TBP Balochi

روکپتی بلوچستان ءِ جتا جتائیں جاھاں ایرانی لشکر ءِ سر ءَ ناشناسیں مردماں اُرش کتگ اَنت- دومی نیمگ ءَ اُرشانی زمہ واری جیش العدل ءَ من اتگ اَنت-

اھوالانی رد ءَ ناشناسیں سلاہ بندیں مردماں ایرانی بسیج ءِ سر ءَ اُرش کتگ ءُ چار کارمند کشتگ ءُ یکے زدک کتگ اَنت-

کشگ بیتگیں کارمندانی پجار پرویز عبداللہ، سید جواد، مجیب بلوچی ءُ یوسف شیرانی ءِ ناماں زانگ بیتگ اَنت-

دومی نیمگ ءَ اے اُرش ءِ زمہ واری روکپتی بلوچستان ءَ ایرانی لشکر ءَ نشانگ کنوکیں گل جیش العدل ءَ زمہ واری من اتگ اَنت-

ایشاں ابید جیش العدل ءَ وتی ٹیلی گرام چینل ءَ دگہ دو جاہ ھاش ءُ جکیگور ءَ ایرانی لشکر ءِ سر ءَ اُرشانی زمہ واری ھم من اتگ اَنت-

جیش العدل ءَ گوشتگ ھردوکیں اُرشاں بازیں کارمند کشتگ ءُ زدگ کتگ اَنت-

آئی ءَ گوشتگ بلوچستان مجرمانی واستا یک مھکمین جاھے جوڑ بوت نہ کنت اِنت-

ھاران ءَ بیگواھیں مردمانی یل کنائینگ ھاتر ءَ مروچی پنچمی روچ ءَ ھم برجاہ ءَ اِنت وھدے کہ مروچی ھاران ریڈ زون ءَ چہ زھرشانی ئیں روانکے ھم کشگ بیتگ-

مروچی زھرشانی روانک ءَ زالبول ءُ چکانی مزنیں کچے ءَ مردماں بھر زرتگ زورانسری آوار جنی ءِ ھلاپ ءُ بیگواھیں مردمانی یل کنائینگ ھاتر ءَ تُرندیں ناراہ جتگ اِت-

زانگ بہ بیت کہ چہ ھاران بازار ءَ پاکستانی پوج دست ءَ زورانسری بیگواھیں ھاران ءِ جھمنند تاجر امان اللہ محمد حسنی ءُ کلی جنگل رحمت اللہ ء امین اللہ، ارشاد احمد، داؤد ء زورانسری بیگواھی ءِ ھلاپ ءَ کھول ءَ ھاران ریڈ زون مسنگ پرسنز چوک سر ءَ مروچی پنچمی روچ ءَ ھم زھرشانی ئیں نندانک دیگ ءَ اَنت-

زی بلوچستان ءِ دمگ چہ پنجگور ءَ بیگواہ کنگ بیتگیں دوئیں براتانی یل کنائینگ ھاتر ءَ نندانک دومی روچ ءَ ھم برجاہ ءَ اِنت-

اے وھد ءَ نندانکجاہ ءَ مزنیں کچے ءَ زالبول ءُ زھگاں ھوار مزنیں کچے ءَ ساڑی اَنت وھدے کہ دگ بند بیگ سبب ءَ دوئیں نیمگاں گاڑیانی دراجیں لین لگ اِتگ-

کھول ءِ گوشگ اِنت کہ دانکہ آیانی دوستاناک یل کنگ نہ بنت ھمے وڑ نندانک برجاہ بیت-

زانگ بہ بیت کہ زی سھب شش ءَ پاکستانی پوج ءَ پنجگور ءِ دمگ تار کارگس ءَ بیڑبرتگ دو برات صابر نور ءُ عابد نور زورانسری آوار جنی ءَ پد ناشناسیں جاھے ءَ برتگ اَنت چریشی ءَ پد دوئیں برات بیگواہ اَنت-

کھول نیمگ ءَ چہ پریس کانفرنس ءَ چہ انتزامیہ ءَ دو بج ءَ وھد داتگ چریشی ءَ دوئیں برات یل کنگ نہ بیت اَنت وھدے کھول ءَ زھرشانی کنان ءَ سی پیک دگ بند کتگ ھرچ وڑیں روگ آیگی واستا بند کتگ-

