بلوچستان ءِ تیاب دپی شھر گوادر ءُ کش گوراں پوجی بالگردانی بالی برجاہ-
دمگی اِھوالکار رِد ءَ مروچی سھب تیرگواری ءُ دگہ بالگردانی روگ ءُ آیگ برجاہ ءَ اِنت-
واکدار ءَ انگت اے درگت ءَ ھچ وڑیں درشان شنگ نہ کتگ-
زانگ بہ بیت دو روچ ءَ ساری ءَ پد گوادر انٹرنیشنل ایئرپورٹ ءِ پچ کنگ ءِ گمان اِنت-
ساری بلوچ راجی مچی ءِ مردمانی سر ءَ زوراکی ءِ سبب ءَ گوادر شھر ءَ داشتگ اَنت، تھی راھانی سر ءَ پوج مزنیں کچے ءَ اوشتوگ بوتگ وھدے کہ شھر ءَ انٹرنیٹ آسراتی سرجمی ءَ بند کنگ بیتگ-
پنجاب شھدربرجاہ ءَ کانود ءِ نودربر ءُ بلوچ جھدکار سادیہ بلوچ چہ ڈیرہ گازی ھان ءِ جَھمنند اِنت، کَشّگ بوتگ ۔
چہ رسانکدر ءِ کارجاہ ءِ تَند جاہ ءِ سرءَ در کنگ ءِ ھال سادیہ بلوچ ءَ گشتگ کہ یونیورسٹی آپ پنجاب لاھور ءَ منی درکنگ کنگ ءِ ھکم داتگ کہ آئی ءِ تہ ءَ اے گپ ءِ سر ءَ الزام انت کہ من ءَ ھوار شیتانیں نودربراں یونیورسٹی ءِ پلیٹ پارم ءَ را ریاستی ادارہ ءِ بستار ءَ کارمرز کتگ۔ ھمے ھلاپ ءَ نودربرانی مجگ ءَ گَسّڈ کنگ ءِ ھاتر ءَ کارمرز کنگ بوتگ اَنت ءُ اے گپ ءِ ھلاپ ءَ کہ منی رھبند ءَ وانگ ءُ زانگ ءِ ادارہ ءِ ساکھ ءُ ایمانداری ءَ را سک باز ھراب کتگ۔
آئی ءَ گوشت کہ زانگ بہ بیت کہ اے نوٹس 2 ماہ پیسر بوتگیں زھرشانی ءِ واست ءَ زانت ءُ زانگ ءَ سر کنگ بوتگ ءُ ایشی ءِ شنگ کنگ ءِ روچ 14 جون ءَ نبشتہ کنگ بوتگ وھدے کہ من ءَ اے نمدی 12 اگست 2024 ءَ ھما وھد ءَ رستگ کہ من ذاتی رنگ ءَ 2024 ءَ دیم داتگ۔ آئی ءَ چیک کنگ ءَ شت۔ من ءَ پیسر ءَ چارج شیٹ ھم نہ داتگ پمیشکا اے گپ پدّر اِنت کہ بلوچ راجی مُچّی ءِ بھر زوری ءَ پد زانت ءُ زانگ ءَ گوں بیک ڈیٹ ءَ شنگ کنگ بوتگ۔
آئی ءَ گوشت کہ ایشی ءَ چہ زانگ بیت کہ ایوک ءَ ریاست گوں وتی زور ءُ واکداراں راجی مُچی ءِ بھر زوروکاں نشانگ جوڑ کنگ ءَ انت بلکیں وانگ ءُ زانگ ءِ ادارگ ھم پہ پرامنیں سیاست ءَ بلوچ نودربراں سزا دیگ ءَ ھچ وڑیں آسراتی کنگ ءَ نہ انت۔
