TBP Balochi

اے سال ءِ اگست ءَ گوستگیں شش سالانی تہ ءَ بلوچستان ءَ چہ درستاں گیشتر زوراکی بوتگ۔

اسلام آباد ءِ یک تھنک ٹینکے ءَ وتی رپورٹ ءِ تہ ءَ گْوشتگ کہ پاکستان ءَ اگست ءَ ریاست ءِ ھلاپ ءَ زوراکی ءِ تہ ءَ ”ھیران کنوکیں گیشی“ گندگ بوتگ کہ شش سال ءِ تہ ءَ گیشتریں زوراکی ءِ ماہ اِنت ءُ بلوچستان ءَ گیشتریں مردم بیران بوتگ اَنت۔

دوشمبے ءِ روچ ءَ انسٹی ٹیوٹ فار کنفلیکٹ اینڈ سیکورٹی اسٹڈیز (PICSS) ءِ نیمگ ءَ شنگ بوتگیں رپورٹ ءِ رد ءَ اگست ءَ سرجمیں پاکستان ءَ کم چہ کم 254 مردم بیران بوتگ اَنت کہ ایشی ءِ تہ ءَ 92 شھری، 54 لشکر ءِ کارندہ ءُ 108 جنگول ھوار اَنت۔ ، 35 لشکر ءِ کارندہ ءُ 27 جنگول چہ زوراکی ءِ وئیلاں ٹپیگ بوتگ انت۔

اے مرگانی گیشتریں بھر پاکستان ءَ جنگولانی 83 اُرشانی آسر ءَ بوتگ اَنت کہ ایشی ءِ تہ ءَ 92 شھری ، 47 لشکر ءِ کارندہ ءُ 36 جنگول ھوار 175 مردم بیران بوتگ اَنت ءُ 123 مردم ٹپیگ بوتگ اَنت کہ ایشی ءِ تہ ءَ 88 شھری ءُ 35 لشکر ءِ کارندہ اگست ءِ نام ءَ گرگ بوتگ ۔ جولائی 2018 ءَ پد مھلکیں ماہ۔

اے ماہ ءِ تہ ءَ سیکورٹی آپریشن ءِ آسر ءَ 79 مردم بیران بوتگ اَنت کہ ایشانی تہ ءَ 72 جنگول ءُ 7 لشکر ءِ کارندہ ھوار اَنت ءُ 27 جنگول ٹپیگ بوتگ اَنت۔

لشکع ءَ 12 جنگول ھم دزگیر کتگ ءُ جنگولاں کم چہ کم 9 مردم آوار جتگ کہ ایشانی تہ ءَ یک سروکیں لیفٹیننٹ کرنل ءُ یک اسسٹنٹ کمشنر ءِ ھوار اِنت۔

پی سی ایس ایس ءَ وتی رپورٹ ءِ تہ ءَ گْوشتگ کہ زوراکیانی تہ ءَ مستریں گیشی بلوچستان ءَ گندگ بیتگ۔

بلوچستان ءَ جنگولی اُرشانی سوب ءَ 125 مردم بیران بوتگ کہ ایشی ءِ تہ ءَ 80 شہری، 22 لشکر ءِ کارندہ ءُ 23 جنگول یک ھپتگے ءَ پد 50 ءَ چہ گیش مردم بیران بوتگ اَنت۔

رپورٹ ءِ تہ ءَ گْوشگ بیتگ کہ بلوچستان ءَ اگست ءَ 49 زوراکی ءِ وئیل بوتگ اَنت کہ جولائی ءَ ایوک ءَ 13 بوتگ ایشی ءِ بگیری ءَ خیبر پختونخواہ ءِ قبائلی ضلع آنی تہ ءَ ایمنی ءِ جاور گھتر بوتگ اَنت کہ اود ءَ زوراکی ءِ وئیل ءُ لس مردمانی بیرانی ءِ تہ ءَ 25 درسد کم بوتگ۔ 43% کمی بوتگ بلے جنگولی تاوان 98% گیش بوتگ انت۔

رپورٹ ءِ رد ءَ اگست ءَ 65 جنگول بیران بوتگ اَنت ءُ جولائی ءَ 20 جنگول بیران بوتگ اَنت۔ البت لشکر ءِ تاوان ھم 54 درسد گیش بوتگ اَنت کہ اگست ءَ 20 کارندہ بیران بوتگ اَنت ءُ جولائی 2024 ءَ 13 کارندہ بیران بوتگ اَنت۔

