TBP Balochi

حمیدہ اگاں کیسنر ءَ ￴مہ کُشتیں تاں بولان ءَ ￴مُرتگ اَت

نبشتہ کار: سدرہ بلوچ

دی بلوچستان پوسٹ

“من مباتاں منی مھرمیں ھمبلو چینچو جلدی شت ءِ” ￵
“مرگ برحق بلے، زندگی چوں کنے؟
اے سفر ایوک ءَ ￴بُرگی ایں منا”
(م-ک)

حمیدہ اگا من بُگشاں کہ ایوک ءَ ￴ شریں سیاسی جھد کارے بیتگ من رداں ۔۔ منی واستا حمیدہ ￴شریں جھدکارے  ءَ ￴ابید شریں ماتے ھم بیتگ، شریں دزگُھارے ھم بیتگ ءُ ￶شوکیں شرپداریں ￵وارسے ھم بیتگ۔۔ چو بگندے کہ حمیدہ ءِ ￵بیرانی پمن انچیں ￴تاوان انت کہ من اے ￴نُکس ءَ ھچ وڑا ￵پورا ءکُت نہ کناں بلے ھبر ایوک ءَ ￴منی بوتیں تاں شر اَت منی ھمبراھی ءَ ￴روچے  ءَ ￴ھمے ھبر ھلاس بیتگ اَت، بلے ھبر اِیش انت کہ حمیدہ شریں سیاسی جھد کارے بیتگ، آئی ءِ ￵مرگ ءِ ￵گم المی.انت کہ سرجمیں راجے وتی گوما ارسیگ کنت-

من حمیدہ مدُام کارانی تَھ ءَ دیستگ ، ھما کار کہ ￴زاتی نہ بیتگ انت کومی بیتگ انت چوناھیگا حمیدہ من مُدام جنگ ءَ ￴دیستگ گوں جنوازمی جاگہ ءَ ￴وتی چَکانی لاپ ءِ ￵والینگ ءِ ￵جنگ ءَ ، کدی زُلم ءُ ￶جبر ءِ ￵ھلاپ ءَ جنگ ءَ ￴کدی روڈانی سر ءَ شپانی نیم ءَ ￴وتی برات ءُ ￶گھارانی ھم گوپگی ءَ ￴کدی اد ءَ ￴پوسٹرے دستے بیتگ اُود ءَ پوسٹرے دستے ￵بیتگ۔

حمیدہ اگاں تو من ءَ سما کَنگ ءَ ئے!! تئی جتائی  ءِ ￵ساز مرچی بے کساس آواز کنگ ءَ آں انچو کہ من ترا چہ بے ترانگ باں تاں ھاسٹل ءِ ￵اسپتیں لیٹ من ءَ پد ءَ تئی ترانگاں گیجاں من ءَ پد ءَ ھمے ھاسٹل ءِ ￵دپ ءِ پارک ءَ ￴بر اَنت سر کن نت کہ تو آئی ءِ توک ءَ نشتگ ءُ ￶گُشگ ءَ ئے ”دُعا کن کہ من زند ءِ ￵گُڈی ساھتاں بولان ءِ ￵کوہانی سر ءَ مھاز ءَ ￴مراتاں“ ءُ من جزم گوشاں کہ تو جنگے ءَ ￴جَنگے۔۔ ￵تو بلے ھمے ھسپتال ءِ ￵کوھنگیں بلنگ ءِ ￵سرا دنیا ءَ سفر کُتگ ۔۔ بلے تئی پکر انگت بولان ءِ ￵کوھانی سر ءَ چو چراگ ءَ ￴روک انت-