آئی ءَ گْوشت کہ یک زالبولیں بلوچ نودربرے ءِ بستار ءَ منی سر ءَ کارمرد بوھکیں نادلگوشیں زبان ءُ لبز وت ماں وت ءَ ادارگ ءِ نام نھادیں (نظم ءُ ضبط) ءُ کدر ءُ کیمتانی سر ءَ جست ءُ پرس ءِ نشان انت۔ اے زانتگیں جھد، منی سالانہ چکاساں چہ یک ہپتگے پیسر، منی اِلمی زند ءِ سر ءَ زھرشانی ءُ منی ذاتی ءُ اگلاکی کردار ءِ سر ءَ زھرشانی ءِ ھملہ اِنت۔ ادارہ بی وائی سی ءِ گوم ءَ ریاست ءِ دستکت کتگیں مذاکرات ءِ رندگیری ءَ بہ کنت۔ پنجاب یونیورسٹی اے درکنگی نمدی ءَ رد بہ کنت ءُ وتی بے بُنیں بھتاماں پد ءَ بہ زور اِیت۔
آجوئی ءِ واست ءَ سلاہ بندیں گھگیری (مزاحمت) الّمی اِنت
نبشتہ کار: کوهی بلوچ
دی بلوچستان پوسٹ
وھدے کہ یک راجے ءِ سر ءَ درملکے کبز ءَ کنت گڑا آجوئی ءِ راہ باز براں نہ سگّیں ءُ بے ریائیں سکّیاں چہ پُر بیت۔ گوستانک ءَ باز رند ءَ اے گپ پدر کتگ کہ آجوئی مپت ءَ دیگ نہ بیت آجوئی گوں جھد ءُ کربانیاں چہ گرگ بیت۔ بلوچ راج ءَ پاکستان ءِ نیمگ ءَ برجاھیں کبز ءَ نہ ایوک ءَ سیاسی دروشم ءَ ایردست کنگ ءَ اِنت بلکیں چریشی ءَ بلوچ راج ءِ پجّار، دود ءُ ربیدگ، آیوکیں باندات ءُ ھستانک ھم ھترہ ءَ اِنت۔ گڑا اے وڑیں وھداں گھگیری ایوک ءَ گچینے ناں بلکیں یک لوٹے جوڑ بیت ءُ پہ راجے ءَ ھژدری بیت۔ وتی زمین ءَ چہ زوراک ءَ آجو کنگ ءِ شرتریں راہ، چو کہ راجدپتر ءَ پیش داشتگ آ سلاہ بندیں گھگیری اِنت، ناں کہ ھما دزبندی یا گپ ءُ باوست ءِ وسیلہ کہ کَرّیں گوشاں کپ اِیت۔
شھری اُگبال ءُ انسانی اُگبالانی زرمبشتاں بازیں تکاں مزنیں دیمروی یے کتگ بلے ایردستی ءُ زورگپتی ءِ جاوراں باز براں اے وڑیں زرمبشت کار نہ دنت۔ وھدے کہ یک ڈنّی زوراکے یک زمینے ءُ آئی ءِ مردمانی سر ءَ کبز ءَ کنت گڑا ما گند اِیں کہ اود ءَ چشیں ھچ راہ نیست کہ زورگپت پہ وتی وشّی ءُ رزا ءَ وتی کبز ءَ ھلاس بہ کنت ءُ بہ رؤت۔ کبز ءَ گیریں توانمند دائم وتی زور ءِ برجاہ دارگ ءِ هاتر ءَ زمین ءُ آئی ءِ سر ءَ جھمنندیں مردمانی لُٹ ءُ پُل ءَ کن اَنت ءُ وتی سیتانی ھاتر ءَ کارمرز کن اَنت۔ اے وڑیں جاوراں ایمنیں زھرشانی ءُ سفارتی گپ ءُ تران ءِ پارست ءَ دائمی بدلی ءِ ھچ وڑیں امکان نیست۔ کبز ءَ گیریں توانمند ایراد ءُ بگیری ءِ سارت کنگ ءِ ھاتر ءَ گونڈیں کچّے ءَ آسراتی دات کنت، بلے پہ وت واکی ءُ آجوئی ءِ ھاتر ءَ ادارکی سوبمندی ءَ چہ گیش دائمی سوبمندی لوٹ اِیت- گڑا ایشی ءِ ھاتر ءَ کبز ءَ ءِ جند ھلاس کنگ لوٹ اِیت۔
