بلوچستان ءِ دمگ تمپ ءِ ھند رودبن ءَ مرچی سھب ءَ پاکستانی لشکر ءِ کاروان ءِ سر ءَ سلاہ بندیں مردمانی اُرش کتگ۔
دمگی مردمانی رد ءَ اے اُرش ءَ پد بازیں وھدے ءَ دمگ ءَ تیر گواری ءِ توار بوتگ انت ۔
اے وئیل ءِ آسر ءَ فورس ءِ کارندہ ءِ بیرانی یا ٹپی بوھگ ءِ ھال ھم شنگ بوتگ انت بلے چہ واکداراں انگت ءَ اے گپ ءِ پدر کنگ نہ بوتگ۔
مرچی کیچ ءَ فورسز ءِ سر ءَ اے سیمی اُرش انت کہ بوتگ ۔ یکے تربت ڈبک ءَ بوتگ ءُ دومی کولواہ ءَ بوتگ۔ واکداراں کولواہ ءِ اُرش ءَ دو کارندہ ءِ بیرانیانی ھال راست کتگ ءُ دگہ وئیلانی راستی ءِ ھال دیم ءَ نہ اتکگ۔ انگت ءَ اے وئیلانی زمہ واری کس ءَ نہ زرتگ انت۔