بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں ھمے ھپتگ ءَ بلوچستان ءِ جتا جتائیں دمگاں زورگیریں پاکستانی لشکر ءُ آئی ءِ چیردستی ءَ ھستیں ”ڈیتھ اسکواڈ“ ءِ سر ءَ بازیں مھکم ءُ ھترناکیں اُرشاں نشانگ جوڑ کتگ ءُ بازیں کساسے ءَ جانی ءُ مالی تاوان داتگ انت۔ اے کارروائیانی تہ ءَ زورگیریں لشکر ءُ ڈیتھ اسکواڈ ءِ 43 کارندہ مرتگ ءُ بازیں ٹپیگ بوتگ اَنت ءُ مزنیں شاھدگانی سر ءَ ”زرکاری بندش“ ءِ چیر دستی ءَ سرمچارانی مھکمیں کنٹرول برجاہ اِنت۔ اُرشانی وھد ءَ پھل ءُ دگہ فوجی ءُ بند ءُ ساچی شرکت ھم تباہ کنگ بوتگ اَنت۔ جتا جتائیں جنگانی میان ءَ بوتگیں جنگ ءُ چوپاں بی ایل اے ءِ 10 سرمچار نمیران بیتگ انت-
جارکش ءَ گوشتگ 7 ستمبر ءَ سرمچاراں بسیمہ ءَ سی پیک ءِ راہ 5 کلاک ءَ سرجم ءَ بند کنان ءَ اسنیپ چیکنگ کتگ۔ ھمے وھد ءِ تہ ءَ گوں زورگیریں پاکستانی لشکر ءَ ترندیں جنگ ءَ دژمن ءِ 5 کارندہ مرتگ ءُ بازینے ٹپیگ بوتگ اَنت ءُ بی ایل اے ءِ 3 سرمچار سنگت عزیز احمد سمالانی پنام ءِ جھانزیب، سنگت عباد اللہ زہری پنام ءِ ثاقب ءُ سنگت عدنان سمالانی پنام ءِ ساہ روت نمیران بوتگ اَنت۔
جارکش ءَ گوشتگ 8 ستمبر ءَ خاران ءِ دمگ نوروز کلات ءِ مزن شھدگ ءِ سر ءَ سرمچاراں زورگیریں پاکستانی لشکر ءِ کاروان ءِ سر بستگ ءُ نشانگ جوڑ کتگ ءُ ایشی ءِ آسر ءَ زورگیریں لشکر ءِ کم چہ کم 4 کارندہ مرتگ ءُ ٹپیگ بوتگ اَنت۔ دومی نیمگ ءَ پنجگور ءِ دمگ پروم ءَ سرمچاراں زورگیریں پاکستانی لشکر ءِ واستا سامان ءِ سپلائی کنوکیں گاڑی سوتکگ ءُ دگہ گاڑی یے دستیگ کتگ۔ دیمترا سرمچاراں پنجگور ءِ دمگ چیدگی ءَ ماشکیل کور ءَ زورگیریں لشکر ءِ نیمگ ءَ ایر کتگیں جاسوسی کیمرہ تباہ کتگ اَنت۔
جارکش ءَ گوشتگ 9 ستمبر ءَ پنجگور ءِ دمگ چیداگی ءَ سرمچاراں 2 کلاک ءَ گیش تجارتی راہ بند کنان ءَ اسنیپ چیکنگ برجاہ داشتگ۔
جارکش ءَ گوشتگ 10 ستمبر ءَ شال تاں تپتان تجارتی راہ چاگی ءِ دمت چھتر ءَ سرمچاراں ناکہ بندی کتگ ءُ 2 تجارتی گاڑی گپتگ انت۔ چھتر ءِ دمگ ءَ سرمچاراں گوں تراک ءَ یک پُھلے تباہ کتگ ءُ دیم ءَ آیوکیں زورگیریں لشکر ءِ سر ءَ اُرش کتگ ءُ مزنیں تاوانے داتگ۔ ھمے روچ ءَ تمپ ءَ سرمچاراں زورگیریں لشکر ءِ جاسوسی کواڈ کاپٹر ءِ سر ءَ تیرگواری کتگ ءُ دور داتگ۔
جارکش ءَ گوشتگ 11 ستمبر ءَ سورب ءِ دمگ گدر ’ٹوبو‘ ءَ سرمچاراں زورگیریں پاکستانی لشکر ءِ کاروان ءِ سر ءَ اُرش کُتگ۔ زورگیریً فوج ءِ 2 گاڑی تچک ءَ اُرش ءِ زد ءَ اتکگ انت کہ ایشانی تہ ءَ یکے سرجم ءَ ناکارہ بوتگ ءُ 6 کارندہ جاہ پہ جاہ ءَ مرتگ انت۔ بزدلیں دژمن ءَ وتی مرتگیں بوتگیں کارندھانی لاشاں یلہ داتگ ءُ تچگ ءَ لاچار بوتگ۔ دومی نیمگ ءَ زورگیریں لشکر رودینی کراس ءَ دگہ اُرشے ءَ نشانگ جوڑ کنگ بوتگ وھدے کہ آ دمگ ءَ دیم ءَ روگ ءِ جھد ءَ بوتگ اَنت کہ ایشی ءِ تہ ءَ دگہ 3 زورگیریں لشکر مرتگ ءُ کم چہ کم 4 ٹپیگ بوتگ اَنت۔
