TBP Balochi

ترندیں ھور ءُ توپانی ھارانی سبب ءَ داں انگت ءَ بلوچستان ءِ بازیں جاھاں زمینی اھوال سستگ اَنت-

بلوچستان ءَ بشی ھورانی گوارگ ء درچ برجاہ انت بیست جولائی ءَ بندات بیتگیں ھوراں داں انگت ءَ نُھ زھگاں ھوات نوزدہ مردم بیران بیتگ انت ءُ یازدہ زدگ بیتگ اَنت ءُ چہ ھوراں کلات،جھل مگسی، زیارت ءُ سھبت پور سانمند بیتگ اَنت-

مولم شناس ءِ رد ءَ بلوچستان ءِ بازیں جاھاں مولم بشی گرم انت ءُ بلوچستان ءَ دومی زورمندیں بشی ھور بوگ ءِ گمان ھست انت-

مولم شناس ءِ رد ءَ مروچی ژوب،بارکھان، موسیٰ ھیل، شیرانی،لورالائی، سبی، زیارت، لسبیلہ، کلات، ھزدار ءُ نسیر آباد ءِ لھتے دمگاں ھورانی گمان انت – پی ڈی ایم ءِ رد ءَ گوستگیں بیست ءُ چار ادارانی توک ءَ کلات چِل ءُ ھشت ملی میٹر اوستہ مھمد بیست ءُ یک ملی میٹر ءُ شال ءَ دَہ ملی میٹر ریکارڈ کنگ بیتگ اَنت-

پی ڈی ایم ءِ رد ءَ بلوچستان ءَ توپانی ھارانی سبب ءَ دگہ سَے مردم بیران بیتگ اَنت ءُ چریشی ءَ پد بیست جولائی ءَ بندات بیتگیں توپانی ھار ءُ گروک ءِ سبب ءَ نُھ زھگاں ھوار نوزدہ مردم بیران بیتگ اَنت- ءُ بشی ھوراں دَہ زھگاں ھوار یازدہ مردم زدگ بیتگ اَنت-

ھمے وھد ءَ چار سد ءُ سِی ءُ چار لوگاں تاوان رس اتگ ءُ ایشانی توک ءَ یک سد ءُ بیست ءُ شش سرجم ءَ ڈرویتگ اَنت ءُ ھورانی سبب ءَ سَے ھزار ءُ سِی ءُ یک مردمانی لوگ ڈرویتگ اَنت-

ھورانی سبب ءَ جتا جتائیں جاھاں شش پھلاں تاوان رس اتگ ءُ گروک ءِ کپگ ءَ یک سد ءُ سِی ءُ یک دلوت مرتگ اَنت-

بشی ھورانی سبب ءَ نود ءُ ھپت ایکٹراں ھواریں کشار تباہ بیتگ اَنت ءُ سِی ءُ یک کلو میٹر دگ ءُ یک ھیلتھ یونٹے ءَ ھم تاوان بیتگ ءُ بیست جولائی ءَ بندات بیتگیں ھوراں داں انگت ءَ دوھزار ءُ نُھ سد ءُ نوزدہ مردم سانمند بیتگ اَنت ءُ نوشکی ءُ بیلہ ءُ توپانی ھارانی سبب ءَ بازیں میتگاں رھوتی اھوال سستگ ءُ کشاراں تاوان رس اتگ-

وائس فار بلوچ مسنگ پرسنز ءِ سروکی ءَ چہ بلوچستان ءَ زورانسری آوار جنی ءِ ھلاپ ءَ برجاھیں دراجکشیں شُدکُشیں ھڑتال ءِ گدان ءَ مروچی پنچ ھزار پنچ سد پنجاہ یک روچ سرجم بیتگ، وکیل گدان ءَ اَتکگ ءُ کھول ءَ چہ یکجاھی درشان اِتگ وھدے کہ بیگواھیں رئیس محمود ءِ کھول گدان ءَ اَتکگ ءُ وتی زھرشانی نکش کنائینتگ-

