءَ اے بنگپ ءَ سربیتگ کہ مقصود سرمچاراں کشتگ – ھمے ڈوک زراب اے نیٹورک ءِ دومی چاریگانی پٹ ءُ پول ءَ کنگ ءَ اِنت ءُ زوت آیانی سر ھاکاں ھوار کنگ بیت اِنت-

جارکش ءَ گوشتگ بلوچ لبریشن آرمی ءِ سرمچاراں مروچی سھب ءَ شال ءِ دمگ کلی کمبرانی ءَ یک انٹیلی جنس بیسڈ کاروائی ءِ وھد ءَ زورگریں پاکستانی پوج ءِ چیریں ادارہ ملٹری انٹیلی جنس ایم آئی ءِ گچینی ءِ کارمند سید خان ء کریم بخش بگٹی تیرگواری کرتگ ءُ کشتگ-

آئی ءَ گوشتگ پاکستانی پوج ءِ ملٹری انٹیلی جنس ءِ کارندہ سید خان ءَ شال ءَ زورگریں پوج ءِ واستا چاریگری ءَ ھوار مردماں چاریگری ءِ واستا برتی کنگ ءَ ھوار بیتگ – اے مرد بنکی ءَ مھمد کالونی سوئی ڈیرہ بگٹی ءَ بیتگ ءُ اے انی شال ءَ کلی کمبرانی ءَ نندوک بیتگ-

جارکش ءَ گوشتگ دراھیں سرپدی ءُ اھوالاں پد بلوچ لبریشن آرمی ءِ سرمچاراں مروچی سھب ءَ کلی کمبرانی ءَ شال ءَ دلار سید خان ءِ سر ءَ تیرگواری کرتگ ءُ کشتگ ءُ آئی ءِ سلاہ دستیگ کتگ اَنت-

جارکش ءَ گوشتگ بلوچ لبریشن آرمی اے دراھیں اُرشانی زمہ واریاں من ایت ءُ تچک کنت اِنت کہ بلوچ راجی زرمبشت ءُ بلوچ لوٹانی ھلاپ ءَ ھرکس پرکار بیت تُری آئی ءِ سیادی کجام ٹک ءُ نسل، مزھب ءُ پرکہ ءَ بیت ےُ آ یک دشمن ءُ راجدروھی ءِ ھاکاں ھوارینگ بیت اِنت-

پاکستانی پوج ءِ دست ءَ زورانسری بیگواہ مسلم عارف یل کنگ بیتگ وتی لوگ ءَ سر بیتگ-

کھول رِد ءَ پانزدہ سالی ئیں مسلم پانزدہ جون دوہزار بیست سے ءَ پاکستانی پوج ءَ چہ دکان ءَ دزگیر کنگ ءَ پد زورانسری بیگواہ کتگ دراجیں مدتے ءَ پد مروچی آجو بیتگ-

زانگ بہ بیت کہ مسلم زورانسری آوار جنی ءِ ھلاپ ءَ آئی ءِ کھول چہ بلیدہ ءَ تربت لانگ مارچ ءَ ھوار زھرشانی کنگ بیتگ-

روکپتی بلوچستان ءِ دمگ ￵میرجاوہ ءِ سیمسری ھند روتک ءَ چہ چیر کُرتگیں شورھی ماین ءِ ￵تراکگ ءَ ￴تیل کش ءِ ￵گاڑیے ءَ ￵سواریں دو مردم ٹپیگ بیتگ اَنت۔

ٹپی بیتگیں مردمانی پجار ”شھرام ء بھنام ،الی دین مھمد ھر دو شستون ءِ ￵دمگ گُشت ءِ ￵جھمنند اَنت-

اھوالانی رد ءَ تراک ءَ ￴چہ پد ایرانی لشکر ءِ سیمسرپھاز ءِ  ￵122 بنجل ءِ ￵سپاھیگ وئیل جاہ ءَ ￴اتکگ اَنت ءُ ￶ٹپیگ ءِ ￵مردمانی لٹ ءُ ￶کُٹ کنگ ءَ ￵پَد آھانی گاڑی ایش مانداشتگ ءُ ￶شُتگ اَنت۔

روکپتی بلوچستان ءِ بنجاھی شھر زاھدان ءَ گوستگیں سَے روچاں ایرانی لشکر ءِ بالیگانی بال ءُ دمگ ءَ لشکر کشی ءِ اھوال اَنت-

گیشیں اھوالانی رد ءَ دزاپ ءِ ￵دمگ کورین ءَ ￴سھبی ایرانی لشکر ءِ ￵جنگی بالگرد برز ءَ بال اَنت۔

ھمے وڑا دزاپ ءِ ￵دمگ زیارت ءَ ￴ایرانی لشکر ءِ ￵دَھانی کچ ءَ ￴جنگی گاڑی ءُ ￶ساز ءُ ￶سامان روگ ءَ ￴گندگ بوتگ انت-