خیبر پختونخوا ءَ اگست ءَ 24 زوراکی ءِ وئیل بوتگ اَنت ءُ جولائی ءَ 42 بوتگ اَنت۔ سندھ ءَ ھم گھتری گندگ بوتگ ۔ اگست ءَ ایوک ءَ دو زوراکی ءِ وئیل بوتگ اَنت کہ جولائی ءَ 9 بوتگ اَنت وھدے کہ پنجاب ءَ ایوک ءَ یک زوراکی ءِ وئیل بوتگ کہ ایشی ءِ تہ ءَ دو جنگول بیران بوتگ اَنت ءُ دو فورسز ءِ کارندہ ٹپیگ بوتگ اَنت۔

پی سی ایس ایس ءِ رد ءَ گوستگیں ھشت ماہ ءِ تہ ءَ جنگولاں پاکستان ءَ 640 اُرش کتگ ایشی ءِ آسر ءَ 757 مردم بیران ءُ 733 ٹپیگ بوتگ اَنت ۔ اے چہ 2023 ءِ ھمے وھد ءِ مکابلہ ءَ جنگولی اُرشانی تہ ءَ 51درسد گیشی ءُُ بیران بوتگیں مردمانی تہ ءَ 21درسد گیشی ءِ نشانی اِنت وھدے کہ ٹپیگ آنی کساس 24درسد کم بوتگ۔

روکپتی بلوچستان ءِ دمگ میرجاوہ ءَ ایرانی لشکر ءَ یک تیل کشیں گاڑی ءِ سر ءَ تیرگواری کتگ ءُ چریشی ءَ یک مردمے بیران ءُ یکے زدگ بیتگ-

گیشیں اھوالانی رد ءَ ایرانی لشکر ءَ یک تیل کشین گاڑی ءِ سر ءَ تیرگواری کتگ کہ چریشی ءَ گاڑی چپ بیتگ ءُ گاڑی ءَ آس کپتگ –

اھوالانی رد ءَ گاڑی ءِ چپ بوگ ءَ ھژدہ سالی ئیں مھمد بیران ءُ امید نامیں مردمے زدگ بیتگ-

اھوالانی رد ءَ بیران ءُ زدگ بیتگیں مردمانی سیادی روکپتی بلوچستان ءِ بنجاھی شھر زاھدان ءَ اِنت-

اھوالانی رد ءَ گاڑی ءَ تیرانی لگگ ءَ اس کپتگ ءُ چریشی ءَ یک مردمے بیران بیتگ-

زانگ بہ بیت روکپتی بلوچستان ءَ مردمانی والینگی زرا تھنا سیمسرانی تیل کشی اِنت ءُ چرے کار ءَ اود ءَ مردماں مرگ ءِ دیمپانی کنگ کپگ ءَ اِنت-

گوست ءَ ھم چوشیں وئیل پیش اتکگ بیتگ اَنت کہ اود ءَ یکشل ءَ ایرانی لشکر ءِ نیمگ ءَ تیل کشانی سر ءُ تیرگواری ءُ دگہ وئیلانی اھوال آیگ ءَ اَنت-

شھید مھمد نور ءِ یات

نبشتہ کار: امجد رھیم

دی بلوچستان پوسٹ

منی ارواہ ءِ مھمد نور جنّت نسیب بات ترا ۔ من نہ زانت کہ تی زندگی ھتم بیت ءُ تو اے دنیا ءِ را ءَ رو ئے۔ من ءَ باور نہ بیت تو مارا یل کُتگ من ءَ ھچ ھبر نیست اَت تو مارا یل کن ئے ءُ رو ئے۔

وھدے تو کند اِت ءُ مسکرا کُت گوں ما دل مدام وش بوتگ من نہ زانت تو وتی مات ءِ دل درد بہ ئے ءُ دنیا یل کن ئے۔ من وھدے دگہ نیمگ ءَ اِت آں من ءَ ھال رست تو دنیا یلا کُتگ ترا پہ اِشک ءِ نام ءِ سر ءَ شھید کُتگ منی دل ءِ توک ءَ یک دردے ءِ جست بوت ءُ من نہ زانت تو اے وشیانی روچ ءَ مارا یل کن ئے۔