ھمے درگت ءَ تران کنان ءَ وائس فار بلوچ مسنگ پرسنز ءِ وائس چیئرمین ماما قدیر بلوچ ءَ گْوشتگ کہ پاکستانی زورگر ءُ آئی ءِ چیریں ادارھاں کہ بلوچ پارلیمنٹ پرستانی کمک ءَ چہ بلوچ زرمبشت ءَ لپاشگ کنگ ءَ ھرچ وڑیں جُھد کنگ ءَ اِنت، بلوچ ورنایاں زورانسری آوار جنی ءِ میان ءَ آوار جنگ ءُ لَٹ کُٹ کنگ آیانی لاش ویرانگ ءَ دور داتگ اَنت کہ بلوچ ورنایانی دل ءِ تہ ءَ تُرس ودی بیتگ ءُ آ وتی منزل ءَ تاں سر بیگ ءَ زرمبشت ءَ دزکش بہ بنت بلے نو اے وڑ نہ بیت-

ماما قدیر بلوچ ءَ گْوشتگ اے اشانی ردی اِنت کہ کسے ءِ دیم ءَ تُپنگ ءَ چگل دے اَنت ءُ سیاسی جُھدکار شھیدانی ھون ءَ چہ دروھی کنگ ءُ زرمبشت ءَ دزکش بیت بلوچ زرمبشت ءِ سپاھیگ ھرچ پندلاں بے سوب بہ کنت کہ آیاں ھپتاد پنچ سالاں چہ سر ءَ کپن بستگ آیانی دیم پہ دیمی کنگ ءَ اَنت تچکیں سنگت ءُ آشک ءَ ھما مردم بلوچ شھیدانی گرانبھائیں دیمونی ءِ سبب ءَ چہ نو ھرچ بلوچ ءِ زھگ پاد اَتکگ نو ھرچ لوگ ءَ زرمبشت ءِ گپ بیگ ءَ اِنت-

ماما قدیر بلوچ ءَ اے درگت ءَ بیگواھیں محمود رئیس کھول ساڑی بیگ ءَ گْوشتگ کہ محمود رئیس پاکستانی پوج ءُ چیریں ادارھاں زورانسری بیگواہ کتگ چریشی ءِ سبب ءَ آئی ءِ کھول سسّایے گم ءُ رنج ءِ آماچ اَنت- ما میان استمانی ادارھاں چہ دزبندی کن ایں کہ آ محمود رئیس ءَ دیم آرگ ءِ وتی کرد ءَ پیلو بہ کن اَنت-

زورانسری آوارجنی ءِ آماچین عبدالحئی ءِ یل نہ کنگ ءِ ھلاپ ءَ شال ءَ کھول ءَ زھرشانی ءُ روانک کش اتگ-

ڈاکٹر عبدالحئی ءِ کھول ءِ نیمگ ءَ سَے شمبے ءِ روچ ءَ بلوچستان یونیورسٹی ءَ چہ یک روانکے برجم دارگ بیتگ کہ جتا جتائیں دگاں تران ءُ پریس کلب ءَ سر بیتگ ءُ اود ءَ کھول ءَ وتی زھرشانی یاداشت کتگ –

ھمے وھد ءَ بیگواھیں ڈاکٹر عبدالحئی ءِ کھول ءِ ھمراھی ءَ دگہ بیگوابیں مردمانی کھولانی ھواری ءَ بازیں کچے ءَ شھری گندگ بیتگ انت ءُ بیگواھیں مردمانی اکس اش چست کتگ ءُ ایانی یل کنگ ءِ اوگام اش جتگ-

ھمے وھد ءَ روانک ءَ گپ کنان ءَ آواران ءِ جھمنندیں زورانسری آوار جنگ بیتگیں ڈاکٹر عبدالحئی بلوچ ءِ گوھار بکتاور ءَ گوشتگ منی برات ڈاکٹر عبدالحئی یک جون دوھزار ءُ بیست ءُ چار ءَ پوج ءَ دزگیر کنگ ءَ پد بیگواہ کتگ ءُ سَے ماہ ءِ گوزگ ءَ پد ھم ھچ اھوالے نیست اِنت-

بکتاور ءَ گوشتگ منی برات سرکاری ملازمے ءَ آ آواران ڈسٹرکٹ ھسپتال ءِ ٹی آپریٹنگ اسسٹنٹ بیتگ آ کلینک ءَ پاکستانی پوج ءَ آوار جتگ ءُ برتگ-

