بلوچستان ءِ دمگ ھاران ءَ پاکستانی پوج ءِ گاڑی ءِ نزیک ءَ بمب تراک، ھپت مردم زدگ بیتگ اَنت-
تراک ھاران ءِ شھر ءَ دیدگ ھوٹل ءِ نزیک ءَ پوج ءِ گاڑی ءِ نزیک ءَ بیتگ، تراک ءَ زدگ بیتگیں مردم ھسپتال ءَ برگ بیتگ اَنت-
تراک ءَ پوج ءَ جانی تاوانانی بارو ءَ دگہ اھوال سر نہ بیتگ اَنت ءُ ناکہ زمہ واری کسے ءَ زرتگ-
روکپتی بلوچستان ءِ تیابدپی شھر چھبار ءَ یک مردمے زِر ءَ کپتگ ءُ بیران بیتگ-
بیران بیتگیں مردم ءِ پجار عصمت اللہ دھمردہ ء سالہ مھمد جھمنند ایرانشھر ءِ نام ءَ زانگ بیتگ –
اھوالانی رد ءَ اے مرد گوں ھمراھانی ھمراھی ءَ چھبار ءَ زِر ءَ سیل ءُ سواد ءَ شتگ بیتگ کہ اود ءَ زِر ءَ کپتگ ءُ بیران بیتگ –
اھوالانی رد ءَ زِر ءَ داں دو ساھت ءَ شوھاز ءَ پد آئی ءِ لاش کشگ بیتگ-
بلوچستان ءِ جتاجتائیں دمگاں بیتگیں تیرگواری ءِ وئیل آسر ءَ دو مردم بیران وھدے کہ یک زالبولے ٹپی بیتگ-
تیرگواری ءِ بنداتی وئیل کیچ ءِ تھسیل تمپ کورجو آسیاآباد ءَ بیتگ کہ اود ءَ ناشناسیں سلاہ بندیں مردماں یک لوگے ءَ پُترتگ ءُ بیست ھپت سالی ئیں شعیب ء علی حاتم کشتگ ءُ تتکگ اَنت-
وئیل ھال سر بیگ ءَ پولیس ءُ انتزامیہ وئیلجاہ ءَ سر بیتگ اَنت لاش دستگ کتگ ءُ نادُراھجاہ ءَ برتگ اِت-
ھمے وڑ کوھلو ءِ دمگ میٹھازئی ءَ گل محمد نامیں مردمے ءَ تیرگواری کتگ وتی زامات اللہ داد شیرانی کشتگ وھدے کہ جنک ٹپی بیتگ-
پولیس رِد ءَ کوش سوب وت ماں وتی جیڑھے گوشگ بیگ ءَ اِنت وھدے کہ تیرگواری ءَ پد میاربار تتکگ اَنت، آئی ءِ پٹ پول برجاہ ءَ اِنت-
پولیس ءَ لاش ءُ ٹپیگ نادُراھجاہ ءَ برتگ اود ءَ گیشیں چار ءُ ٹپاس ءَ پد کھول دست ءَ داتگ گیشیں چار ءُ ٹپاس برجاہ ءَ اِنت-
پاکستان کوسٹ گارڈ ءِ زیادتیانی ھلاپ ءَ پیک اپ واھند یکجاھی نیمگ ءَ چہ مکران کوسٹل ھائی وے سر ءَ نندانک دومی روچ ءَ ھم برجاہ-
نندانک ءُ دگانی بند بیگ سبب ءَ گوستگیں دو روچاں چہ درزنانی گاڑی ءُ مساپر گٹ اَنت-
سی پیک شھدگ ایم ایٹ سر ءَ تلار ھند ءَ پاکستانی کوسٹ گارڈ ءِ نارواھیں رویشگ ءِ ھلاپ ءَ پیک اہ یکجاھی ڈپو واھنند ءُ سیمسر ٹریڈ یونین ءِ نیمگ ءَ چہ مکران کوسٹل ھائی وے سر ءَ نندانک دیگ ءَ اَنت وھدے کہ گوستگیں شپ ءَ اے ڈی سی گوادر تابش بلوچ نندانکجاہ ءَ سر بیتگ اود ءَ آئی ءَ زھرشانی کنوکانی گوم ءَ گپ ءَ دیوان ءَ تپاک نہ بیگ ءِ سبب ءَ گپ دیوان بے سوب بیتگ ءُ زھرشانی کنوکاں وتی نندانک برجاہ دارگ ءِ جار جتگ-
مکران کوسٹل ھائی وے سربندن کراس سر ءَ نندانک ءِ سبب ءَ دگ ءِ دوئیں نیمگاں گاڑیانی دراجیں لین لگ اِتگ وھدے کہ لَس مساپراں ھوار دو سد ءَ گیش شعیہ زاھرین ھم دگ بندی سبب ءَ گٹ اَنت-