زانگ بہ بیت گوستگیں روچاں ایرانی لشکر ءِ کارمندانی سر ءَ یک اُرشے بیتگ ات کہ اود ءَ دَہ کارمند کشگ بیتگ ات اَنت کہ اے وئیل ءِ زمہ واری جیش العدل نامیں گلے ءَ زرتگ ات-

آزمانک: تْرَسگ

نبشتہ کار: شاھد اھمد

دی بلوچستان پوسٹ

استالے من ءَ روک روک ءَ چارگ ءَ اِنت، آئی ءِ کَش ءَ مُجائیں استالے منی چماں وتی رژنائی ءَ زور جنگ ءَ اِنت، دستاں شَھارگ ءَ اِنت، مُجائیں استال لوٹ اِیت کہ من دیم ءَ بہ کِزّ آں۔

مزنیں استال نزیک اِنت ءُ کسانیں استال چہ من سک باز دور اِنت ملور ملوری ءَ من ءَ گندگ ءَ اِنت، بگندئے من ترا مہ گنداں بلے گندگ ءَ آں، بلے ملور ملوری ءَ، دل ءِ سازاں وتی سوکی ءَ جن آں۔منی اُمیت تو وھدے کہ پاد کُتگ، نوں بِھ وتی سر ءَ جَھل نہ کنت، اڑِے او! من سک ءَ بے لَجّے بوت آں اگاں من ءَ اُمیتے ھست ترا ماراں زندگی بَر۔مزنیں استال ءَ لَجّ ئِے بَھار بہ زور اِیت کہ وت ءَ بْرھنگ ئِے کُتگ،بس کن; تو من ءَ چی ءَ چار ئے؟ تئی چَمّاں مُجا گپتگ، تو وتی روژنائی ءَ رد درشان مہ کن، چمّاں روکیں ساھگے گوں کُتگ اَت، تچان تچان ءَ وشیں ھالے گون اَت ئِے، جگر منی پُل او منی ساہ ءِ کپ گُش ئے اَنچوش گُشگ ءَ اَت، منی چمّانی روژنائی ءَ بگر داں ساھگ ءَ، گوات وش وش ءَ کَشّان اَت، اے گرمیں بوم تَبیں نَمبے منی جان ءَ پُتر اِیت، سردیں گوات میزان میزان ءَ کشّگ بنا بوت، ءُ گرمیں ھون ءَ منی سردیں نَمب ءَ شری ءِ سر ءَ امبازاں زور اِیت، وش وش ءَ مُجائیں استال ءَ گیر آرگ ءَ منی ھیالاں پُر کنگ ءَ اِنت، گواچن ایش لاِنت کہ زندگی ءَ ھچ گناہ نیست بس مزنیں استال ءِ ھدا ءَ وتی رژنائی بازار ءِ مردم گنوک کتگ اِت اَنت۔

ھمے دمان ءَ من اِنزار ءِ جَنگ ءَ پیسر شانتل آپ ورگ ءَ اَت، پد ءَ درست اتک اَنت، بُن ءَ دان چِنگ ءُ ورگ ءَ اِت اَنت منی ارادہ گوں سِتکیں سوابے ءَ مُھکم اَت بگند ئے من ءَ شانتل وتی نیم چمی ءَ بچار اِیت بلے انگت ءَ من ءَ چارگ ءَ نہ اَت، بگند ئے من ءَ کمے دمانے ءَ بچار اِیت، من ءَ ھمے وس وس اَت کہ دیم ءَ بہ کِز آں بلے من ءَ وتی اُمیت زندگ دارگی اَت چو مہ بیت کہ منی بے سبری ءَ اُمیت چہ من مہ سِدّ اِیت۔

منی چَمّاں آپ رچگ ءَ اِنت، سوریں آپ رِچگ ءَ اِنت چمانی سُچگ ءَ من ءَ پورا آسے لَگّ اِت، زوت زوت ءَ دوئیں دستاں چماں گوں لتار آں، نہ بوت، من وتی سر ءَ ھاک مان ریتک، بچار من ءَ بے سبری ءَ کجا رسینت۔ بگند ئے اگاں چوش بُکتیں گڑا!-

مزنیں استال منی لُنٹاں چارگ ءَ اَت، گُش ئے سک تُنّیگ اَت، لُنٹ آپ لوٹ اِیت، ھما آپ کہ تَلبگار اِنت۔ بگند ئے ایشی ءِ چم بے میار اَنت، تُن ءَ گُناھے نیست اَت۔منی مستریں الگار ءُ گِھگیری منی جند ءِ تہ ءَ اِنت، گُناھے نہ اِنت زلورت اِنت ءُ زلورت منی ھک اِنت ءُ ھک منی گناہ بوت نہ کنت۔