آئی ءَ چہ سرکار ءَ لوٹ کتگ کہ منی برات ءَ یل بہ کنت ءُ اگاں منی برات ءَ سزا ءُ جزائے ھست گڑا آ امیدگس ءَ پیش کنگ ءُ مارا تسلی دیگ بہ بیت اِنت-

زھرشانی ءَ ھواریں دگہ مردماں گوشتگ سرکار مئے بیگواھیں مردماں دیما بیار ایت ءُ یل بہ کنت –

آیاں گوشتگ سرکار ءِ نیمگ ءَ مارا مئے بیگواھیں مردمانی مٹ ءَ زر دیگ ءِ گپ جتگ اسل ءَ اے گپ مئے ٹپاں گیش کُدینگ انت –

بلوچستان ءِ دمگ نوشکی ءَ بمب تراکے ءَ گوں پاکستانی لشکر نشانگ جوڑ بیتگ، تراک ءَ پد مزنیں کساسے ءَ لشکر ءَ دمگ انگیر کتگ ۔

قادر آباد دو ءَ پاکستانی لشکر ءِ گاڑی ءِ سر ءَ ھما وھد ءَ تراک بوتگ کہ آیانی گاڑی چہ راہ ءَ گوزگ ءَ بوتگ۔

تراک ءِ آسر ءَ پورسز ءِ گاڑی ءَ را سک باز تاوان رس اتگ ءُ پولیس ءُ فرنٹئر کور ءِ مزنیں کچے ءَ وئیل جاہ ءَ سر بوتگ ءُ دمگ اش انگیر کتگ۔

واکداراں انگت ءَ اے تاوان ءِ بابت ءَ ھچ وڑیں ھال ءُ اھوال دیم ءَ نیاؤرتگ انت-

نوشکی بلوچستان ءِ شورش آماچیں دمگاں چہ یکے کہ اودا پاکستانی لشکر مزنیں کچے ءَ اُرش ءُ ایندگہ کارروائیاں نشانگ جوڑ کنگ بوتگ۔ اے اُرشانی تہ ءَ پورسز ءَ را تاوان رس اتگ انت۔

نوشکی شھر ءُ آئی ءِ کش ءُ گوراں بلوچ سلاھبندیں آجوئی لوٹوکیں لشکر پرکار اَنت بلے دنیگا اے اُرش ءِ زمہ واری کس ءَ نہ منّ اِتگ۔

پاکستان پوج ءِ ھمرنچیں ادارہ آئی ایس پی آر ءَ بلوچ سلاہ بندیں گل ءِ اوتاکانی سر ءَ اُرش کتگ-

پاکستان پوج ءِ ھمرنچیں ادارہ آئی ایس پی آر ءَ شنگ کتگیں درشان ءِ رِد ءَ ھژدہ ءُ نوزدہ اگست ءِ میانی شپ ءَ پاکستانی پوج ءَ بلوچستان ءِ دمگ مستونگ ءَ یک چیریں ھسابے ءَ بیڑبرتگ-

آئی ایس پی آر ٹاہ رِد ءَ لشکر کشی ءِ میان ءَ تُرندیں تیرگواری ءَ پد بی ایل اے ءِ سے باسک جنگ بیتگ وھدے کہ سے ٹپی بیتگ اَنت-

پاکستانی پوج جارکش ءِ اے بھتام جتگ کہ بیڑ ءَ جنگ بیتگیں سلاہ بندیں گل ءِ باسک دمگ ءَ بازیں اُرشاں ھمگرنچ بیتگ اَنت ءُ دوازدہ اگست دوہزار بیست چار ءَ پنجگور ءِ ڈپٹی کمشنر جناب ذاکر علی ءِ شھیدی ءَ ھم زمہ وار بیتگ اَنت-

زانگ بہ بیت آئی ایس پی آر نیمگ ءَ چہ اشی ءَ ساری بلوچستان چیریں ھالانی رِد ءَ کُتگیں بازیں بیڑے ءَ بلوچ سلاہ بندیں گلانی باسکانی جنگ ءِ ٹاہ داتگ بلے اشی ءَ پد گیشتر پاکستانی پوج ءِ دست ءَ کُشگ بیتگیں مردمانی پجّار پیسر ءَ چہ بیگواھیں مردماں چہ بیتگ اَنت-