ارواہ آسودگ بات گوھار

کارِست ھمیدہ

نبشتہ کار: ارشد دوستؔ

دی بلوچستان پوسٹ

ھمیدہ وتی چماں آواران ءِ ￵وڑیں پُر آشوبی دمَکے کہ اود ءَ تیرتیج نامیں میتگے ￵ھست ھمود ءَ ￴چماں پَچ کنت یک گلامیں چاگردے ءِ ￵تہ ءَ زند ءِ ￵￵بندات ءَ ￴کنت ھما میتگ کہ اود ءَ ￴کارستانی کَمی نہ اِنت اود ءَ ￴بلوچ جُھد ءِ ￵واستا ماتاں لائکین ءُ ￶بھادریں بچ ءُ ￶جنک ودی کُتگ ھما میتگ ءِ ￵تہ ءَ ￴ھمیدہ ءِ ￵وڑیں مھروانیں ءُ ￶ایمانداریں شیرزالے ودی بیت ھما شیرزال ھمے چاگرد ءِ ￵تہ ءِ سلکاریانی تہ ءَ ￴سپر کناں کنت ءُ ￶وتی وانگ ءَ ￴برجم دار ایت دیم پہ اوتَل شھدربرجاہ ءَ ￴سر بیت اِد ءَ ￴ آئی ءِ ￵گند ءُ ￶نند گوں ￶سیاسی سنگتاں بیت اے گَپ ءِ ￵تہ ءَ ￴اِچ شَک نیست اِنت کہ ھمیدہ ھما میتگ ءَ چہ سیادی دار ایت یک زمانگے ءَ ￴آ میتگ سیاست ءِ ￵بنجاہ بوتگ￴ بلے ھمے سیاست ءِ ￵سوب اِنت کہ آ سیاست ءِ ￵تہ ءَ ￴آیگ ءُ ￶وتی راج ءِ ￵درد ءِ ￵مارگ ءَ ￴مجبور بیت کہ آ اوتَل ءَ ￴سیاسی سرکلانی بھر بیت
اے ھما زمانگ اِنت کہ بِساک ءِ ￵وڑیں ازیمیں گَل ءِ ￵بلوچ نودربرانی تربیّت ءَ ￴کنگ ءَ ￴بیت ھمد ءَ ￴چہ ھمیدہ وتی سیاسی سپر ءَ بندات کنت ءُ ￶بساک ءَ ￴ھوار بیت گُڑا راجی کاراں گوں گیش دلگوش بیت ھمک روچ گوں سنگتانی نندگ ءُ ￶گوں آیاں ڈسکیشن ءُ ￶ڈیبیٹ ءِ ￵وڑیں چاگردے ودی کنت تانکہ نودربر وتی جند ءِ ￵ءُ ￶سیاست ءِ ￵ارزشت ءَ ￴بہ زان اَنت ھمیدہ ءِ ￵کار ءُ ￶مکلسی ءَ ￴چہ آ بِساک اوتل ھنکین ءِ ￵ھنکینی کمک کارمستر گیچین کنگ بیت ھمے سپر ءَ ￴برجم دار ایت دیمتر ءَ ￴آ گل کاری ءِ ￵سر ءَ ￴گوں ایمانداری ءَ ￴کار کنت ءُ ￶اوتل گرؤنڈ ءَ ￴یک سیاسی بنجلے جوڑ کنگ ءَ ￴گوں سنگتاں ھمکار بیت ھمے وڑ کامریڈ ھمیدہ کیڈر سازی ءِ ￵امل ءَ ￴ھم جوانیں رنگے ءَ ￴دیم ءَ ￴بران کنت پہ ھنکین ءَ ￴نوکیں کیڈر جوڑ کنگ ءِ ￵جُھد ءَ ￴برجم دار ایت بلے اے ھمے زمانگ اِنت کہ بِساک ءِ ￵تہ ءَ ￴یک ٹولی یے پاد کیت نودربران ءَ ￴بنجاہ ءِ ￵ھلاپ ءَ بدگُمان کنگ ءَ ￴بندات کنت مرکزی سنگتانی کردار کُشی آیانی جَھل جنگ ءُ ￶ڈوبارگ ھالانکہ آیانی زات ءِ ￵سر ءَ لَنکُک چِست کنگءِ ￵وڑیں گیر سیاسی ڈبییٹ ءُ ￶بد زھنی ودی کنگ بیت بلے اے کامریڈ جمیدہ اِنت کہ آ وتی ایمانداری ءَ ￴چہ ایمانداریں سنگتانی کدر ءُ کیمت ءَ ￴زانت ءُ اے وڑیں روشتاں ایر جَنت وتی سنگتاں چہ اے وڑیں ٹولیاں چہ رکینگ ءِ ￵کوشست ￴کنت-

