بلوچستان ءِ دمگ چہ تربت ءَ پاکستانی پوج ءَ شپ ءَ لوگے ءَ بیڑ برتگ ءُ زالبول ءُ آئی ءِ برات آوار جتگ ءُ ناشناسیں جاھے ءَ برتگ اَنت-
پاکستانی پوج ءِ دست ءَ دزگیری ءَ پد بیگواہ کنگ بیتگیں زالبول ءِ پجّار لال بی بی وھدے کہ آئی ءِ برات ءِ پجّار نثار ء پھلین نام ءَ چہ بیتگ اَنت-
بلوچستان ءِ اِھوالکار ءُ گلاں دوئیں مردمانی دزگیری پدر کنان ءَ گْوشتگ کہ پوج ءَ مروچی سھب ءَ لال بی بی ءِ پٹ ءُ پول موباھل پچگرگ ءَ پد یل داتگ وھدے کہ آئی ءِ برات انگت پوج ءَ گون اِنت-
مشھد ءَ بندیگیں دو بلوچ زی سے شمبے سُھب ءَ پاھو دیگ بیتگ انت ءُ ھمے ڈول ءَ روکپتی بلوچستان ءِ بنجاھی شھر زاھدان ءَ بندیگیں بلوچے پاھو دیگ بیتگ۔
گوستگیں لھتے روچانی میان ءَ پاھو دیگ ءِ وئیل گیش بیتگ اَنت کہ آیاناں جتا جتائیں بھتاماں ایرانی آمیدگس ءَ پاھو ءِ سزا داتگ انت-
پاھو دیگ بیتگیں مردمانی پجار مھمود ء رسول ءُ مھمد رزا سپری ھر دو ھسین اباد(زابُل) ءِ جھمنند اَنت۔
ھالانی رد ءَ اے مردم چار سال پیسر ءَ پَجّی ءَ مشھد ءَ نشئہ ءِ باپاری بُھتام ءَ دزگیر بوتگ اِتاں ءُ ھمے شھر ءِ آمیدگس ءَ پیش کنگ ءَ پَد اِشانی سر ءَ پاھو ءِ سَزا جَنَگ بوتگ اَت۔
ھمے ڈول ءَ سَے پیش زاھدان ءَ گرگ بیتگیں یک بندیگیں بلوچے پاھو دیگ بیتگ-
پاھو دیگ بیتگیں مردم ءِ پجار یعقوب ء خدا بخش ءِ نام ءَ زانگ بیتگ-
چِد ءُ پیش دو ھپتگانی توک ءَ یزد ءُ کھنوچ ءَ روکپتی بلوچستان ءَ بندوکیں مردم پاھو دیگ بیتگ اَنت ، ھمے دو ھپتگاں پاھو دیگانی کساس شش ءَ سر بیتگ اَنت-
بیست ھپت ستمبر ءَ تیاب دپی شھر چہ گوادر ءَ پاکستانی پوج ءِ دست ءَ بیگواہ کنگ بیتگیں دو مردم آجو بیتگ ءُ وتی لوگ ءَ سر بیتگ اَنت-
یل کنگ بیتگیں مردمانی پجّار مھراج نور ءُ ایوب بلوچ ناماں چہ بیتگ اَنت-
زانگ بہ بیت کہ اے مردمانی ھمراھی ءَ پاکستانی پوج دست ءَ بیگواہ کمگ بیتگیان اعجاز ء حسین ءُ دودا خالد انگت بیگواہ ءَ اَنت-
کھول گوشگ اِنت کہ اشانی ھچ ڑیں ھال نیست- ما واکدار ءَ چہ آیانی یل کنائینگ ءِ لوٹ ءَ کن ایں-
آزمانک: زندگی
نبشتہ کار: امجد رحیم
دی بلوچستان پوسٹ
زندگی چی یے؟ یکے انگریزی گالے ھست آئی ءَ را گُش اَنت ( Life)متلب زندگی بلکیں ھمے زندگی ءَ را سک مزنیں مانا یے ھست اِنت بلے مردم وتی زندگی ءَ گوازینگ ءَ آں بلے کَس وت نہ جیڑ اِیت کہ منی زندگی ءِ مانا چی اِنت کَس وتی زندگی ءِ متلب ءَ شوھاز اِت نہ کنت ۔ ھما زندگی کہ آئی ءَ را مکسد بہ بیت آئی ءَ را مُول ءُ مرادے بہ بیت ھمائی ءَ را گُش اَنت زندگی۔ زندگی ءِ مکسد اے نہ اِنت کہ تو وتی واست ءَ ھچ مہ کن اَنچُش دگہ بہ بے پائدگیں جاگہ ءَ وتی وھد ءَ زوال بہ کن۔ وھد یک بلائیں چیزے اَنچو کہ یکیں وھد ءَ پھِم اِت ءُ وتی وھد ءَ زوال نہ کنت۔