روکپتی بلوچستان ءَ بندوکیں دو مردم جتا جتائیں بندیگیاں ایرانی آمیدگس ءِ ھکم ءَ پاھو دیگ بیتگ اَنت-

سر بیتگیں اھوالانی رد ءَ سراوان بندیگ جاہ ءَ یک بندیگیں مردمے پاھو دیگ بیتگ –

پاھو دیگ بیتگیں مردم ءِ پجار رشید سپاھی ء نصر اللہ جھمنند جالق سراوان ءَ نام ءَ زانگ بیتگ-

اھوالانی رد ءَ رشید چار سال پیش نشہ واپاری ءِ بھتام ءَ سراوان ءَ گرگ بیتگ ءُ اود ءَ انکلاب ءِ دادگاہ ءَ آئی ءِ سر ءَ پاھو دیگ ءِ ھکم داتگ بیتگ –

اھوالانی رد ءَ گوستگیں روچ ءَ رشید ءَ وتی کھول ءِ مردماں گڈی گندوک کتگ بیتگ-

ھمے ڈول اچ زھک ءَ سیادی داروکیں مردمے پاھو دیگ بیتگ-

آئی ءِ پجار دستگیر ساسولی ء دینار جھمنند زھک ءِ نام ءَ زانگ بیتگ- اھوالانی رد ءَ دستگیر پنچ سال پیش نشہ واپاری ءِ بھتام ءَ گرگ بیتگ ءُ سمان دادگاہ انکلاب ءَ آئی ءِ سر ءَ پاھو ءِ ھکم داتگ بیتگ-

اھوالانی رد ءَ دستگیر ءِ کھول ءِ مردماں گڈی دیدار آئی ءِ گوستگیں روچ ءَ کتگ بیتگ-

زانگ بہ بیت روکپتی بلوچستان ءَ بازیں کچے ءَ مردم نشہ واپاری ءِ بھتام ءَ گرگ ءُ پاھو دیگ بوگ ءَ اَنت- بلے سیاسی پھناتانی گوشگ اِنت اے مردماں آمیدگساں وتی موکل ءِ سپائی دیگ ءَ موہ دیگ بوگ ءَ نہ اَنت-

بلوچستان ءِ دمگ کیچ ءَ ناشناسیں سلاہ بندیں مردماں پاکستانی پوج ءِ بُنجل سر ءَ اُرش کتگ-

پوج ءِ بُنجل تمپ رودبن ھند سر ءَ نشانگ کنگ بیتگ-

دمگی اِھوالکار ءَ راست کتگ گْوشتگ کہ دمگ ءَ تُرندیں تیرگواری ءُ تراکانی توار اش کنگ بیتگ اَنت-

اُرش ءِ درگت ءَ سرکاری واکدار نیمگ ءَ ھچ وڑیں درشان شنگ کنگ نہ بیتگ-

زانگ بہ بیت کہ اے دمگ ءَ بلوچ آجوئی لوٹوکیں سلاہ بندیں گل پُرکار اَنت اُرش زمہ واری انگت ھچ گل ءَ نہ زرتگ-

بلوچستان ءِ تیاب دپی شھر پسنی ءَ سلاہ بندیں پرپٹ سواریں ناشناسیں سلاہ بندیں مردمانی تیرگواری ءَ چہ دو شھر ٹپی بیتگ اَنت، یکے ءِ جاور نگیگ گوشگ بیگ ءَ اِنت-

گوشتگ بیگ ءَ اِنت کہ ٹپی دودا ناصر زورانسری بیگواھی ءَ پد آجو بیتگ-

دودا ناصر ءُ ریاض نامیں مردم بنگلہ بازار ءَ ناصر سروس سر ءَ نندوک بیتگ اَنت کہ ناشناسیں پرپٹ سواریں مردماں آ نشانگ کتگ اَنت- تیرگواری ءَ چہ دوئیں سک ٹپی بیتگ اَنت آیانی تہ ءَ یکے جاور نگیگ اَنت دوئیں پاک اومان نادُراھجاہ ءَ برگ بیتگ اَنت-