یک رندے منی گوں کامریڈ ءَ ￴ھال ءُ ￶اھوالے ءِ ￵تہ ءَ ￴ھمے جیڑھانی سر ءَ￴گَپ بوت آئی ءِ ￵گُشگ اَت اے مردم کہ مرچی ڈاکٹر سبیہ ءِ ￵وڑیں رھشونے ءِ ￵زات ءِ ￵سر ءَ ￴گَپ کن اَنت تو باید اِنت من ءَ ￴ اے وڑیں گیر سیاسی سنگتانی بارو ءَ ￴جُست ھم مہ کن بَس ودار کن وھد دُرستاں پدّر کنت درست تئی دیم ءَ ￴چو آدینک ءَ درا بنت من پَشل بوتاں جُست ءِ ￵جند یلہ کُت بلے مرچی کامریڈ ءِ ￵ھمے گَپ من ءَ ￴یاد اَتک واکی کامریڈ درست پدّر بوت اَنت، سبیہ ھم درا بوت ھما بھتام جنوک ھم درا اَنت، تئی گَپ گَپ بوت اَنت کہ تو گُشت وھد درستاں پدّر کنت بلے تئی ھمے سنجیدگی ءُ ￶مستکل مزاجی بوتگ￴ کہ ھر وھد ءَ ￴تو سبر ءِ ￵دامن داشتگ ءُ ￶وتی سنگتاں ￴مُدام ھمے سکین داتگ بکول ءِ زنتکارانی ءَ ￴کہ ،، یک سیاسی سنگت ءِ ￵تہ ءَ ￴سبر ءُ ￶اوپار ءُ ￶برداشت مہ بیت آ سیاسی بوت نہ کنت ،، پمیشکا تئی ھمے سبر ءُ اوپار داد دیگ ءِ ￵ھکدار اِنت کہ تو انچو جنجالانی تہ ءَ ￴سپر کُتگ بلے پُشت ءَ ￴نہ کنز اتگ ئے￷، پمشکا مرچی ترا دگہ گَپے ￵ھم گُشگ لوٹاں وھدے تئی نمیران بوگ ءِ ￵ھال من ءَ ￴چہ سوشل میڈیا ءَ ￴سر بیت من ءَ ￴انچو سما بوت پورہ دردانی یک گرانیں بارے منی سر ءَ ￴کپت کَمو ھاموش بوگ ءَ ￴پَد آسردے کش اِت نِشتاں وھدے سوشل میڈیا ءَ ￴چاراں درستیں راج پرسیگ اَت کماشاں ￴بگر داں ورنایاں بیا ھتاکہ ھما ٹولی پرست ھم پَشل پَشل اِت اَنت ، پد ءَ ￴تئی سیاسی ھمسپر چِد ءُ ￶گیش تکاسُر گندگ بوگ ءَ ￴اِت اَنت بلے درس ھمے یکیں درد ءِ دیمپان اِت اَنت کہ ما پہ تو ھچ کُت نہ کُت بلے تو گُوں وتی ایمانداری ءُ ￶بھادری ءَ ￴پہ وت ءَ ￴نامے دَر آؤرتگ تو راجدپتر ءَ ￴مُدام گوں شَریں دانکاں یاد کنگ بہ ئے بلے منی کِر ءَ تئی پشکپتگیں یاتاں چہ تھنا یک سوگاتے پش کپتگ ￴ھما کِتاب ءَ ￴کہ تو لانگ مارچ ءِ ￵وھد ءَ ￴سریاب ءَ ￴من ءَ ￴دَست ءَ ￴داتگ اَت آ انگت منی کِر ءَ ￴اِیر اِنت نو اِیشی ءِ پھریزگ ءُ ￶اِیر کنگ منی واستا چِد ءُ ￶گیش گران اِنت بلے تاں ھستاں تئی اے سوگات ءَ ￴پھریزگ ءِ ￵جُھد کناں گُڈسر ءَ ￴وتی نبشتانک ءَ ￴کازی ءِ ￵اے شیر ءَ ￴گوں آسر کناں:

“مَرگ ءَ ￴کَد ءُ ￶باندات نیست”
“زاناں بلوچاں برات نیست “

رُکست اپ آواران سنگت

دو ماہ پیسر 5 ستمبر ءَ بلوچستان ءِ بنجاھی شھر چہ شال ءَ پاکستانی لشکر ءَ نودربر عطاء اللہ ء جمعہ خان جند ءِ لوگ جمعہ خان میتگ ءَ آوار جتگ ءُ برتگ کہ انگت بیگواہ اِنت-

گاریں نودربر ھشتمی کلاس ءِ نودربرے ھما وھد ءَ برگ بیتگ کہ وتی کلاساں گرگ ءَ بیتگ-

سیاسی ءُ چاگردی پھناتانی گشگ انت کہ ھمگرنچیں کھول دیراں چہ ریاستی زلم ءُ زوراکی ءِ آماچ انت، ھمے کھول ءَ گوں سیادی داروکیں محمد علی چپر پہ زور بیگواہ کنگ ءَ پد چہ کلات ءَ پاکستانی لشکر ءَ کشتگ۔

کھول ءِ مردماں چہ راج ءَ دزبندی کتگ کہ آ مئے چُک ءِ ھاترا توار چست بہ کن اَنت دانکہ آئی ءِ سلامتی یل کنگ بہ بیت اِنت-

بلوچستان ءِ دمگ پنجگور ءَ گوستگیں شپ ءَ سلاہ بندیں مردماں جوڑ بؤکیں ڈیم ءِ پھازوکی ءَ ساڑی سلاہ بندیں مردم اُرش ءِ نشانگ کنگ بیتگ اَنت-