جارکش ءَ گوشتگ 13 ستمبر ءَ قلعہ عبداللہ ءِ دمگ سلطان شار ءَ بلوچ لبریشن آرمی ءِ سرمچاراں یک ھمگرنچیں ءُ ھترناکیں اُرشے ءَ ‘ڈیتھ اسکواڈ’ ءِ کارندہ نشانگ جوڑ کتگ اَنت۔ اے اُرش ءَ زورگیریں لشکر ءِ سرپرستی ءَ جوڑ بوتگیں ڈیتھ اسکواڈ ءِ 25 کارندہ جاہ پہ جاہ ءَ مرتگ اَنت وھدے کہ بازیں کارندہ ٹپیگ بوتگ اَنت۔ سرمچاراں آہانی سلاہ ءُ گاڑی دستیگ کتگ انت۔ پد ءَ زورگیریں لشکر ءِ ٹوھیں کچے ءَ سی ٹی ڈی ءُ ڈیتھ اسکواڈ ءَ اے دمگ ءَ دیم ءَ روگ ءِ جھد کتف کہ دگہ اُرشے ءَ سرمچاراں نشانگ جوڑ کتگ انت۔ اے ترندیں جنگ ءُ چوپ تاں کہ نزیک ءَ 4 کلاک ءَ برجاہ بوتگ اَنت، زورگیریں لشکر ءُ ڈیتھ اسکواڈ ءِ بازیں کارندہ جنگ ءُ ٹپیگ بوتگ اَنت، وھدے کہ بی ایل اے ءِ 5 بھادریں سرمچار سنگت یاسر مینگل پنام ءِ شاہ یار، سنگت فاروق پرکانی پنام ءِ آصف، سنگت وقار احمد لھڑی پنام ءِ چاکر ، سنگت عاصم ءُ سنگت ملا چاکر گوں مَردی ءَ جنگ کنان ءَ نمیران بوتگ انت-
ایشی ءَ چہ پیسر 19 اگست ءَ پنجگور ءِ دمگ پروم ءِ ھند پھل آباد ءَ زورگیریں پاکستانی لشکر ءُ بی ایل اے سرمچارانی نیام ءَ ترندیں جنگ ءُ چوپے بوتگ کہ ایشی ءِ تہ ءَ بی ایل اے ءِ دو سرمچار سنگت ظاہر بلوچ پنام ءِ کے ڈی ءُ سنگت اللہ داد بلوچ پنام ءِ ساوڑ نمیران بوتگ انت۔
زانگ بہ بیت کہ اے ھپتگ ءَ بلوچ لبریشن آرمی ءِ تیزگامیں لشکر ‘فتح اسکواڈ’ ءَ لسبیلہ ءَ یک ھمگرنچیں ءُ کوشکاریں اُرشے ءَ 9 زور گیریں لشکر ءِ کارندہ کُشتگ ءُ 11 ءَ چہ گیش ٹپیگ کتگ اَنت – ھمے وڑ جیونی ءَ یک انٹیلی جنس بیسڈ آپریشنے ءِ وھد ءَ زورگریں پاکستانی پوج ءُ ملٹری انٹیلی جنس ( ایم آئی) ءِ چار کارندہ کشتگ انت۔ دیمترا ماشکیل ءَ لیتھیم ءِ کاریزکاری ءِ منسوبگ ءِ ڈرلنگ سائٹ ءِ سر ءَ کنٹرول کتگ ءُ مشینری تباہ کتگ انت۔ اے درستیں اُرشانی سرجمیں ھال پیسر ءَ شنگ بوتگ انت۔
جارکش جیئند بلوچ ءَ گوشتگ بلوچ لبریشن آرمی وتی کُل 10، سنگت سنگت عزیز احمد سمالانی، سنگت عباداللہ زهری، سنگت عدنان سمالانی، سنگت یاسر مینگل، سنگت فاروق پرکانی، سنگت وقار احمد لھڑی، سنگت عاصم، سنگت ملا چاکر، سنگت ظاھر بلوچ ءُ سنھت اللہ داد ءِ کربانیاں بے دروریں سھر چکین دروت ندر کنت – ھمے سرمچنڈاں وتی پاکیں ھاک ءِ پھریزگ، راجی پجار ءُ آجوئی ءِ واستا وتی ورنائی ءِ سر داتگ ءُ وت ءَ راجدپتر ءَ نمیران کتگ-
بی ایل اے وتی اے جزم ءَ پدا پدر کنت کہ مئے شھیدانی رِتکگیں ھون ءِ ھر یک ٹپّے راجی جنز ءَ گیش ءُ گیوار کنت ءُ ھر جنگی میدان ءَ سلاہ بندیں جنگ برجاہ بیت داں کہ آیانی مول ءُ مراد سرجم نہ بنت۔ داں کہ بلوچ سرڈگار ءَ چہ زورگیریں پاکستانی لشکر ءِ سرجمی ءَ درکنگ ءُ آزات ءُ وتواجھیں بلوچستان ءِ جوڑ کنگ سرجم نہ بیت ما گوں سرجمیں تاکت ءُ زانشتی پھتوئی ءَ وتی شھیدانی پند ءَ دیم ءَ بران کن ایں۔