زانگ بہ بیت اشی ءَ ساری کیچ ءَ ھم پاکستانی پوج دست ءَ زورانسری آوار جنگ بیگ ءَ پد آجو بیتگین سر ءَ تیرگواری کنگ بیتگ اَت-

گیشیں ھالانی رِد ءَ ھب شھر ءِ نزیک ءَ بھوانی ءِ بازیں میتگانی مردم کہ آیانی تہ ءَ زالبول ءُ زھگ ھم ھوار بیتگ اَنت کہ دگانی سر ءَ درتکگ اَنت ءُ شاہ پمپ ءِ ھند سر ءَ شال، کراچی ءِ بُنجاھی شھدگ بند کتگ زھرشانی کتگ-

زھرشانی کنوکاں گوشتگ کہ پولیس ءِ سروکی ءَ یک سلاہ بندیں ٹولی یے گوستگیں باز ماھاں چہ محمد گوٹھ ءَ ھوار دگہ ھمگرنچیں گوٹھاں ڈگاراں کہ اود ءَ دھکاں چہ نندوکیں دمگی ٹکی گوٹھ میتگ سر ءَ ھمگرنچ اَنت آ ھالیگ کنائینگ ءُ آیانی سر ءَ دستیگ کنگ جھد ءَ اَنت ءُ ڈگارانی سر ءَ دستیگ کنگ ءُ آیاں تُرسینگ ءَ اَنت-

آیاں گْوشتگ کہ دمگ ءَ سلاہ بندیں ٹولی ءِ یک تُرسے جوڑ بیتگ ءُ چہ تُرس ءَ وتی لوگاں کپتگیں ما تُرس ءَ وتی چکاں وانگجاہ ءَ راھدات نہ کن ایں-

زھدشانی کنوکانی رِد ءَ گوستگیں روچ ءَ سلاہ بندیں ٹولی ءَ آیانی گوٹھ سر ءَ اُرش کتگ ءُ سلاہ لٹی ئیں مردماں آیانی سر ءَ لٹ کُٹ کتگ ءُ تیرگواری کتگ چریشی ءِ آسر ءَ دو مردم ٹپی بیتگ اَنت-

زھرشانی کنوکانی گْوشگ اِنت کہ ڈرگار ءِ دستیگ کنوکیں سلاہ بندیں ٹولی ءَ دمگی پولیس ءِ سروکی گون اِنت پولیس ءَ ھروچ شکایت کنگ ءَ ابید ھچ وڑیں گامگیج زیرگ نہ بیگ ءَ اِنت-

شھدگ سر ءَ زھرشانی ءِ سبب ءَ گاڑیانی دراجیں لین لگ اِتگ ءُ شھدگ سر ءَ سپر کنوک دلسیاھی ءُ سسّائی ازیت دیمپان اَنت-

زھرشانی ءَ چہ پولیس ءُ تھیسلدار ھب ءَ گپ دیوان ءِ جُھد کتگ گُڑا آیاں نہ منّ اِتگ ءُ پد اسسٹنٹ کمشنر ھب ءَ ھما دمان ءَ سر بیتگ زھرشانی کنوکاں گوں گپ دیوان کتگ-

اے سی ھب امیر حمزہ ءَ گْوشتگ کہ آئی ءَ زھرشانی کنوکاں آیانی ھکانی پھازگ ءُ اُرش ءَ ھمگرنچیں مردمانی ھلاپ ءَ کاروائی ءِ دلجمی داتگ بلے اے جاہ چار ءُ ٹپاس ءُ اسرکپتگین ءَ انساپ دیگ بنت-

اے زی ھب ءِ گپ دیوان ءُ انساپ دیگ ءِ دلجمی ءَ پد زھرشانی کنوکاں زھرشانی ھلاس کتگ-

بلوچستان ءِ دمگ کلات ءَ لوگ واجہ ناشناسیں سبب ءَ وتی لوگ بانُک گُٹ گپتگ ءُ کشتگ ھما دمان ءَ تچگ ءَ سوبمند بیتگ-

کلات پولیس رِد ءَ گوستگیں روچ ءَ کلات ءِ دمگ دشت مغلزئی ءَ عبدالرحمن ء عبید الحمید ٹک نیچاری ءَ ناشناسیں سببے ءَ وتی لوگ بانُک گُٹ گپتگ ءُ کُشتگ ءُ تتکگ – پولیس ءَ میاربار ھلاپ ءَ ایف آئی آر نکش کتگ میاربار ءِ پٹ پول بندات کتگ-