اُرش پنجگور ءِ تھسیل پروم دز گٹ ھند سر ءَ بیتگ-

وسلیگ رِد ءَ جوڑ بؤکیں ءِ ڈیم ءِ پھازوک ھکومتی پلامرزی کنوکیں سلاہ بندیں ٹولی ( ڈیتھ ) ءَ دیگ بیتگ کہ آ دوشی سلاہ بندیں مردماں اُرش ءِ نشانگ کتگ اَنت-

وسیلگ گوشگ اِنت سلاہ بندانی میان ءَ تیرگواری ءِ رِد داں دیراں برجاہ بیتگ –

ھمے گوشگ بیگ ءَ اِنت سلاہ بندانی اُرش ءَ چہ کُشندہ ٹولی ءِ پنچ کارمند بیران لھتے ٹپی بیتگ لاش نادُراھجاہ آرگ بیتگ اَنت-

اُرش زمہ واری انگت ھچ گل ءَ نہ زرتگ

وار ءُ بَزّگی

نبشتہ کار: یسما بلوچ

دی بلوچستان پوسٹ

منی وتن بلوچستان دُنیا ءِ کُلّیں سیر ءُ وَشھالیں ھُلکَھانی وَڑ ءَ مَڈّی چَہ پُرّ اِنت ، بَلَے اَگاں ما وتی بلوچستان ءِ وَشھالی ءِ ھَبر ءَ بِہ کَن اِیں گُڑا مئے زمین ءِ سَر ءَ 0% ھَم وَشھالی گِندگ ءَ نئیت ، اَگاں اِدْ ءِ مردُماں کَسّے بِہ گِندیت نَہ گُش ءِ کہ اے بلوچستان ءِ وَڑیں جاھے ءَ نِندوک اَنت ، کہ آ کُدرتی ساز ءُ سامان ءَ پُرّ اِنت ۔

بلوچستان ءِ توک ءَ ترا بُندری ھَژدَری شئے ھم دِئیگ نَہ بَنت ، پَہ دَروَر ، نَہ لین ، نَہ سَاپیں آپ وَرَگ ءِ واست ءَ نَہ گیس ، کُلّاں چَہ زِبَھر کَنگ بُوتَگ اَنت ، پَرچا کہ ما گُلام اِنت ءُ گُلام ءَ وَشھالی نَہ بَلکیں بَدھالی ءِ تَہ ءَ دور دِئیگ بیت ، کُلّیں چیزاں چَہ پُشت ءَ دور دِئیگ بیت دیمرؤئی ءَ چَہ دُور بَد ھالی ءِ تُوک ءَ دور دِیگ بیت ۔

اے چیزاں چَہ اَبید نَہ بلوچستان ءِ توک ءَ شَرّیں کار ءُ روزگارے ترا دَست کَپیت ، بلوچ اَنچو وار ءُ بَزّگ کَنگ بُوتَگ انت ۔

من ھَردیں کہ لوگ ءَ چَہ گِسَر باں گُڑا من اے چیز ءَ سَکّ ءَ مار آں ، کہ کماش ، کسان سالیں وَرناہ ءُ زَھگ کِشکانی سَر ءَ نِشتَگ اَنت پَہ چُنڈے نان ءِ ھاتر ءَ چنچو بَزّگ اَنت ، ھما کسان سالیں وَرناہ ءُ زَھگ کہ آیانی اُمر وانگجاہ ءِ رَوَگ ئے اِنت آ کِشکانی سَر ءَ نِشتَگ اَنت ءُ بَزّگ اَنت ، چنکَسّ دَرد بیت وتئی کُوم ءَ چو بَزّگی ءَ گِند آں ۔

تَھنا اے نَہ بَلکیں ما دگہ جاھے ءَ رَوئیں گُڑا مارا گِندگ ءَ کئیت کہ پیریں مات ، کسانیں چُک ءُ زالبول کِشکانی سَر ءَ نِشتَگ اَنت ءُ بَزّگ اَنت پَہ وتئی برات ، زَھگ ءُ مردُمانی واست ءَ کہ آ سالانی سال گار ءُ بیگواہ اَنت ریاست ءِ تھاریں کُوٹیانی تَہ ءَ بَند اَنت ۔

منی مات ءُ گوھار ھَروچ ریاستی مردُمانی دَست ءَ دَگانی سَر ءَ زَلیل کَنگ بَنت ، سَریگ دور دِیگ بَنت ، جِند اِش گِرَان کَنگ بَنت ، اَنچو بَزّگ کَنگ بُوھَگ اَنت پَرچاکہ آ بلوچ اَنت ءُ بلوچانی نَسیب ءَ اے ریاست ءَ بَس وار ءُ بَزّگی لِیکیتَگ ۔

