ھزدار ءَ شفیق مینگل ءِ ڈیتھ اسکواڈ بنجل ءِ سر ءَ اُرش، پنچ کارندہ کشتگ انت، آپریشن مرگ گداران برجاہ انت- بلوچ لبریشن آرمی

بلوچ لبریشن آرمی ءِ جارکش جیئند بلوچ ءَ وتی شنگ کتگیں درشان ءَ گوشتگ سرمچاراں خضدار ءِ دمگ وڈھ ءِ ھند اڑینجی ءِ اواک ءَ زورگیریں ریاست ءِ رودینتگیں، بدنامیں راجی گدار ءُ ڈیتھ اسکواڈ ءِ سروک شفیق لغور مینگل ءِ یک ھاسیں ءُ ھستیں پناہ گاھے ءِ سر ءَ سوبمندیں اُرش کتگ ۔ اے آپریشن ءِ آسر ءَ پناہ گاہ ءَ ھواریں 5 سلاہ بندیں کارندہ ھما جاہ ءَ مرتگ اَنت کہ آھانی تہ ءَ عبدالھی، نعمت اللہ، یحییٰ، نصیر احمد ءُ وتگڑیں سرکاری پوشاکاں پہ ڈیتھ اسکواڈ ءَ کار کنوکیں پولیس ءِ کارندہ نورا محمد زئی ھوار اَنت۔ اے سوبمندیں آپریشن ءَ پد سرمچاراں دژمن ءِ سرجمیں سلاہ ءُ دگہ جنگی سامان ھم چہ جاہ ءَ دستیگ کتگ اَنت۔

جارکش ءَ گوشتگ اے آپریشن بلوچ لبریشن آرمی ءِ پیسلہ کنوکیں جزم ءِ برجاہ دارگ اِنت کہ ایشی ءِ چیر دستی ءَ اے سال ءَ ’’آپریشن مرگ گداران‘‘ بندات کنگ بوتگ کہ ایشی ءِ تہ ءَ زورگیریں ریاست ءِ سرپرستی ءَ کار کنوکیں راجی گدار ءُ سلاہ بندیں ڈیتھ اسکواڈ سرجم ءَ تباہ کنگ بہ بنت۔ ایشی ءَ چہ پیسر بی ایل اے ءِ فدائین بھرگ مجید بریگیڈ ءَ شفیق مینگل ءِ 34 کارندہ بنجاھی فوجی کمپاؤنڈ ءِ سر ءَ فدائین اُرش ءِ آسر ءَ مرتگ اَنت کہ اود ءَ اے بزدلیں سروک ءَ وتی سنگت یلہ داتگ اَنت کہ آ بہ مر اَنت ءُ بلٹ پروپ گاڑی ءَ دم ءِ کشگ ءَ چہ رک اِتگ۔ ‘آپریشن مرگ گداران’ ءِ چیر دستی ءَ نوں اے زمین ءِ گدار ءُ آہانی درستیں کارندہانی ھچ وڑیں رکّینگ ءِ راہ نیست ءُ گل ءِ پوجی تاکت آہانی ہر یک پناہ گاھے ءِ تباہ کنگ ءِ ھاتر ءَ یکشل ءَ پرکار انت۔

جارکش ءَ گوشتگ بلوچ لبریشن آرمی ھاسیں رنگ ءَ ھما درستیں مردماں ھال دنت کہ آ بے زانتی، زوراکی یا دھوکہ ءِ سوب ءَ شفیق لغور مینگل یا دگہ ڈیتھ اسکواڈانی بھر جوڑ بوتگ اَنت۔ بی ایل اے اے وڑیں مردماں گڈی ءُ پدّریں موہ دنت کہ آ چہ شفیق لغور مینگل ءُ آئی ءِ ڈیتھ اسکواڈ ءَ وتی سرجمیں سیادی، رھوتی ءُ فوجی کمک ءَ زوت دزکش بہ اَنت ءُ یک امن ءُ ایمنی ءِ شھری ءِ زند ءَ وتیگ بہ کن اَنت۔ بی ایل اے ءِ نیمگ ءَ اے وڑیں مردماں ھچ وڑیں تاوان نہ دنت-

بلے اے ھاسیں ھال ءُ اھوال ءُ داتگیں موہ ءَ پد ھم اگاں کسے شفیق لغور ءِ گوں ھمگرنچ بوھگ ءَ برجاہ بہ بیت، آئی ءِ ھاتر ءَ ھال بہ دنت یا آئی ءِ ناشرکاریں گل ءِ بھر بہ بیت گڑا آ راجی گدار زانگ بیت ءُ آ ھما وڑیں مزنیں مجرم ءُ گناہ گارے بیت کہ شفیق لغور مینگل وت بوتگ۔ گل ءِ پالیسی ءِ تہ ءَ چوشیں ہچ وڑیں آسراتی ءُ ڈیتھ اسکواڈ ءِ کارمند ءِ ھاتر ءَ ریایت، اوپار ءُ گنجائش نیست ءُ آ سرماچارانی اُرشانی تچک ءَ نشانگ بنت۔

بلوچ لبریشن آرمی وتی اے جزم ءِ سر ءَ مھکم اِنت کہ ’آپریشن مرگ گداران‘ گوں سرجمیں ترندی ءُ توان ءَ برجاہ بیت داں بلوچ سرڈگار چہ گدار ءُ ریاستی لٹ ءُ پلی کارندھاں سرجم ءَ پاک کنگ بیت انت۔