گُڑا آ وتی زندگی ءَ وت پیسلہ کُت کنت۔ ھر وھد ءَ ھما وڑ بیت اِنت وھد ترا گژن لاپ کنت ترا وھد وتی وڑ ءَ گوازینگ لوٹ اِیت۔ پہ وت ءَ بہ جیڑ کہ من چون آں منی زندگی چون اِنت ھرچ وھد ءَ وتی سر ءَ ھیال ءَ بہ دار۔
زندگی گُلامی ءُ بزّگی ءَ نہ روت چو نہ اِنت کہ تو وت ءَ وار ءُ بزّگ بہ کن سرجمیں زندگی ءَ انگت دگہ گپے ھست پہ وتی سازینگ ءَ ءُ اسٹاھیل کنگ ءَ پہ کس بادشاہ نہ بیت۔ تو ھر وھد وت ءَ ٹیٹ بہ کن بلے یک وھدے الّم ترا سرجمیں زندے ءَ ھال دنت تو چون ئے ءُ چے ھال ءِ توک ءَ ئے ترا وتی زندگی وت ھیال بیت۔
سرجمیں زند پہ بہ مکسد ءَ نہ روت تو وت ءَ وت شر بہ کن ترا زندگی ءِ توک ءَ کَس ھچ نہ گُش اِیت ھر وھد ءَ وت ءَ تیار بہ کن وتی مکسد ءِ واست ءَ الّم روچے تو وتی منزل ءَ سرجم کُت کن ئے۔ زندگی بہ مکسد نہ اِنت بلے اَنچیں مردم ھست اِنت بہ مکسد کُتگ زندگی ءَ را، ترا تئی زندگی ھرچ ھک ھست تو کُجام وڑ ءَ برے بُرت کُرت کن ئے۔ دنیا ءِ توک ءَ چشیں اِنسان نیست بہ ھزمت ءَ کامیاب بوتگ، کامیاب بوگ ءَ ھزمت لوٹ اِیت الّم ھزمت بہ بیت پرچا کہ تئی ھزمت تئی زند ءَ رژنائی دنت۔ تو وتی زندگی ءَ ھزمت بہ کن بلے روزی دِیوک ھدا اِنت بس تو اللّٰہ ءِ سر ءَ یکین بہ کن تئی (منزل ) آسر بیت۔
زندگ بوگ یک زندے نہ اِنت بلکیں زندگی ءِ توک ءَ یک زندے رژنائی ءَ کنگ ءُ ازّت بوگ یک بلائیں زندگی رژن ئے۔ زندگی ءِ توک ءَ ھرچ وڑیں وھد کَیت گرانیں آسانیں وھد کیت بس ترا وھد ءَ گوں ھُور گُوازینگ لوٹ اَنت۔
تو ھرچی بہ جیڑ کہ زند یک ھُدا وند ءِ دادے مارا پہ داد رستگ من چے وڑ ءَ ءُ کُجام راہ ءَ بہ بر ئے ئِے آ تئی سر ءَ اِنت۔ دائم پہ وشّی ءَ بہ گوازین ئے وتی زندگی ءَ پرچا یک برے یک وھدے کیت پد ءَ واپس نہ بیت،
وھدے تو یک شرابی یے ئے بہ چار آ چون اِنت تو تجربہ بہ کن آ چے ھال ءَ توک ءَ اِنت گپ ءِ مکسد اِیش اِنت زند آ نہ اِنت کہ گُماھاں گوں اِنت زندگی ھما اَنت مُراد بہ بیت کندگ کار ءُ کِرد بہ بیت۔
ھرچ مردم مارا جتا جتائیں جیڑگ ھست اِنت کہ ھر مردمے زندگی جتا اِنت، تو وت بہ جیڑ من چون آں ءُ چے ھالے توک ءَ اِنت دنیا ءِ مردم چون نامدار اَنت آ وانی نام پہ چے دنیایے توک ءَ برز اِنت پرچا کہ آھانی ھزمت بوتگ اَنت آ وتی مکسد ءِ سر ءَ ھمگرنچ بوتگ اَنت وت ءَ نااُمیت ءُ لاچار نہ کُت اَنت پمیشکا آ وتی منزل ءَ سرجم کُتگ۔