ھمے ائید ءِ رمزان ءِ وشی مارا یل کن ئے ءُ رو ئے بوت کنت تئی کسمت ءَ بوتگ بلے موت تئی مات ءِ دل ءَ مزنیں دردے بوت، تو وتی مات ءُ پت ءَ تھنا یل کُتگ چہ دنیا ءِ آس ءِ نام دے اَنت تئی مرگ ءَ بلے تو نارزا ءَ مہ بو آ تئی دژمن ءَ ماپ ھچبر نہ کنت تو آیانی چم ءُ دل بوتگ ئے۔

ھیر من تی موت ءَ چے نامے بدے آں تو بے وپا بوت ئے یا دگہ نامے بدے آں بلے پُل من ءَ چہ تو گِلہ نیست پرچا کہ تئی کسمت ءَ بوتگ ھمے تئی کسمت ءَ مھبت ءَ نہ بوتگ۔ لھتیں مردم ھست اَنت آ جتا بنت بلے آ بے وپا نہ بنت، تو گوں من جتا بوت ئے اے دنیایے پُل من زان آں تو نوں واتر نہ بہ ئے۔ تو اے دنیا ءِ سپر کُت ءُ شت ئے پُل من گشاں تئی جاگہ جنّت الپردوس ءَ بات ۔

زندگی ھمیش اِنت ھچ کس ءَ پادار نہ بیت مھمد نور چہ اے دنیا ءَ واتر نہ بیت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسانی درشانی انت

روکپتی بلوچستان ءِ دمگ کنھوج رودبار بلوچستان ءَ ایرانی آمیدگس ءِ پرمان ءَ یک بندیگیں بلوچے پاھو دیگ بیتگ-

گیشیں اھوالانی رد ءَ پاھو دیگ بیتگیں مردم ءِ پجار پرویز میر بلوچزئی ء ملک مھمد جھمنند زاھدان ءِ نام ءَ زانگ بیتگ-

اھوالانی رد ءَ پرویز سَے سال ءَ پیش ماں نشہ باپاری ءِ بھتام ءَ دزگیر کنگ بیتگ-

اھوالانی رد ءَ گوستگیں سال ءَ آئی ءِ سر ءَ پاھو ءِ ھکم اتکگ بیتگ بلے یک سالے ءِ گوزگ ءَ پد گوستگیں روچ ءَ پاھو دیگ بیتگ-

اھوالانی رد ءَ آئی ءَ وتی کھول ءَ گوستگیں آدینگ ءَ گڈی گندوک بیتگ کہ ءُ چریشی ءَ پد آ پاھو ءِ جاہ ءَ برگ بیتگ-

زانگ بہ بیت روکپتی بلوچستان ءَ نشہ واپاری، کوش ءُ جتا جتائیں بھتامانی پژدر ءَ مھلوک پاھو دیگ بوگ ءَ اَنت- بلے لس اھوالانی رد ءَ بندیگیں مردم موہ دیگ بوگ ءَ نہ اَنت کہ آ وتی بے گناھی ءَ پدر بہ کن اَنت ءُ یک نیمگی کیس جنگ ءُ پاھو ءِ دار ءَ درنجگ بنت اِنت-

شپ ءِ وھد ءَ کالج ءَ آناگاہ آس چست بیتگ، ماڑی ءِ مزنیں بھرے آس ءَ گپتگ بیتگ-

گیشیں ھالانی رِد ءَ بلوچستان ءِ بُنجاھی شھر شال ءِ سائنس کالج شپ ءِ وھد ءَ اناگاہ ءَ آس چست بیگ ءَ سُتکگ ءُ پُر بیتگ، آس ءَ سرجمیں ماڑی گپتگ ماڑی ءِ یک مزنیں بھرے ستکگ –

کالج انتزامیہ ءِ رِد ءَ آس ءِ میان ءَ کالج ءِ بُنجاھی کوریڈور ءُ وائس پرنسپل ءِ کارگس ستکگ ءُ پُر بیتگ اَنت وھدے کہ انٹر کلاسانی بازیں کمرھے ءَ تاوان رس اِتگ ءُ ایڈمن کارگس ھم چہ آس ءِ برانزاں گپتگ بیتگ-