بلے دومی نیمگ ءَ دمگی اِھوالکاراں چہ مستونگ کش گوراں ھچ وڑیں میڑ ءِ ھال سر نہ بیتگ-

زانگ بہ بیت بلوچ لبریشن آرمی ءَ ڈپٹی کمشنر ذاکر بلوچ ءِ کوش ءِ سیادی ندارگ ءِ درشان شنگ کتگ اَنت- جارکش جیئند بلوچ ءَ وتی درشان ءَ گْوشتگ کہ ذاکر بلوچ ھچبر بی ایل اے ءِ ھٹ لسٹ تہ ءَ نہ بیتگ-

زمین ءِ مھر ءُ سربلند

نبشتہ کار: همبل بلوچ

دی بلوچستان پوسٹ

بلوچستان ءِ ھاک ءَ چہ ودی بوتگیں سرمتابیں سربلند کہ واجہ انور ءِ لوگ ءَ ودی بوتگ کہ آئی ءَ وشکوشیں پروم ءِ ھاک ءَ وتی چم پچ کت انت ءُ وتی بُنکی وانگ ءُ ￶زانگ چہ واجہ مھمود ھائی اسکول پروم ءَ بندات کرت دانکہ ۲ تبک ءَ ھمود ءَ ￴ونت ئِے پد ءَ دیم پہ ملا اِزت ءِ شھر ءَ شُت پہ وانگ ءِ ￵ھاتر ءَ ￴ من ءَ سال یات اِنت ۱۔۵۔ ۲۰۰۹ آئی ءَ دی اویس اسکول ءَ پد ءَ یک برے آئی ءَ ￴وانگ چہ اولی کلاس ءَ ￴ داھِل ءَ ￴دیگ بوت وتی وانگ ءُ ￶زانگ پد ءَ دوبر بندات کت یاد بہ بیت کہ آئی ءَ وتی کسانیں سَند ءِ ￵گیشتریں وھد پنجگور بواھز ھاسٹل ءَ ￴گْوازینت دانکہ لھتیں سال ءَ سربلند کلاس ھمدا ھاسٹل ءَ گوازینت پد ءَ لوگ بوت گڑا دانکہ 8 کلاس دی آئی اویس ءَ ونت پد ءَ پہ گیش ءِ وانگ ءِ ھاتر ءَ شال ءَ شُت لھتیں ماہ پد چہ شال ءَ ￴واتر اتک آئی ءِ ￵ھیال ءُ ￶سوچ پھک بدل بوت اَت، گْوش ئے آئی ءِ مجگ ءُ ￶دِلانی تہ ءَ وتی زمین ءِ ￵بزگی ءُ راج ءِ ￵ ￶دِرتہ پُچی چوں اکسے ءَ ￴نکش اَت ءُ ￶آ اِے اکس ءَ ￴کُلیں مردُماں پیشدارگ لوٹگ ءَ ￴اَت کِہ زمین چون اِنت ءُ ￶مارا پہ زمین ءَ ￴الّم چیزے نا چیزے کنگی اِنت۔ آئی سنگت ءُ ￶ھمراہ ھم بدل بوتگ اِت اَنت ￴گوں نوکیں ءُ ￶درچِتگیں ھمراھاں آئی ءَ وتی راج ءِ ￵گُلامی ءَ ￴مارگ ءَ ￴اَت ءُ ￶من جزم گْوشاں آ ساھتاں آ گوں وتی سنگتاں ھمے ھبر ءَ ￴بوت ￴کِہ مارا چے کنگی اِنت ءُ ￶چونی ءَ ￴مارا وتی زمین ءِ ￵ھک پورا کنگی اِنت۔