زندگی ءَ اَنچو بہ پَھم کہ یک ساپ ءِ پیپرے تو ھرچ وڑ ءَ بُرت کن ئے متلب اولی تئی (Birth ) بزان پیدائیش اِنت، دومی تئی (choice ) گُش زندگی ءِ توک ءَ ھرچیز کُت کن ئے تئی واست ءَ ھالیں بہ رس اِیت، سیمی تئی (death) اِنت بزاں تئی مرگ بیت اِنت ھیال بہ کن وتی زندگی ءَ وش ھال بہ کن ھر وھد ءَ گوں وتی بچکندگاں ھوار بہ کن۔
یک کیلاھے درورے بُزر وھدے تو دیوالے ءِ توک ءَ مان بدے گُڑا آئی پد ءَ دور بہ کن ھما ٹپِ ھمودا بیت پمیشکا کَس ءَ ٹپ مہ دے آئی ءِ توک ءَ ھمے وڑ ءَ ٹپ بیت چیا کہ تئی زندگی مشکلات ءِ توک ءَ بوت کُرت کنت۔ زندگی ھما درد دِیوکیں اِنت ھچ بر وشی نہ دنت تو وت وشی زندگی ءَ بیار۔
سنگتاں ھر وھد ءَ وت ءَ نام دار بہ کن اِت وتی منزل ءِ سر ءَ جُھد بہ کن اِت۔ وتی زندگی ءِ توک ءَ سما بیار اِت ھزمت بہ کن اِت وتی جُھد ءَ الّم برجم بہ کن اِت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت-
امریکہ ءِ سروکی گچینکاری ءَ لوٹ اتگیں 270 الیکٹرل ووٹ ءِ گرگ ءَ پد ڈونلڈ ٹرمپ دومی رند ءَ سروک گچین بوتگ۔
فاکس نیوز ءِ رد ءَ ڈونلڈ ٹرمپ ءَ 277 گچینکاری ووٹ زرتگ ءُ کاملا ھیرس ءَ تاں انوگ ءَ 266 گچینکاری ووٹ گرگ ءَ سوبین بوتگ۔
صدارتی گچینکاری ءَ سوبمند بوھگ ءِ ھاترا 538 گچینکاری ءِ تہ ءَ کم چہ کم 270 ووٹ لوٹ اِتگ اَنت۔
ڈونلڈ ٹرمپ کہ امریکہ ءِ 47می صدر گچین بوتگ آئی ءَ گچینکاری ءِ آسر ءَ پد وتی سوبمندیں گشتانک ءَ ووٹر ءُ پاٹیانی منت گپتگ ءُُ گشتگ کہ اے ملک ءِ راجدپتر ءِ مستریں سیاسی زرمبشت انت۔
ڈونلڈ ٹرمپ ءَ گشتگ امریکا ءَ را گھتر کنگ لوٹ ایت ءُ نوں ما ایشی ءَ گھتر کنیں، امریکہ ءِ ٹپاں دوا کنیں، امریکہ ءَ من ءَ زوراکیں مینڈیٹ داتگ، من امریکہ ءَ مزن کن ایں۔
امریکہ ءِ صدارتی گچینکاری ءَ امریکی کانگریس ءِ بالادستیں ایوان سینیٹ ءَ ریپبلکن پارٹی ءَ گیشتریں بھر گپتگ۔
امریکی روتاک ”نیویارک ٹائمز“ ءِ رد ءَ ایوان ءِ 100 سیٹانی تہ ءَ ریپبلکن پارٹی ءَ 51 ءُ ڈیموکریٹ پارٹی ءَ 42 سیٹ گپتگ اَنت۔
کانگریس ءِ ایوان ءِ تہ ءَ 435 سیٹ ھم گچینکاری ءِ ھاترا دیم ءَ اَنت۔
امریکہ ءِ روتاک ”نیویارک ٹائمز“ ءِ رد ءَ ایوان ءِ نمائندگاں ریپبلکن پارٹی ءَ 191 ءُ ڈیموکریٹ پارٹی ءَ 169 سیٹ گپتگ اَنت۔
ھمے رنگ ءَ مرچی 11 ریاستانی گورنر ءِ گچینکاری ءِ روچ اِنت کہ ایشی ءِ تہ ءَ ریاستی کانون ساز ، شھر ءِ میئر ءُ بنجاھی سرکار ءِ نمائندگانی گچینکاری ھوار اَنت۔
