TBP Balochi

بلوچ یکجھتی کمیٹی ءِ راھشون سمی دین بلوچ ءَ کراچی پریس کلب پریس کانفرنس کنان ءَ گْوشتگ کہ وھدے کہ یک بلوچے شمئے دیم ءَ پریس کانفرنس کنگ ءَ کاینت، گُڑا شمارا پیسر ءَ چہ سرپدی بیت یکرندے پد ءَ بے میاریں بلوچے زورانسری آوار جنی ءِ نشانگ کنگ بیتگ- بلوچستان ءِ جاور ھمے وڑ ءَ اَنت اد ءَ یکروچے ھم چُشیں نہ گوز اِیت یک بلوچے زورانسری آوار جنی ءِ نشانگ کنگ نہ بیت- مروچی ھم ما یک دردناکیں وئیلے شمئے دیم ءَ ایر کنگ ءَ اَتکگ ایں شمئے نیمگ ءَ چہ مئے توار بُرز واکدار ءُ جھان ءَ تاں سر بہ بیت-

آئی ءَ گْوشتگ کہ بلوچستان ءَ زورانسری آوار جنیانی درچ گوستگیں دو دھک ءَ چہ برجاہ ءَ اِنت، بلے نو اے زُلم بلوچستان ءِ ھاک ءَ چہ درتکگ سندھ، پنجاب ءُ وفاقی دمگاں تاں سر بیتگ- کراچی، اسلام آباد ءُ پنجاب ءِ دگہ شھراں چہ بلوچ نودربر زورانسری آوار جنی درستانی دیم ءَ اَنت-

آئی ءَ گوشتگ کہ گوستگیں شپ ءَ کساس ساھت یک ءَ لھتے چیریں ادارھانی مردم کراچی مسکن ءَ یک فلیٹے ءَ بیڑبرتگ اود ءَ وانگ ءَ ھاتر ءَ جھمنندیں چار بلوچ نودربر آوار جتگ ءُ زورانسری بیگواہ کتگ اَنت – اشانی تہ ءَ دو نودربر پیسر ءَ ھم اے وڑ زورانسری آوار جنی ءِ نشانگ کنگ بیتگ اَنت ءُ ھمے وڑ پیسر ھم دو نودربر پوج ءِ کارمنداں آوار جتگ اَنت مارا ستک اِنت اے رند ءَ ھم اے مردم پوج ءِ چیریں ادارھاں آوار جتگ ءُ بیگواہ کتگ اَنت-

آئی ءَ گْوشتگ کہ زورانسری آوار جنی ءِ نشانگ بیتگیں چار نودربر پجّار کنان ءَ گْوشتگ کہ گمشاد ء غنی ( ایم فل پڑ فلسفہ ، کراچی شھدربرجاہ ) ، دودا الھی ء الھی ( ششمی سمسٹر پڑ میان اسمتانی سیادی، کراچی شھدربرجاہ) مزمل ء عبدالغفار ششمی سمسٹر ، پڑ فلسفہ، کراچی شھدربرجاہ) معراج ء گمشاد ( کہ کراچی شھدربرجاہ انوگ ءَ گریجویٹ، ایم فل ءَ داخلہ ءِ واھشت مند بیتگ اشی ءَ اَبید دگہ یک ورنایے اسماعیل ء ابراھیم کہ بلوچستان ءِ جھمنند اِنت ءُ دبئی کار ءُ روزگار ءَ پد کراچی ءَ اَتکگ کہ اش ھم یکیں وھد ءَ چہ حسن اسکوائر ءَ زورانسری بیگواہ کتگ-

آئی ءِ گْوشگ اِنت کہ اے سرجمیں نودربر بلوچستان ءِ دیر دیریں دمگاں چہ سیادی دار اَنت ءُ وتی وانگ ھاتر ءَ کراچی ءَ جھمنند بیتگ اَنت – اشاں چہ دودا الھی ءُ گمشاد غنی پیسر ءَ ھم زورانسری آوار جنی ءِ نشانگ کنگ بیتگ اَنت ءُ نو یکرندے پد ءَ اے زُلم کتگ-

آئی ءَ گْوشتگ کہ ما سرجمیں نودربراں ءُ اسماعیل ء ابراھیم ءِ زوت ءُ سلامتی یل کنائینگ ءِ لوٹ ءَ کن ایں – مزن واکداراں چہ دزبندی کن ایں کہ زوت ءَ چہ زوت یل کنگ نہ بنت- اگاں آؤکیں دو روچانی تہ ءَ ورنا یل کنگ نہ بیت اَنت گُڑا ما وتی تُرندیں زھرشانی ءِ جار جنگ ءَ لاچار بہ ایں-

