ھندوستان ءَ توپانی ھوراں بیست ءُ پنچ مردم بیران، بازیں کچے ءَ مھلوک مھکمیں جاھاں برگ بیتگ انت

ھندوستان ءِ زرباری اُستاناں بشی ترندیں ھور ءُ ھارانی سبب ءَ کساس بیست ءُ پنچ مردم بیران بیتگ اَنت ءُ بازیں کچے ءَ مھلوک مھکمیں جاھاں برگ بیتگ اَنت-

فرانسیسی ھال سر کنوکیں اے ایف پی ءِ رد ءَ گوستگیں روچاں اُستان تلنگانہ ءَ کم چہ کم شانزدہ ءُ اُستان آندھرا پردیش ءَ کساس نُھ مردمانی بیرانی بیتگ اَنت-

تلنگانہ ءِ مھکمہ ڈیزاسٹر رسپانس ءُ فائر سروس ءِ ڈائریکٹر جنرل وائی ناجی ریڈی ءَ گوشتگ بازیں لوگاں تاوان رس اِتگ ءُ گوستگیں بیست ءُ چار اداراں چارسد ملی میٹر پانزدہ ٹک ھپت انچز ھور بیتگ اَنت-

تلنگانہ ءَ کساس سِی ءُ ھشت ھزار مردم رکینگ ءُ آ پھزداری بنجلاں برگ بیتگ اَنت-

دوشمبے ءِ روچ ءَ ھندوستان ءِ فضائیہ ءَ گوشتگ اے روچاں ھردوکیں اُستانانی واستا دو اد ءَ گیش ریسکیو آپسر ءُ سِی ٹن اژدری کمک دیم دیگ بیتگ اَنت-