دیمرؤئی ھما کُوم کَنت کہ آ یَکّ وَشھال ءُ آسُودگیں کُومے بِہ بیت ، وانگ ءُ زانگ ءَ گوں ھَمگرنچ بِہ بیت ، نہ کہ بلوچ ءِ وَڑیں کُومے کہ آ وار ءُ بَزّگی ءِ آماچ اِنت ، جنگ ءِ آماچ اِنت ءُ مارا اے جنگ ، وار ءُ بَزّگی ءِ آماچ اے ریاست ءَ کُتگ ، گُڑا نُوں مئے سَر ءَ اَلّمی اِنت کہ ما وَت ءَ را اے وار ءُ بَزّگی ءَ چَہ در بِہ کَن اِیں ءُ اے کُلّیں اَڑ ءُ جنجالاں چَہ دَر آھگ ءِ بَس یَکّیں راہ اِنت آ راہ تُوپک ءِ راہ اِنت ، آ راہ جنگ ءِ راہ اِنت ، اَبید ءِ جنگ ءَ ما اے اَڑ ءُ جنجالاں چَہ کَدی ھم دَراَتک نَہ کَن اِیں داں ھما وَھد ءَ کہ ما آزات ءُ وَت وَاجھیں ریاستے وَت جُوڑ نَہ بِہ اِیں ۔

مرگ

نبشتہ کار: ثناء کریم

دی بلوچستان پوسٹ

اے یک راستیں گپے کہ زندگی ءَ گیشتریں مردم مئے میان ءَ بہ بنت گڑا آھانی کدر ءُ کیمت ءَ نہ کن انت بلے چہ دنیا ءَ روگ ءَ پد آھانی بابت ءَ گیشتر گپ جنگ ءُ یات کنگ بیت۔ اے گپ ءَ گوں انسان ءِ نپسیات، چاگردی لیکہ ءُ وھد ءِ اهمیت ءَ سیادی ھست۔

زندگی ءِ تہ ءَ مردم وتی کار، واھگ ءُ جیڑھانی تہ ءَ انچوش دست گٹ بنت کہ آ دگر ءِ ارزشت ءُ وھد ءَ ھچ وڑ ءَ سرپد نہ بنت۔ مئے گیشتریں مردم وتی نزیکیں مردمانی ھست بیگ ءَ پہ ھچ نہ لیک اَنت۔ بلے وھدے آ مردم دنیا ءَ یلہ کن انت گڑا آھانی ھست بوگ ءِ اهمیت پدر بیت ءُ پشومانی ءِ ساس گیش بیت۔

انسان ءِ زندگ بیگ ءِ وھد ءَ گیشتر آئی ءِ ایبانی سر ءَ دلگوش دیگ بیت۔ ما مردمانی کمّیاں یات کن ایں ءُ ایرجن ایں بلے وھدے کہ آ مردم گار بیت گڑا مارا آئی ءِ شرّی یات کاینت۔ اے انسان ءِ ابرم اِنت (فطرت) اِنت کہ ما مرگ ءَ پد مردمانی سپاتانی سر ءَ گیشتر دلگوش دئیں ءُ آھانی ایباں شموشیں۔

مردم ءِ مرگ ءَ چہ مردم ءَ زند ءِ ادارکیءِ سسا بیت۔ مرگ مئے دل ءَ یک ھالیگیں جاھے یلہ دنت ءُ ما ھما ھالیگیں جاہ ءَ پُر کنگ ءِ ھاترا مرگ ءَ یات کنیں۔ اے ھم یک کدرت ءِ کارے ￵ کہ ایشی ءِ وسیلہ ءَ ما وتی مھر ءُ گم ءِ درشان ءَ کنیں۔

چاگردی دود ءُ ربیدگ ءُ دلپدردی کسے ءِ بیرانی ءَ دلپدردی کنگ ءُ بیران بوتگیں مردم ءَ گوں نیکیں گپاں یات کنگ چاگردی دود ءُ ربیدگانی بھر اِنت۔ اے وڑیں وھداں مردم بیران بوتگیں مردم ءِ بابت ءَ وتی ھیالاں درشان کن اَنت آئی ءِ نیکیں کاراں یات کن اَنت ءُ دُوا ءُ کن اَنت۔ مرگ چوش کہ یک انچیں موھے جوڑ بیت کہ آئی ءِ تہ ءَ مردم وتی اھساس ءُ مھرے درشان ءَ کن انت۔

بے پرواھی ءُ پشومانی وھدے کہ کسے مئے میان ءَ زندگ اِنت گڑا ما آئی ءِ ارزشت ءَ سرپد نہ بئیں بلے مرگ ءَ پد ما سرپد بئیں کہ ما گوں آئی ءَ وھد گوازینگ ءِ موہ گار کتگ۔ ھمے پشومانی ءِ سوب ءَ ما گیشتر بیران بوتگیں مردمانی بابت ءَ جیڑیں ءُ آئی ءِ سپاتاں یات کنیں۔