 (Weep not child) گریوگ پہ تو ایب اِنت

نبشتہ کار: گوگی وتیانگو

￵بلوچی رجانک: ساھر اسھاک

چمشانک: کادر ھسرت

دی بلوچستان پوسٹ

اے ساھت ءَ ￴من گوگی وتیانگو ءِ گدار (weep not child گریوگ پہ تو ایب اِنت) ونتگ ءُ ￶ھلاس کُتگ۔ نوں نبشتہ کار ءَ ￴من ءَ ￴جیڑگے ءَ ￴پرماتگ کہ من اے کتاب ءِ ￵بارو ءَ ￴چے نبشتہ بہ کن آن ءُ ￶چے بہ گْوش آں“ چی ءَ ￴کہ اے گدار ءِ ￵وانگ ءَ ￴من ءَ ￴گرانیں جیڑگے ءَ ￴دَور دات” چوناھا اے گدار 1950 ءَ ￴بہ گِر داں 1960 ءِ ￵کینیا ءِ ￵جاورانی سر ءَ ￴نبشتہ کنگ بوتگ کہ چوں اسپیت پوست سیاہ پوستاں ایردست کن اَنت ءُ ￶پد ءَ ￴چوں اود ءِ ￵مردمانی زمیناں پچ گِر اَنت پد ءَ ￴آیاں وتی گُلام جوڑ کن اَنت آیانی جند ءِ ￵زمین ءِ ￵سر ءَ ￴ھاکمی کن اَنت ءُ ￶پد ءَ ￴چوں اود ءِ ￵مردم پہ وتی سرڈگار ءِ ￵رکینگ ءِ ￵ھاتر ءَ ￴سِلاہ بند جوڑ بنت۔

گوگی ￴اے گِدار ءَ ھما وھد ءَ ￴نبشتہ کنت کہ اے جاوراں چم ءِ ￵وت گند ایت کہ اسپیت پوست بزاں کہ انگریز آیانی ڈیھ ءِ ￵تہ ءَ ￴چنکدر زوراکی کنگ ءَ ￴اَنت مئے مردماں جنگ ءُ ￶کُشگ ءَ ￴اَنت ، گار ءُ ￶بیگواہ کنگ ءَ ￴اَنت مئے مات ءُ ￶گْوھاراں کم شرپ کنگ ءَ ￴اَنت ءُ پد ءَ ￴مئے زمیناں ھم پچگرگ ءَ ￴اَنت مئے مردماں انچو مجبور کنگ ءَ ￴اَنت کہ پہ وتی ھک ءِ ￵ھاتر ءَ ￴سلاہ بند جوڑ بوگ ءَ ￴اَنت ، گڑا ھمے جاورانی سبب ءَ ￴گوگی ھمے گدار ءَ ￴نبشتہ کنت۔

تو اگاں اے کتاب ءَ ￴وان ئے گڑا ترا سما کپ ایت کہ اے گدار تھنا کینیا ءِ ￵جاورانی سر ءَ ￴نبشتہ کنگ نہ بوتگ بلکیں بلوچستان ءِ ￵ھستیں وھد ءِ جاورانی سر ءَ ￴نبشتہ کنگ بوتگ چی ءَ ￴کہ تو اگاں کینیا ءِ ￵گْوستانک ءَ ￴بچار ئے گڑا تو بلوچستان ءِ ￵ھستیں وھد ءِ ￵ترانگ ءَ ￴کپ ئے بلوچستان ھم چہ کینیا ءَ ￴جاوراں جُتا نہ اِنت ءُ نہ سستگ پمیشکا کینیا ءِ ￵اے کسہ بلوچستان ءِ انوگیں جاوراں گوں ￴نزیکی کنت۔ مرچی بلوچانی ھم ھما ھال اِنت کہ گوں کینیا ءِ ￵مھلوک ءَ ￴بوتگ۔ اسپیت پوستانی وڑ ءَ ￴پنجاپی سامراج ءَ ￴ھم بلوچانی ڈیھ لُٹ ءُ ￶پُل کُتگ اَنت روچ ءِ ￵مرچی ھم بلوچانی زمین اِش وتی کُتگ اَنت بلوچانی سر ءَ ￴زُلم ءُ ￶جبر کنگ ءَ ￴اَنت زھگ ءُ ￶زالبول بیگواہ کنگ بوگ ءَ ￴اَنت۔ اے کبزہ گیری ءَ بلوچانی راجی زُبان ھم تاوان داتگ کہ بلوچانی جند ءِ ￵راجی زُبان ھم ماں وانگجاھاں وانینگ بوگ ءَ ￴نہ اِنت۔ انچو کہ کینیا ءِ جند ءِ ￵مردمانی تہ ءَ ￴دلار بوتگ ھمے رنگ ءَ ￴بلوچانی تہ ءَ ￴ھم دلار ھست اِنت-

