TBP Balochi

کتاب : زالبول ءُ خاندان

چمشانک: منیره بلوچ

دی بلوچستان پوسٹ

اے کتاب زالبول ءُ آئی ءِ کھول لیون ٹراٹسکی ءَ نبشتہ کُتگ ءُ ریاض کشمیری ءَ اُردو زبان ءَ رجانک کُتگ۔ لیون ٹراٹسکی روسی انکلاب ءِ یک ھاسیں راھشونے بوتگ ءُ سوشلسٹ لیکہ (نظریہ) ءِ منّوگرے(حمایتی) بوتگ۔

زالبول ءُ ھاندان 1920ءِ دھک ءَ نِبشتہ کنگ بوتگ ءُ اے روسی انکلاب ءَ پد ءِ دور اَت اے وھد ءَ بالشویک پارٹی اقتدار ءَ بیت ءُ چاگرد ءِ تہ ءَ بُنکی بدلی ءِ جھد برجاہ بیت۔

لیون ٹراٹسکی ءِ کتاب زالبول ءُ ھاندان ءِ تہ ءَ زالبول ءِ ھک ءُ ھاندان ءِ کرد ءُ سوشلسٹ لیکہ (نظریہ) رُژناھی ءَ زالبول ءِ جاورانی سر ءَ سرجمیں تْران ءُ باوستے کنت، ٹراٹسکی روایتی ھاندان ءِ پدمنتگیں راھبند ءِ سر ءَ نگد کنت ءُ گش ایت کہ اے سرمایہ داری ءُ پدرشاھی زوراکی ءَ مھکم کن انت۔

آ زالبولانی آجوئی، مالی آجوئی ءُ زند ءِ دراھیں تک ءُ پھناتانی تہ ءَ برابری ءِ ھاتر ءَ سوشلسٹ بُنھشت ءِ سر ءَ زور دنت-

ٹراٹسکی ءَ زالبولانی آجوئی ءُ مالی وت واجھی ءِ سر ءَ زور دنت ءُ گش اِیت کہ زالبولانی راستیں مالی آجوئی ءَ اَبید نامینگ نہ انت۔

زالبولاناں ھم ھما موہ ءُ پکار دیگ بہ بنت کہ مردیناں دیگ بیت دانکہ آ مالی رد ءَ آجو بہ بنت۔ آ ھاندان ءِ روایتی کرد ءَ چیلنج بہ کنت ءُ گش اِیت کہ سوشلسٹ چاگرد ءِ تہ ءَ ھاندان ءَ را نوکیں رنگے ءَ جوڑ کنگ لوٹ اِیت۔

ٹراٹسکی ءِ رِد ءَ روایتی ھاندان ءِ تہ ءَ زالبولاناں گیشتر لوگی ذمہ واری ءِ کوپک ءَ انت ، آ گش اِیت ریاست یک انچیں نزامے جوڑ بکنت کہ آئی ءِ تہ ءَ لوگی کارانی ذمہ واری یکجاہ کنگ بہ بنت چوشکہ لس مھلوکی وردن ءُ وراک ءِ بُنجاہ چاہلڈ کئیر ادارہ ءُ دگہ بازیں انچیں ادارہ ، ٹراٹسکی ءِ رِد ءَ چکانی رکینگ ءِ زمہ واری ایوک ءَ مات ءُ پت ءِ نہ انت بلکیں ریاست ءَ چکانی چار ءُ گزار ءُ آیانی وانگ ءُ زانگ ءِ ھاتر ءَ ادارہ جوڑ کنگی انت دانکہ چُک شرتر دیمروی کُت بہ کن انت-

ٹراٹسکی زالبولانی سیاسی بھرزوری ءَ ھم ارزشت دنت، آ گش ایت وھدیکہ زالبول سیاست ءِ بھر مہ بنت گڑا چاگرد ءِ تہ ءَ انساپ ءُ برابری ھم ممکن نہ بیت۔

