مئے بلوچ راج چون پشت کپتگ؟
نبشتہ کار: مھروان بلوچ
دی بلوچستان پوسٹ
وتی سر ڈگار ءِ سر ءَ نشت نہ کن انت۔ وتی جاگہ اِش یل کُتگ اَنت۔ وتی مات، پِت ءُ گوھار یل کتگ اَنت، پہ وتی سر زمین ءِ واست ءَ شتگ اَنت۔ گُڑا لازم اِنت مئے بلوچ کوم وتی براتاں کُمک بہ کن اَنت۔ گِند ئے ایشاں مئے روژنائیں باندات ءِ واست ءَ وتی جاگہ اِش یلہ کتگ انت۔ یک جاھے جرنل اسلم گُش ایت “مارا شوک نیست کہ ما تُپنگ بڈ ءَ کُتگ”-
مئے بْرات کوھانی تہ ءَ نشتگ اَنت ءُ پہ مئے واست ءَ شُد ءُ لاپ اَنت، گوھریں شپاں آ وتی زند ءَ گوازینگ ءَ اَنت۔ بلے مئے بلوچ انگت ھمے پاکستان ءِ جاسُوس ءُ کاسگ چٹّ اِنت۔ اے ھچ سرپد نہ اَنت کہ ھمے ووٹ پنڈوک مارا ھچ نہ دے اَنت بلے بژن اِنت کہ انگت بلوچ کوم ھمیشانی دُمب ءَ کپتگ پمیشکا گوں شما دزبندی اِنت کہ وتی براتاں کُمک بہ کن اِت۔ ھمے برات مئے واست ءَ کوہ ءُ گراں تُن ءُ شُد سگگ ءَ اَنت۔
گِند ئے سردار مئے واست ءَ ھچ نہ کن اَنت۔ آ تھنا یک روچے کا اَنت ءُ تئی کِرّ ءَ لھتیں دروگ بند اَنت کہ من شمئے میتگ ءَ وانگجاہ دے آں، نادْراھجاہ دے آں۔ شُمارا چیزے لوٹ ایت مئے سردار ءَ پون کن اِت کہ شمئے واست ءَ من ھست آں۔ مئے بلوچ کوم ھمیش اِنت، گُش ایت بس ترا ووٹ دیاں، سردار ووٹ گپت ءُ مئے بلوچ کوم ءِ دپ پچ اِنت۔
باید اِنت وتی سر ڈگار ءِ سر ءَ کار بہ کن اِت۔ اِے جنگ ءَ سک دیر اِنت کہ مئے بلوچ کوم ءِ راجی آجوئی ءِ جنگ اِنت۔ اگاں دگہ ملکے بوتیں دیری یل اِش دات بلے مئے بلوچ کوم جنگ انچو داشتگ کہ دگہ ملک ءُ مردم گُش انت من وت آجو کناں۔ مئے بلوچ گُش ایت من وتی ملک انت دگہ ملک ءَ نیلّ ایں۔ دگہ ملک ءِ مردم آجو بہ کن انت مئے گریباں ھچ ھال نہ رس ایت۔
البت مئے سر زمین یک وھدے الّم آجو بیت اِنت۔ مرچیگیں جنگ ءَ پاکستان مئے براتاں بیگواہ کنت، باید اِنت مئے بلوچ کوم وت ءَ دُور مہ دار ایت۔ اگاں شما وت ءَ دور دار اِت گُڑا پنجابی مئے سر ءَ گیش زوراکی کن اَنت پرچاکہ پنجابی ءَ شما انچیں درد بدے اِت داں زندگ اِنت یات بہ کن انت۔
مئے برات ھمے وڑ ءَ وتی جنگ ءَ برجاہ بہ کن انت ءُ کل تپاک بہ بہ ات آجوئی کل بلوچ ئیگ انت۔
شالا بلوچ راج یکجاہ، ھمدست ءُ ھمکوپگ بہ بات ءُ مئے وتن آجو بیت انت۔۔ انشاءاللّہ
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