راجدپتر چہ اے دابیں دروراں پُر اِنت کہ ایردستیں راجاں وتی آجوئی ءِ ھاتر ءَ وتی راجی زور کارمرز کُتگ- امریکہ ءِ آشوب، الجزائر ءِ آجوئی ءِ جنگ ءُ ویتنام ءِ آجوئی ءِ جھد یک ٹوھیں درونتے ءِ نیمگ ءَ اشارہ کن اَنت کہ زورگیر (اخلاقی ترغیب) یا ایمنیں زھرشانی ءِ پارست ءَ کنٹرول ءَ یلہ نہ کن اَنت۔ اے راجاں وتی آجوئی چہ (جفاکشی) ءُ ھوناں چہ میچلیں پندے ءَ چہ رند رس اِتگ کہ اود ءَ سلاہ بندیں گھگیری ءَ بُنکی کرد پیلو کتگ۔ گپ تچک اِنت آجوئی کدی ھم گوں پنڈگ ءُ نزوریں ٹولی یے ءَ گوں گپ ءُ باوست ءَ چہ نہ رس اِیت بلکیں آجوئی ءِ جھد گوں وتی ھک ءُ وت واکی ءِ جنگ، جزبگ ءُ زور ءِ درشان کنگ ءَ گوں سوبمند بنت۔
پہ بلوچستان ءِ مھلوک ءَ پاکستان ءِ زورگیری گواچنانی لُٹ ءُ پُل ءِ ھواری ءَ چہ کرناں زُلم ءُ زوراکی ءُ بنکی ھکاں چہ زبھری ءِ یک تورناکیں داستانے۔ بلوچستان ءِ زِری گواچناں چہ بلوچستان ءِ مردماں ھچ وڑیں سیت نہ رس اتگ ءُ ھرچ وڑیں گھگیری یے کہ کنگ بوتگ گڑا آ گوں کُشت ءُ کوش ءَ آسر بوتگ۔ بلوچ راج ءِ ننگ، پجار، دود ءُ ربیدگ ءُ زندمان ءِ آسراتی ءُ زند گوازینگ ءِ رھبند مُدام زوراک ءِ پندل ءُ لگتمالی ءِ آماچ اَنت۔ گڑا اے وڑیں جاوراں سلاہ بندیں گھگیری ءِ لوٹ نہ ایوک ءَ یک “اسٹریٹجک” گچینے جوڑ بیت بلکیں پہ زندگ بوگ ءَ ھژدری جوڑ بیت۔ پاکستانی ریاست ءَ انگت ءَ پُرسیتیں گپ ءُ تران کنگ یا بلوچ راج ءِ ٹپّانی واد کنگ ءُ جیڑھانی گیش ءُ گیوار کنگ ءَ ھچ وڑیں واھشت پیش نہ داشتگ۔ بلکیں آئی ءَ اشانی پسّہ گوں لشکری زور، سنسرشپ ءُ انسانی ھکانی گیشیں لگتمالی ءَ چہ داتگ۔ اے وڑیں جاوراں ایمنیں جُھد ءُ کوشستانی جوانیں سانے ءِ دیم ءَ آیگ ءِ گمان نیست۔ پمیشکا پہ آجوئی ءِ گرگ ءَ یک مھکم ءُ توانمندیں گھگیری ءِ زرمبشتے جوڑ کنگی اِنت کہ آ زورگیریں تاگتانی دیم ءَ داشت کت بہ کنت۔
پاکستانی کبز ءَ ءِ جوانیں رنگے ءَ چیلنج کنگ ءُ دیم دارگ ءِ ھاتر ءَ بلوچستان ءِ مھلوک ءَ وتی سلاہ بندیں گھگیری ءِ مھکم کنگ ءِ نیمگ ءَ دلگوش کنگی اِنت۔ ایشی ءِ تہ ءَ نہ ایوک ءَ جنگی تیاری ءُ گَل سازی ھوار بہ بیت بلکیں بلوچ راج ءِ یکمشتی ھم ھوار بہ بیت۔ یک ھواریں سنگرے پہ ھرچ آجوئی ءِ زرمبشت ءَ المی اِنت۔ بلوچ ءَ تَھی بھر ءُ بانگاں چہ در آیگی اِنت ءُ یکمُشت ءُ ھواریں گھگیری یے پیش دارگی اِنت کہ آ یک دراجیں جنزے ءَ برجاہ داشت کت بہ کنت۔ بلوچ گھگیری ءَ جنگی بودناکیانی ھواری ءَ میاں استمانی پلہ مرزی ءُ پجار ءِ ھاتر ءَ ھم کار کنگی اِنت۔ میاں استمانی توانانی پلہ مرزی ءُ کمک ءَ چہ کبز ءَ گیریں تاکت ءِ سر ءَ ٹوھیں اگلاکی ءُ مالی جنجال ءِ ھمراھی ءَ آئی ءَ پریشر ھم رس اِیت۔ بلے دگہ گپے ھم ھست کہ میاں استمانی پلہ مرزی باز براں ھما وھد ءَ کَیت کہ یک زرمبشتے زمین ءِ سر ءَ وتی جزبگ ءُ زور ءَ جوانیں دابے ءَ درشان کت بہ کنت۔ سلاہ بندیں جھد چہ بیمناک ءُ تاوانباریاں ابید اڈانڈاں چہ پُر اِنت بلے اے باز براں یک ایردستیں راجے ءِ ھاتر ءَ ھما یکیں زندگ داروکیں راہ اِنت کہ آئی ءِ مُز ءُ آجوئی ءِ لوٹگ ءِ دگہ دراھیں راہ ءُ در ھلاس کنک بیتگ اَنت۔ سلاہ چست کنگ ءِ سوڑگ پہ ارزانی ءَ زیرگ نہ بیت بلے وھدے کہ یک زوراکیں تاگتے دیم ءَ کپ اِیت کہ آ بُنکی ھکّانی منگ ءَ چہ انکار بہ کنت گڑا سلاہ ءِ چست کنگ ھژدری جوڑ بیت۔ سلاہ بندیں گھگیری ھمے جار اِنت کہ بلوچ راج وتی ایردستی ءَ نہ منّ اِیت ءُ وتی آجوئی ءِ واستا جنگ ءَ ساڑی اِنت ءُ داں وتی سرڈگار ءَ آجو نہ کنت آ ایمنی ءَ نہ نند اِیت۔
انسانی ھکانی گل مردمانی ھکانی رکینگ ءِ ھاتر ءَ جوڑ بیتگ انت بلے آ دائم ءَ زوراکیں ملکانی دست ءَ کارمرز بنت، اشانی ھرچ دابیں سوڑگ کہ انسانی ھک ءِ نام دیگ بنت اے درستیں سوڑگ هما توانمندیں ملکانی سیتانی ھاتر ءَ کنگ بنت۔ اے گل دائم زوراکیں ملکانی زوراکی ءِ آماچ بنت کہ آ جیو پولیٹیکل شونداتانی دِرچ ءَ وتی سوڑگاں ٹھیناں ءُ انسانی ھکانی سر ءَ مھکمی ءَ اوشتگ ءِ ٹاپار جن اَنت۔ بلوچستان ءِ ناگیگیں جاور، چہ انسانی ھکانی بازیں لگتمالی ءَ پد ھم مزنیں کچّے ءَ جھانی تاگتانی نیمگ ءَ چہ ڈالچار کنگ بیتگ۔ اے یک راستیں ءُ تچکیں گپے کہ انسانی ھک باز براں کاگدانی تہ ءَ برجاہ دارگ بنت بلے کردی دروشم ءَ پاک ءُ پلگار نہ اَنت۔ بلوچ ءِ وڑیں راجاں وتی جنگ وت کنگی اِنت، وتی وت واکی ءُ آجوئی ءِ ھاتر ءَ سلاہ بندیں گھگیری مھکم ءُ کمک کنگی اِنت۔ ھما وھد ءَ کہ بلوچ راج ءِ جزبگ ءُ توان انچو بہ بیت کہ کس آئی ءَ رد کت مہ کنت گڑا جھان ءِ بیانیہ ءِ تہ ءَ وت یک بلاھیں بدلی یے کَیت، گڑا انسانی ھکانی گل ءُ میان اُستمانی تاگت مجبور بنت کہ بلوچ ءِ ھمراھی ءَ بہ اوشت اَنت۔ گڈسر ءَ اے گپ پدر بیت کہ سیاسی سیتانی ھاتر ءَ بس انسانی ھکانی پلہ مرزی کنگ بیت۔ راستی ءَ انسانی ھک کاگد ءِ سر ءَ بس لبز بنت ءُ کارروائی ھما وھد ءَ بیت کہ آ سیاسی مول ءُ مراد ءُ سیتاں گوں ھمگرنچ بہ بنت۔ سلاہ بندیں گھگیری ھما یکّیں زبان اِنت کہ دگنیا ءَ بلوچستان ءِ وت واکی ءِ ھک ءَ منّگ ءَ لاچار کنت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-
بلوچستان ءِ دمگ کلات ءَ سیندگ پروجیکٹ ءِ واستا سامان بروکیں گاڑی ءِ سر ءَ سلاہ بندیں مردماں اُرش کتگ-
گیشیں اھوالانی رد ءَ کلات ءِ دمگ منگچر ءَ سیندک پروجیکٹ ءِ واستا سامان بروکیں ٹالر گاڑی ءِ سر ءَ سلاہ بندءں مردماں اُرش کتگ ءُ گاڑی ءِ ٹائر اش ترکینتگ انت ءُ اُرش ءَ یک ڈرائیورے ھم ٹپی بیتگ-
دمگی مردمانی گاڑی چہ کراچی ءَ سیندک ءَ روگ ءَ بیتگ-
زانگ بہ بیت بلوچستان ءَ اے دابیں اُرش گیشتر بلوچ سلاہ گلاں کتگ انت بلے داں انگت ءَ اے اُرش ءِ زمہ واری ھچ گل ءَ پہ وت نہ زرتگ-
بیست ءُ ھپ جولائی ءَ چہ مستونگ ءَ پاکستانی پوج ءِ دست ءَ زورانسری بیگواھی ءِ آماچیں سَے کس یل بیتگ اَنت-
یل بیتگیں مردمانی پجار زبیر بلوچ، انیس بلوچ ءُ زید بلوچ ھوار اَنت کہ مروچی یل بیتگ ءُ وتی گِساں سر بیتگ اَنت-
زانگ بہ بیت بیست ءُ ھشت جولائی ءَ بلوچستان ءِ تیابدپی شھر گوادر ءَ بلوچ یکجھتی کمیٹی ءِ نیمگ ءَ یک مُچے ءِ اڑ دیگ بیتگ کہ آ بلوچ راجی مُچی ءِ نام دیگ بیتگ کہ ایشی ءِ بھر زیرگ ءَ سرجمیں بلوچستان ءِ مھلوک بھر زیرگ ءَ جنز اتگ انت بلے پوج ءَ گوادر ءِ روگ ءَ نیشتگ اَنت-
مستونگ ءَ پوج ءَ کاروان ءِ سر ءَ تچک ءَ تیرگواری کتگ ءُ چریشی ءَ چاردہ مردم زدگ بیتگ اَنت ءُ بازیں کچے ءَ مردم پوج ءَ گپتگ ءُ برتگ انت-
سید ھاشمی ءِ بت ءُ منی سما
نبشتہ کار: اے آر داد
دی بلوچستان پوسٹ
بازبر ءَ اَنچو بیت۔اے کسّہ گوں باز ءَ بیت۔ من چوناھا بازبر ءَ گوں اَنچیں موسماں دوچار کپتگاں ۔اد ءَ نشتگ ءُ جیڑگ ءَ بیتگاں کہ مُلک ءَ کار ءِ جند بیتگ۔