ٹراٹسکی زالبولانی سیاسی بھرزوری ءَ ھم ارزشت دنت، آ گش اِیت کہ وھدیکہ زالبول سیاست ءِ بھر مہ بنت گڑا چاگرد ءِ تہ ءَ انساپ ءُ برابری ھم ممکن نہ بیت۔
ٹراٹسکی اے کتاب ءِ تہ ءَ کانونی پھریز ءُ دود ءُ ربیدگی بدلی ءِ سر ءَ ھم زور داتگ، آئی ءِ گشگ انت کہ زالبولانی آجوئی ءِ ھاتر ءَ چاگردی لیکھانی تہ ءَ بدلی المی انت، ءُ زالبولانی ھکانی رکینگ ءِ ھاتر ءَ برابری ءِ پکار ءِ ھاتر ءَ ءُ جنسی آزار ءُ اذیت ءِ ھلاپ ءَ کانود، ءُ زالبولانی مزدوریءِ ھاتر ءَ تْرندیں کانود جوڈ کنگ المی انت۔

اے کتاب زالبولانی ھکّانی سر ءَ یک سرجمیں کتابے کہ آ زالبولانی جیڑھاں چست کنت ءُ سوشلسٹ نظریہ ءِ رژناھی ءَ گیش ءُ گیوار کنت، اے کتاب مروچی ھم ھمینچو ارزشت دار اِیت پرچا کہ زالبولانی ھک ءُ چاگردی انساپ ءِ ھاتر ءَ جھد کنوکیں مردمانی واست ءَ اے یک رھشون ئِے بوت کنت۔

روکپتی بلوچستان ءِ بنجاھی شھر زاھدان ءَ ناشناسیں مردماں تیرگواری کنان ءَ یک مردمے کُشتگ ءُ دو زدگ کتگ اَنت-

گیشںیں اھوالانی رد ءَ زاھدان ءَ ناشناسیں مردم یک گاڑی یے سر ءَ تیرگواری کتگ کہ چریشی ءَ یک مردمے ھما جاہ ءَ بیران بیتگ ءُ دو زدگ بیتگ اَنت-

کشگ بیتگین مردمانی تہ ءَ یکے چہ تبلیغ جمائت ءَ بندوکیں مردمے بیتگ-

بیران بیتگیں مردم ءِ پجار شست ءُ ھشت سالی ئین جلال مھمدانی ء یوسف ءِ نام ءَ زانگ بیتگ-

زدگ بیتگینانی توک ءَ یک کشگ بیتگیں مردم ءِ براتزتک اِنت ءُ دومی گاڑی ءَ سواریں مردمے ھوار بیتگ-

بیران ءُ زدگ بیتگیں مردمانی سیادی زاھدان ءَ اِنت-

پیش اتکگیں وئیل ءِ بارو ءَ دگہ گیشین سرپدی نہ بیتگ اَنت – زاھدان ءَ ھوار روکپتی بلوچستان ءِ دگہ ھند ءَ جاھاں اے دابیں وئیل یکشل ءَ پیش آیگ ءَ اَنت-

بلوچستان ءِ دمگ پنجگور ءَ پاکستانی پوج ءَ دو برات آوار جنگ ءَ پد بیگواہ کتگ اَنت-

بیگواہ کنگ بیتگیں مردمانی پجار صابر نور ءُ عابد نور کہ ھردوک نور مھمد ءِ چک اَنت-

گرگ بیتگین ھردوکیں برات مروچی سھب ءَ پاکستانی پوج ءَ چتکان تار آفس ءَ آوار جتگ ءُ برتگ اَنت-

روکپتی بلوچستان ءِ جتا جتائیں ھنداں ایرانی لشکر ءِ گوستگیں روچ ءَ سَے اُرش کنگ بیتگ اَنت- اُرش ھاش ءُ ایرانشھر ءُ ھیرمند ءَ کنگ بیتگ اَنت کہ اود ءَ سلاہ بندیں مردماں ایرانی لشکر ءِ چیک پوسٹ نشانگ کتگ اَنت-

اے اُرشانی توک ءَ دو اُرشانی زمہ واری روکپتی بلوچستان ءَ ھستیں سلاہ بندیں گل جیش العدل ءَ وتی ٹیلی گرام چینل ءَ زمہ واری من اِتگ اَنت-

جیش العدل ءَ گوشتگ گوستگیں ھاش ءَ ایرانی لشکر ءِ کارمند رامین ولایتی تیرگواری کتگ ءُ کشتگ – ایشی ءَ ابید آئی ءَ ایرانشھر ءَ ھم چیک پوسٹ ءِ سر ءَ بیتگیں اُرش ءِ زمہ واری من اتگ-