زھرشانی کنوکانی گوشگ اِنت کہ انتزامیہ جیڑہ ءَ گیشگیوار کنگ ءَ سنجیدگ نہ اِنت ءُ وھدے کہ شیعہ زائرین ءَ ھم دمگی انتزامیہ رویشگ سر ءَ دلرنجی درشان کتگ ءُ گوشتگ کہ گوادر ءِ انتزامیہ ءِ سبب ءَ چار روچ ءَ تاں ایرانی سیمسر ءَ گٹ اَنت ءُ نو نندانک ءِ سبب ءَ اد ءَ دو روچیں گٹیں ءُ دمگی انتزامیہ آیانی ھال پُرسی ءَ ھم نیتکگ-
بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ نمیرانیں لیفٹننٹ اختر پنام علی ء حاجی محمد جھمنند تمپ گومازی بلوچستان لبریشن فرنٹ ءِ سرمچارے بیتگ کہ 28 اگست 2024 ءَ زورگریں پاکستانی پوج ءِ باڑھی چریکاں جتگ ءُ نمیران کُرتگ۔
جارکش ءَ گْوشتگ کہ بلوچستان لبریشن فرنٹ نمیرانیں لیفٹننٹ اختر پنام علی ءَ پہ آئی ءِ گرانبھائیں دیمونی ءَ ستاشانی ندر کنت۔نمیرانیں ھمبل ءِ کُشندھانی پٹ ءُ پول برجاہ اِنت، ھمایاں نمیرانیں ھمبل اختر نمیران کُرتگ آ راجی میار بار اَنت، گل آیاں نشون کنگ ءُ آیاں وتی گُڈی جاہ ءَ سر کنت۔ چوشیں کَس پہ راجاں نادراھی اَنت کہ ایشانی ھلاس کنگ راجی ھستی،آجوئی ءُ پہ دیمروئی ءَ ھژدری اِنت۔
جارکش ءَ گْوشتگ اختر بلوچ آجوئی زْرمبشت ءِ یک گرانبھائیں ھمبلے بیتگ۔ مزن ھور ءَ کار بیتگ کہ 2009 ءَ واتر ڈیھ ءَ اتکگ ءُ بی ایل ایف ءَ ھوار بیتگ ءُ راجی ایردستی ءِ بگیری ءَ جُھدے کُرتگ، آئی مشکے ءَ جنگی ھیلکاری در بُرتگ ءُ جتائیں جنگی پڑاں دژمن ءِ بگیری ءَ جنگاں بھرے زُرتگ ءُ دُژمنے پروش داتگ۔
جارکش ءَ گْوشتگ کہ آئی ءِ مزن شانیں بودناکی ءِ سْوب ءَ گل ءَ آئی ءَ شھر ءَ سرمچارانی یک ٹولی یے ءِ کمانداری ءِ زمہ واری داتگ۔آ لیفٹیننٹ ئِے ءِ بستار ءَ وتی راجی زمہ واری ءَ پیلو کنگ ءَ بیتگ، آئی چیرجنگی کارشونیانی رد ءَ شھر ءَ سلاہ بندیں جُھد کُرتگ۔ 2012 ءَ پدر بیگ ءَ پد کوہئےشُتگ، آئی سیاھجی، مزنبند، کلبر، زامران، بلیدہ ءُ بالگتر ءَ بی ایل ایپ ءِ کاراں بھر زُرتگ۔
جارکش ءَ گْوشتگ آ 3 اگست 2016 ءَ گوں ھمبلیں سرمچار نمیرانیں امان پنام کنر ءِ ھمراھی ءَ دژمن ءِ بگیری ءَ یک کارے ءَ ٹپی ھم بیتگ بلے ٹپی بیگ ءَ ابید آئی گوں دژمن ءَ جنگ داتگ ءُ گوں وتی ھمبلاں ھوار پہ دْراھی درکپتگ، اے میان ءَ نمیرانیں امان پنام کنر پہ سرڈگار ءِ دیمپانی ءَ نمیران بیتگ، آ جان دُراھی ءَ پد پَد ءَ پہ وتی راجی زمہ واریانی پیلو کنگ ءَ جنگی پِڑ ءَ واتر اتکگ۔
جارکش ءَ گْوشتگ کہ گْوستگیں دو سال بیت کہ آ گل ءِ شور ءُ سلاھانی پد ءَ شھر ءَ نشتگ کہ پاکستانی چیریں ادارھانی کارمنداں نمیران کُرتگ۔