ھپتگے پیش کہ ڈاکٹر مھرنگ گْوادر ءَ ات، کسھے گوں من دوچار کپت کہ وت ءَ آزمانکے بکنت۔دنیگا کسّہ ءَ وتی دروشم ءُ جوڑشت نیاورتگ ات کہ سید ھاشمی ءِ بُت ءِ پروشگ ءِ کسّہ ماں شھر ءُ میتگاں تالان بوت بلے چہ ایشی ءَ پیش من آزمانکے ءِ تھیم جیڑاتگ ات۔ اے چونیں کسّھے، من ایوک ھیال کنان ،راستی ءَ اَنچو بیت۔
ڈاکٹر مھرنگ ءِ نندگ ءَ پیش چندیں مردم دیوانے کن انت کہ مئے کرتگین ءُ دیستگین ءَ کس سھیگ مہ بیت۔ اولسر ءَ اے جیڑ اَنت کہ زِر چون دگہ جاگھے برگ بہ بیت یا زِر چون ھشک کنگ بہ بیت۔ دومی سید ھاشمی ءِ بُت آیاں بیوار کنت کہ اے مرد ءَ وتی زند ءَ واب نہ اتکگ،مرگ ءَ پد وَ چوناھا ایشی ءِ چمانی واب شتگ۔ پد ءَ اشی ءِ کجام چم ؟ داں کیامت ءَ اشی ءِ چماں ندارگ مٹّ نہ بنت۔ ما ھرچی بہ کنیں زِر ءُ سید ءِ چماں اندیم بوت نہ کنیں۔ چہ اشانی تہ ءَ یکے گّوش ایت زِر وَدگہ جاگھے برگ نہ بیت، ءُ چہ ایشی ءَ ترسگ نہ لوٹ اِیت کہ زِر ءِ زبان ءَ دنیگا کس سرپد نہ بیت۔ما ھرچی بہ کنیں ،زِر گْوات ءُ توپان کنت ،بلے اے توپان ءِ زبان ءَ کس سرپد نہ بیت۔مارا بس سید ھاشمی ءِ بُت اد ءَ چہ چست کنگی انت ءُ کوہ بن ءُ برگی انت۔
سید اشانی درائیں گپاں اش کنت ءُ وتی چماں چہ بدن ءَ گِستا کنت۔ آ ھمے سرپد بنت کہ سید کور ءُ زِر گنگ بیتگ ۔ من وتی کسّہ دنیگا آزمانکے نہ کرتگ ات کہ ھال اتک سید ھاشمی بے شرپ کنگ بیتگ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-
بلوچستان ءِ تیاب دپی شھر چہ گوادر ءَ درکپتگیں بلوچ راجی مچی ءِ آؤکیں اوشتانک دوازدہ اگست ءَ نوشکی ءَ بنت-
بلوچ یکجھتی کمیٹی ءِ رِد ءَ بلوچ راجی مچی ءِ کاروان یازدہ اگست ءِ شپ ءَ نوشکی ءَ سر بیتگ اَنت ءُ راجی کاروان جوانیں وڑے ءَ وش آتکی کتگ-
اود ءَ دوازدہ اگست ءِ سُھب ءِ نُھ ءَ بلوچ راجی مچی ءِ شھیدانی یات ءَ دیوان برجم دارگ بیتگ-
چہ نوشکی ءَ ھالانی رِد ءَ سلطان چڑھائی ءِ نزیک پاکستان آرمی ءِ کارمنداں دگ بند کتگ مردماں روگ ءُ آیگ ءَ نیلگ اَنت-
ھمے وڑ نوشکی ءِ شھر ءُ کش گوراں دامگ آسراتی سک آسر مند اَنت-
دمگی اِھوالکار گوشگ اِنت کہ نوشکی ءِ مُچی ءِ درگت ءَ پاکستانی واکدار نیٹ ورک آسراتی نزور کتگ-
زانگ بہ بیت بلوچ یکجھتی کمیٹی ءِ کاروان ءِ وش آتکی ءِ ھاتر ءَ مردماں مزنیں کچے ءَ کیشنگی ھند ءَ ساڑی اَنت-
شال ءَ دستی بمب تراک ءَ دو پولیس کارمند ٹپی بیتگ اَنت-