ایشاں ابید گوستگیں شپ ءَ ھیرمند ءَ ھم ایرانی لشکر ءِ چیک پوسٹ ناشناسیں مردماں نشانگ کتگ بیتگ-

گوستگیں لھتے روچانی توک ءَ روکپتی بلوچستان ءَ ایرانی لشکر ءِ سر ءَ اُرشانی توک ءَ گیشی اتکگ اَنت-

روکپتی بلوچستان ءِ دمگ ھاش ءَ ایرانی لشکر ءَ تیرگواری کتگ ءُ یک مردمے کُشتگ-

گیشیں اھوالانی رد ءَ گوستگیں روچ ءَ ایرانی لشکر ءَ تیرگواری کتگ ءُ فرامرز شھنوازی ء نور مھمد جھمنند آزاد آباد ھاش کشتگ-

اھوالانی رد ءَ فرامرز وتی لوگ ءَ درکپتگ ءُ روگ ءَ بیتگ کہ اود ءَ آئی ءِ گاڑی ءِ سر ءَ تیرگواری کنگ ءُ آ کشگ بیتگ-

گوست ءَ ھم ایرانی لشکر ءِ نیمگ ءَ چوشین وئیل دیم ءَ اتکگ بیتگ اَنت –

سید زھور شاہ ھاشمی ریفرنس لائبریری ملیر ایکسپریس وے نشانگ تہ ءَ اِنت، ملیر ءِ کشت ءُ کشاریں ڈگارانی تباہ ءُ سیل تلانی ءِ جیڑھانی سر ءَ مراگش کنگ بیتگ-

مراگش تہ ءَ ترانکاراں تران ءُ سوجانی سر ءَ چمشانکے ءَ کولبند منگ بیتگ کہ ملیر قائد آباد پُھل سر ءَ جوڑ بیوکیں انٹر چینج ءِ ڈیزائن مٹ کنگ دمگی میتگاں ھوار سید زھور شاہ ھاشمی ریفرنس لائبریری رکینگ بہ بیت-

وھدے کہ ملیر کور ءَ بندوبست دلجمی بدے اَنت- ءُ دمگی مردمانی زمینان ملیر ایکسپریس وے نشانگ ءَ چہ بہ رکین اَنت-

پیش کنگ بیتگیں کولبند تہ ءَ مان اِنت کہ کوھنیں کبرستان ءُ راجدتپری ءُ دود ربیدگی جاھاں پروشگ ءَ پھریز بہ کن اَنت-

لوٹانی لائبریری کمیٹی ءِ سیکریٹری ایڈوکیٹ عمران بلوچ ءَ پیش کتگ ءُ تراکنکارانی تہ ءَ سلمان بلوچ، عظیم دھکان، کلیم اللہ لاشاری، عثمان بلوچ، ذوالفقار علی بھٹو جونیئر، پروفیسر رمضان بامری ءُ دگہ ھوار بیتگ اَنت – کامریڈ حفیظ بلوچ ءَ سروکی کتگ-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں زورگریں پاکستانی پوج ءِ ٹریکٹر ٹرالی انجن ءُ ٹائرانی سر ءَ تیرگواری کتگ ءُ آ ناکارہ کتگ اَنت-

جارکش ءَ گْوشتگ کہ بیست ھپت ستمبر ساھت دوازدہ ءَ آدینگ روچ ءَ مند بلوچ ءُ مبارک چات میان ءَ میر باغ ھند سر ءَ کاروائی کتگ-

جارکش ءَ گوشتگ کہ تباہ کتگیں ٹریکٹر ءِ سر ءَ پاکستانی پوج سیمنٹ ءُ راش لوڈ کتگ بُنجل ءَ برتگ اَنت- سرمچاراں وھدے ٹریکٹر سر ءَ تیرگواری کتگ اے وھد ءَ بُنجل ءِ جوڑ کنگ ھاتر ءَ ٹریکٹر سر ءَ سیمنٹ ھم لوڈ بیتگ اَنت-

