سپریم کورٹ ءَ انسانی ھکانی وکیل ایمان زینب مزاری ءُ آئی ءِ لوگ واجہ ءُ وکیل ھادی علی چٹھہ ءِ چاگردی ترامجاہ ءَ اڑوکی پوسٹانی درگت ءَ سزا مھتل کتگ ءُ دوئیں زمانت داتگ اَنت۔
جسٹس نعیم اختر افغان ءُ جسٹس اشتیاق ابراہیم ءِ ھواریں دو باسکی بینچ ءَ ایمان مزاری ءُ ھادی علی چٹھا ءِ نیمگ ءَ دائر کتگیں درھواستانی سر ءَ گوشدارگ بوتگ۔ آمید گس ءَ دوئیں دو لکھ کلدار ءِ زمانت ءِ سر ءَ یلہ کنگ ءِ پرمان داتگ ۔
سپریم کورٹ ءِ اے پرمان تاں اسلام آباد ہائی کورٹ ءَ چیردستی ءَ آھانی مھتل کنگ ءِ درھواستانی گڈی پیسلہ ءَ تاں کارمرز بیت۔ ھردوکاں اسلام آباد ہائی کورٹ ءِ نیمگ ءَ چہ وتی سزا ءِ زوت مھتل کنگ ءِ ھلاپ ءَ سپریم کورٹ ءَ دیم داتگ ات۔