نگوتو گْوش ایت“.منی پِت ءِ ￵سرڈگار چہ آئی ءَ ￴پچگرگ بوتگ اَت۔آ گوں ھمے ودار ءَ ￴مُرت کہ بلکیں روچے ناں روچے اسپیت پوست وتی راہ ءَ ￴گِر اَنت ءُ ￶رو اَنت۔بلے چُش نہ بوت۔اسپیت پوست انگت ھمد ءَ ￴اِت اَنت، منی پِت ءَ ￴وتی زمین ءِ ￵سر ءَ ￴پہ درآمدیں اسپیت پوستاں کار کُت ءُ ￶مُرت ءُ ￶شُت مرچی من ھم وتی زمین ءِ ￵سر ءَ ￴پہ دگراں کار ءُ ￶ھزمت کنگ ءَ ￴آں۔“ تو ھولینڈ ءِ ￵ڈگارانی ھبر ءَ ￴ئے؟“ نگوتو ءِ ￵مستریں بچک بورو ءَ ￴جُست کُت۔ ھو ھمے زمین اِنت۔“ نگوتو ءَ ￴پسہ دات“ یک روچے کیت اے زمین پد ءَ ￴مئے زمین بیت۔ من ھما روچ ءِ ￵ودار ءَ ￴اد ءَ ￴کار ءَ ￴آں۔“ گڑا“ تئی ھیال ءَ ￴آ روچ کیت؟“ نگوتو ءِ ￵دومی بچک ￴کوری ءَ ￴جُست کُت۔ من نہ زان آں۔ بلکیں منی زندگی ءَ چُش مہ بیت۔ دریگتیں انچش بوتیں۔“ بورو یک کِرے ءَ ￴نشت ءُ ￶ھمے زمین ءِ ￵بابت ءَ ￴جیڑگ ءَ ￴اَت کہ انگریزانی دست اَت۔

اد ءَ ￴ھم نگوتو ءِ ￵درد چکاریں دانک گوں بلوچاں سیادی کن اَنت چی ءَ ￴کہ نگوتو ءِ ￵ڈگارانی وڑ ءَ ￴مئے ھم بازیں ڈگارے زورگیر ءَ ￴کبزہ کُتگ ءُ ￶روچ ءِ ￵مرچی ھم آ ڈگارانی سر ءَ ￴وتواجھی کنگ ءَ ￴اَنت۔ مئے رپتگیں کماشاں ھم ھمے واھشت دل ءَ ￴داشتگ اَت کہ روچے ناں روچے ما وتی زمین ءِ ￵سر ءَ ￴وت واجھی کن ایں آ ھمے واھشتاں گوں ھاکاں ھوار بوت اَنت بَلے ایمنی ءُ ￶آجوئی نیاتک۔ ما ھم چو بورو ءَ ￴برے برے کہ وتی زمینانی کِر ءَ ￴نند ایں ما ھم دل ءَ ھمے جیڑ ایں کہ کد ایمنی ءُ ￶آجوئی مئے نسیب ءَ ￴بیت۔

چہ کراچی ءَ پاکستانی پورسز ءَ نیشنل ڈیموکریٹک پاٹی ءِ بنجاھی رھشون ءَ ھوار پنچ مردم آوار جتگ انت-

بیگواہ بیتگیں مردمانی توک ءَ این ڈی پی ءِ سینٹرل کمیٹی ءِ باسک مھراج شاد ، دودا الاھی، گمشاد ، مزمل بلوچ ءُ اسماعیل ابراھیم ھوار اَنت-

اے مردم گوستگیں شپ ءِ ساھت یک ءَ کراچی ءِ دمگ ھسن اسکوائر ءَ آوار جنگ ءُ بیگواہ کنگ بیتگ اَنت-

ایشانی توک ءَ دودا الاھی کیچ ءِ دمگ بلنگور، گمشاد مند، مزمل پسنی، مھراج کیچ آبسر ءُ اسماعیل ابراھیم مند ءِ ناماں زانگ بیتگ اَنت-

