خاران ءِ دمگ لجے ءَ فورسز ءِ گاڑی ءِ سر ءَ تراک ءُ سلاہ بندیں اُرش ءَ 8 کارندہ بیران ءُ ٹپیگ بوتگ اَنت ءُ کواڈ کاپٹر دور دیگ بیتگ۔
بلوچستان ءِ دمگ کیچ ءِ جتاجتائیں دمگاں چہ گوستگیں روچ ءَ پاکستانی لشکر ءِ نیمگ ءَ بندات کتگیں آپریشن انگت برجاہ اِنت کہ ایشی ءِ تہ ءَ مزنیں کساسے ءَ لشکر بھر زورگ ءَ اَنت۔
ھالانی رد ءَ کیچ ءِ دمگ دشت، شولی بازار، فرنٹ بازار ءُ ساہیجی ءِ کوہانی تہ ءَ آپریشن برجاہ انت ھمے وھد ءَ فورسز ءِ نیمگ ءَ توپ گواری ءِ کارمرد کنگ ءِ ھال ھم سر بوتگ انت۔
دمگی مردمانی رد ءَ اے آپریشن ءَ پاکستانی لشکر ءِ ھمراھی ءَ دمگی ڈیتھ اسکواڈ ءِ سلاھبندیں باسک ھم ھوار اَنت۔
دومی نیمگ ءَ خاران ءِ دمگ اجے ءَ مزنیں جنگ ءُ چوپے برجاہ اِنت، دمگی مردمانی رد ءَ فورسز ءِ گاڑی ءِ سر ءَ تراک ءُ سلاہ بندیں اُرش ءَ 8 کارندہ بیران ءُ ٹپیگ بوتگ اَنت۔
دمگی مردماں گْوشتگ کہ اے دمگ ءَ کواڈ کاپٹر جنگ ءُ دور دیگ بیتگ انت، ایشی ءَ ابید دمگ ءَ ڈرون بالی گراب ءِ نیمگ ءَ میزائل اُرش ءِ ھال ھم ھست، بلے اے اُرش ءِ آسر ءَ بوتگیں تاوان ءِ بابت ءَ انگت ءَ ھال ءُ اھوال پدر نہ بوتگ۔
ھمے وڑ ءَ ھاران مسکان کلات ءَ پولیس تھانہ تراک ناکیں شورواں گوں تباہ کنگ بیتگ۔
اھوالانی رد ءَ ھاران ءِ دمگ مسکان کلات ءَ پولیس تھانہ ناشناسیں سلاہ بندیں مردماں تراکناکیں شورواں گوں تباہ کتگ ۔