زندگی ءِ تہ ءَ دگرانی کدر کنگ، آھانی مھر ءِ اھساس ءُ آھانی گوں شریں ھمگرنچی ءِ برجاہ دارگ ھما درستیں چیز انت کہ ما وتی زندگی ءَ ھوار بہ کنیں کہ مرگ ءَ پد پشومانی ءَ چہ بچگ بہ بیت۔ مرگ ءَ پد ءِ یات مارا اے سما ءَ دنت کہ زند ءِ ھر ساھت گران بھائیں چیزے ءُ ما وتی دوستیں مردماں ھما مھر ءُ اھترام ءُ ارزشت ءَ بہ دئیں کہ آ زند ءِ تہ ءَ ھست اَنت۔

ریاست ءِ پاکستان ءِ پروشتگیں کول

بلوچستان ءِ وت واجھی ءُ انساپ ءِ سر ءَ بیتگیں کول بازیں بران پروشگ ءَ گندگ بیتگ اَنت- زورانسری زیردستی ءَ بہ گر داں زورانسری بیگواھیانی جنزوکیں زھرشانیاں داں اے درچ انگت ءَ برجاہ اِنت- اد ءَ ما برجاھیں کسھانی لھتے بیتگیں گچینی کِسہ دیم ءَ آورتگ اَنت-

1948: بلوچستان ءِ سر ءَ زورگری

وھدیکہ بلوچستان ءَ را پاکستان ءِ گون ءَ زور ھوارینگ ءَ لاچار کنگ بیتگ ات گڑا محمد علی جناح ءَ خان آف قلات ءَ چہ وتواجھی، مڈیانی سر ءَ زیر دست، قلات ءِ وت واجھی ءِ شرپ ءُ شریں رنگے ءَ سیاسی نمائندگی ءِ کول کتگ بیتگ- بلے اے کول باز زوت ءَ پُرشتگ اَنت، پرچاکہ بنجاھی ءَ بلوچستان ءِ سر ءَ وتی کنٹرول زور دست کتگ-

1959: نوروز خان ءِ برانز

1955 ءَ ون یونٹ اسکیم ءَ بلوچستان ءَ دگہ روکپتی پاکستانی اُستانانی گون ءَ ھوار کتگ، چریشی ءَ پد گھگیری بندات بیتگ -1958 ےَ نواب نوروز خان ءَ خان آف قلات ءِ یل کنگ ءُ اسکیم ءِ ھلاس کنگ ءِ لوٹ کنان ءَ سلاہ بندیں جنگ ءِ سروکی کتگ- سرکاری سدکی دیگ کہ گیشتر قرآن مجید ءِ دیم ءَ دیگ ءُ زبان کنگ ءَ نوروز خان ءَ سلاہ ایر کتگ انت بلے کول کنگ ءَ ابید نوروز خان اُمر ءِ بندیگ کنگ ءُ آئی ءِ زھگ ءُ ھمراہ پاھو دیگ بیتگ اَنت چریشی ءَ بلوچانی سِتک چہ ریاست ءَ گیشتر پرشتگ-

2021:اسلام آباد زھرشانی نندانک

زورانسری بیگواھیاں بلوچ راج ءِ ھمراھی ءَ پاکستانی ریاست ءِ پرشتگیں کولاں گیشتر پروشتگ اَنت- دسمبر 2021 ءَ بیگواھیں بلوچانی کھولاں وائس فار بلوچ مسنگ پرسنز ءِ سروکی ءُ اسلام آباد ءَ ڈی چوک ءَ زھرشانی نندانک داتگ بیتگ- اگاں سرکار ءَ آ کمک کنگ ءِ سدکی داتگ انت بس 500 ءِ نزیک ءَ مردمانی یل دیگ ءِ بس ، ایشی ءِ چپ ءَ ھمے سال ءَ 1500 ءَ گیش مردم زورانسری بیگواہ کنگ بیتگ اَنت-

2022: شال ءَ ریڈ زون ءَ نندانک

شال ءَ بیگواھیں مردمانی کھولاں زیارت ءَ بیتگیں دروگیں دیم پہ دیمی جنگ ءِ ھلاپ ءَ زھرشانی کتگ، اود ءَ پاکستانی پوج ءَ زورانسری بیگواھیں 11 مردم کشتگ اَنت، چریشانی پجار کھولاں کتگ اَنت – بنجاھی ءُ اُستانی وزیرانی یک گچینی ٹولی یے وزیر داکلہ رانا سناء اللہ ءِ سروکی ءَ دراھیں بیگواھیں بلوچانی یل کنگ ءَ پٹ ءُ پول ءُ جد ءُ جھد ءِ کول کتگ ات- بلے لھتے ماھاں پد دروگیں میڑانی نوکیں کیس دیم ءَ اتکگ اَنت کہ روچ ءِ مروچی ءَ برجاہ اَنت-