سربُلند پگری سنگتانی توک ءَ ￴لھتیں شھید بوت، لھتیں انگت کوہ ءَ ￴انت، لھتیں پہ زند ءِ زاتی واھشتانی پُشت ءَ لگور بوت انت، ءُ ￶لھتیں زندان ءَ بندیگ اَنت۔ ھمے دور ءُ ￶باریگ ءَ ￴وتی ھنکین ءَ ￴واتر آتک گڑا سک گمیگ اَت تکانسر اَت وتی اندر ءَ ￴جیڑگ ءَ ￴اَتبرے یک گپے ءِ سر ءَ گپ کنگ ءَ اَت چیزانی شر کنگ ءِ جھد ءَ ￴اَت انچو سما بوت کہ پورا چیزے ءِ اشک ءَ گور جتگ اَت یک ءُ ￶دو سال نہ گوست سربلند ءَ وتی جند سر کت اِشک ءِ ￵ راھے گپت ءُ رُکست اِش کت مارا۔۔۔ بلے آئی ءِ چمانی تہ ءَ مدامی جُستانی گرنچ ءِ ھست اَت سربُلند ءَ جُوانیں بُنگپانی گوش دارگ ءِ سکیں شوکینے ￴اَت آئی ءِ ￵شوکتریں ھیل ھمیش اَت بس چیزانی بابت ءَ ￴جُست ءُ ￶پد کنگ اَت آئی ءَ مدام جُست کرت اسکول ءِ زمانگ ءَ ￴وتی استاد ءَ ￴را کہ جنگ چی یے؟ بلوچ پرچا جنگ کنگ ءَ انت ؟ گڑا سر ءَ پسّو نہ دات ءُ گُشت ئِے کہ ترا گوں بلوچ ءُ جنگ ءَ کار نیست ھرکسی وتی کار اَنت گڑا سربلند ءَ کندگے جت ءُ گشت کہ ترا میجر ءِ ۶۰۰۰۔ واکی وتی وڑا کتگ گڑا سر جزباتی بوت ءُ لٹ کٹ کت ءُ کلاس ءَ چہ کشّ اِت ئِے ءُ ￶ھما روچ ءَ ￴رند من پھم اِتگ اَت کِہ اے نہ تُرسی، اِے جورجوابی کِہ آئی ءِ توک ءَ ￴ھست اَت اِے ھمے زمین ءِ ￵مھر ءِ برورد اِت اَنت کِہ آئی ءَ را اِنچو توانگِر کُتگ اَت ئِے کِہ گوں وتی جُستاں آئی ءَ وتی دیم ءِ ￵مردُم ھم نگیگ کُتگ اَت بلے وت بِھ نہ تُرس اِتگ اَت۔

من پد ءَ ھمدا ھیران بوت آں کہ بلند جان ءَ ￴اے جُست چون مجگ ءَ آتک ءُ اِے امر ءَ چونیں چونیں جُست کنگ ءَ اَت ۔۔ من بلے نہ زانتگ اَت کہ آئی ءَ وتی زند ءِ راہ گچین کرتگ کہ من ءَ اے جُستانی پَسّہ کجا دست کپ اَنت ءُ من ءَ وتی زند ءِ شوک تریں ساھت کجا گوازینگی انت۔۔ بُلند جان ءِ ￵ دپ ءَ مدام پُرمھریں بچکندے ھست اَت ءُ ￶ سک مھروان اَت گوں جنگ ءَ آئی ءَ را بلاھیں مھرے ھست اَت اسل ءَ ￴ جنگ کس ءَ ￴را وش نہ بیت کس پہ شوک جنگ نہ کنت آئی ءَ وتی زمین دیستگ اَت آئی ءَ وتی راج ءِ بزگی ءُ ￶ ایردستی دیستگ اَت نوں آئی ءَ بس ھمے گشتگ اَت کہ جنگ المی اِنت بازیں(جاوراں جیڑہ چوش بہ بنت کہ پیسر ءَ ھیل بکن ءُ پد ءَ اَمل بہ کن بہ گندئے پیسر ءَ اَمل کنگ بیت ءُ پد ءَ ھیل کنگ پرچا کہ اَمل وت زانشتی راھبند ءِ دومی نام انت )۔ گڑا من ھمے جیڑ اِتگ اَت کہ زمین ءِ چونیں مھرے کہ یک کسان سالیں ورنایے ءِ وتی زند ءِ ￵زاتی واھشتاں نہ سرجم کنت ءُ وت ءَ ￴را پہ زمین ءَ ￴ کولیگ کنت گُش اَنت کہ مھر تئی مھکم بہ بیت پہ تو زاتی زند نہ مان اِیت۔