بلوچستان ءِ دمگ پنجگور ءَ دی اوئیسس اسکول پنجگور ءِ نیمگ ءَ برجم داشتگیں دو روچی کتاب ءِ میلہ ءِ دومی روچ ءَ زالبول ءُ جنکاں مزنیں کساسے ءَ بھر زرتگ۔
دی اوئیسس اسکول پنجگور ءِ نیمگ ءَ دو روچی کتاب میلھے برجم دارگ بیتگ کہ ایشی ءِ تہ ءَ اولی روچ مردینانی واستا ءُ دومی روچ زالبولانی واستا ایر کنگ بیتگ آیاں وتی دوستیں کتاب زرتگ اَنت
جنکاں سیاست، صحافت، لبزانک، شاعری، راجدپتر، مذہب ءُ دگہ ھاسیں سرھالانی سرا کتاب گپتگ ءُ دی اوئیسس اسکول ءِ کارمستراں منت گپتگ ءُ وتی ھیال درشان کت کہ پیسر ءَ ما وتی دوستیں کتابانی گرگ ءِ ھیال ءَ ھم نہ کتگ ات بلے اسکول ءِ انتزامیہ ءَ مارا وتی دروازگ ءِ سرا وتی دوستیں کتابانی بھا زورگ ءُ وانگ ءِ موہ رس اتگ کہ آ دوستی ءُ زانت ءِ زیبائیں ندارگاں وتی زانت ءِ تُن ءَ شموشگ ءَ نہ اَنت جتا جتائیں سرکاری ءُ نجی اسکولانی جنکاں سائنسی پریام ءَ اسٹال جوڑ کنگ بوتگ انت۔ ، کہ آیوکینانی دلچسپی ءِ مرکز جوڑ بوتگ ءُ جنکاں دلبڈی دیگ ءِ ھاترا سرجمیں جاہ پُر بوتگ ءُ سیمی پوزیشن میجر حسین علی ءُ دی اوئیس اسکول ءِ ڈائریکٹر سر نزر حسین ءَ گپ ءُ تران کنان ءَ میڈیا ءَ گوشت کہ زھگانی ھب ءُ واھگ ءِ گندگ ءَ مئے ھوسلہ ھم گیش بوتگ ءُ انشاء اللہ ھمک سال اے سلسلہ برجاہ مان ایت دانکہ اسکول، کالج ءُ یونیورسٹیانی نودربر ءُ پنجگور ءِ شھری وتی زانت ءِ تُن ءَ پجّار بہ کن اَنت –
آئی ءَ گوشت دوستگین کتاب وتی چہ لوگاں دست کپ اَنت ءُ اے کتابانی وانگ ءِ ھاترا جوانیں چاگردے جوڑ بوت کنت۔
کیچ ءِ تھسیل مند مھیر ءَ گوستگیں پنچ روچ ءَ چہ برجاھیں نندانک سر ءَ فدا حکیم رند اتکگ ءُ وھدے کہ صوبائی وزیر فشریر برکت رند ءَ زھرشانی کنوکاں گوں پون ءَ ھال کتگ-
زھرشانی کنوکانی رِد ءَ صوبائی وزیر فشریز برکت رند ءَ فون ءَ گوں نندانک ءَ نشتگیں مردمانی گوم ءَ گپ رپ کتگ ءُ برکت رند ءَ نندانک ءَ نشتگیں مردم نندانک ھلاس کنگ دزبندی کتگ اَنت ءُ کھول ءَ باندا تربت ءِ آیگ ءَ گْوشتگ اَنت-
برکت رند رِد ءَ آئی ءَ گورنر ءَ کورکمانڈر چہ گپ رپ کتگ مردم نندانک ءَ ھلاس بہ کن اَنت ایف سی شمئے لوگاں ھالیگ کنت-
دومی نیمگ ءَ کھول ءَ نندانک ھلاس کنگ ءُ تربت ءَ روگ رد کتگ گْوشتگ کہ مئے نندانک برجاہ ءَ اِنت کسے ءَ گپ کنگی اِنت آ بیا اَنت نندانک سر ءَ نشتگیں مردمانی دیم ءَ گپ بہ کن اَنت تربت ءَ آیگ ھچ زرورت نہ اِنت-