انتزامیہ ءِ رِد ءَ وئیل ءَ لکانی کلدار ءُ کرسی ءُ ٹبیل دگہ چیز سستکگ ءُ پُر بیتگ اَنت، چہ گندگ ءَ آس ءِ لین شارٹ سرکٹ ءَ چہ بیتگ-

دومی نیمگ ءَ بلوچ اسٹوڈنٹس ایکشن کمیٹی ءِ بُنجاھی جارکش ءَ گْوشتگ کہ سائنس کالج شال اچانک ءَ آس کپگ ءُ سوچگ یک مزنیں زانشتی تاوانے- اے وڑ زانشتی ادارہ ءَ اناگاہ ءَ سوچگ چہ ھیال ءَ ڈن اِنت چریشی ءَ زانشتی ءُ سیاسی پارٹیاں بازیں جُستے ودی بیگ ءَ اِنت کہ چون یک مزنیں ماڑی ءَ اناگاہ ءُ آس کپگ بازیں کلاکاں تاں ھکومتی ادارھانی نیمگ ءَ ھچ وڑ آس ءِ توسگ ءِ واستا سر نہ بیتگ اَنت ءُ انچش اے آس ءَ سرجمیں ماڑی سوتکگ ءُ پُر کتگ – اے تھنا یک ماڑی یے نہ اِنت بلکیں سرجمیں بلوچستان ءِ راج واستا زانشت ءِ بُنجاہ ءَ اِنت اود ءَ بندات ءِ چراگ ودی بکت چاگرد ءَ رُژن ءَ کن اَنت –

جارکش ءَ گْوشتگ کہ سائنس کالج شال بلوچستان نودربر سیاست ءَ ھم یک کلیدی کرد پیلو کتگ اود ءَ چہ نودربراں سیاست ءِ رد بندات کتگ ءُ اے سیاسی ءُ زانشتی بُنجاہ ءَ بلوچستان ءِ نودربراں سیاسی شئور داتگ اے راج ءِ راھشونی ءِ توان داتگ- سائنس کالج ءِ اے وڑ آس کپگ ءُ پُر بیگ مئے ھیال ءَ چہ ڈن اِنت کہ اے وئیلے نہ اِنت بلکیں زانت یا نہ نابزانتی دروشم ءَ وئیل دیم ءَ اَتکگ چریشی ءِ زمہ واری کالج ءِ انتزامیہ ءُ ھکومتی ادارہ اِنت- گمان کنگ بیگ ءَ اِنت یک پندلاسازی ءِ رد ءَ کالج مانداشتگ تانکہ سرجمیں بلوچستان ءَ زانشتی ءِ نزام ءِ ایرموش کنگ ءَ ھوات ورنایاں زانشتی پکری زندمان اسر بہ کپ اِیت-

آئی ءَ گْوشتگ کہ یک نودربریں گل ءِ بستار ءَ اے وڑیں زانشتی دُژمنانی ناں تھنا ایر جن ءِ بلکیں اے کرد ءِ ھلاپ ءَ گھگیری ھم کن ایں- واکداراں گوں لوٹ کن ایں اے وئیل سر ءَ سنجیدگی ءُ گوں گامگیج بزور اَنت یک پٹ پولی کمیٹی یے جوڑ بہ کن اَنت سرجمیں زمہ وارانی ھلاپ ءُ گامگیج بزور اَنت-

ھور ءِ سبب ءَ 13 زھگ ھوار 33 مردم بیران بوتگ ءُ 15 ٹپیگ بوتگ اَنت، ھور ءِ وھد ءَ 11 زھگاں ھوار 15 مردم ٹپیگ بوتگ اَنت۔

بلوچستان ءِ گیشتریں دمگاں ھور برجاہ اَنت، ایشی ءِ سوب ءَ انفراسٹرکچر سک باز تاوان بیتگ، سدانی کساس ءَ کَچئیں لوگ کپتگ اَنت، کوئٹہ چمن شھراں ھم بازیں جاگہ ​​ءَ آپ ءَ شتگ، بلوچستان ءِ بازیں دمگاں موبائل گار بوتگ اَنت ایشی ءِ سبب ءَ بلوچستان ءِ بازیں دمگاں موبائل گار بوتگ اَنت۔ ھور ءُ سیلاب ءِ سبب ءَ دگہ 3 مردم آدسہ ءَ بیران بوتگ انت۔