زوت زوت ءَ تَھاری ءَ دراھیں مردم گْرِشت نہ کُت اَنت، من وتی جِند ءِ ساھگ ءَ اوں پجّا نیارگ ءَ اِت آں، دستاں اشتاپ اشتاپ ءَ سُرینگ ءَ اِت آں، گواتے کم کم ءَ مارگ ءَ اِت آں، کم کم ءَ منی گوشاں لَگّگ ءَ اَت، گُش ئے کَسے من ءَ کِکّلی کنگ ءَ اِنت، پد ءَ گمان کُت زمین ءِ سر ءَ نشت آں۔

شپ ءِ سیاھیں رنگ ءَ منی نازاکیں دوئیں چم کور کُتگ اَنت، بے مانائیں توارے اِش کنگ ءَ اِت آں بلے من نہ زانت کہ اے نوکیں چونیں آوازے۔اے توار ءِ بابت ءَ من نازانتکار اِت آں، من ھیران اِت آں کہ اے چی یے؟بلے اے چی یے؟ لھتیں منی پیمیں انسان ءِ کندگانی آواز من اِش کُت اَنت من ھمے مار اِت بلکیں چہ منی نازانتکاری ءِ سبب ءَ کندگ ءَ اَنت بگندئے۔ بلے من ھیالے کُتگ اَت، گوں وت جُست ءَ اِت آں اے چونی ءَ زانتکار بوت اَنت؟

ھو! من ھمے وڑ پَھمگ ءَ آں کہ تو منی سر ءَ کندگ ءَ ئے، من مرد ءِ جَنَگ ءَ سر گپت آں، بلے سیاھیں رنگ ءَ من ءَ بے ھیال کُت، منی مستریں دژمن ھمیش اِنت، سیاھیں شپ
منی ملامتی ھمیش اَت کہ من ءَ شپ ءَ گپتگ اَت، ءُ من تَھنا گوں وتی دست ءُ پاداں ھُشک ءَ زور جَنَگ ءَ ابید ھِچ درد نہ ور اَنت پرچا کہ شپ ءَ منی بے وسیں بالاد ءَ بزگ بوتگ اَت چمیشکا رند ءَ من ءَ مزنیں استال ءَ گوانک پِر جَت، او! کدبانو بیا من ءَ کمو بچار۔

روان اِنت

بلوچستان ءِ دمگ دکی ءَ پاکستانی پوج لشکر کشی برجاہ

ھالانی رِد ءَ دکی ءِ دمگ رباط کش گوراں پاکستانی پوج ءَ مروچی سھب ءَ چہ جھلی لشکر کشی ءَ دلگوش اِنت- پوج ءِ کارمند مزنیں کچے ءَ جتاجتائیں دمگاں گندگ بیتگ اَنت-

واکدار ءَ اے درگت ءَ ھچ وڑیں درشان شنگ نہ کتگ-

زانگ بہ بیت دو روچ ءَ ساری اے دمگ ءَ بلوچ لبریشن آرمی ءَ یک آئی ای ڈی اُرش ءَ پوج گاڑی نشانگ کنگ بیتگ چریشی ءَ واکدار ءَ چار کارمند ٹپی بیتگ اَنت-

بلوچستان پولیس ءَ یک درشانے شنگ کتگ گْوشتگ کہ پولیس آفیسراں ھال داتگ کہ بی ایل اے گورنمنٹ آفیسراں آوار جنگ ءِ چن ءُ لانچ کنگ بوگ ءَ اِنت-

شنگ کتگیں درشان رِد ءَ بلوچستان ءِ دمگ چہ پنجگور، کیچ ءُ آواران ءَ گمانی ءَ ھساب ءَ ڈی پی او، ڈی سی یا کہ اے سی وڑیں آفیسراں آوار جت کن اَنت-

پولیس رِد ءَ بی ایل اے ءَ وتی چن ءُ لانچ سرجم کتگ – وھدے کہ پولیس گوشگ اِنت اے چن ءُ لانچ بی ایل اے ءِ سروک بشیر زیب نیمگ ءَ چہ کنگ بیتگ دانکہ آ وتی برات زھیر بلوچ ءَ یل کنائنت بکنت-

زانگ بہ بیت کہ بی ایل اے ءِ سروک بشیر زیب ءِ برات زھیر بلوچ بیست ھپت جون ءَ ساھت دو ءِ وھد ءَ وتی کارگس ءَ جی پی او شال ءَ برجاہ زرغون دگ ءَ چہ وتی لوگ کلی بنگلزئی سریاب دگ ءِ واستا درتکگ ءُ لوگ ءَ سر بیگ ءَ ساری آ بیگواہ کنگ بیتگ-

زھیر بلوچ ءِ یل کنائینگ ھاتر ءَ کھول نیمگ ءَ چہ زھرشانی نندانک دیگ بیتگ وھدے کہ گپ دیوان ءَ واکدار ءِ دلجمی دیگ ءَ اَبید آیل کنگ نہ بیتگ-