ایشانی توک ءَ چار نودربر اَنت کہ کراچی ءَ وانگ ءَ بیتگ اَنت ءُ اسماعیل درملک ءَ بیتگ ءُ چٹیاں وتی ھند ءَ بوگ ءَ پد کراچی ءَ جاندراھی ءِ ھاتر ءَ شتگ بیتگ-

زانگ بہ بیت بیگواہ کنگ بیتگیں مردمانی توک ءَ دودا الاھی ءُ گمشاد ایشی ءَ پیش اولی رند ءَ جون دوھزار ءُ بیست ءُ دو ءَ کراچی ءِ گند مسکن چورنگی ءَ آوار جنگ بیتگ ات اَنت پد ءَ چاردہ جون ءَ یل کنگ بیتگ اَنت ءُ یک رندے پد ءَ بیگواہ کنگ بیتگ اَنت-

بلوچستان ءِ دمگ چہ کیچ ءُ ھب چوکی ءَ پاکستانی پوج ءَ بازیں مردمے آوار جنگ ءَ پد بیگواہ کتگ اَنت-

گیشیں ھالانی رِد ءَ کیچ ءِ دمگ تمپ بالیچہ ءِ ھند سر ءَ مروچی سھب ءَ تُرندیں تراکے ءِ توار اش کنگ بیتگ چریشی ءَ پد پوج ءَ دمگ انگر ءَ کتگ-

تنی وھدے بیگواہ کنگ بیتگینانی تہ ءَ یک مردمے ءِ پجّار ماسٹر استاد داؤد نام ءَ چہ بیتگ- دمگی اِھوالکار رِد ءَ اے میان ءَ پوج ءَ بازیں مردمے آوار جتگ کہ آیانی پجّار انگت نہ بیتگ-

ھمے وڑ چہ ھب چوکی ءَ ھال اِنت کہ گوستگیں روچ ءَ بیگاہ ءِ وھد ءَ چہ ھب چوکی ءَ تربت ڈنڈار ءِ جھمنند وسیم بلوچ ء مراد بخش پاکستانی پوج ءَ آوار جتگ ءُ بیگواہ کتگ – چریشی ءَ پد آ بیگواہ ءَ اِنت-

ھمے وڑ چہ ناسر آباد ءَ ھم ھال اِنت کہ گوستگیں شپ ءَ پوج ءَ سراج ء رحیم بخش نام ءَ چہ بیتگ-

بلوچستان ءِ دمگ کلات ءَ پاکستانی لشکر ءَ سَے برات دزگیر کتگ ءُ بیگواہ کتگ اَنت- کھول ءَ زورانسری بیگواھی ءِ ھلاپ ءَ کراچی شال ءِ بنجاھی شھدگ بند کتگ-

گیشین اھوالانی رد ءَ گوستگیں شپ ءِ ساھت سَے ءَ پاکستانی پوج ءَ کلات ءِ ھند منگچر ءَ بیڑ برتگ ءُ سَے مردم دزگیر کتگ ءُ پد ءَ گون وت برتگ اَنت-

بیگواہ کنگ بیتگیں سئیں براتانی پجار مرید اھمد، ارشاد اھمد ءُ مھبوب اھمد ء مھمد اسماعیل لانگو ءِ ناماں زانگ بیتگ اَنت-

کھول ءَ سَے براتانی بیگواھی ءِ ھلاپ ءَ زھرشانی نندانک داتگ ءُ کراچی ءُ شال ءِ شھدگ منگچر ءِ ھند ءَ ھر وڑیں روگ ءُ روانی ءِ واستا بند کتگ-

کھول ءِ گوشگ اِنت کہ آیانی مردم یل کنگ بہ بنت اگاں ناں زھرشانی برجاہ بیت اِنت-

کیچ ءِ دمگ تمپ ءُ عبدوئی ءَ دو لاش دزکپتگ اَنت-

تمپ ءِ دمگ میر آباد دگ ءِ سر ءَ کرولا گاڑی ءِ توک ءَ یک لاشے دزکپتگ اَنت- انتزامیہ ءَ لاش چِست کتگ ءُ پٹ ءُ پول بندات کتگ –

ھمے وڑ عبدوئی سیمسر ءَ یکشمبے ءِ بیگاہ ءَ یک مردمے ءِ لاش دزکپتگ کہ آئی ءَ تیرانی پِر بیتگ اَنت-