انوگیں ھورانی سوب ءَ بلوچستان ءَ بیران بوتگیں مردمانی کلیں کچ 33 ءَ سر بوتگ ۔

ھور ءَ پد بلوچستان ءِ ضلع زیارت ، کلا سیف اللہ ، ھزدار ، لورالائی ، جھل مگسی ، سبی ، جاپر آباد ، نسیر آباد ، لسبیلہ ءُ بولان ءِ زلاھانی تہ ءَ جھلیں دمگ ڈُب اتگ اَنت ۔

کلات، زیارت، صاحب پور، لسبیلا، آواران، جفر آباد، آوستا محمد، لورالائی ءُ چاگی ءَ پد جھل مگسی ءَ را سوبائی ھکومت ءِ نیمگ ءَ چہ ھوپ ءِ جار جنگ بوتگ بجلی ءِ سپلائی ءِ گار بوگ ءَ گوں واکدار لیویز یوپر لیس سسٹم ءِ وسیلگ ءَ ھال ءُ اھوال کنگ ءِ کوشست ءَ کنگ ءَ اَنت۔ اے دمگاں چہ گیش بوتگ۔

چمن، کلہ ابداللہ، کلہ سیف اللہ ءُ زیارت ءَ سیلاب ءِ سبب ءَ باگ ءُ کِشت ءُ کشاراں تاوان رستگ، چاریں زلاھانی تہ ءَ بازیں کلومیٹر سڑک، پُل ءُ بازیں لوگ آپ ءَ چہ جھل کپتگ اَنت، سرکاری دزمھار روم کِلہ ابداللہ ءُ کِلہ سیپ اللہ ءِ رپورٹ ءِ رد ءَ۔ بے لوگیں مردمانی 10 مردم پچیں آزمان ءِ چیر ءَ اَنت، دگہ 3 مردم ھور ءِ سبب ءَ وتی جان ندر کتگ اَنت۔

پی ڈی ایم اے ءِ رد ءَ یک جولائی ءَ چہ ھور ءِ سبب ءَ 13 زھگاں ھوار 33 مردم بیران ءُ 15 مردم ٹپی بوتگ اَنت ءُ ھور ءِ وھد ءَ 11 زھگ ھوار 15 مردم ٹپیگ بوتگ اَنت۔

ھور ءِ سبب ءَ 558 لوگ سرجمی ءَ کپتگ ءُ 13 ھزار 986 لوگ ءِ جزوی تاوان بوتگ ، یک لکھ 9 ھزار 903 مردم ھور ءَ چہ آماچ بوتگ انت ۔

بلوچستان ءَ ھور ءِ سبب ءَ 58 ھزار 799 ایکڑ ءِ کشت ءُ کشار ھلاس بوتگ اَنت، سیلاب ءِ ریلے ءِ سبب ءَ 373 مال ءُ مڈی بیران بوتگ اَنت وھدے کہ راجی شھرانی سر ءَ 7پل ھم تاوان بوتگ اَنت۔

ھور ءَ پد کوئٹہ چمن ریلوے لائن ءِ راہ ھم بند کنگ بوتگ، کوجک ٹنل چہ سیلاب ءِ آپ ءَ اتکگیں گِل ءَ پُر بوتگ، وھدیکہ ھرنائی زلا ءِ زمینی رسانک بند بوتگ، ربی ءِ تہ ءَ شگاپ ءِ سبب ءَ دریا ءِ تہ ءَ بے ھساب میتگ آپ ءِ چیر ءَ کپتگ اَنت وھدے کہ سیمسر ءِ سر ءَ لیویز چیک پوسٹ ھم سیلاب ءَ چہ آپ ءَ شُتگ۔

بلوچ لبریشن آرمی ءِ میڈیا چینل ھکل ءَ آپریشن ھیروپ ءِ وھد ءَ دستیگ کتگیں سلاھانی اکس شنگ کتگ اَنت-

بیست ءُ پنچ ءُ بیست ءُ شش اگست ءِ میانی شپ ءَ سرجمیں بلوچستان ءَ بلوچ لبریشن آرمی ءَ آپریشن ھیروپ ءِ تکاں کاروائیانی وھد ءَ سیزدہ ھندانی ناکہ بندی کنگ ءَ ھوار پولیس ءُ لیویز کارگس دستیگ کتگ کگگ انت ءُ پاکستانی پوج نشانگ کتگ بیتگ-

