گوادر ءِ زر گوں زرپھازگ ءَ
نبشتہ کار : دودا بلوچ
دی بلوچستان پوسٹ
ھمک روچ ءِ وڑ ءَ اے روچ ھم باز کار ءُ جنجالاں پد کمو وت ءَ دزھورک کتگ ات (بزاں کہ ۲۰ اگست ۲۰۲۱ ءِ بیگہ) گُڑا دل ءَ ھمے ھیال آتک، مرچی مردم گوادر ءِ زرِ دیدار ءَ شریں وڑے ءَ بکاں ءُ پد ءَ روچ ھم جمہ انت، من چہ گِس ءَ در کپتاں دیم پہ نیلیں زِر ءَ ۔ دمان ءَ رند ، من آتک آں تیاب دپ ءَ ءُ نیلیں زِر ءِ ندارگ ءَ، بلے وھد گوزگ ءَ نہ ات ءُ ھمے دمان ءَ مردمانی یک مچّی یے گوست، دراہ ھمے کُکّار ءَ کنگ ءَ ات انت ، اد ءَ ترا پہ ایمنی ما نَئیل ایں۔
زِر مئیگ انت ، گوادر مئیگ انت بلوچستان مئیگ انت ۔، ھمے توارانی میان ءَ اے توار ھم پیداک ات لونڈو (پاکستانی ، ایجینسی ءُ بنجابی ) چہ بلوچستان ءَ در بیا انت، ھدا بزانت چی گشگ لوٹگ ءَ ات انت ، بلے منی گوشاں بس ھمے یکیں توار کپت۔ اد ءَ ترا پہ ایمنی نندگ نئیل ایں، زِر مئیگ انت گوادر مئیگ انت بلوچستان مئیگ انت توار دور بوان ات انت ، یک کسان ءُ نوک ورنایے بچکے آتک منی کش ءَ نشت، (من ءَ انچوں سما بوت ما پیسر ءَ دوچار کپتگ اِت ایں ) من چہ تُرس ءَ ھچ نہ گْوشت ءُ ھاموش بوتاں۔
کمو ساھت ءَ پیسر مردمانی مزنیں مچیّ یے کُکّار کنان ءَ گوست ءُ دمان دمان ءَ اے آتک، من جیڑ ات، ھدا بزانت چی ءَ آتک ءُ یک دم منی گور ءَ نشت، بلے نندگ ءَ گوں من ءَ سلام ئِے دات ءُ گشت ئِے، پُل تو چون ئے؟
من وشاں تو ھال ءُ اھوال بہ دے، من اشتاپ ءَ پسّہ دات، ورنا ءَ جواب دات، جان سلامتی انت، بلے ھمے سلامتی ءِ گشگ ءِ توک ءَ من ھمے سما کت سلامتی نہ انت گش ئے چیزے آئی ءَ را تہ ءَ ورگ ءَ انت، بلے منی ھاٹیگ ءَ اے نہ ات کہ من جست ئِے بہ کناں تو سلامتی ءِ وڑ ءَ نہ ئے ۔ ما دنیا ءُ جھانی گپ ءَ لگت ایں، گپ گپ ءَ من سنگت ءَ را جُست کُت تو چی ءَ کار کن ئے؟
سنگت ءَ کندگ کندگ ءَ گُشت ، من یار وت نزاناں من چی کار کناں۔ ( نزاناں پرچا من ءَ آئی ءِ کندگانی تہ ءَ یک وسواسے گندگ پیداک ات)
من ھم کند ات ءُ گشت تو بلکیں منی وڑ ءَ بے روز گار ئے؟ھو پل، پہ گلامی ءِ روزگار ءَ چہ بے روز گاری گھتر انت، گلامی ءِ روزگار؟ من گوں ابکّہ ءَ گُشت ، من تئی گپ ءَ پھمگ ءَ نیاں۔
پل تی میار نہ انت، چوناھا ءَ اے جاوراں گلام ءَ را انچوں کتگ کہ وتی گلامی بے ھال کتگ۔ سنگت ءَ چَک پُشت ءَ ترّینت ءُ گشت۔
جان من تئی گپ ءَ ھچ وڑ ءَ پھمگ ءَ نیاں، من وتی ابکّھی گیش کنان ءَ گشت۔
سنگت ءَ کندگے ءَ گوں گشت ، تو وتی راج ءِ بزگی ءُ جند ءِ گلامی ءَ بزاں منی گپاں ءَ بِل۔( اے برے سنگت ءِ کندگ ءِ تہ ءَ من ءَ انچو سما بیت سرجمیں زمین ءُ آزمان کندگاں انت) من ھم ڈڈّ ءَ ڈڈّ گُشت ، اے چاگرد ءَ بزگی آدت کتگ۔