گیشیں ھالانی رِد ءَ شال ءِ دمگ گوالمنڈی چوک نزیک ءَ دستی بمب اُرش ءَ دو پولیس ٹپی بیتگ اَنت-
واکدار رِد ءَ ناشناسیں مردماں دستی بم بے چگل داتگ ءُ تچگ ءَ سوبمند بیتگ اَنت، تراک ءَ دو پولیس کارمند ٹپی بیتگ اَنت، ٹپی زوت نادُراھجاہ ءَ برگ بیتگ اَنت، پوج ءَ دمگ انگر ءَ کتگ اُرشکارانی پٹ پول بندات کتگ-
ھمے وڑ کیچ ءِ بُنجاھی شھر تربت ءَ سلاہ بندیں مردماں پوج چوکی ءُ سرویلنس کیمراہ اُرشانی نشانگ کتگ اَنت-
اِھوالکار رِد ءَ شپ ءَ نُھ ءَ تربت ءَ تعلیمی چوک سر ءَ برجاھیں پوج چوکی سلاہ بندیں مردماں راکٹاں چہ اُرش کتگ-
دگہ یک اُرشے ائیرپورٹ دگ سر ءَ جتگیں سرویلنس کیمرھانی سر ءَ اُرش کتگ ءُ تباہ کتگ-
سیمی اُرش مکران اسکاؤٹ نشانگ کنگ بیتگ اَنت-
اِھوالکار رِد ءَ ھشت نیم ءَ آپسر ءَ مکران اسکاؤٹ ءِ پانگس سر ءَ سلاہ بندیں مردماں اے ون گولھاں چہ اُرش کتگ-
ھمے وڑ ھُزدار ءِ دمگ بازگیر ءَ پیادگ ءَ گشت کنوکیں ایف سی کارمندانی سر ءَ دستی بمب اُرشے کتگ-
تراک ءَ پد پوج کارمنداں تُرندیں تیرگواری کتگ بلے پوجی واکدار نیمگ ءَ ھچ وڑیں درشان دیم ءَ نیتکگ نانکہ دگہ سلاہ بندیں گلاں زمہ واری زرتگ اَت-
بلوچ لبریشن آرمی ءَ شنگ کتگیں درشان ءِ تہ ءَ گْوشتگ کہ مئے کیچ ءِ دمگ تُمپ ءُ زامران ءَ دو جتاجتائیں اُرشاں زورگریں پاکستانی پوج ءَ راشن سر کنگ ءُ پوجی شرکت ءِ مشینری نشانگ کتگ-
جارکش ءَ گْوشتگ کہ بی ایل اے ءِ سرمچاراں تمپ ءِ دمگ شاہ آپ ءَ زورگریں پاکستانی پوج ءِ بُنجل ءِ واستا راشن ءِ سر کنوکیں گاڑی گوں ھمراہ راشن ءَ دستیگ کتگ۔ سرمچاراں ءَ ڈرائیور کڈن کتگ ءُ یل داتگ اَنت۔
جارکش ءَ گْوشتگ کہ زورگریں پوج سرمچارانی اُرشانی سبب ءَ بازاری گاڑیاں پہ وتی سامانانی واستا کارمرز کنگ ءَ انت۔ ما پیسر ءَ ھم اے گپ پدر کتگ کہ زورگریں پوج ءَ سامان سر کنوکیں مردم وتی جانی ءُ مالی تاوان ءِ زمہ وار وت بنت۔
جارکش ءَ گْوشتگ بلوچ لبریشن آرمی ءِ سرمچاراں دگہ اُرشے گوستگیں شپ ءَ زامران ءَ زورگریں پاکستانی پوج ءِ بند ساچی شرکت ءِ مشینری تباہ کتگ۔
لد ءِ ھند سر ءَ زورگریں پوج ءِ بُنجل ءِ نزیک ءَ سرمچاراں پوجی شرکت ءِ مشینری تراکناکیں شورو پٹ کتگ تراکناکیں شورواں تباہ کتگ-