مِھر انسان ءَ ￴ھما سیمسراں بارت سر کنت کِہ آئی ءَ را ھِچّ چوشیں چُرتے نہ بیت کِہ وشّی، شادکامی، زِند، ءُ ￶مرگ چی اَنت آ تھنا یکیں ھبر ءَ ￴پوہ بیت کِہ چون وت ءَ ￴را پہ ھما اشک ءِ ￵راہ ءَ ￴کولیگ بکنت ءُ ￶ بُلند جان ھمے داب ءَ ￴اَت کِہ آئی ءَ پہ زمین وتی کسانیں بالاد ھم نہ چار اِت کِہ من انگت کساناں ءُ ￶ زمین تھنا منی نہ اِنت درستانی اِنت گڑا من چی ءَ ءُ پرچا وتی واھشتاں گُٹگیر بِہ کناں!! ھمے کمال اَت سربُلند ءِ کِہ آئی ءَ دِگرانی مِرَگ ءِ ￵ ودار نہ کُت ءُ ￶ پھر ئِے ￵نہ بست کِہ پلان مردُم منی وتی بوتگ ءُ ￶ پہ زمین شیدا بوتگ بلکیں آئی ءَ وتی جِند نْدر کُت ءُ ￶باور دیائینت مارا کِہ کُربانی چہ انسان ءِ ￵جِند ءَ ￴بِنا بیت ۔ شُما کربان مہ بَہ اِت من پہ شُما کُربان باں، واکی ھمے وڑ بوت۔ آئی ءَ وت ءَ کُربان کُت ءُ ￶راجدپتراں نمیران بوت۔

داں بُرز ءَ ￴استالے چم اِیت تو زِندگ ئے۔

روکپتی بلوچستان ءَ یک بسے ءِ کپگ ءَ یازدہ مردم بیران بیتگ انت ءُ ھپت ٹپی بیتگ اَنت-

گیشین اھوالانی رد ءَ چہ کرمان ءَ دراتکگیں بس روکپتی بلوچستان ءِ دمگ ایرانشھر ءَ چپ بیتگ ءُ اود ءَ ھاتم ایرانشھر نادراہ جاہ ءِ رد ءَ بیران بیتگیں مردمانی کساس یازدہ ءَ سر بیتگ اَنت-

ھسپتال ءِ رد ءَ دگہ ھپت مردم کہ ٹپی اَنت ءُ ایشانی جاور ھم ناگیگ اَنت ءُ ھترہ ءِ واڑ ءِ توک ءَ اَنت –

وئیل گوستگیں شپ ءِ ساھت سَے ءُ نیم ءَ ایرانشھر ءِ ھند دنشگاہ ولایت ءَ پیش اتکگ کہ ھما جاہ ءَ دو مردم بیران بیتگ انت ءُ پد ءَ نادراہ جاہ ءِ سر بوگ ءَ بیرانیانی کساس یازدہ ءَ سر بیتگ اَنت ءُ ھپت کسانی جاور ناگیگ گوشگ بوگ ءَ اِنت-

سیستان ءُ بلوچستان ءِ دگ ھونی جوڑ بیتگ انت کہ اود ءَ ھمک روچ بازیں کچے ءَ مردم دگ ءِ وئیلانی سبب ءَ مرگ ءِ آماچ بوگ ءَ اَنت- گوستگیں شپ ءَ پیش اتکگیں وئیل ءِ سبب دگ ءِ چپ ءُ چوٹی گوشگ بوگ ءَ اِنت-

روکپتی بلوچستان ءِ دو جتا جتائیں جاھاں تیرگواری ءُ تُن ءِ سبب ءَ پیش اتکگیں وئیلاں یک زھگے ءَ ھوار سَے مردم بیران بیتگ اَنت-

اھوالانی رد ءَ روکپتی بلوچستان ءِ دمگ مھراستان ءَ یک آروسی دیوانے ءَ شاتکامی تیرگواری ءَ یک زھگے بیران بیتگ-

بیران بیتگیں زھگ ءِ پجار اویس قادری ء عبدالوحید جھمنند ایرکشان مھراستان ءِ نام ءَ زانگ بیتگ-