دومی نیمگ فدا حکیم ءَ گوں زالبولاں گپ دیوان کتگ ءُ دو ماہ ءِ وھد لوٹ اِتگ ءُ نندانک ھلاس کنگ ءَ گْوشتگ اَنت، کھول ءِ گْوشگ اِنت یکو گوشگ ءَ ایں کہ گپ دیوان ھما وھد ءَ بیت کنت وھدے پوج مئے لوگ ءَ ھالیگ بہ کن اَنت دانکہ مئے لوٹ منّگ نہ بنت تاں ھما وھد ءَ وتی نندانک ءَ ھلاس نہ کن ایں شمارا گوں دزبندی اد ءَ یکو میا اِنت مارا نندانک ھلاس کنگ ءَ مہ گوش اِت-
بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں بیانے ءَ گْوشتگ کہ بی ایل اے ءِ سرمچاراں نوشکی ءَ قادر آباد ءَ کبزہ گیریں پاکستانی لشکر ءِ کاروان ءِ سر بستگ ءُ اُرش ءِ نشانگ جوڑ کتگ کہ ایشی ءِ آسر ءَ کبزہ گیریں لشکر ءِ کساس دہ کارندہ مرتگ انت۔ وھدیکہ بی ایل اے ءِ دو تجربہ کاریں کمانڈراں اُرش ءَ پد دژمن ءِ لشکر ءِ گون ءَ دراجیں جنگے ءِ وھد ءَ گوں دلیری ءَ جنگ کتگ ءُ شھید بوتگ اَنت۔
جارکش ءَ گْوشتگ گوستگیں روچ ءَ ساھت 12 ءِ نزیک ءَ بلوچ لبریشن آرمی ءِ سرمچاراں نوشکی ءَ چہ پنچ کلومیٹر دور قادرآباد ءَ کبزہ گیریں پاکستانی لشکر ءِ یک کاروانے ءِ سر بستگ ءُ اُرش کتگ کہ ایشی ءِ تہ ءَ دژمنیں لشکر ءِ 10 سپاھیگ مرتگ انت ءُ کم چہ کم چار ٹپی بوتگ اَنت۔
آئی ءَ گْوشت کہ بلوچ لبریشن آرمی ءِ دو ھمراھیں سرمچار عدنان بلوچ ءُ یاسر بلوچ ءَ کبزہ گیریں لشکر ءِ ھلاپ ءَ دراجیں جنگے ءَ گوں تمردی ءَ ماتیں گلزمین ءِ رکینگ ءِ وھد ءَ شھید بیتگ انت۔ شھید عدنان بلوچ دژمن ءِ تیر ءَ ٹپی بوتگ بلے آئی ءَ ٹپیگیں جاوراں ھم وتی جاہ یل نہ داتگ ءُ یک کلاکے ءَ گیش دژمن ءِ لشکر ءَ گوں جنگ داشتگ ءُ وتی یونٹ ءَ را واتر بوگ ءِ ایمنیں راہ داتگ۔
جارکش ءَ گُشتگ کہ کبزہ گیریں پورسز ءِ سر ءَ اے اُرش ءِ وھد ءَ بی ایل اے ءِ دگہ یک تجربہ کاریں سنگتے یاسر بلوچ ھم دژمن ءَ گوں جنگ ءَ بازیں وھدے ءَ ٹپی بوتگ بلے بازیں ھون ریچی ءِ سبب ءَ آئی ءَ ھم شھیدی ءِ مزنیں بستارے رس اتگ۔
وزیر اھمد ءِ چک شھید سنگت عدنان بلوچ پنام ءِ سفر خان ءِ سیادی نوشکی ءِ دمگ کلی مینگل ءَ اِنت۔ انٹرنیشنل ریلیشنز ءِ بی ایس ءِ نودربر عدنان بلوچ 2023 ءِ بندات ءَ بلوچ لبریشن آرمی ءَ ھوار بوتگ۔ تو پہ راجی آجوئی ءَ شھری گوریلا ءِ بستار ءَ کار کنگ ءَ اَت ئے۔ اے وھد ءَ تو نوشکی شھر ءُ کش ءُ گوراں جتا جتائیں کارروائیانی تہ ءَ وتی ھُنر ئِے درشان کُت ءُ دژمن ءَ را بازیں ٹپّ ءُ ٹور اِش کُت۔ ھمت، بھادری ءُ سِتک ءِ یک مزنیں درورے پیش کنان ءَ تو بے کساسیں جنگاں دژمن ءَ را ھلاس کت ءُ گڈی ءَ بھادریں شھادت ءِ ھاتر ءَ شھیدی وتی نام ءَ کُت۔