جارکش ءَ گْوشتگ بلوچ لبریشن آرمی اے دوئیں اُرشانی زمہ واری ءَ منّ ایت۔ زورگریں پوج ءِ چہ بلوچستان ءَ سرجمی ءَ درکنگ ءَ مئے اُرش برجاہ بنت-
بلوچستان ءِ ساھلی شھر گوادر ءَ بلوچ راجی مُچی دھرنا ءَ پد بلوچ یکجھتی کمیٹی ءِ کاروان گریشگ ءُ باسیمہ ءِ راہ ءَ سوراب ءُ مستونگ ءَ سر بوتگ۔
اے جاھاں چہ سرکاری جم (غفیر) ءَ راجی سوگند زورگ بوتگ۔
(چہ ایشی ءَ پیسر گریشگ، سوراب ءُ کلات ءِ جتاجتائیں جاگھاں بلوچ یکجھتی کمیٹی ءِ کاروان ءَ گوں وش آتک کنگ بوت ءُ آ یک مزنیں جلوسے ءِ دروشم ءَ پٹبال اسٹیڈیم ءَ آرگ بوت انت، اود ءَ ھزاراں مردماں بھر زرت ۔ بلوچ شاہ جی سبگت اللہ، پرزانہ رودینی، مھزیب بلوچ ، ڈاکٹر واھد بلوچ ءُ اے دگہ تران کنوکاں گپ جت۔
وھدیکہ ڈاکٹر ماہ رنگ بلوچ ءَ راجی سوگند ءَ راجی لیکہ زرتگ۔
گشتانک دیوکاں گشت کہ زوراکیں جاکم بلوچستان ءِ مڈیانی لُٹ ءُ پُل کنگ ءَ ھرچ پندل ءَ کارمرز کنگ ءَ انت، بلوچ کس ءَ وتن ءِ سر ءَ زوراکی کنگ ءَ نہ دنت، بلوچ ءَ را تیر ءُ تُرس ءُ بیم ءِ آماچ کنگ نہ بیت، نوں وھد انت کہ بلوچ راج زُلم ءُ زوراکیانی دیمپان بہ بیت ءُ اسٹینڈ اپ مُچی زیردستی ءِ ھلاپ ءَ پرچا کہ گلامی مدام وابیں راجانی آکبت ءَ اِنت، ما گلامی ءَ نہ منّیں، بدبَھتی ءَ بلوچ ءِ کُشت ءُ کوش ءَ بلوچ ھم ھوار اَنت کہ آیاں ڈیتھ اسکواڈ گْوش اَنت ءُ ھمے ڈیتھ اسکواڈ گْوش اَنت بلوچستان کونے ءَ (متحرک) کنگ بیت ءُ اے شرمندگی یے کہ آ وتی براتانی کُشگ ءَ ھمدست اَنت۔
آئی ءَ گْوشت کہ بلوچ راج ءِ رکّینگ ءِ واستا بلوچ یکجھتی کمیٹی میدان ءَ دراتکگ، نوں یک مزنیں زمہ واری یے مئے کوپگانی سر ءَ ایر کنگ بیتگ، اے برجاھیں چست ءُ ایر ءِ دارگ ءِ واستا جتا جتائیں رنگ ءِ پندل کارمرد کنگ بیگ ءَ اَنت، بلے آیانی بدیں کِرد اے چست ءُ ایر۔ ھربہ ءِ وسیلہ ءَ بند نہ بیت۔
آئی ءَ گْوشت کہ شھیدانی کُربانیانی برکت ءَ بلوچ یکجھتی کمیٹی ءِ تحریک نوں یک نوکیں جزم ءُ جزمے ءِ گوما دیم ءَ روگ ءَ اِنت کہ آئی ءِ تہ ءَ مارا یک راجے ءِ بستار ءَ ریاستی زوراکیانی تہ ءَ ھواریں ٹولی ءُ آیانی چاگردی بائیکاٹ ءِ شوھازگ ءَ دیم ءَ روگی اِنت۔ ءُ مارا سرکاری سروکانی ھلاپ ءَ پاد آیگی اِنت، پرچا کہ راج ءِ زلم ءُ بدھالیانی تہ ءَ آیانی مزنیں دستے ھست، نوں آیانی اے دست ھم بند کنگی اِنت۔