ھمے ڈول ءَ چہ زاھدان ءَ درکپتگیں دیم پہ تبس ءِ نیمگ ءَ روکیں دو مردم گاڑی ءِ ھرابی ءِ سبب ءَ تُن ءَ جتگ ءُ بیران بیتگ اَنت-

بیران بیتگیں مردمانی پجار مھمد گوس توتازئی ء ھبیب الرھمان ءُ عبداللہ توتازئی ء کریم جھمنند چاپ رھمان زاھدان ءِ ناماں زانگ بیتگ انت-

اھولانی رد ءَ اے مردم گوستگیں روچ ءَ چہ زاھدان ءَ دیم پہ مشھد ءِ نیمگ ءَ تبس ءَ درکپتگ اَنت ءُ اود ءَ آیانی گاڑی ھراب بیتگ ءُ چریشی ءِ سبب ءَ ھردوک بیران بیتگ اَنت-

اھوالانی رد ءَ آیاں وتی سیاد ءُ وارس ھال داتگ اَنت کہ مئے گاڑی ھراب اِنت بلے آیانی رسگ ءَ پیش زیادگیں گرم ءِ سبب ءَ آیاں وتی ساہ داتگ انت-

روکپتی بلوچستان ءِ بنجاھی شھر زاھدان ءَ ناشناسیں مردماں یک چاردہ سالی ئیں جنکے آوار جنگ ءَ پد گون وت برتگ –

اے پشمبے ءِ روچ ءَ پیش اتکگ کہ اود ءَ دانشجو زاھدان ءَ یک چاردہ سالی ئیں جنکے اَش گاڑی ءَ کَش اتگ ءُ گون وت برتگ-

روکپتی بلوچستان ءَ پارسی زبان ءَ ھال شنگ کنوکیں نیوز جاہ رسانک ءِ رد ءَ پارسی زبان ءَ گپ کنوک ءُ بلوچی پوشاکاں ناشناسیں مردماں زاھدان ءَ زورانسری یک جنکے گاڑی ءَ کش اتگ ءُ برتگ-

آئی ءَ دیم ءَ گیش نبشتگ جنک ءِ پجار ستایش جعفری ء مجید جھمنند زاھدان ءِ کہ آ وتی مات ءُ ناکو ءِ ھمراھی ءُ سپر مارکیٹے ءَ شتگ اَنت کہ اود ءَ برگ بیتگ-

گیش نبشتگ کہ ناشناساں برگ ءِ برگ ءِ وھد ءَ جنک ءِ مات ءِ سر ءَ کارچ داشتگ ءُ آئی ءِ جنکیں چُک برتگ –

گیش نبشتگ جنک ءِ وتی یل کنگ ءِ کمک لوٹگ ءِ جھد گڑا آیاں توپک پیش داشتگ ءُ گوشتگ اگاں شور کت کُشگ بہ ئے-

زانگ بہ بیت روکپتی بلوچستان ءَ چِد ءُ پیش اے دابیں وئیل کم رپورٹ بیتگ انت ءُ اے وئیل ءِ درگت ءَ دگہ گپ دیم ءَ نیتکگ اَنت ءُ نانکہ آوار جنوک زانگ بیتگ اَنت-

بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءِ تہ ءَ ٹمبر ماپیا ءَ را بیھار داتگ کہ آ جنگلانی ھلاس کنگ ءَ بند بہ کن انت یا ایشانی ھلاپ ءَ ترندیں گامگیجے ءِ دیمپان بہ اَنت۔ جنگلات ءِ گُڈگ ءَ ھواریں مردماں بی ایل ایف ءِ نیمگ ءَ دزگیری، مزنیں جرمانگ ءُ مالی ءُ جانی تاوان ءِ آماچ بوت کن انت۔

جارکش ءَ گوشتگ جاڑی اَمل ءِ سر ءَ لھتیں وھد ءَ چہ نزیکی ءَ چہ نگرانی کنگ بوتگ ءُ اے کار ءِ پُشت ءَ ھواریں درستیں مردم، دری ٹھیکیدار ءُ دور ءُ دری مردمانی پجار کنگ بوتگ انت۔ بی ایل ایف ءَ باز رند ءَ اے گپ پدّر کرتگ کہ اے گل بلوچستان ءِ مڈیانی لُٹ ءُ پُل کنگ، پیش (مُزری) ءِ مزن کچ ءَ کاروباری کارمرز کنگ ءُ جنگلی زند ءِ شکار کنگ ءَ موکل نہ دنت وتی جند ءِ کاراں زوت بند کن اِت-