جارکش ءَ گوشتگ بلوچستان لبریشن فرنٹ وتی ھمبلیں سرمچار نمیرانیں لیفٹننٹ اختر الی ءَ پہ آئی ءِ گرانبھائیں دیمونی ءَ ستاشانی ندر کنت ءُ کول کنت کہ نمیرانیں ھمبل ءِ لوٹ ءُ واھگ ھرچ پیم ءَ سرجم کنگ ءُ آئی ءِ دیستگیں واب بلوچستان آجو کنگ ءُ دژمن داں وتی آسر ءَ سر کنگ بیت۔
بلوچستان لبریشن فرنٹ ءَ وتی یک دگہ درشانے ءِ تہ ءَ گْوشتگ کہ کیچ ءِ ھند زامران ءَ زورگریں پوج ءِ پانگس ءِ سر ءَ گوں نوکین ءُ ٹوھیں سلاھاں اُرش کُرتگ ءُ جانی ءُ مالی تاوان داتگ۔
جارکش ءَ گْوشتگ کہ مئے سرمچاراں بیست ءُ یک ستمبر ءَ شمبے ءِ روچ ءِ دہ ءَ کوتان زامران ءَ سوبمندیں اُرشے کُرتگ۔
جارکش ءَ گوشتگ زورگریں پوج گوں نوکیں سلاہ ءُ ساماناں ابید بلوچ سرمچارانی سوبمندیں جنگی کارشونیاں تُرس ءِ آماچ اِنت۔تُرس ءِ باپُشت ءَ پروش وارتگیں پوج لس آبادیانی سر ءَ تیرگْواری ءُ زوراکی کنت۔
جارکش ءَ گْوشتگ بلوچستان لبریشن فرنٹ اے اُرش ءِ زمہ واری ءَ منّ ایت ءُ آجوئی جُھد ءَ داں منزل ءَ سرکنگ ءِ کول ءَ کنت۔
ھاران ءِ دمگ مسکان کلات ءَ دو مردمانی لاش دزکپتگ اَنت-
گیشیں اھوالانی رد ءَ ھاران ءِ دمگ مسکان کلات ءَ دو ژانگول کرتگیں لاش دزکپتگ اَنت کہ آ تیرگواری کنگ ءُ کشگ بیتگ اَنت ءُ ھردوکیں لاش کوھن اَنت ءُ سول ھسپتال ھاران ءَ برگ بیتگ اَنت-
ھاران انتزامیہ ءِ رد ءَ بنداتی اھوالاں ھردوکانی سیادی اَچ سندھ ءَ اِنت بلے گیشیں پٹ ءُ پول کنگ ءَ اِنت-
انسانی ھکانی گل رپیک اومان ءِ بیگواھی ءِ ھلاپ ءَ وتی توار چست بہ کن اَنت کہ سالانی سال اِنت بیگواہ اِنت جنک ءِ لوٹ
تربت پریس کلب ءَ پریس کانفرنسے ءِ وھد ءَ اسکول ءِ بیگواھیں استاد رپیک اومان ءِ جنکاں لوٹ کتگ کہ 10 سال اِنت کہ بیگواہ اِنت رپیک اومان ءِ پٹ ءُ پول نہ کنگ ءِ ھلاپ ءَ انسانی ھکانی گل وتی توار ءَ چست بہ کن اَنت۔
رپیک اومان ءِ چکاں گشت کہ مرچی 10 سال بیت کہ رپیک اومان بیگواہ بوتگ بلے انگت ءَ آئی ءِ بابت ءَ ھچ وڑیں وشیں ھال دیگ نہ بوھگ ءَ انت آھاں گیش گشتگ کہ ھدا ءَ مارا رپیک اومان ءِ درآیگ کنگ ءَ چہ اے دراجیں آزار ءَ رکینتگ یا آ بہ بنت۔ آمید گس ءَ پیش کنگ بوتگ۔
بیگواھیں اسکول ءِ استاد رپیک اومان ءِ چُکاں گْوشتگ کہ ما وت ھم نہ زان ایں کہ آ زندگ اِنت یا نہ اِنت۔
آئی ءَ گیش گْوشت کہ سرکار ایشاں زوت پچ بہ کنت ءُ انسانی ھکانی گل ایشانی پچ گرگ ءِ واست ءَ توار چست بہ کن انت پریس کانفرنس ءِ وھد ءَ بیگواھیں سنگت ءِ کسانیں جنک چہ گم ءَ بے ھوش بوتگ۔