شھید سنگت یاسر بلوچ زھری عرف ماسٹر سفر خان ء لعل جان زھری ءِ سیادی خضدار ءِ دمگ مولہ ءَ اِنت۔ بیست ءُ ھپت سال ءِ مکینیکل انجینئر یاسر بلوچ 2018 ءَ بلوچ لبریشن آرمی ءَ ھوار بوتگ ءُ راجی گلامی ءِ ھلاپ ءَ شھری ءُ کوھیں مھازاں وتی بھرے پیلو کتگ۔ سنگت یاسر بلوچ ءَ بولان، ناگاھو ءُ شورپرود (قلات) ءِ سیاھگاں بازیں ھاسیں جنگانی تہ ءَ بھر زرتگ ءُ دژمن ءِ لشکر اِش پروش دیگ ءَ مزنیں کردے پیلو کتگ۔ آئی ءَ وتی شپ ءُ روچ پہ بلوچ راجی آجوئی ءَ گوں دلجمی، دلیری ءُ تمامی ءَ ندر کُت اَنت۔ تو بی ایل اے ءِ سکیں دلیر ءُ زانتکاریں سرمچارے بوتگ ئے۔
آئی ءَ گْوشت کہ بلوچ لبریشن آرمی شھید سنگت یاسر بلوچ ءُ شھید سنگت عدنان بلوچ ءِ بھادری ءُ بلوچ ڈیھ ءِ وپاداری ءَ راستی کنت اِنت ، آھانی شھادت ءِ سر ءَ آھاں شرپ ءُ شان ءَ پیش کنت ءُ وتی جزم ءِ پد ءَ پدر کنت کہ بی ایل اے ءِ نیمگ ءَ شھید ھچبر شموشگ نہ بنت ءُ آھانی کُربانی ءِ بدل ءَ بے شک راجی آجوئی ءِ شکل ءَ زور اِیت۔
یزد ءَ بندیگیں بلوچے نشئہ ءِ بھتام ءَ دزگیر بیتگ ءُ مروچی پاھو دیگ بوتگ۔
پاھو دیگ بوتگیں مردم ءِ پجار مھسن ء ھسین ، ریگان ءِ جھمنند اِنت-
گیشیں ھالانی رد ءَ مھسن سَے سال پیسر ءَ یزد ءَ ایرانی لشکر ءَ نشئہ ءِ بھتام ءَ آوار جتگ اَت کہ امیدگس ءَ پیش کنگ ءَ پد آئی ءِ سرا پاھو سَزا جنگ بوتگ۔
ھمے ڈول ءَ کھنوچ ءِ بندیگ جاہ ءَ ھم کوش ءِ بھتام ءَ بندیگے مردمے ھپت سال بند بوگ ءَ پَد مروچی سُھب پاھو دیگ بیتگ۔
پاھو دیگ بیتگیں مردم ءِ پجار عارفء مھمد جھمنند جیریت ءِ نام ءَ زانگ بیتگ۔
زورانسری بیگواھیں ھزدار ءِ جھمنند سلمان بلوچ ءِ کھول ءِ نیمگ ءَ شنگ بیتگیں درشانے ءَ گوشگ بیتگ ھپت نومبر دوھزار ءُ بیست ءُ چار ءِ بیگاہ ءَ شھید عبدالرزاق چوک ءَ داں آزادی چوک ءَ یک روانکے کشگ بیت اِنت-
روانک سلمان بلوچ ءِ زورانسری بیگواھی ءَ دو سال سرجم بوگ ءَ برجم دارگ بیت اِنت- کہ دو سال اِنت بیگواہ اِنت-
سلمان بلوچ سیزدہ نومبر دوھزار ءُ بیست ءُ دو ءَ چہ شال ءَ زورانسری آوار جنی ءِ آماچ کنگ بیتگ-
درشان گوشگ بیتگ کہ دراھیں انسان دوست ءُ سیاسی ءُ چاگردی مردم، وکیل ءُ نودربر، اھوالکار ءُ دگہ تک ءُ پھناتاں سیادی داروکیں مردماں گوں دزبندی اِنت کہ روانک ءَ بھر بہ زیر اَنت ءُ زورانسری بیگواھیانی ھلاپ ءَ توار چںست بہ کن اَنت-
درشان ءَ گیش گوشگ بیتگ کہ ھپت نومبر ءِ شپ ءِ ساھت ھشت ءَ داں دوازدہ ءَ ایکس ءَ یک کمپنے برجم دارگ بیت اِنت کہ شمئے بھر زیرگ اے جد ءُ جھد ءَ گیش ھوسلگ دنت اِنت-