جارکش ءَ گوشتگ راج ءِ شکایتانی سر ءَ سرپدی رس اتگ کہ لھتے مردم کُنچتی، بشولی، کوھک، کڈان ءَ بگر داں میدانی دمگ جان محمد بازار ءَ جنگلاں مزنیں کچے ءَ کشگ ءَ اَنت۔ درچک ءِ گڈگ ءِ ھاتر ءَ دری مردمانی ٹھیکیداراں گوں سودا کنگ بوگ ءَ انت۔ بلوچستان ءِ جنگل راجی میراس انت یک مردمے یا یک ٹَکّے ءِ میراس نہ انت آ اے جنگلانی یک تاکے ءِ ھم پہ سوداگری کنگ ءَ نہ دنت۔ ھما مردم کہ بلوچستان ءَ یلہ داتگیں مردم لیک اَنت ءُ اے ردیں کار ءَ ’بزنس‘ جوڑ کتگ، اے گپ ءَ شموشکار مہ بنت کہ بلوچ راجی نپانی پَھریزوک ادارہ ھست اَنت۔

جارکش ءَ گوشتگ بی ایل ایف بلوچ راج ءِ ھما تاکت اِنت کہ پہ بلوچ راجی نپاں راجمانی واھشتانی ھساب ءَ کارمرد کنگ بیت ءُ ما نہ لوٹ ایں کہ اے راجی تاکت چہ اسل دژمن ءَ دگہ جاگہ ​​ءَ کارمرد کنگ بہ بیت یا بھر ءُ بانگ کنگ بہ بیت پمیشکا چہ کُل سرپدیں مردماں دزبندی کتگ کہ آ بلوچستان ءِ جنگل، جنگلی زندمان ءُ چاگرد ءِ رکّینگ ءِ واست ءَ یک توارے بہ بیت دانکہ ایشی ءِ گر ءُ دار ءَ مارا زور ءِ کارمرز کنگ ءِ زلورت مہ بیت۔

جارکش ءَ گوشتگ موسمیاتی بدلی سرجمیں دنیا ءِ ھاتر ءَ یک چیلنجے ءِ بستار ءَ ھست اِنت۔ بلوچستان ءَ ایشی ءِ زاھریں سان ھر سال ءِ ھورانی تہ ءَ سیلاب ءِ دروشم ءَ گندگ ءَ کیت، جنگلانی ھلاس کنگ ءِ آسر ءَ جاور ھراب تر بنت۔ بلدکاریں ءُ موسمیاتی بدلی ءِ چاروک گندگ ءَ انت کہ بلوچستان ءَ درچک کشت ءُ کشار ءَ مزنیں کمی یے اتکگ۔ پاکستان آرمی بلوچستان ءَ جنگلانی سُوچگ ءَ ھم دست مان اِنت ءُ ھما کرّمانی مستریں اسپانسر اِنت کہ جنگلانی کشّگ ءَ گوں ھمگرنچ اَنت۔

جارکش ءَ گوشتگ بلوچ لس مھلوک ءَ موسمی بدلی ءَ ھوار ھمک پڑ ءَ وتی جنگ کنگی اِنت۔ مارا درچک ءِ مزن کچ ءَ گُڈّگ ءِ بدل ءَ درچک کِشّگ ءِ زلورت انت، بلوچستان ءِ بنجاھی ادارہ ءُ مہھوک ھم چاگرد ءُ جنگلی زند ءِ رکینگ ءِ ھاتر ءَ اے کمپین ءَ ھمراہ داری بہ کن انت۔

میجر گوھرام بلوچ ءَ گوشتگ اے ماپیا ءِ گڈی سرپدی بیھار اِنت کہ جنگلانی ھلاس کنگ ءَ زوت بند بہ کنت اگاں ناں آ وتی مالی ءُ جانی تاوان ءِ زمہ وار وت بہ بنت-