بی ایل اے ءِ سرمچاراں مستونگ، نوشکی، کلات ءُ جیونی ءَ لیویز ءُ پولیس ءِ کارگس دستیگ کتگ ءُ ھمے وھد ءَ آیانی سلاہ دستیگ کتگ انت ءُ بلے آیاناں جانی تاوان نداتگ انت بلے بولان ءَ پاکستان ءِ پوجی اش کشتگ ءُ آیانی سلاہ اش دستیگ کتگ انت-

بولان اُرش ءَ پاکستانی پوج ءِ یک کیپٹنے ءَ ھوار چار کارندھانی مرگ ءِ ھال راست بیتگ –

بلوچ لبریشن آرمی ءِ آفیشل میڈیا چینل ھکل ءَ مستونگ،جیونی ءُ بولان ءَ دستیگ کتگیں سلاہ ءُ گولہ بارودانی اکس شنگ کتگ انت ءُ بازیں کچے ءَ سلاہ ءُ پوجی ساز ءُ سامان ھوار اَنت-

آپریشن ھیروپ ءِ درستاں مزن ترین کاروائی بیلہ ءَ بی ایل اے مجید برگیڈ ءَ سرجم کتگ کہ اود ءَ مجید برگیڈ ءِ ھپت فدائین باسکاں پاکستانی پوج ءِ بنجل نشانگ کتگ ءُ جنگول بیست اداراں داں ھیڈ کوارٹر ءَ جاڑیگ بوگ ءَ سوب مند بیتگ اَنت-

بیلہ اُرش ءَ مجید برگیڈ ءِ زالبول فدائی ماھل بلوچ پنام ءِ زلان کرد ءَ باروداں پریں گاڑی ٹکر جتگ ءَ اُرش ءِ بندات کتگ – ماھل بلوچ سیمی بلوچ زالبول فدائین انت کہ اے اُرش ءَ گیش ارزش دیگ ءَ اِنت-

بی ایل اے ءَ اُرش ءَ پاکستانی پوج،چیریں ادارھاں ھوار سیکورٹی پورس ءِ یک سد ءَ سی کارندھانی کوشانی زمہ واری من اتگ اَنت-

بلوچستان ءِ دمگ چہ پنجگور ءَ پاکستانی پوج دست ءَ آوار جنگ بوتگیں دو مردم یل کنگ بیتگ اَنت-

گیشیں ھالانی رِد ءَ پنجگور ءِ دمگ چہ پروم ءَ پاکستانی پوج دست ءَ آوار جنگ بیتگیں مرتضیٰ ءُ شھسوار یل کنگ بیتگ ءُ وتی لوگ ءَ سر بیتگ اَنت-

سر بیتگیں ھالانی رد ءَ ایران ءِ دمگ یزد ءَ منشیات گر ءُ دار کنوکیں پورسز ءَ دو مردم دزگیر کتگ ءُ پد ءَ کشتگ اَنت –

کشگ بیتگیں مردم ھردوک برات اَنت زاھدان ءِ جھمنند اَنت ،ھردو یزد ءِ ھند کویر ساگند ءَ کشگ بیتگ اَنت –

کشگ بیتگیں مردمانی پجار بیست ءُ پنچ سالی ئیں مھسن توتازئی ءُ چِل ءُ شش سالی ئین ھمید توتازئی جھمنند زاھدان کہ ھردوک رھمت اللہ ءِ چک اَنت-

اھوالانی رد ءَ اے مردم منشیات گر ءُ دار کنوکیں پورسز ءَ آدینگ ءِ روچ ءَ گپتگ انت ءُ پد ءُ وتی دزگیری ءَ کتگ اَنت-

اھوالانی رد ءَ دزگیری ءَ پد ھردوک دیم پہ دیمی تیرگواری کنگ ءُ کشگ بیتگ اَنت ءُ پورسز ءَ بھتام جتگ ءُ گوشتگ ھردوک کاچاک پورش بیتگ اَنت- ءُ ھردوکانی گور ءَ توپک ءُ دگہ سلاہ دستیگ بیتگ اَنت-