2024 : بلوچ راجی مُچی

بلوچ یکجھتی کمیٹی ( بی وائی سی) ءُ پاکستانی سرکاری نمائندگاں گوادر ءَ بی وائی سی ءِ نیمگ ءَ وتی زھرشانی ءِ ھلاس کنگ ءَ پد یک مسامے ءِ سر ءَ دسھت کنگ بیتگ، اے سدکی دیگ بیتگ زھرشانی کنوکانی ھلاپ ءَ ھچ وڑیں بھتام جنگ نہ بیت انت – بس شش ھپتگاں پد کساس بی وائی سی ءِ سروک ءُ اھوالکار کہ آیاں زھرشانی ءِ ھال شنگ کتگ انت، فورتھ شیڈول کانون ءِ لڑ ءَ چارج کتگ اَنت ءُ ناشرکاری ءِ واتس نیکٹا ءِ لڑ ءَ ارزی نبشتگ کتگ انت-

پنجگور ءِ دمگ چہ چتکان ءَ بیگواھیں ورنا ڈگری کالج پنجگور ءِ چارگوزار ( چوکیدار ) ارشاد احمد ء صوفی محمد اسماعیل ءِ کھول ءُ سیاد غلام نبی باھند شاکر اسماعیل، لالہ داؤد خالد موسیٰ ءَ وتی نندانکجاہ ءَ پریس کانفرس ءَ تران کنان ءَ گوشتگ کہ ارشاد ء اسماعیل یک پُرایمنیں شھری یے، گوستگیں بازیں روچ ءَ چہ بیگواھیں کھول سک دلسیاہ ءُ درد رنجانی تہ ءَ دوچار اَنت-

آیاں سرجمیں ادارہ دمگی انتزامیہ پولیس سیاسی پارٹی علماء کرام ءَ چہ دزبندی کتگ کہ آ ارشاد احمد یل کنائینگ ھاتر ءَ وتی کرد ءَ پیلو بہ کن اَنت-

آئی ءَ گوشتگ کہ ارشاد احمد ء صوفی اسماعیل ڈگری کالج پنجگور چارگوزار ءُ سکیں سادھیں انسانے آ کالج ءَ وتی ڈیوٹی دیگ ءَ اَبید دگہ ھچ کار ئِے نہ کتگ آ لوگ ءَ چہ کالج ءُ کالج ءَ چہ لوگ ءَ اَتکگ بلے گوستگیں روچاں لھتے سلاہ بندیں گاڑی سواریں مردماں بید سبب ءَ آوار جتگ ءُ وتی ھمراھی ءَ برتگ بازیں روچانی گوزگ ءَ پد ھم بیگواہ اِنت ءُ آئی ءِ ھچ وڑیں ھال نیست چریشی ءَ چہ کھول ءُ لوگ سک دلسیاھی ءِ دیمپان اَنت-

آیاں گوشتگ کہ مارا کسے ءَ گوں دُژمنی ءُ لین دین نیست ءُ نانکہ ارشاد احمد اسماعیل چُشیں درکانودی پُرکاریاں ھمگرنچ اِنت اگاں کسے ءَ چشیں لین دین یا کہ دُژمنی یے ھست گُرا کھول ءَ چہ اِھوال بہ کن اَنت-

آیاں گوشتگ کہ سرجمیں سرکاری ادارہ، دمگی انتزامیہ ءَ چہ لوٹ کتگ کہ ارشاد احمد اسماعیل ءِ یل کنائینگ ھاتر ءَمردمگری ءِ بنیاد ءَ کرد ءَ پیلو بہ کن اَنت اشی ءَ اَبید آیاں گوشتگ دمگ ءِ واجھیں علماء کرام ءَ چہ لوٹ کتگ مئے ورنا ارشاد احمد اسماعیل ءِ یل کنائینگ ھاتر ءَ گمجتیں کھول ءَ گوں کمک بہ کن اَنت ما وتی کد وت ھرچ وڑیں جُھد کنگ ءَ ایں بلے بے سوب بیتگ مئے لوٹ اِنت کہ بیگواھیں ارشاد احمد اسماعیل یل کنائینگ لوٹ کتگ کہ بیگواھیں ارشاد احمد اسماعیل یل بہ کن اَنت کھول ءِ تلوسی ءَ ھلاس بہ کن اَنت-

آیاں گوشتگ کہ اگاں چل ھشت کلانی تہ ءَ ارشاد احمد یل کنگ نہ بیت گُڑا سی پیک دگ سر ءَ نندانک دے ایں-

بیگواھیں مردمانی کھول ءَ ھکومتی دمگی واکدار ءَ چہ گپ دیوان ءَ پد گوستگیں بازیں روچاں چہ برجاھیں نندانک ھلاس کتگ-