زانگ بہ بیت کہ گوستگیں روچاں کوھلو ءِ سب تھسیل سفید ءِ دمگ مخماڑ ءَ لوگ واجہ ءَ تپر سر ءَ وتی لوگ بانُک ءُ دو ماھیں چک ءِ مات کشتگ ءُ تتکگ-

مروچی چہ گوادر ءَ یک جنکے ءِ لاش دزکپتگ کہ آ کشگ بیتگ-

انسانی ھکانی باسکاں انتزامیہ ءَ گوں لوٹ کتگ کہ آ اے وئیلاں گامگیج بزور اَنت کُشکارانی ھلاپ ءَ ایف آئی آر نکش بہ کن اَنت زوت آیاں دزگیر بہ کن اَنت-

مرچی سھب ءَ بلوچستان ءِ پنجگور ءَ پاکستانی لشکر ءِ دست ءَ بیگواہ بوتگیں برات صابر نور ءُ عابد ءِ کھول ءَ زھرشانی کنان ءَ سی پیک ءِ راہ بستگ ۔

پنجگور ءِ دمگ ءَ سرادک زمزم ہوٹل ءِ سیاد ءُ وارسانی نیمگ ءَ سی پیک ءِ راہ بند کنگ بوتگ۔

مرچی پیسر ءَ ھاندان ءِ مردمانی نیمگ ءَ پریس کانفرنس ھم برجم دارگ بوتگ کہ اود ءَ آیاں انتظامیہ ءَ دو بج ءِ وھد داتگ کہ آ دوئیں براتاں یل بہ کن اَنت اگاں ناں زھرشانی ءِ رد ءَ سی پیک ءِ راہ بند کنگ بیت۔

زانگ بہ بیت اے برات مرچی سھب ءَ پنجگور ءِ دمگ تارافس ءَ پاکستانی لشکر ءَ بیڑ ءِ تہ ءَ دزگیر کُتگ اَنت۔

بلوچ اسٹوڈنٹس ایکشن کمیٹی نال ھنکین ءِ ￵نیمگ ءَ ￴مبارک قاضی ءِ ￵اولی سالروچ ءِ ￵درگت ءَ ￴آئی ءِ ￵یات ءَ ￴مراگشے برجم دارگ بیتگ۔ اے مراگش جتا جتائیں بھرانی تہ ءَ بھر اَت، جتائیں بھرانی تہ ءَ ￴تران، شئیر ءُ ￶شائری، ڈاکیومنٹری ءُ ￶دو چاپی ھوار بیتگ اَنت۔

شنگ بیتگیں درشان ءَ گوشگ بیتگ کہ مراگش ءِ بِندات چہ راجی سوت ءَ کنگ بوت۔ مراگش ءِ دیمتری بھر تْران اَت کہ سنگتاں جتا جتائیں بُن گپانی سر ءَ تْران کُت۔ ترانانی تہ ءَ مبارک قاضی ءِ زند ءُ آئی ءِ ￵ازم، بلوچ راجدوستی ھوار بیتگ اَنت۔ مراگش ءَ سنگت فرھان بلوچ، سنگت فراز بلوچ ءُ سنگت ریاض بلوچ ءَ ￴تران کُتگ۔

آئی ءَ گوشتگ مراگش ءِ دیمتری بھر ءَ مبارک قاضی ءِ زند ءِ ￵سرا گَل ءِ ￵نیمگ ءَ ￴چہ جوڈ بیتگیں ڈاکومنٹری ئے ھم پیش کنگ بوت۔ ایشاں ھوار مراگش ءِ ￵دیمتری بھر شئر ءُ ￶شائری اَت کہ جتائیں سنگتاں وتئ شئیر ونت اَنت۔ مراگش ءِ ￵گُڈی بھر دو چاپی اَت، مراگش ءِ سرجمیں بھرانی گوں دلجمی ءَ ￴ سرجم بیئگ ءَ ￴پد مراگش سوبمندی ءَ ￴گوں آسر کنگ بیتگ۔