منی گپ ءِ ھلاسی ءَ گوں سنگت ءِ گوانکو ءَ آواز کُت، سنگت ءَ پون گِپت ءُ گپ ءَ لگت۔ ، بس من پیداکاں جان ، تنیگا ۱/۲ گنٹہ ھست ءُ پون کٹ کت ئِے۔
سنگت پاد آتک ،پُل من رواں نوں وھد باز گوستگ من ءَ دیر بیت ءُ پد ءَ سپر دیم ءَ انت، اے سنگت سک گل اَت انچو گش ئے آئی ءِ زند ءِ واھشت سرجم بوتگ۔
سنگت ءَ کنداں کندان ءَ گشت تو نشتگ ئے من گُڑا شتاں پل، بلے بے ھیال مہ بو من ءَ تئی ودار انت۔ من گوں ابکّھی پسّہ دات شریں پُل، زندگی بوت الم دوچار کپیں۔
نی پد ءَ من ،تیاب ءُ زر ءِ ندارگ ات آں بلے اے بری من ءَ انچو سما بوگ ءَ ات گش ئے منی چیزے گار انت، من جیڑگانی تہ ءَ انچو ایر بُکّ اتاں کہ چمّ ءِ نمبی سما نہ کپت، کمو وھد گوزگ ءَ پد ( مگرب ءِ نزیک ءَ) من تیاب ءَ انگت چارگ ءَ اِتاں کہ اناگت ءَ بلاھیں تراکے ءَ آواز کت، انچو سما بوت گوادر کسے ءَ چست ءُ پد ءَ زمین ءَ جت، ھمے دمان ءَ یک بوھے گوات ءِ بانزلاں گوں شنگ آن بوت (نزاناں پرچا بلے اے بوہ من ءَ وش لگگ ءَ ات) سرجمیں گوادر ءَ اے وشبوں تالان ات ۔ من تیاب دپ ءَ چہ پاد اتکاں ءُ دیم پہ وتی گِس ءَ رھادگ بیت آں۔ من گِس ءَ رستاں گڑا من ھمے جیڑ اِت، مرچی پد ءَ زرپھازگ ءَ وت ءَ اے گوات ءُ زمین ءِ دل بند ءَ ھوار کتگ، کمے ساھت ءَ پد اکس شنگ بوت پدائی اُمر جان اُرپ سربلند ءَ پہ بلوچ ءِ زرِ پھازگ ءَ وت ءَ کربان کُتگ۔ وھدے من اکس دیست منی دست ءُ پاداں کار یل دات، دل ءَ دردے چست بوت (اُپ) کربان سنگت۔ من جیڑ اِت ،ما واکی گلام نہ ایں ، ما وت ءَ وت گلام کتگ، بلوچ یک آجوئیں راجے، مارا وتی زمین ھست، آزمان ھست، دود ءُ ربیدگ ھست، گُڑا ما وت ءَ پرچا گلام کتگ، ھمے ساھت ءَ من ءَ سما بوت نوں بلوچ واکی کسی گلامی ءَ نہ کنت، ھر وڑ ءَ کربانی دیگ ءَ تیار انت، بلوچ وتی نیلیں زِر ءَ ھچ وڑ ءَ نہ دنت ھمے کشک من ءَ پیشدارگ بوت بلوچ جنگ کنت، وت سرتگیں نانے وارت بلے وتی دژمن(پاکستانی پوج) ءَ ھر وڑ ءَ تاوان دنت وتی زِر ءَ رکین ایت۔ھمے کشک من ءَ پیشدارگ بوت اگاں مرچی ما (بلوچ ورنا) وتی سر ءَ جھل بکنیں مئے آھوکیں ۱۰ پدریچ ءِ سر ھمے وڑ ءَ جھل بیت۔ بلوچ راج وتی زِر ءِ رکینگ ءِ واستا ھمے پیسلہ کتگ، ما وتی ءُ وتی آھوکیں نسل ءِ چم ءَ جھل بوگ ءَ نَیلیں، ما دژمن ءَ ھما سبک ءَ دئیں آئی ءِ آھوکیں ھپت(۶) نسل یات بکنت بلوچ راج ءَ گوں جنگ ءِ آکبت چی بیت!-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-