چہ ھاران ءَ زورانسری آوار جنی نشانگ بیتگیں عبیداللہ تکاپی ءِ کھول ءُ بلوچ یکجھتی کمیٹی ءِ نیمگ ءَ چہ ھاران ریڈزون ءَ برجاھیں نندانک ءَ مروچی گپ دیوان ءُ دلجمی دیگ ءَ پد ھلاس کتگ-

صوبائی وزیر ءُ ایم پی اے ھاران شعیب نوشیروانی بیگواہ عبیدتگاپی ءِ یل نہ کنگ ھلاپ ءُ نودربرانی نیمگ ءَ چہ بی وائی سی کارکناں نودربریں راھشون عزیز اکرم، آصف نور، مظفر بلوچ سر ءَ ایف آئی آر ھلاپ ءَ ھاران ریڈزون ءَ برجاھیں زھرشانی ئیں نندانکجاہ ءَ گدان ءَ اتکگ ءُ اود آیاں کھول بی وائی سی کارکناں چہ گپ دیوان کتگ-

واکدار ءَ یک ھپتگے ءَ تاں بیگواھیں عبید تگاپی ءِ یل کنگ ءُ سئیں نودربر ایم پی اے ءُ ڈی سی زمہ واری سر ءَ دزگیر نہ کنگ ءُ ایف آئی آر ھلاس کنگ دلجمی داتگ چریشی ءَ پد کھول بلوچ یکجھتی کمیٹی ءُ نودبراں زھرشانی نندانک ھلاس کتگ-

زانگ بہ بیت کہ دو ھپتگ ءَ ساری چہ ھاران ءَ عبیداللہ تکاپی ءَ زورانسری آوار جنی ءِ نشانگ کنگ بیتگ چریشی ءِ ھلاپ ءَ کھول ءِ ھمراھی ءَ بلوچ یکجھتی کمیٹی ءَ ھاران ریڈزون نزیک ءَ شال دگ سر ءَ گدان برجم داشتگ ءُ نندانک داتگ-

ھاران پولیس ءَ گوستگیں روچ ءَ نندانک دیگ ءُ دگ بند کنگ سر ءَ زھرشانی کنوکانی ھلاپ ءَ ایف آئی آر درج کنان ءَ بلوچ یکجھتی کمیٹی ھاران زمہ وار نام دپ کتگ اَنت-

بلوچ یکجھتی کمیٹی ءِ کمپین ءِ سرھال ” ھاموشی ءِ پروشگ: زوراکیں بیگواھیانی ھلاپ ءَ اوشتگ “ ءِ تہ ءَ دالبندین ءَ زھرشانی ریکارڈ کنگ بوتگ۔

بلوچ یکجھتی کمیٹی ءِ گوانک ءِ پد ءَ دالبندین ءَ بیگواھیں مردمانی سیاد ءُ شھریانی نیمگ ءَ زھرشانی روانکے کشگ بوتگ کہ چہ عرب مسیت ءَ بندات بوتگ ءُ شھر ءِ مستریں شاہراہ ءَ چہ دالبندین پریس کلب ءِ دیم ءَ سر بوتگ۔

مچی ءِ تہ ءَ بھر زوروکاں دالبندین پریس کلب ءِ دیم ءَ زھرشانی کتگ، روانک ءَ زورانسری بیگواہ کنگ بوتگیں مردمانی سیاد ءُ وارس ہم ھوار بوتگ انت۔

غلام اللہ ءِ برات ءُ عامر بلوچ ءَ چہ مچی ءَ بیگواھیں مردماں گوں تران کت، بیگواھیں مردماں زوت یل کنگ بہ بنت، سڑکاں آشوب انت بلے مارا انساپ نہ رسگ ءَ انت ءُ بلوچستان ءِ گیشتر ورنا بیگواہ بوھگ ءَ انت۔

سیاد ءُ وارساں لوٹ کتگ کہ دراہیں بیگواہیں مردم دیم ءَ آرگ بہ بنت ءُ آمیدگساں پیش کنگ بہ بنت، اگاں آھاں ھرچ وڑیں جرمے کتگ گڑا آہانی سر ءَ کیس کنگ بہ بیت۔

بلوچ یکجھتی کمیٹی ءِ کمپین ءِ سرھال “ھاموشی ءِ پروشگ : زوراکیں بیگواھیانی ھلاپ ءَ اوشتگ” بلوچستان ءِ جتا جتائیں دمگاں زھرشانی کنگ بوتگ کہ اودا پیسر ءَ کراچی، حب چوکی، خضدار، تربت، پنجگور، خاران، کوئٹہ، نوشکی ءَ زھرشانی ریکارڈ بوتگ انت ءُ مرچی دالبندین ءَ بوتگ۔