داں انگت ءَ ھردوکیں لاشانی پجار نہ بیتگ اَنت-

زانگ بہ بیت لھتے روچ پیش بلیدہ گلی ءَ بیگواھیں مردمانی یل کنائینگ ءَ جد ءُ جھد کنوکیں نوید نامیں ورنایے لاش گاڑی ءِ توک ءَ دزکپتگ-

بلوچستان ءَ سارتی گیش مستونگ ءَ ھوار وڈاں آپ بد اتگ انت-

مھکمہ موسمیات ءِ رد ءَ مستونگ ءِ گوریچانی ءُ برزیں جاھاں گواتانی کَشگ ءَ موسم سارت بیتگ-

مھکمہ موسمیات ءِ رد ءَ مستونگ ءَ گرم منفی سَے ءَ شتگ-

مھکمہ موسمیات ءِ رد ءَ سکیں سارتی ءِ سبب ءَ گیتلی ءُ دنزانی سبب ءَ زند ءِ پِڑ سانمند بیتگ اَنت-

کلات ءِ شھر ءُ کش ءُ گوری ھنداں سارتیں گوات کشگ ءَ اَنت-

کلات ءَ ترندیں سارتی ءَ گیس ءِ نہ بوگ ءُ بجلیانی بندش ءِ سبب ءَ زند ءِ تب ءُ تک سانمند بیتگ اَنت-

بنجاھی شھر زاھدان ءَ ایرانی لشکر ءَ یک مردمے دزگیر کنگ ءَ پد گون وت برتگ-

گیشیں اھوالانی رد ءَ زاھدان ءِ ھند قاسم آباد ءَ ایرانی چیریں ادارھانی لشکر اطلاعات ءَ یک مردمے آوار جنگ ءَ پد بیگواہ کتگ-

بیگواہ کنگ بیتگیں مردم ءِ پجار وھید شاہ بخش ء خان مھمد ءِ نام ءَ زانگ بیتگ-

اھوالانی رد ءَ وھید گوستگیں روچ ءِ سھب ءِ ساھت نُھ ءَ چہ گِس ءَ درکپتگ ءُ وتی نَپتانی گرگ ءَ شتگ ءُ اود ءَ چہ پد آ بیگواہ انت ءُ آئی ءِ رھوتی نمبر ھم بند اَنت-

روکپتی بلوچستان ءِ بنجاھی شھر زاھدان ءَ ھوار سرباز ءَ پیش اتکگیں تیرگواری وئیلاں سَے مردم بیران بیتگ اَنت-

گیشیں اھوالانی رد ءَ زاھدان ءِ ھند رزمجو ءَ ناشناسیں مردماں تیرگواری کرتگ ءُ یک مردمے کُشتگ-

کُشگ بیتگیں مردم ءِ پجار فرامرز براھوئی ء عیسیٰ ءِ نام ءَ زانگ بیتگ کہ آ زاھدان ءِ جھمنند اِنت-

ھمے وڑ ءَ سربار ءَ ناشناسیں مردماں تیرگواری کنان ءَ دو برات کشتگ اَنت-

کُشگ بیتگیں مردمانی پجار یونس میر بلوچزئی ءُ وھید میر بلوچزئی کہ ھردوک فقیر مھمد ءِ چک اَنت کلات سرباز ءِ جھمنند اَنت-

پیش اتکگیں وئیلانی سبب زانگ نہ بیتگ اَنت نانکہ واکدارانی نیمگ ءَ اے درگت ءَ دگہ گپ گوشگ بیتگ اَنت-

بلوچستان ءِ دمگ چمن ءَ ھوار جتاجتائیں دمگاں مزنیں کچے ءَ چک سُھروک ءِ نادُراھی ءِ آماچ بیتگ اَنت-

سروک ایمرجنسی رسپانس ٹولی علی اچکوئی ءَ گْوشتگ کہ سُھروک ءَ چہ اسرمند بیتگیں دمگاں کمکی ٹولی دیم داتگ-

آئی ءَ گْوشتگ کہ اسرمندیں چکانی الاج ھاتر ءَ مُپت ءَ میڈیکل گدان جتگ – علی اچکزئی ءِ گوشگ اِنت کہ روغانی ون ءُ ٹو ءَ چار چک سُھروک ءَ چہ بیران بیتگ اَنت- آیاں گوشتگ کہ اسرمندیں چکانی پتاں پھازی ٹُک ءَ جنگ انکار کتگ اِت-