جارکش ءَ گوشتگ بلوچستان لبریشن فرنٹ اے اُرش زمہ واری ءَ منّ اِیت ءُ زورگریں پوج ءِ دراھگ ءَ تاں اُرش کنت-

یک تاسے آپ سد سال ءِ وپا

نبشتہ کار: جاپر مراد پرومی

دی بلوچستان پوسٹ

متلب ایش انت کہ اگاں یک مردمے گوں تو کسانیں نیکی یے بہ کنت، ترا تاسے آپ وارین ایت گُڑا تو دانکہ زندگ ئے گوں آ مرد ءَ یا گوں آئی ءِ چُک ءُ نماسگاں شری بہ کن۔

اگاں من ءُ تو کمو بچار ایں کہ مئے زند ءِ تہ ءَ پہ ما چہ درستاں گیشتر نیکی کے ءَ کتگ؟ چہ مات ءُ پتاں ھم گیشتر، چہ جن ءُ چکاں گیشتر گڑا پسو ایش انت کہ مستریں نیکی ھُدا پاک ءَ کتگ کہ آئی ءَ من ءَ ءُ ترا چہ وتی گنجیں مھلوک ءِ تہ ءَ دْرچ اتگ ءُ انسانے جوڑ کتگ۔ اے ھم چارگی انت کہ اگاں مرچی تو انسانے مہ بوتیں ￶دگہ مھلوکے بوتین ئے گڑا تئی دست ھچ ءَ نہ رس اتگ اَت بلے ھُدا پاک ءَ ترا انسانے جوڑ کتگ ءُ یک مزنیں شرپے بکش اتگ، پد ءَ انسان ءِ جوڑ کنگ ءَ پد ترا اے ھم توکل ئِے￸ داتگ کہ تو اسلام کبول کتگ۔

اگاں ناں ھزاراں مردم ھست تئی وڑیں انسان انت بلے تھاریانی تہ ءَ انت انچوش نازانت ءُ ناسرپد انت کہ سنگ ءُ ڈوکانی دیم ءَ جُک اتگ انت ءُ وتی رودینوک اش بیھال کتگ۔

انوں گپ ءِ متلب ایش انت کہ ھُدا پاک ءَ پہ تو سک باز نیکی کتگ ترا سک باز نیامت داتگ اے چم ءُ گوش، اے اگل ءُ ھوش اے درست ترا ھُدا پاک ءَ داتگ انت ءُ آئی ءَ چہ تو یک کسانیں چیزے لوٹ اتگ کہ تو تھنا آئی ءِ ابابت ءَ بہ کن ءُ بس تو پنچ وھد ءَ نماز بہ وان، اللہ پاک ءَ انچو نیامت داتگ ءُ چہ تو پنچ وھد ءِ نماز ءَ لوٹگ ءَ انت۔

تو انگت تیار نہ ئے گڑا بزاں کہ تو وپاداری کنگ ءَ نہ ئے پنچ وھد ءِ نماز روچے زور بہ جنت بیست ملٹ ءَ گیش نہ بیت۔ گڑا اے گونڈیں کار آئی ءِ داتگیں وشیانی دیم ھچے نہ انت۔ گڑا من ءُ تو باید انت اے گونڈیں کار ءَ یلہ مہ کن ایں پرچاکہ ایشی ءِ کنگ ءَ پد ترا ایشی ءِ مُز ھم رس ایت ءُ آ مُز بھشت انت.

گوادر ءِ کوھی درچ سیائیجی ءُ ھمگرنچیں دمگاں مزنیں کچے ءَ پاکستانی پوج ءِ لشکر کشی برجاہ-

دمگی اِھوالکار رِد ءَ سیائیجی ءَ چہ ھمگرنچیں دمگاں دورو کنڈگ، کڈان، دروار ءِ دمگاں مزنیں کچے ءَ پاکستان پوج ءِ کارمند سر پُر کنگ ءَ اَنت-

اِھوالکار ءَ گْوشتگ کہ پوج ءَ راہ در بستگ اَنت روگ ءُ آیگ ءَ پابندی جتگ چریشی ءِ سبب ءَ دمگ مردم دلسیاھیانی دیمپانی کپگ ءَ اِنت-

پاکستانی واکدار ءَ اے درگت ءَ ھچ وڑیں درشان شنگ نہ کتگ-