زاھدان، سرباز تیرگواری وئیلاں دو براتاں ھوار سَے کس بیران

روکپتی بلوچستان ءِ بنجاھی شھر زاھدان ءَ ھوار سرباز ءَ پیش اتکگیں تیرگواری وئیلاں سَے مردم بیران بیتگ اَنت-

گیشیں اھوالانی رد ءَ زاھدان ءِ ھند رزمجو ءَ ناشناسیں مردماں تیرگواری کرتگ ءُ یک مردمے کُشتگ-

کُشگ بیتگیں مردم ءِ پجار فرامرز براھوئی ء عیسیٰ ءِ نام ءَ زانگ بیتگ کہ آ زاھدان ءِ جھمنند اِنت-

ھمے وڑ ءَ سربار ءَ ناشناسیں مردماں تیرگواری کنان ءَ دو برات کشتگ اَنت-

کُشگ بیتگیں مردمانی پجار یونس میر بلوچزئی ءُ وھید میر بلوچزئی کہ ھردوک فقیر مھمد ءِ چک اَنت کلات سرباز ءِ جھمنند اَنت-

پیش اتکگیں وئیلانی سبب زانگ نہ بیتگ اَنت نانکہ واکدارانی نیمگ ءَ اے درگت ءَ دگہ گپ گوشگ بیتگ اَنت-