یات بہ بیت کہ 21 ستمبر 2014 ءَ چہ وتی سرکاری کاراں تربت ءَ واتر بوگ ءِ وھد ءَ اسکول ءِ استاد رپیک اومان پاکستانی لشکر ءُ انٹیلی جنس ادارھانی دست ءَ دزگیر کنگ بوتگ ءُ ناشناسیں جاھے ءَ دیم دیگ بوتگ، چہ ھما وھد ءَ آ راج ءِ دیم ءَ گندگ نہ بوتگ۔
رپیک اومان ءِ زوراکیں بیگواہ کنگ ءَ پد آئی ءِ کھول ءُ چُکاں باز رند ءَ زھرشانی کتگ بلے دہ سال ءِ گوزگ ءَ پد ھم رپیک اومان راج ءِ چماں نہ اتکگ۔
روکپتی بلوچستان ءِ دمگ نوبندیان ءَ ایرانی لشکر ءَ یک رھگوزی گاڑی یے سر ءَ تیرگواری کتگ ءُ چریشی ءَ گاڑی ءَ سواریں یک مردمے بیران ءُ گاڑی یے ڈرائیور دزگیر کنگ بیتگ-
اھوالانی رد ءَ بیران بیتگیں مردم ءِ پجار امیر اھمد سارانی پنام ءِ گپران ء عبداللہ ءُ دزگیر کتگیں مردم ءِ پجار ھبیب سارانی ء سیدا ھمد ھردوک زابل ءِ جھمنند اَنت-
اھوالانی رد ءَ ھردوک مشھد ءَ وتی سیادانی گند ءُ گدار ءَ پد زابل ءَ روگ ءَ بیتگ اَنت ایرانی پولیس پورسز پراجا ءَ ابید ءِ دارگ ءَ گاڑی ءِ سر ءَ شک ءِ بنیاد ءَ تیرگواری کتگ ءُ یک مردمے کشتگ-
اھوالانی رد ءَ کُشگ بیتگین مردم ءِ لاش چِست کنگ ءَ سردھانہ ءَ برگ بیتگ ءُ آئی ءِ کھول ھال دیگ بیتگ-
بلوچستان ءِ دمگ کیچ تمپ، کلبر ءَ پاکستانی پوج لشکر کشی کنگ ءَ اِنت-
دمگی اِھوالکار رِد ءَ نیمروچ ءِ یک ءَ پوجی ھیلی کاپٹر دمگ ءَ سر بیتگ اَنت کہ آیانی بُرز بال برجاہ ءَ اِنت-
پاکستان پوج ءِ مزنیں کچے ءَ سُر پراں گندگ بیتگ اَنت- واکدار ءَ انگت اے درگت ءَ ھچ وڑیں درشان شنگ نہ کتگ-
زانگ بہ بیت بلوچستان ءِ جتاجتائیں دمگاں لشکر کشی برجاہ کتگ، گوستگیں روچاں بولان ءُ آئی ءِ ھمگرنچیں دمگاں مزنیں کچے ءَ لشکر کشی کنگ بیتگ-
ھمے وڑ کلات ءُ مستونگ ءَ ھم لشکر کشی ءِ تہ ءَ اِنت-
اشی ءَ ساری پاکستان پوج ءَ کلات ءِ دمگ لشکر کشی ءِ میان دو مردم جنگ ءِ ٹاہ داتگ کہ پد ءَ دروگ پدر بیتگ-
ذاکر دشتی ءِ یل نہ کنگ ءِ ھلاپ ءَ کھول ءِ نندانک داتگ سی پیک شھدگ مروچی دومی روچ ءَ ھم بندیں-
گیشیں ھالانی رِد ءَ بلوچستان ءِ دمگ چہ پنجگور ءَ بیگواہ کنگ بیتگیں ذاکر دشتی کھول ءَ آئی ءِ یل نہ کنگ ءِ ھلاپ ءَ سی پیک دگ سر ءَ نندانک دومی روچ ءَ ھم برجاہ ءَ اِنت چریشی ءِ سبب ءَ گاڑیانی روگ آیگ مھتل بیتگ-
بیگواھیں ذاکر دشتی ءِ کھول ءَ سرادک ءِ ھند سر ءَ سی پیک دگ ھرچ روگ ءُ آیگ ءِ واستا بند کتگ، کھول ءَ ذاکر دشتی ءِ یل نہ کنگ ءِ لوٹ کتگ-
ھمے درگت ءَ زالبول ءُ زھگ ھم ھوار اَنت، کھول رِد ءَ ذاکر دشتی سے روچ ساری سلاہ بندیں مردماں آوار جتگ اَت انتزامیہ ھما روچ ءَ چہ بے تواری زرتگ ءُ ھچ وڑیں پسّہ دیگ ءَ نہ اِنت-
کھول ءَ گْوشتگ اگاں ذاکر دشتی یل کنگ نہ بیت وتی زھرشانی ءَ تُرند کن ایں-
